STUKKEN, BETREFFENDE DE HANDELINGEN DER KERKVERGADERING TE BASEL IN DE UTRECHTSCHE ZAKEN. 1. Inlijving van Jo. Passert en Nic. de Trajecto in de kerkvergadering te Basel, 21 aug., 1432. In nomine Domini, amen. Anno a nativitate Domini millesimo quadringentesimo tricesimo secundo, indictione decima, die vero jovis, vicesima prima augusti, hora tertiarum vel quasi, pontificatus sanctissimi in Christo patris et domini nostri, domini Eugenii, divina providentia papae quarti, anno secundo, congregatoque et existente sacro generali concilio in civitate Basileensi juxta sacrorum Constantiensis et Senensis conciliorum, duorumque videlicet felicis) recordationis) domini Martini quinti, et praefati domini Eugenii, Romanorum pontificum, institutionem et approbationem, in sacrae generalis ipsius concilii congregationis, meique et aliorum ipsius sacrae synodi Basileensis notariorum praesentia constitutus honorabilis ac religiosus dominus Johannes Passer (!), prior monasterii ordinis canonicorum regularium sancti Augustini in Trajecto, dioecesis Trajectensis, ab ipsa sacra congregatione generali humili cum instantia petivit, se ad incorporandum ipsi sacro concilio Basileensi admitti et recipi. quidem petitioni reverendus in Christo pater, dominus Philibertus, episcopus Constantiensis, in provincia Rothomagensi, ex tempore ipsius sacri concilii praesidens nomine ipsius sacrae congregationis, more solito, duxit annuendum et supradictum Johannem Passer, priorem, me (diante) juramento sibi delato ac per incorporandos praestari solito, per ipsumque tactis scripturis sacrosanctis solempniter praestito, incorporavit, et tanquam incorporati, nomen ejus per nos notarios sacrae synodi inscribi mandavit. Cujus quidem domini praesidentis mandato humiliter parentes, ego Conradus Kuenlemensis subscriptus aliique ipsius synodi notarii, nomen dicti domini Johannis inscripsimus et intitulavimus, prout in actis ipsius synodi legitime constare dinoscitur. Insuper, anno, indict. et pont. quibus supra, die vero jovis, quarta mensis septembris, similiter in congregatione generali tenta et habita, in refectorio domus Cui fratrum praedicatorum Basileae, coram eadem et notariis supradictis constitutus honorabilis et religiosus dominus Nicolaus de Trajecto, professus supradicti monasterii ordinis canonicorum regularium sancti Augustini, Trajectensis dioecesis, humiliter etiam petivit, se ad incorporandum admitti. Cui sic petenti dominus episcopus praesidens supradictus, nomine, quo supra, annuendo, oblato sibi juramento tactisque per ipsum scripturis sacrosanctis praestito, ipsum incorporavit, et pro incorporato, modo, quo supra, inscribi mandavit. Cui quoque mandato similiter parentes, notarii supradicti nomen praefati domini Nicolai inscripsimus et intitulavimus, prout omnimodo in actis sacri concilii constat evidenter. Super quibus omnibus et singulis praemissis praefati, dominus Johannes Passer et Nicolaus de Trajecto, incorporati petiverunt, sibi unum vel plura publicum seu publica totque, quot fuerint necessaria, desuper confici instrumenta. Acta sunt haec Basileae, anno, diebus, horis, loco et pontificatu, de quibus supra, praesentibus inter alios reverendis in Christo patribus, dominis Allinganensi et Papiensi episcopis, testibus fide dignis et rogatis. Et ego Conradus Kuenlemensis de Diepping, baccalaureus in decretis, clericus Maguntinae dioecesis, sacra imperiali auctoritate ipsiusque sacrosanctae Basiliensis synodi notarius et scriba juratus, quia supradictorum dominorum petitioni, receptioni, incorporationi et juramenti praestationi aliisque praemissis, dum sic, ut praemittitur, fierent et agerentur, una cum praenominatis testibus praesens interfui, eaque sic fieri vidi et audivi, ideo ex manuali actorum ipsius sacri concilii per me concepto, praesens publicum instrumentum extraxi et confeci, scripsique et subscripsi nomine etiam et signo meis solitis et consuetis legaliter consignavi rogatus et requisitus in fidem et testimonium omnium praemissorum. 1 2. Bul der kerkvergadering te Basel, waarbij dezelve, sub poena excommunicationis, gebiet, zekere goederen, aan het capittel van S. Marie te Utrecht ontvreemd, aan hetzelve te restituéren, III. non. octo., 1434.1 Sacrosancta generalis synodus Basiliensis, in spiritu sancto unanimiter congregata, universalem ecclesiam repraesentans, dilectis ecclesiae filiis, sancti Martini Embricensis et sancti Adriani in Naeltwyck ecclesiarum, ac capell.. collegiatae beatae Mariae in Haga-comitis, Trajectensis dioecesis decanis ecclesiarum, salutem et omnipotentis Dei benedictionem. Justis supplicum votis libenter annuimus eaque favoribus prosequimur oportunis. Sane nuper gravi dilectorum ecclesiae filiorum, priorum monasteriorum ordinis sancti Augustini, in provincia Coloniensi constitutorum per priores gubernari solitorum, conquestione didicimus, quod nonnulli, quos ignorant, census, redditus et proventus, calices, libros, ornamenta, clenodia, ampullas, missalia, antiphonaria, gradualia, psalteria, casulas, pecunias, vestes, utensilia, suppellectilia, vasa aurea et argentea, literas, privilegia, instrumenta publica, volumina librorum, bona et res alias, ad dilectos ecclesiae filios, priorem et conventum monasterii beatae Mariae et sanctorum apostolorum Trajectensium ejusdem ordinis legitime spectantia, temere et malitiose occultare et occulte detinere praesumant, non curantes ea dilecto ecclesiae filio Balduino, priori dicti monasterii ac conventui praefatis exhibere, in animarum suarum periculum, ipsorumque prioris et conventus detrimentum, praejudicium non modicum, et gravamen ac scandalum plurimorum; super quo iidem priores a nobis remedium implorarunt. Nos igitur, praefatorum priorum et conventuum indempnitati succurrere volentes, ipsorum in hac parte supplicationibus inclinati, omnes et singulos hujusmodi rerum et bonorum ac aliorum occupatorum praedictorum detentores, per haec scripta requirimus, hortamur et monemus, ipsisque in vir tute sanctae obedientiae et sub excommunicationis poena districte praecipimus, ut infra duodecim dierum terminum, quem ipsis et eorum cuilibet pro omni dilatione et canonica monitione assignamus post nostrarum literarum per vos in ecclesiis et locis, ubi populi convenerit multitudo, faciendam eis publicationem immediate sequentium, ea omnia et singula praefatis Balduino priori et conventui monasterii Trajectensis restituant, et de eisdem plenam et debitam satisfactionem et restitutionem faciant et rependant, ac se de censibus, redditibus et proventibus hujusmodi ammodo (!), nequaquam intromittant, ceu ea habentes et detinentes restituant et nihilominus discretioni vestrae per cadem scripta mandamus, quatenus vos, el duo aut unus vestrum, postquam vobis constiterit, aliosque ex praedictis occasione praesentium excommunicationis sententiam incurrisse declaretis, sententiam ip exi sam incidisse, ac eos denuncietis et denunciari faciatis publice excommunicatos et ab aliis arctius evitari, nec non processus in praemissis habendos, quotiens expedierit,.... are curetis, et prout visum fuerit, eisdem Balduino priori et conventui in iis et circa ea juris auxilio succurratis; contradictores per censuram ecclesiasticam, appellatione postposita, compescendo; non obstante, si aliquibus communiter vel divisim a sede apostolica sit indultum, quod interdici, suspendi, excommunicari non possunt, per literas non facientes plenam et expressam, ac de verbo ad verbum de indulto hujusmodi mentionem. Datum Basileae, III. non. octobris, anno a nativitate Domini millesimo quadringentesimo tricesimo quarto. 3. Vonnis, gewezen door de kerkvergadering te Basel, in zake, tusschen Jo. Passert en 't capittel van S. Marie te Utrecht, 10 mart., 1436. Gloriosissimo et invictissimo principi et domino, domino Sigismundo, divina favente clementia Romanorum imperatori, ac Hungariae, Bohemiae, Dalmatiae, Croatiae, etc. regi, regnorum vestrorum felicis prosperitatis augmentum; nec non reverendissimis et, reverendis in Christo patribus et dominis, dominis, Dei et apostolicae sedis gratia, Maguntinensi, Treverensi et Coloniensi archiepiscopis, ac Leodiensi, Monasteriensi, Trajectensi et Cameracensi episcopis, eorumque et cujuslibet ipsorum in spiritualibus et temporalibus vicariis seu officialibus generalibus, ac venerabilibus et circumspectis viris, dominis curiarum camerae, sacrosanctae synodi seu concilii Basiliensis et apostolicae auditoribus generalibus, eorumque viceauditoribus seu loca tenentibus, universis et singulis, dominis abbatibus, prioribus, praepositis, decanis, archidiaconis, scholasticis, cantoribus, succentoribus, thesaurariis, custodibus, sacristis, tam metropolitanarum cathedralium, quam collegiatarum canonicis, parochialiumque ecclesiarum rectoribus seu loca tenentibus, eorundem plebanis, viceplebanis, capellanis, curatis et non curatis, tam saecularibus quam regularibus, clericis, notariis et tabellionibus, quibuscunque per civitates et dioeceses praefatorum dominorum archiepiscoporum et episcoporum, ac alias ubilibet constitutis ; nec non illustribus principibus et dominis, dominis Philippo, Dei gratia Burgundiae et Brabantiae, ac Arnoldo, Ghelriae, nec non Clivensi, Juliacensi et Montenensi ducibus, ac Flandriae, Ilannoniae, Hollandiae, Zelandiae, Marckensi, Morsensi, de Bentem et Verrenborch comitibus; nec non de Gaesbeeck, de Egmond, de Yselsteyn, de Culenborch, de Vianen, de Montforde, de Ileynsberch, de Horn, de Monte, de Bronchorst, de Ravensteyn et de Diest baronibus; ac dominis de Ghemen, de Alphen, de Batenborch, aliisque nobilibus dominis, judicibus, principibus, comitibus, saecularium (ribus), ac terrarum, villarum, civitatum, oppidorum, castrorum et universitatum quarumcunque dominis advocatis, capitaneis, magistris civium, scultetis, proconsulibus et consuli bus, civibus, oppidanis, incolis, servientibus, scribis, praeconibus, quibuscumque per dictorum dominorum archiepiscoporum et episcoporum provincias, civitates et dioeceses, ac alias ubilibet constitutis; nec non universis ac singulis Christi fidelibus, et praesertim Almaniae nationis et praesertim regioso (religioso) fratri Johanni Passert (!), professo monasterii beatae Mariae et sanctorum apostolorum Trajectensis ex adverso principali, omnibus aliis et singulis, quorum interest, intererit, et interesse poterit quomodolibet in futurum, et quibuscunque praefulgeant dignitatibus communiter et divisim: Nicolaus, Dei et apostolicae sedis gratia episcopus Tyburtinensis, executor ad infrascripta una cum infrascriptis nostris in hac parte collegis cum illa clausula, quatenus vos, vel duo aut unus vestrum per vos alium seu alios etc. a dicta sacrosancta synodo seu concilio Basileensi specialiter deputatus, salutem in domino et mandatis nostris hujusmodi imo verius ejusdem sacrosanctae synodi seu concilii Basileensis firmiter obedire literas ipsius sacrosanctae synodi seu concilii executorias nonnullarum sententiarum, diffinitivarum et interlocutoriarum, in loco dictae sanctae synodi pro venerabilibus et religiosis fratribus, Wilhelmo, beatae Mariae in Wyndesem, Trajectensis dioecesis, et Baldewino, beatae Mariae et sanctorum apostolorum Trajectensis, et aliis suis litis consortibus monasteriorum ordinis sancti Augustini canonicorum regularium prioribus et fratribus, et contra dictum fratrem Johannem Passert de et super restitutione librorum, calicum, ornamentorum, clenodiorum et bonorum dicti monasterii Trajectensis per eum abductorum ac absolutione ab officio prioratus dicti monasterii Trajectensis, nec non praetensis injuriis et nullitate quorundam praetensorum processuum bonae memoriae Swederi, asserti, dum vixit, episcopi Trajectensis, rebusque aliis tune deductis, etiam cum condempnatione expensarum, latarum et promulgatarum in forma exhibita, expeditas vera bulla plumbea dictae sacrosanctae synodi seu concilii more ipsius curiae impendente bullatas sanas et integras, non viciatas, non cancellatas, neque in aliqua sui parte suspectas, sed omni prorsus vitio et suspicione carentes, nobis per providum virum magistrum Rutgherum de Holt, in ipsa sacrosancta synodo seu concilio causarum et dictorum fratrum, Wilhelmi et Baldewini, priorum, et suorum litis consortium procuratorem, de cujus procuratione mandato in actis causae, ut in ipsis literis continetur, ventilatae habitis legitime constetit et nomine eorum, procuratorio coram notario publico et testibus infrascriptis praesentatas, cum ea, qua decuit, reverentia noveritis recepisse, quarum tenor de verbo ad verbum sequitur, et est talis. Sacrosancta generalis synodus Basiliensis, in spiritu sancto legitime congretata, universalem ecclesiam repraesentans, venerabili episcopo Tyburtensi, et dilectis ecclesiae filiis, decano saneti Martini Embricensis et scolastico sancti Victoris Xanetensis, Trajectensis et Coloniensis dyoecesis ecclesiarum, salutem et omnipotentis Dei benedictionem. Exhibita nobis pro parte dilectorum ecclesiae filiorum, Wilhelmi, beatae Mariae in Windesem, Trajectensis dioecesis, et Baldewini, ejusdem beatae Mariae et sanctorum apostolorum Trajeetensis, ordinis sancti Augustini per priores solitorum gubernari monasteriorum, priorum petitio continebat, quod licet olim pro regulari in de Windesem (!) praedicto ac sancti Salvatoris mundi in Eemsteyn, nemoris beatae Mariae prope Noorthoorn, ac in beatae Mariae viridisvall(is) Trajectensis praedictae, Monasteriensis et Cameracensis dioecesis, ad invicem auctoritate apostolica collegatis et unum capitulare corpus facientibus et in aliis generali capitulo eorum subjectis monasteriis stabiliendi disciplina eadem auctoritate inter alia statutum et ordinatum fuisset, quod in eodem monasterio in Wyndesem annis singulis generale ad modum fratrum ordinis Carthusiensis celebraretur capitulum, in quo singuli dictorum etiam ipsi generali capitulo subjectorum, ut praefertur, monasteriorum priores se ab officio et regimine suorum prioratuum singulis annis absolvi petere, ipsique capitulo generali et illius diffinitionibus firmiter intendere et obedire deberent et tenerentur, nec liceret alicui eorum quacunque occasione seu causa ad alium, quam capitulum hujusmodi generale appellare; Nec non dilectus ecclesiae filius Johannes Passert, canonicus dicti monasterii beatae Mariae et sanctorum apostolorum quod generali capitulo praedicto subjectum esse dinoscitur, ab illius prioratus officio, quod tunc gerebat, ex certis causis rationabilibus, auctoritate ejusdem generalis capituli, juxta statuta et ordinationes praefata canonice absolutus et destitutus fuisset, dictus tamen Johannes Passert contra statuta et ordinationes hujusmodi temere recalcitrando et falso praetendendo se per absolutionem et destitutionem hujusmodi indebite gravatum, aliasque etiam sibi graviter injuriatum fore illorum occasione ad nos appellavit et causam appellationis hujusmodi dilectis ecclesiae filiis, Ludovico de Garsiis, canonico Bononiensi, primo, et deinde ex certis causis Heinrico Fleckel, praeposito ecclesiae sancti Andreae Fersurgensis (!), pro tunc Basileae constitutis, per nos committi obtinuit audiendam et fine debito terminandam, et deinde pro parte ipsorum Wilhelmi et Baldewini, priorum, nobis exposito, quod bonae memoriae Swederus tunc episcopus Trajectensis, praefato Johanni Passert, postquam etiam ille se dicto generali capitulo et illius diffinitionibus sponte et humiliter submiserat, contra ordinationes et statuta hujusmodi inhibuisset et mandasset, ne in absolutionem et destitutionem praedictas consentiret, per quasdam ac per alias diversas suas literas submissionem praefatam cassasset, annullasset et revocasset; nec non eosdem Wilhelmum et Baldewinum et aliorum monasteriorum praedictorum priores et conventus, diversis sententiis et censuris per processus suos innodasset, seu illas incidisse declarasset nulliter et de facto, quodque dictus Johannes Passert tempore, quo ipse praefato monasterio beatae Mariae et sanctorum apostolorum officio prioratus praeerat, libros, calices, ornamenta et alia clenodia et bona dicti monasterii beatae Mariae et sanctorum apostolorum abduxisset, ipsumque monasterium illis indebite spoliasset, nos dicto praeposito primo et successive ex certis causis quibusdam aliis praelatis et judicibus, ac postremo dilecto ecclesiae filio, Raymundo Taloni, praeposito ecclesiae Soltalquerii Sistaricensis (!) dyoecesis, Basileae commorantibus, commisimus, ut causam nullitatis literarum et processuum dicti Swederi episcopi audirent et fine debito deciderent, nec non praefatum Johannem Passert ad restituendum libros, calices, ornamenta et clenodia, ac bona hujusmodi dicto monasterio beatae Mariae et sanctorum apostolorum per censuras ecclesiasticas et alias compellerent et justitiam facerent, ipseque Raymundus praepositus in causa spolii clenodiorum, ornamentorum et bonorum hujusmodi legitime et juxta commissionem per nos desuper sibi factam procedens, de consilio et assensu aliorum peritorum per suam sententiam pronunciavit, decrevit et declaravit praefatum Johannem Passert ad dandum, tradendum et restituendum libros, calices, jocalia, clenodia et bona, per eum a praefato monasterio beatae Mariae et sanctorum apostolorum recepta, habita et deportata, nec non ad faciendum rationem et calculum de illis eisdem monasterio seu illius aut dicti monasterii de Windesem priori, infra quadraginta dierum ex tunc proxime et immediate sequentium terminum, sine diminutione quacunque, ac ad praestandum de clenodiis et bonis hujusmodi interim non alienandis, sufficientem cautionem condempnandum fore et condempnavit, mandans nihilominus eidem fratri Johanni Passert per sententiam eandem, quatenus infra terminum praedictum, rationem et calculum praedictum fecisse et cautionem praestitisse deberet, ut praefertur, sub excommunicationis sententia, quam ex tunc in eum, si praemissa facere negligeret, protulit, seu ipsam sine alia declaratione incurrere voluit ipso facto. A qua quidem sententia pro parte dicti Johannis Passert ad nos extitit appellatio, nosque hujusmodi, nec non quam praefatus Johannes Passert, ab eodem Raymundo praeposito ante sententiae hujusmodi prolationem ex eo, ut dicebat, ad nos interposuit, quod ipse Raymundus praepositus certum pro parte sua in hujusmodi causa productum instrumentum admittere, nec non dicta seu attestationes testium in hujusmodi causa productorum desuper loco et tempore congruis humiliter requisitus |