Sayfadaki görseller
PDF
ePub

seliken te gheloven gheliken ons selven; Ende in dien saken, ghenedighe heer, dat beste te prueven, daert ende als uwen Ghenaden dat nutste dunken sal; want, ghen. heer, te duchten is, dat dat ghestichte ende steden in deser ongheloven ende onghenade, an hem ghekeert vanden ondersaten ons here van Burgoen., ynne, wt ende door sinen lande van Hollant ende van Zelant, niet langher sonder weder arringhe der lande te lyden en sellen weuwe vurstel. Ghenade wille over ons ghebieden, etc. Actum prima martii.

sen;

LV.

Eerweerdighe, edele, ghenedighe heer. Wy hebben in ghelove vernomen, dat de hogheb. vurste, onse ghenedighe heer van Cleve, noch binnen sess daghen naest comende totten hertoch van Burgoen. ryden sal, daer Dirc Henneric omme ontboden is, mede te ryden. den wy onsen brieff van ghelove an den voirsz. onsen ghenedighen here van Cleve vanden ghebreken ende ghewelden, uwen ghenade, uwe steden, stichte ende ons allen ghedaen in Hollant, wt Hollant, daer doer, ynne ende weder ynne, om den hertoghe van Cleve daervan te onderscheiden, biddende syn Ghenaden daer tot sinen tyden dat beste ynne te prueven by onsen heer van Burgoen. voirsz., want die ghebreke ende ghewalde, so te duchten is, niet langher te lyden en ghebueren, hier omme, ghenedighe heer, laten wy U dit weten, ende bidden uwen ghenaden hier op oick te scriven an onsen here van Cleve, als uwen ghenaden dat nutste duncken sal. Voirt, ghenadighe heer, dat ghy ende uwe steden, aldaer die brieve, die ghy ende sy ande hertoghe van Burgoen. nu schriven sellen, daer wy U laetste copie ons synnes van bescr. senden, die te corrigeren, etc., mit alre haesten rede wilt doen maken, ende die oversenden beseghelt an ons mitter copyen gecorrigheert, etc., om ons in gheliken te schriven, omme die te samen mitter snelten voirt over te senden anden hertoghe van Burgoen., terwylen onse ghenadig he heer daer by wesen sel, want uwen vrenden allhier dat tzeer nutte wesen duncket..

LVI.

ANDEN DRIEN STEDEN DEVENTER, etc., ENDE ELCKEN BISONDER, etc.
Anno XXX., des woensdaechs na S. Willebrordi.

Eerbare; gheminde vrende. Also uwe liefden gheschreven ende ghebeden hebben onsen ghenedighen heer den postulaet, omme by U ende inden uwen landen over te comen, sellen syn Ghenaden hem ende syn saken alhier bestellen ende by U comen, oick in so corten tyden, dat uwe liefde des wael te vreden wesen ende in danke nemen sellen, wie wael wy syn ghenade hier niet wael of nutlic ontberen en moghen. Mer, gheminde, lieve vrende, alsoe uw liefde wael bekennen moghen ende doe by uwen vrenden ende onsen versproken wert vander zuenen tot Burgen., solden onse ghenedighe heer, gy ende wy, inder zuenen comen, dat die juwelen voir den hertoghe, ende dat ghelt, dat die raden hebben solden, totter sommen toe van XXII". cronen daer yerste al rede wesen ende legghen mosten, daer uwe vrende ons toe behulpe comen solden mitten XII”. arhem. gulden uter Drenthe, mer gheen rede ghelt te crighen en wusten, doch so ghy uwe vrende ende wy die lasten der veten bekennende, ende omme diere off te wesen ende neder te legghen, hebben wy dat grote ghelt

ende goet voirsz. an onsen liefsten vrenden verworven mit groten pinen, commer ende anders, mit zwaren gheloften, binnen ende buten onser stat, ende dat gheleent ende dat weder ghelovet te betalen tot sekeren daghen, alle omme ghecomen ende langhe verleden, dat wy niet vervallen ofte betalen en kunnen, ende werden daer inne onghelovich ende verscheemt an onsen liefsten vrenden, ende dat ons dat swaerste is, zyn daer omme tot alre tyt in groten vrese van live ende van goede te verliesen; want wy ons mitten onsen vrenden beholpen hebben ende behelpen moeten, ende sellen, overmits desen onsen groten lasten, onse vrende van onsen raden mit onsen ghenedighen heer voirsz. oversenden an uwer liefden, omme ons hier ynne te hulpe te comen mitten XII. gulden, als voirscr. is. Bidden U, gheminde, lieve vrende, ende versueken U ende elken van U, mit grontliken betruwen, bisondere ende als wy vrentlicste moghen, dat gy nu hier toe voirslaghe ende reescap maken wilt, omme ons ende die onsen voirscr. alsdan tot hore coempste te behelpen totten ghelde voirscr.; want wy des niet langher ontberen en moghen, sellende wy voirby gaen die onverwinliken onse lasten voirsz.; ende ons hier omme, gheminde vrende, hier ynne doen, als voirscr. is, ende uwer liefde dankelike were, dat wy U deden in enighen ghelike ofte andere lasten ofte uwen saken, die U aenlegghen mochten, ende wy gerne doen solden, daer U God ende voer allen dinghe voir behueden moet; want wy uwer liefden daer niet ghenueg of schriven en kunnen, also ons die lasten voirscr. by ende an gheleghen syn, ende ons daeromme behelpen, als voirscr. is, ende ons niet sparen. Ghegheven, etc.

LVII,

Wy Johan, etc., doen cont allen luden, ende bekennen met desen openen brieve, so wy eenre minlike suene overcomen syn mit onsen lieven neve, den bisscop van Utrecht, etc., so dat bebrieft is aen beyden seyden, hebben wy daertoe ende besonder gheloeft, dat onse stat van Dortrecht ende alle de hare, onse neve van Utrecht, der stat van Utrecht ende van Amersfoert, ende allen anderen des stichtes steden, borgheren ende ondersaten, die soen voirscr. volcomelic houden sullen, ghelyc dat die andere steden van Hollant ende van Zelant dat met ons te houden gheloeft hebben, ende dat onse neve van Utrecht, die stat van Utrecht ende van Amersfoert, ende die andere steden des stichtes van Utrecht ende haren borgheren ende ondersaten vander stat van Dortrecht, inder stat van Dortrecht off daer sy bewint hebben off van yemant anders met geenre Roemscher konincx achten, noch met geenre andere punten, soe die soenbrieve dat begripen, tot geenre tyt belet, becominert, ghehyndert off beschadicht en sullen wesen noch warden, in enigher wys. Ende waert, dat hyer ghebrek in vyel ende onse neve van Utrecht, die stat van Utrecht, van Amersfoert, off enighe andere des stichts steden, off yemant van den haren, tot enighe tiden daer off te hinder ofte schade quame, dat souden wy tot allen tiden, als dat gheschiet waer, onvertoecht richten nae inhout der suene voersz.; Ende alle dese voersz. punten. hebben wy hertoghe voersz. gheloeft ende gheloven met dese brieve by ons vorstelic eeren te houden, ende te voldoen in allen manieren, als voerscr. is, sonder alle arghelist. etc.

LVIII.

Wy Peter Wolffers Sz., Florens Jacops Sz. ende Gheryt de Vremmer, doen cont allen Juden, dat wy sculdich zyn Dire van Houdaen ende Gheryt die Keyser, borgheren ende

schatmeysteren der stat van Utrecht, tot behoef der selver stat, alse vander scattinghe myure vanghenisse Peter Wolffers Sz. voersz. (xv.) vyfthien goede gulden Wilhelmus Hollansche scilden, laetse tot Dortrecht gheslaghen, of payement hoerer weerde, die wy ghesamender hant onghescheiden ende elcx voeral den scatmeysteren voersz. gheloeft hebben ende gheloven in goeden truwen wael ende wittelic te betalen ende commervry te leveren binnen der stat van Utrecht, inde huse daer Gheryt de Keyser voirsz. nu in woent; alse seven onde enen halve scilde op sinte Jacops dach naest comende, ende seven ende enen halven scilde op sinte Remeys dach, daer naest comende; Ende waert, dat wy des niet en deden, so sellen wy elcs daghes na den daghe der betalinghe, daer wy versumich inne waren, verbueren teghen den schatmeesteren, tot behoeff der stat voersz., enen halven Hollanschen scilde der munten voersz. tot eenre penen; Ende gheloven dan vorder, dat wy binnen den naeste achte daghen na den daghe der betalingh, daer wy versumich inne waren, elcx van ons onghemaent inne sullen comen leysten binnen der stat van Utrecht, inder herberghen ende husinghe, daer Huge die Goeyer nu in woent, gheheten: den gulden sluetel, aldaer rechte leystinghe te houden nae goeder luden zeden, ende uter herberghe ende leystinghe niet te scheiden voer der tyt, dat wy den scatmeesteren voerscreven die voersz. summe ghelts, daer die daghe dan of verleden waren, mit den dachghelt ende penen voersz.. die dan verbuert waren, vol ende al betaelt sullen hebben ende den weert vernuecht van sinen kost. Alle dese voersz. punten ende voerwerden ende elcx bisonder hebben wy Peter Wolffers Sz., Florens Jacobs Sz., Gheryt die Vremmer voerscr., gheloeft ende ghesekert by onser truwen, eeren ende sekerheyden ende lyflyc then heilighen gheswoeren mit hande ende mit monde, mit opgherechten vingheren ende mit ghestaefden eden, vaste ende stade onverbrekeliken te houden, sonder ons of enich van ons des te verweren mit enighen rechte, gheestelic ofte werlic, noch mit enigherleye saken; Ende waert, dat wy in enighen punten voersz. ghebrekelic vielen, des ons God verbyeden moet, soe kennen wy ons selven truweloes, cerloes ende meenedich, ende onse live ende goede verbuert te wesen, soe waer of onder wien wy comen. In kennisse der waerheyt, want wy selve gheen seghel en hebben op dese tyt, soe hebben wy ghebeden Huge die Goeyer voersz., desen brief over ons te beseghelen mit sinen seghel, ende ic Huge die Goeyer voersz. hebbe, om beden wyl Peter Wolffersz., Florens Jacopsz., Gheryts die Vremmer voersz. mynen seghel aen desen brief, om haere beden wyl, ghehanghen, tot eenre rechter oerconde. Ghegheven int jaer ons Heeren dusent vierhondert ende twintich, des donredaghes na den heilighen Pinxterdach.

LIX.

lc Peter Wolffers soen doe kondt allen luden, ende bekenne mit desen open brieve, dat ic gheloeft heb ende ghelove ghesekert bi mynre eren, in rechter eedt stat ende myn hant op desen brief ghelacht ende leiflic ten heylighen ghezwoeren mit opgherechten vingheren ende ghestaefden eden, aen hande Dirx van Houdaen ende Gheryt Keysers, schatmeysters der stat van Utrecht, tot behoef der selver stat, als waert sake, dat ic ende myn borghen, alse Florens Jacops soen ende Gheryt die Vremmer niet en betaelden ende voldeden den schatmeysteren voerscreven, die vyfthien Hollansche scilde van mynre schattinghe van mynre ghevanghenisse, also ic tot Utreeht ghevanghen bin, also zueven ende enen halven scilt op sunte Jacops dach naest comende ende zueven ende enen halven scilt op sunte Remeys dach daer naest comende, ofte dat ic ende myn borghen voerghenoemt niet in en quamen binnen der stat van Utrecht, inder herberghe ten gulden sluetel, daer Huge die Gover nu ia

woent, gheliken ic mit minen borghen gheloeft, ghesekert ende then heylighen gheswoeren hebbe, dat ic alsdan opten achten daghe nae elken daghe der betalinghe, dat God verhueden moet, versumich inne vonden waere, onghemaent, als een ghevanghen man der stat van Utrecht, in comen sal inder stat ende inder herberghe ten sluetel voerscreven, ende daer niet uyt scheyden en sal in enigher wys, dan bi wyl ende consent Direx van Houdaen ende Gheryt de Keyser, der schatmeisteren voirscr., die dese eeden ende gheloften van my ghenomen ende ontvanghen hebben. Voirt ghelove ic seker ende zweere in alre maten voirsz. then laitsten daghen voirscreven inne te comen inder herberghe voirscr. ende daer niet uit te scheyden, eer ic oirvede ende verlofte ghedaen hebbe mynen ghenedighen heere van Utrecht, der stat van Utrecht ende alle hoiren hulpere tot hoiren wyll. In kennisse der waerheyt, want ic selve gheen seghel en hebbe op dese tyt, so heb ik ghebeden Huge die Goeyer voirsz. desen brief over my te beseghelen mit sinen seghel. Ende ic Huge de Goeyer voirsz. hebbe, om beden wyl Peter Wolffers soen voirscr., etc.

LX.

EEN RAMINGHE, VOERSLACH ENDE MEMORIAEL,
OF MEN DIE LECKENDYCK VELLEN ENDE OFF-
LEGGHEN WOUDEN TOTTEN WATER TOE.

Inden yersten so soud men Haenwiker kae vellen ende offlegghen tot enen, tween, drien ofte meer steden, also voel alse dat nut waer.

Desghelyx soud men offlegghen ende vellen den Meerndyk, op zulcken ende also voel steden, alse dat nut ende orber waer.

Item, den Ryndyk te vellen ende off te legghen tot tween of drien steden, ter bester oir

bair.

Ende om twater te stouwen, te scutten ende te leyden tot Hollantwaerts, off die Leckedyck offgheleyt worde, dattet water bynnen der stat nyet en quame, ende hier ontladen te worden vanden water, is gheraemt:

Yerst enen dam te slaen byder hogher molen tenden de nye mynne, ende oock enen dam te slaen inde tollensteghe, daer dat nutste wesen sall.

Item, enen damme inde weerde te slaen, voir dat opcomen vanden water.

Ende desghelyx by sinte Cornelys enen damme te slaen.

Item, den damme te hoghen byden steenoven.

Item, dat gat neffen den plompentoern, dat te veenwaert in dient te versien.

Item, dat men die leechten ende weghen inden landen versien ende zueken zoude, om twater in Hollant te zynden, totten mynsten schade des gestichts.

Item, dat men alle pynres ende grevers bescriven soude ende die deylen aen hoofmanscappen, ende in elke hoofmanscap XX. manne te setten.

Ende om die pynres ende grevers te ordineren ende te regheren, soud men III. manne setten, of also voel, als dat nut waer; ende mede den hoofmans ellic horen slach te gheven ende dat nutste te raden.

Ende om de meere reetscap ende vordernisse hier toe, zo soude elke wake besorghen ende hebben . breekbylen ende x. yseren scuppen, hem zelve mede te helpen.

Item, wt elker wake alsoe voel lude daer by ende mede te seynden, alse den raede goet

duncken sall.

Item, dat men die Leckedyck offlegghen soude totten water toe XL. roeden lang meer off

myn.

LXI.

MANINGHE HEREN HENRIX BORGHEN VAN HOMOET, alsoe hy onser stat menedich gheworden is, anno XXVI., XXVII. daghe in aprill.

Wy stat van Utrecht laeten U weten, Johan van Renesse, dat gy ons ende tot onser behoeff gheloeft hebt voer eer heren Henricx van Homoet, ritters, onses ghevanghens, nae inhout synre, uwer ende uwer medeborghen open brieve, beseghelt met sinen, uwen ende uwer medeborghen wthanghende seghelen, sprekende van woirde te woirde aldus: Wy Henric, heere tot Homoet, ritter, Johan van Renesse, etc. Ende want heer Henric, heere tot Homoet, ritter voirsz., opten sonnendach ..... dni, XII. daghen na den hilligen paeschdach leste leden, noch sint diere tyt off noch niet inghecomen en is binnen onser stat, inder herberghe ten golden slotel, also hy ons gheloeft, ghesekert ende tot onser behoef ghesworen heeft ende niet ghehouden en heeft, hier omme manen wy U, Johan van Renesse voirsz., ende eysschen U, dat gy ons commervry betaelt twee dusent ende vyfhondert golden gulden Vrancs. schilde of payement an anderen gueden goude hore weerden binnen den naesten XIIII. daghen nae sonnendaghe ..... dni voirsz., off dat ghy daervoir incoempt opten yersten dach na de XII. daghen voirsz. nae den sonnendaghe ... dni mit uwes zelfs live binnen onser stat, inder herberghe ten golden slotel voirsz., ende wt dien huse niet en scheyt in enigher wys voir der tyt, dat gy Willem van Ghent, of houder des briefs, tot onser behoeff die voirsz. somme ghelts vanden ". v. Vrancr. scilden voirsz. vol ende all betaelt selt hebben; alsoe gy ons dat te doen gheloeft, ghesekert ende ghesworen hebt in uwen brieve, beseghelt met heren Henricx, uwen ende uwer medeborghen seghele, als voirsz. staet. Hyer inne doende, dat ons gheen behoeff en sy, voirder vordernisse ofte beclachten hier om over U te doen. Oirconde, etc.

LXII

ONSCHOUT EENRE BETICHT JAN KNYFS
ENDE GHERRYt Keysers.

Allen vursten, hertoghen, graven, edelen, vryen, ende allen anderen heeren, ritteren, knechten, amptluden, steden, landen ende gueden luden, onsen heeren ende vrunden; Wy R. van Diepholt, postulaet te Utrecht, ende wy burghermeysteren, scepenen ende rade der stat van Utrecht, doen uwer moghentheden ende eerbaerheden cont ende gheven U to kennen mitter waerheyt, dat huden des daghes naebescr. voer ons ghecomen syn eersame mannen Dirc van Toll ende Dirc de Brwn, ende hebben ons anghebrocht, dat sprake ende beticht gaen soude, dat Henric van Rans wt Brabant gecomen wesen soude binnen onser stat van Utrecht, cortelicx nadat heer Jan vanden Vliet van live ter doet ghebracht wart, daer heer Henric van Rans woirde ghehadt hebben soude met Jo. Knyff ende Gheryt de Key ser, borgheren binnen onser stat, ende dat onder anderen woirden Henric van Rans Jan ende Gheryt voersz. ghevraecht hebben soude, hoe dattet waer mitten sake van heere Jan

« ÖncekiDevam »