INDULTUM quo prorogatur ad annum, i. e. usque ad diem 2 Oct. 1900, tempus concessum in Constitutione « Ubi primum » d. d. 2 Oct. 1898 ad petendas Litteras Patentes Revmi P. Magistri Generalis Ord. Praed. pro Confraternitatibus SS. Rosarii sine talibus Litteris ab initio institutis.

Beatissimo Padre,

Fr. Giacinto Maria Cormier, Procuratore Generale dei Predicatori, umilmente prostrato ai piedi di V. S. espone che:

Il no. III della Costituzione Apostolica « Ubi primum » avendo suscitato alcuni dubbi, sottoposti alla S. V. da Monsignor Vescovo di Aosta, e la risposta ai dubbi essendo stata data dalla S. Congregazione delle Indulgenze con approvazione di V. S., solamente il 10 Agosto 1899, l'anno concesso da V. S. nel mentovato no. III, perchè le Confraternite del S. Rosario che non stanno in regola abbiano tempo di munirsi delle Lettere Patenti del Maestro Generale dei Predicatori, sembra ormai insufficiente per raggiungere lo scopo, giacchè la sullodata Constitutione venne publicata Sexto Nonas Octobris 1898.

Perciò l'Oratore, nell'interesse delle anime e del lucro delle Indulgenze, implora la Concessione di un altro anno di tempo, durante il quale gli Ordinarii ed i Rettori delle Confraternite, conosciute le risposte del 10 Agosto 1899, avranno tutta facilità di munirsi, dato che facesse d'uopo, dei richiesti documenti.

Che della grazia etc.

Ss. D. N. LEO PP. XIII in Audientia habita die 8 Septembris 1899 ab infrascripto Card. Praefecto S. C. Indulgentiis Sacrisque Reliquiis praepositae, benigne annuit pro gratia iuxta preces. Contrariis quibuscumque non obstantibus. Datum Romae ex Secretaria eiusdem S. Congregationis die 8 Septembris 1899.

L. S.

FR. HIERONYMUS M. GOTTI, Praefectus.

Pro R. P. ANT. A. ARCHIEP. ANTINOEN. Secretarius.

Ios. M. Canonicus COSELLI Subst.

AUGUSTANA. Dubia varia de Confraternitatibus a SS.mo Rosario nuncupatis.

Episcopus Augustanus plura dubia huic S. Congregationi Indulgentiarum dirimenda proposuit, quae, post Constitutionem Ubi primum de Confraternitatibus a SS. Rosario nuncupatis nuper editam iussu SSmi Dñi Nostri Leonis Papae XIII, ipsi oborta sunt. His et alia superaddidit quae ex nonnullis Decretis huius S. C. repetenda videntur, eo quod quaestio movetur an, et quomodo illa Confraternitatibus SSmi Rosarii sint applicanda.

Dubia vero proposita sunt sequentia:

I. In Dioecesi Augustensi iampridem existunt fere in omnibus ecclesiis parochialibus Confraternitates SS. Rosarii, quin tamen habeantur litterae patentes Magistri Generalis Ordinis Praedicatorum, in plerisque locis deperditae. Quamobrem orator petit, utrum ad canonicam Confraternitatis existentiam sufficiat per aliquod documentum, puta, per processum verbalem ipsius erectionis, vel inscriptionem commemorativam in Regesto sodalium Confraternitatis, aliudve huiusmodi in documento authentico asservatum, certam haberi notitiam quod litterae Magistri Generalis pro tali ecclesia iam concessae fuerint, an vero novae requirantur litterae patentes ipsius Magistri Generalis?

II. An per Decretum S. C. Indulgentiarum d. d. 20 Maii 1896 in una Ordinis Praedicatorum ad 11um abrogata censeatur lex a S. C. Indulgentiarum die 8 Ianuarii 1861 sancita (in formula servanda in substantialibus pro erectione confraternitatum) sub n. V. hisce verbis expressa: «quod gratiae et indulgentiae confraternitati communicatae, praevia cognitione Ordinarii, dumtaxat promulgentur »?

Et quatenus negative:

III. An cognitio Ordinarii exprimi debeat in scriptis ad calcem Summarii Indulgentiarum?

IV. An piae Uniones Rosarii Viventis, a Magistro Generali Ordinis Praedicatorum institutae, subiaceant praescriptionibus Clementinae Quaecumque, sicut et Confraternitates SS. Rosarii, ad tramitem decreti S. C. Indulgentiarum d. d. 25 Augusti 1897 in una Urbis et Orbis ad Ium ?

V. An Episcopus tolerare possit sive Confraternitates proprie dictas, sive pias Uniones sub SS. Rosarii titulo, absque

interventu Magistri Generalis Ordinis Praedicatorum a parochis, vel aliis sacerdotibus institutas, etiam cum conditione vel praetextu, quod huiusmodi Confraternitates vel piae Uniones non gaudent privilegiis et indulgentiis Confraternitatum SS. Rosarii ?

VI. An, non obstante Decreto S. C. Indulgentiarum d. d. 25 Augusti 1897 in una Urbis et Orbis vi specialis privilegii Rectores Confraternitatum SS. Rosarii albo suae Confraternitatis permittere valeant inscribi nomina defunctorum, etiam ad hunc finem dumtaxat, ut defuncti fiant participes meritorum Confraternitatis, et precibus sodalium commendati habeantur?

VII. An Decreta S. C. Indulgentiarum d. d. 12 Decembris 1892 in una Coloniensi et 15 Novembris 1893 in una pariter Coloniensi pro sodalitate S. Scapularis, applicari possint Confraternitati SS. Rosarii ita, ut confratres SS. Rosarii recepti et inscripti a sacerdotibus facultatem habentibus, omnes Indulgentias Confraternitatis lucrentur vi ipsius legitimae receptionis, etiamsi eorum nomina cum nominibus aliorum sodalium in albo Confraternitatis non sint adhuc materialiter inscripta ?

VIII. An, stante privilegio Confraternitatis SS. Rosarii, quo gratia concessa a S. Sede non censetur revocata, nisi flat de ea specialis mentio, sacerdotes, utentes formula ab Innocentio XI praescripta pro Indulgentia a confratribus SS. Rosarii in articulo mortis lucranda, valide agant, an vero debeant uti formula data in Constitutione Benedicti XIV Pia Mater?

IX. An formula pro Indulgentia acquirenda a confratribus in articulo mortis recitari valeat dumtaxat a Rectoribus Confraternitatum et sacerdotibus per Magistrum Generalem Ordinis Praedicatorum delegatis, an vero, quoad confratres SS. Rosarii, a quocumque sacerdote, etiam extra confessionem?

X. An Confraternitates SS. Rosarii erectae a Legatis Apostolicis, Nuntiis, ceterisque Praesulibus vi specialis facultatis apostolicae, indigeant nova erectione per Magistrum Generalem Ordinis Praedicatorum?

Et Emi ac Rmi Patres in Congregatione Generali, habita ad Vaticanum, rescripserunt die 3 Augusti 1899:

Ad Ium Affirmative ad 1am partem; Negative ad 2am.
Ad IIum Negative.

Ad IIIum Non est necesse.

Ad IVum Negative.

1

Ad Vum Reformato dubio uti sequitur:

An per Apostolicas Literas Ubi primum datas a SS. D. N. Leone Pp. XIII die 2 Octobris 1898, Episcopis aliisque gaudentibus facultate in genere erigendi confraternitates, revocata fuerit facultas erigendi Confraternitates vel Pias Uniones sub titulo SS. Rosarii absque interventu Magistri Generalis Ordinis Praedicatorum?

Respondendum: Supplicandum SSmo, ut dignetur mentem suam pandere.

Ad VIum Negative, facto verbo cum SSmo.

Ad VIIum Affirmative.

Ad VIIIum Reformato dubio uti infra:

An pro impertienda plenaria Indulgentia in articulo mortis confratribus SSmi Rosarii, adhibenda sit formula ab Innocentio XI approbata, an vero formula a Benedicto XIV praescripta in Constitutione Pia Mater?

Respondendum: Negative ad 1am partem; Affirmative

ad 2am.

Ad IXum Reformato dubio hoc modo:

An benedictio in articulo mortis cum adnexa plenaria Indulgentia confratribus SSmi Rosarii impertienda sit a sacerdotibus per Magistrum Generalem Ordinis Praedicatorum delegatis, an vero a quocumque sacerdote, etiam extra confessionem ?

Rescribendum: Negative ad 1am partem; Affirmative

ad 2am.

Ad Xum Non propositum.

Factaque de iis omnibus per me infrascriptum Cardinalem Praefectum relatione SSmo Dño Nostro Leoni Papae XIII, in audientia habita die 10 Augusti 1899, SSmus omnes resolutiones Emorum Patrum benigne approbavit, mentemque suam quoad Vum dubium pandere dignatus est expresse edicens: < Revocavimus, et ut revocatas haberi volumus facultates quibuscumque concessas erigendi Confraternitates piasque Uniones sub titulo SSmi Rosarii sine litteris patentibus Magistri Generalis Ordinis Praedicatorum; ita ut si quae in posterum erigantur sive Confraternitates sive piae Uniones sub titulo SSmi Rosarii absque praefatis litteris, nullis gaudeant beneficiis, privilegiis, indulgentiis, quibus Romani Pontifices legitimam verique nominis Sodalitatem a SS. Rosario auxerunt; quin imo

nec gaudeant aliis Indulgentiis, quae communiter conceduntur omnibus sub quovis titulo confraternitatibus, canonice erectis. Contrariis non obstantibus quibuscumque ».

Datum Romae ex Secretaria S. Congregationis Indulgentiis sacrisque Reliquiis praepositae die 10 Augusti 1899.

L. S.

Fr. HIERONYMUS M. CARD. GOTTI, Praefectus.

A. SABATUCCI ARCHIEP. ANTINOEN. Secr.

EX S. CONGR. S. R. U. INQUISITIONIS

DUBIUM: quaeritur an valida sit Ordinatio presbyteralis, in qua adfuit tantum prima manuum impositio; dubitatur autem pro secunda, an Episcopus, etiam per momentum, manus extenderit super ordinandos.

Beatissime Pater,

Episcopus N. N., ad pedes S. V. provolutus, exponit sequens dubium circa validitatem ordinationis presbyterorum ab Episcopo huius Dioeceseos, uno ex decessoribus suis, pluribus abhinc annis celebratae.

Videlicet Episcopus ordinans, postquam ambas manus singulis ordinandis imposuerat, ex involuntaria distractione, iam non extendit dexteram supra ordinandos universos (vel ad summum per momentum aliquatenus extendit, prout se vidisse unus ex ordinatis affirmavit, sed nunc certo non recordatur), at mox dextera sua ordinavit librum Pontificalem, et dum exhortationem Oremus fratres etc. recitabat, eumdem librum ambabus manibus tenuit, ita ut, quamvis brachia et manus haberet materialiter extensa, minime tamen haberet speciem viri super illos dexteram extendentis. Defectum illum animadvertere plures, nemo tamen de illo Episcopum monuit. Peracta autem ordinatione, utrum haec certo valeret, dubium a nonnullis fuit motum. Quapropter Episcopus orator humillime S. V. supplicat, ut quid ipsi in casu sit praestandum iudicare dignetur.