Con le Maestà del Rè e della Regina di Spagna con gl'altri serenissimi Principi di quella Casa, e co'personaggi pe'quali si danno à Vostra Signoria brevi Pontificii e mie lettere, ella passerà in voce quegl'uffitii che sono proportionati à ciascheduno tanto à nome di Sua Beatitudine, come à mio. Ecco che io hò spiegato à Vostra Signoria più tosto per usanza, che perche io conosca essere ella bisognevole di simili ricordi. Al rimanente supplirà la prudenza e l'accorto avvedimento di Vostra Signoria per tutto quello che riguarda l'onore di Dio, la riputatione di questa Santa Sede, el (sic) buon servitio di Nostro Signore, il quale la benedice, et io l'accompagno con affettuose preghiere per la sua felicità. Di Roma (sic) Giugno 16241. Breve do papa Urbano VIII a el-Rei 1624-Agosto 2 Urbanus Papa VIII-Charissime in Christo fili noster salutem etc. (sic) Mirari non debet Europa tam illustribus omnipotentis clementiae beneficiis decorari Hispaniarum imperium, quae tot Sanctos educarunt regnantes in templis, et triumphantes in caelo. Qui Regnis istis invident Peruanos thesauros, et Indicas gazas discant ibi non rarò letissimum esse felicitatis proventum, ubi uberrima floret sanctimoniae seges. Quatuor Beatis Hispanis non ita pridem triumphalia sanctitatis ornamenta praedecessor noster una die decrevit. Consimilis honor non paucis isthic genitis quotidie postulatur. Et cum catholicas aras castellanus nuper arator obtinuerit, in tantae nunc gloriae societatem vocatur lusitana Regina, ut pateat utrique terrarum orbi, nullum in provinciis Maiestati tuae subiectis esse hominum genus, aut tam vili inopia deformatum, aut tam superbificis opibus praepollens, quod sanctorum ferax non sit. Gratulamur Maiestati Tuae caelestem hunc hispanorum cum Christo regnantium chorum, quorum patrocinio non minus, quam legionum excubiis tranquillitas provinciarum custo 1 Copia, na BIBLIOTH. D'AJUDA, Sym. Lus., tomo 14, fol. 39. ditur. Quod vero ad Beatam Isabellam Reginam pertinet, laudamus cum primis pietatem Maiestatis Tuae radiatum diadema Regali capiti postulantis, cupimusque et tantae Reginae honoribus consulere, et provinciarum istarum, et Regiae domus vota consolari. Jussimus ergo acta confici, et testimonia explorari diligentissime. Porrò autem accuratissimis precibus rogabimus Patrem luminum, ut Regium hoc sydus fulgens splendoribus sanctorum Pontificiae menti ita detegat, ut illud toti Ecclesiae adorandum proponere quamprimum possimus. Caeterum quanto studio negotium tam grave conficiendum curemus, nobilis vir Dux Pathanae, qui Regias literas reddidit, et caelestem hanc causam elegantissimè disseruit luculenter testabitur Maiestati Tuae, cui Apostolicam benedictionem amantissimè impertimur. Datum Romae apud Sanctam Mariam Maiorem die 2 Augusti MDC XXIIII. Pontificatus primo (sic). Breve do papa Urbano VIII a el-Rei 1624-Agosto 3 Urbanus Papa VIII-Charissime in Christo fili noster salutem et apostolicam benedictionem. Turcicae impietatis tyrannis tot Provincias oppressit, (sic) ut sacrilegis armis maria exterreat, christiani orbis non modo fines circumsonet sed viscera etiam aliquando crudeliter laniet. Nos autem etsi speramus Majestatis Tuae potentiam barbaricae temeritatis excidium fore, tamen eorum etiam omnium conatibus suffragamur, qui ad liberandas tam saeva pestilentia terras animum adjiciunt. Dignum ob id singulari laude judicavimus Nivernensis Ducis consilium qui non minus magnanimos, quam pios spiritus gerens, et vitam, opesque Beatae Virgini devovit, et aliarum Nationum Principes in praeclaram quandam Religionis propagandae, et extinguendae impietatis societatem vocat. Proinde Ordinem Militiae Christianae institutum in Virgineae Conceptionis honorem auctoritate Apostolica confirmavimus, et patrocinio nostro tuebimur. Hunc autem magna meditantem armari cupimus auctoritate Majestatis 1 Copia, na BIBLIOTH. D'AJUDA, Sym. Lus., tomo 14, fol. 85. Tuae, cujus favor tanti est in orbe terrarum, ut aliquando pro magno exercitu habeatur. Proinde testamur nobis fore gratissimum si aliquem dignitate et virtute praecipuum magnatem isthic nominabis, qui ordinem hunc in tuis Hispaniae et Lusitaniae Regnis instituat. Id beneficium si equitibus tuis detuleris videberis signum aliquid in Europa extollere ad bene de hac militari conspiratione sperandum. Quod si eorum armis propitius aderit exercituum Dominus in gloriae societatem illi semper vocabunt Majestatem Tuam. Negotium hoc disserenti Nuntio nostro eandem quam nobis fidem habere poterit Majestas Tua cui Apostolicam benediclionem amantissime impartimur. Datum Romae apud Sanctam Mariam Maiorem etc. (sic) die 3 Augusti 1624. Pontificatus primo (sic) 1. Breve do papa Urbano VIII ao Inquisidor Geral 1625-Abril 22 Urbanus Papa vii-Venerabilis frater salutem et apostolicam benedictionem. Sedes Apostolica pia mater Sanctorum Apostolorum qui pastoralis officii formam tradentes nascentis ecclesiae infantiam lacte provectam vero eius aetatem solido cibo nutrierunt verbo et exemplo edocta neophitorum omnium à suscepta Christi fide deviantium statui et imbecillitati libenter compatitur ac illos tamquam parvulos (sic) et teneras dictae ecclesiae plantas pietatis et benignitatis suae uberibus confovendo nonulla eis etiam post relapsum condonat et remittit quae in provectioribus merito essent acerbius corrigenda et punienda. Cum itaque sicut accepimus charissimus in Christo filius noster Philippus Portugalliae et Algarbiorum Rex Catholicus nobis nuper exponi fecit quamplures provinciarum insularum transmarinarum pro tempore existentis Portugaliae et Algarbiorum Regis temporali dictioni subiectarum incolae et habitantes de gentilitatis et infidelitatis errorum tenebris ad veri luminis qui est Christus cognitionem noviter conversi ac sacri baptismatis lavacro abluti ex mutua inter se ac etiam indiscreta eorum cum aliis gentilibus et infidelibus conversatione vel alias humani generis antiqui hostis fraude à fide catholica deficiant et quandoque ad eam reducti in pristinos gentilitatis seu infidelitatis errores ac etiam in alias a Sancta Ecclesia damnatas et reprobatas haereses atque suprestitiones (sic) relabantur sed postmodum cognitis suis erroribus maxima contritionis signa nunquam amplius ab eiusdem fidei sinceritate discedendi proposita prae se ferentes eidem Sanctae Matri Ecclesiae reconciliari summopere desiderent et pro illorum salute plurimum expediat ut sic poenitentes benigne recipiantur nec curiae saeculari propter illorum relapsum iuxta iuris rigorem debita animadversione puniendi relinquantur ne desperatio vaeniae (sic) eos ad prestinam (sic) perditionem faciat recidivos ipsique ac alii gentiles et infideles metu corporalis suplicii ab eorum futura ad christifidelium conversione retrahantur Non (sic) illius qui misericors et miserator existens non vult mortem peccatoris sed magis ut convertatur et vivat vices gerentes in terris pro ea potestate quam ab eo per filium suum habemus iuris rigorem mansuetudine temperando noviter conversos praedictos nec (sic) acta in eis fidei praefatae semina arescant aut diaboli malitia eradicentur sed benignitatis dictae Sedis rore aspersa coalescant ac firmis radicibus stabilita incrementum suscipiant et usque ad perfectionem perdurent omni qua possumus misericordia et clementia prosequi et confovere volentes piis ipsius Philippi Regis in hac parte supplicationibus inclinati fraternitati tuae cum Tu (?) haereticae pravitatis in regnis praedictis generalis Inquisitor existas ac pro tempore existenti in regnis huiusmodi generali Inquisitori ut durante quinquenio a die quo praesentes literae tibi fuerint praesentatae computando per Te vel alium seu alios haereticae pravitatis in eisdem regnis et provinciis et insulis pro tempore deputatos Inquisitores adiunctis etiam locorum Ordinariis vel illorum officialibus seu vicariis in spiritualibus generalibus aut illis recusantibus seu negligentibus etiam absque illis omnes et quoscunque utriusque sexus regnorum provinciarum et insularum huiusmodi neophitos ex gentilibus et infidelibus originem ducentes qui post Christi fidem per eos susceptam in crimen apostasiae ab ipsa fide vel in damnatas et reprobatas haereses et errores semel et iterum vel etiam tertio non tamen ulterius relapsi fuerint cognita in eis vera et non ficta ae simulata poenitentia necnon apostasia a fide ac haeresibus et erroribus huiusmodi prius per eos publice vel privatim prout tibi et pro tempore existentibus generali seu aliis Inquisitoribus praefatis videbitur detestatis abiuratis et anathematisatis à sententia excommunicationis aliisque ecclesiasticis censuris et poenis quas propterea quomodolibet incurrerunt vel quae contra ipsos per sacras constitutiones tam generales particulares (sic) quomodocunque statutae ac alias promulgatae fuerint iniuncta eisdem pro modo culpae poena arbitraria vel alia poenitentia salutari quam iis qui secunda et tertia vice relapsi fuerint aggravari volumus auctoritate nostra in utroque foro in forma ecclesiae consueta absolvere et liberare atque ad eiusdem ecclesiae graemium recipere et admittere ac tam eos tradendi curiae saeculari propter primum secundum tertiumque relapsum huiusmodi a iure statutis quam etiam alias corporales et capitales ac confiscationis omnium bonorum et caeteras quascunque talibus delinquentibus inflictas et irrogatas poenas ipsis misericorditer remittere et condonare libere et licite positis (sic) et valeatis auctoritate apostolica tenore praesentium de speciali gratia indulgemus Tibique ac generali et aliis Inquisitoribus praefatis plenam et liberam desuper facultatem auctoritatem et potestatem ad dictum quinquenium duntaxat duraturam tribuimus et impartimur. Non obstantibus praemissis et apostolicis ac in synodalibus provincialibus et generalibus conciliis editis constitutionibus et ordinationibus necnon legibus etiam municipalibus et imperialibus ac officii Inquisitionis regnorum provinciarum et insularum huiusmodi etiam juramento confirmatione apostolica vel quavis firmitate alia roboratis statutis et consuetudinibus privilegiis quoque indultis et literis apostolicis sub quibuscunque tenoribus et formis ac cum quibusvis etiam derogatoriarum derogatoriis aliisque efficacioribus et insolitis clausulis ac irritantibus et aliis decretis in genere vel in specie etiam motu proprio et ex certa scientia ac de apostolicae potestatis plenitudine etiam consistorialiter ac alias quomodolibet concessis approbatis et innovatis. Quibus omnibus et singulis illorum tenores ac si de verbo ad verbum nihil penitus omisso et forma in illis tradita observata inserti forent presentibus pro expressis et insertis habentes illis alias in suo robore permansuris hac vice duntaxat specialiter et expresse derogamus caeterisque contrariis quibuscunque. Datum Romae apud Sanctum Petrum sub annulo Piscatoris die 22 Aprilis 1625. Pontificatus nostri anno secundo '. 1 Copia, no ARCH. NAC., Livro 94 do Santo Officio. |