alias cum eis super hoc amicabiliter concordatum fuerit preterquam in mortis articulo constitutus absolutionis beneficium nequeat obtinere Si vero per sex menses dictos triginta dies immediate sequentes sententiam ipsam animo quod absit sustinuerit indurato ex tunc effluxis mensibus. eisdem dicta ecclesia perpetuo privatus existat illaque vacare censeatur eo ipso Quocirca dilectis filiis Curie Causarum Camere apostolice generali auditori ac decano ecclesie Ulixbonensis et officiali Ulixbonensi per apostolica scripta mandamus quatenus ipsi vel duo aut unus eorum per se vel alium seu alios faciant auctoritate nostra pensionem praefatam Collegio capellanis cantoribus et ministris aut procuratori praefatis iuxta reservationis constitutionis et assignationis ac decreti praedictorum continentiam et tenorem integre persolvi Et nihilominus quemlibet ex Ferdinando et successoribus praefatis quem huiusmodi excomunicationis sententiam incurrisse eis constiterit quoties super hoc pro parte capellanorum cantorum et ministrorum praefatorum fuerint requisiti tandiu dominicis et aliis festivis diebus in ecclesiis dum maior inibi populi multitudo ad divina convenerit excomunicatum publice nuncient et faciant ab aliis nunciari ac ab omnibus arctius evitari donec Collegio capellanis cantoribus et ministris vel procuratori praefatis de pensione huiusmodi tunc debita fuerit integre satisfactum ipseque excomunicatus ab huiusmodi excomunicationis sententia absolutionis beneficium meruerit obtinere contradictores per censuram ecclesiasticam appellatione postposita compescendo Non obstantibus constitutionibus et ordinationibus apostolicis contrariis quibuscunque Aut si Ferdinando et successoribus praefatis vel quibusvis aliis comuniter aut divisim ab eadem sit sede indultum quod ad prestationem vel solutionem pensionis alicuius minime teneantur et ad id compelli aut quod interdici suspendi vel excomunicari non possint per litteras apostolicas non facientes plenam et expressam ac de verbo ad verbum de indulto huiusmodi mentionem Et qualibet alia dicte sedis indulgentia generali vel speciali cuiuscunque tenoris existat per quam presentibus non expressam vel totaliter non insertam effectus huiusmodi gratie impediri valeat quomodolibet vel differri et de qua cuiusque toto tenore habenda sit in nostris litteris mentio specialis Nulli ergo omnino hominum liceat hanc paginam nostre absolutionis reservationis constitutionis assignationis decreti voluntatis statuti et mandati infringere vel ei ausu temerario contraire Si quis autem hoc attentare presumpserit indignationem omnipotentis Dei ac beatorum Petri et Pauli apostolorum eius se noverit incursurum Datum Rome apud Sanctum Petrum anno Incarnationis Dominice millesimo sexcentesimo quarto Pridie nonas februarii Pontificatus nostri anno tertio decimo (sic) 1. Bulla do papa Clemente VIII a Domingos, bispo eleito Fulsiculense 1605-Fevereiro 7 Clemens episcopus servus servorum Dei Dilecto filio Dominico electo Fulsiculensi Sincere devotionis affectus, quo nos et Romanam revereris ecclesiam promeretur ut votis tuis quantum cum Deo possumus favorabiliter annuamus Hodie siquidem ecclesie Fulsiculensi tunc certo modo quem haberi voluimus pro expresso pastoris solatio destitute de persona tua nobis et fratribus nostris ob tuorum exigentiam meritorum accepta de fratrum eorundem consilio apostolica auctoritate duximus providendum preficiendo te illi in episcopum et pastorem prout in nostris inde confectis litteris in quibus voluimus quod postquam illas haberes expeditas ad praefatam ecclesiam te conferres, et apud illam personaliter resideres quodque extra tuas civitatem et diocesem Fulsiculensem pontificalia officia exercere nequires plenius continetur. Cum autem sicut accepimus tu ad dictam ecclesiam que in partibus infidelium Aphrice existit commode nequeas te conferre et apud illam personaliter residere Nos volentes te praemissorum meritorum tuorum intuitu favore prosequi gratioso tuis in hac parte supplicationibus inclinati tibi quoad dictam ecclesiam accedere et apud illam personaliter residere minime tenearis Quodque postquam munus consecrationis susceperis in civitate et diocesi Goanensi duntaxat que valde ampla et vasta est de expressa licentia venerabilis fratris nostri Alexii et pro tempore existentis archiepiscopi Goanensis qui suffraganeum habere consuevit cum assignatione solitorum quingentorum cruciatorum monete Portugallie quos dictus Philippus Rex quotannis in illis partibus exolvi mandat exercere libere et licite valeas priori volun ARCH. NAC., Maç. 11 de Bullas, num. 14. tate nostra praefata ac constitutionibus, et ordinationibus apostolicis ceterisque contrariis nequaquam obstantibus dicta auctoritate tenore presentium de speciali gratia indulgemus Nulli ergo omnino hominum liceat hanc paginam nostri indulti infringere vel ei ausu temerario contraire Si quis autem hoc attemplare presumpserit indignationem omnipotentis Dei ac beatorum Petri et Pauli apostolorum eius se noverit incursurum. Datum Rome apud Sanctum Petrum anno Incarnationis Dominice millesimo sexcentesimo quarto, Septimo idus februarii Pontificatus nostri anno tertio decimo (sic)1. Bulla do papa Clemente VIII a Domingos Torrado, bispo eleito Fulsiculense 1605-Fevereiro 13 Clemens episcopus servus servorum Dei Dilecto filio Dominico Torrado electo Fulsiculensi salutem et apostolicam benedictionem Apostolatus officium meritis licet imparibus nobis ex alto commissum quo ecclesiarum omnium regimini divina dispositione presidemus utiliter exequi coadiuvante Domino cupientes solicito corde reddimur et solertes ut cum de ecclesiarum ipsarum regiminibus agitur committendis tales eis in pastores preficere studeamus qui populum sue cure creditum sciant non solum doctrina verbi sed etiam exemplo boni operis informare, commissasque sibi ecclesias in statu pacifico et tranquillo velint et valeant auctore Domino in spiritualibus et temporalibus salubriter regere et feliciter gubernare. Sane ecclesia Fulsiculensis que in partibus infidelium Aphrice existit ad presens certo modo pastoris solatio destituta Nos verum et ultimum dicte ecclesie vacationis modum quem etiam si ex illo quevis generalis reservatio etiam in corpore juris clausa resultet presentibus pro expresso habentes, et ad provisionem eiusdem ecclesie celerem et felicem, ne illa longe vacationis exponatur incommodis paternis et solicitis studiis intendentes, post deliberationem quam de preficiendo eidem ecclesie personam ARCH NAC., Maç. 38 de Bullas, num. 7. utilem et etiam fructuosam cum fratribus nostris habuimus diligentem Demum ad te ordinem fratrum Heremitarum Sancti Augustini professorem in presbiteratus ordine constitutum, et hodie in domo Goanensi dicti ordinis commorantem qui habes fidem a superioribus dicti ordinis de idoneitate ac commendaris de vita et moribus, et pro quo charissimus in Christo filius noster Philippus Portugallie et Algarbiorum Rex Catholicus de venerabilis frater noster Alexius archiepiscopus Goanensis nobis ad hoc per suas litteras humiliter supplicarunt cuique apud nos de religionis zelo, litterarum scientia, vite munditia, honestate morum spiritualium providentia et temporalium circumspectione aliisque multiplicum virtutum donis fide digna testimonia perhibentur direximus oculos nostre mentis Quibus omnibus debita meditatione pensatis de persona tua nobis et fratribus nostris ob tuorum exigentiam meritorum accepta praefate ecclesie de ipsorum fratrum consilio apostolica auctoritate providemus teque illi in episcopum preficimus et pastorem curam et administrationem ipsius ecclesie tibi in spiritualibus et temporalibus plenarie committendo firma spe fiduciaque conceptis quod dirigente Domino actus tuos praefata ecclesia regetur utiliter et prospere dirigetur ac grata in eisdem spiritualibus et temporalibus suscipiet incrementa Jugum igitur Domini tuis impositum humeris prompta devotione suscipiens curam et administrationem praefatas sic exercere studeas solicite fideliter et prudenter quod ecclesia ipsa gubernatori provido et fructuoso administratori gaudeat se commissam Tuque preter eterne retributionis premium nostram et apostolice sedis beneficium et gratiam exinde uberius consequi merearis. Volumus autem quod postquam presentes litteras habueris expeditas ad praefatam ecclesiam te conferas et personaliter resideas apud eandem quodque extra tuas civitatem et diocesim Fulsiculensem pontificalia officia nequeas exercere et antequam pontificalia officia huiusmodi exerceas et munus consecrationis susceperis fidem catholicam iuxta formam quam sub Bullis nostris mittimus introclusam profitearis alioquin provisio et prefectio praefate nulle sint dictaque ecclesia vacare censeatur eo ipso Datum Rome apud Sanctum Petrum anno Incarnationis Dominice millesimo sexcentesimo quarto Idus februarii Pontificatus nostri anno tertio decimo (sic)'. ARCH. NAC., Maç. 38 de Bullas, num. 7. Breve do papa Paulo V ao Arcebispo de Goa 1606-Fevereiro Paulus Papa v-Venerabilis Frater salutem et apostolicam benedictionem. Alias postquam per nostras sub plumbo expeditas literas inter alia castrum de Cranganor, olim Cochinensis dioecesis, a dicta dioecesi Cochinensi dismembraveramus, ac in illud sic dismembratam ecclesiam, Sedem tunc Episcopalem, nunc Archiepiscopalem Angamalensem dilectis filiis Capitulo Ecclesiae Angamalensis, ac omnibus et singulis eorum juribus, bonis, et ornamentis transtuleramus, per nos acceptis, qui tunc existens Episcopus Cochinensis sub quibusvis praetextibus dismembrationem, et translationem hujusmodi impedire tentabat, et propterea, et forsan aliis de causis inter eum et Archiepiscopum Angamalensem variae dissentionės, et controversiae cum censurarum ecclesiasticarum hinc inde promulgatione non sine magno populi scandalo exortae erant. Nos praemissis obviare, et pro tempore existenti Archiepiscopo Angamalensi certam dioecesim assignare volentes, venerabili fratri Alexio, tunc Goanensi, nunc Bracharensi Archiepiscopo, et in ejus defectio, personae ecclesiasticae regimini Ecclesiae Goanensis interim praepositae, ac illo legitime impedito, dilectis filiis Vicariis Provincialibus Ordinum Fratrum Praedicatorum, et Fratrum Eremitarum Sancti Augustini per nostras etiam in simili forma brevis expeditas literas comisimus, et mandavimus, quatenus ipse Archiepiscopus Goanensis, seu persona ecclesiastica, aut in eventum praedictum dicti Vicarii conjunctim procedentes de praemissis se diligenter informarent, et adscito, si discordes fuissent, haereticae pravitatis Inquisitore in officio hujusmodi antiquiore, vel si ille abesset, alio similiter Inquisitore antiquiore in tempore immediate sequenti certam dioecesim, districtum et territorium praedictae Ecclesiae Angamalensi auctoritate nostra assignaret, et si ita eis expedire videretur, quaecumque loca ad dioecesim Cochinensem et Meliaporensem spectantia, etiam intus regiones ipsas existentia ab eisdem dioecesibus perpetuo dismem |