Sayfadaki görseller
PDF
ePub

tatione Dioecesis (Bened. XIV Inst. Eccl. 1. c. in causa Colonien. anno 1587, in causa Sor. 22 Aprilis 1679 et in causa Sulmonen. die 5 Decemb. 1626), item Vicarius Generalis Episcopi (ibidem § X, in causa Bitleti 17 Dec. 1627, et in causa Catan. die 9 Maii 1671), item Canonici examinatores Synodales, item Canonici voluntarie Missam celebrantes vel Confessiones audientes, dum Horae Canonicae recitantur, ut videre est in causis ibidem relatis.

Multo minus habenda est ut causa iuridica utilitas, quae allegatur in casu, scilicet utilitas proveniens ex praedicatione verbi Dei in Ecclesia Episcopali seu in Cathedrali. Haec utilitas realis et evidens est, sed Canonici ad eam procurandam minime tenentur nec possunt hac de causa licite abesse a choro, cum adsit Episcopus, cui hoc munus a divino humanoque iure est impositum.

Praeterea hoc advertantur. Sacra Congr. respondit, Theologum legentem posse ex gratia pro integra die qua legit distributiones lucrari in Hispalen. die 15 Iulii 1645 lib. 17. Decretorum pag. 496; non autem die praecedenti in Avinionen. Octobris 1686 ad XV Dub. lib. 4 Decr. pag. 187; item in Anagnina die 16 Decemb. 1645, lib. 17 Decret. pag. 533. Neque Canonicus Theologus censetur praesens ad effectum lucrandi distributiones quotidianas matutino, quod recitatur sero praecedenti pro die subsequenti ex consuetudine Ecclesiae; in Dubio ad Cap. 1, Sess. 5 De ref. Posit 89. Revera proposito dubio: An Theologus qui pro praesente habetur diebus, quibus legit, censendus etiam sit praesens matutinis, quae ex antiqua Ecclesiae consuetudine dicuntur sero praecedente pro die insequenti: S. Congr. respondit: « Non censeri in Hispaniarum mense Decembris 1587, lib. 5 Decret. pag. 71. Gaudet vere distributionibus quae dantur pro Anniversariis si incidant diebus quibus legit, in Avenionen. Octobris 1586 - ad XVII Dub. - Lib. 4 Decretorum pag. 188. - Et Pignatelli Tom. 3, Cons. 62, n. 38, a S. Congr. EE. et RR. decisum refert, quod si Theologus legat de mane, habetur

pro interessente in choro quoad officium quod dicitur ante meridiem, si de sero pro officio vespertino; sed in continenti subiungit, vel ad summum pro tota die qua ex officio legit, sicut et pro tota die qua ex obligatione communem in Perusina Theologalis die 30 Iulii 1859

habet, contra -.

Edictum fuit, quod si plures Lectores, ab Episcopo eligantur, unus tantum gaudere potest huiusmodi privilegio, in Sedunen. Praebendae Theologalis die 24 Ian. 1801. Etenim Episcopus Sedunensis erexit Sacrae Theologiae cathedram et sufficienter per alios tres Canonicos, parvo contentos stipendio, supplebatur Canonici Theologi defectus. Qua de re postulavit Episcopus ut ex Canonicis Lectoribus. saltem uni secundum discretionem Episcopi concedi possit privilegium circa praesentiam in choro quod alias de iure convenit Canonico Theologo quando docet; vel potius iuxta votum Capituli ut singulis tribus Lectoribus vel Professoribus sacrae Theologiae privilegium unius saltem mensis. in anno propter lectionem circa praesentiam in choro concedatur, proposito autem dubio I: « An et quomodo Lectori vel Lectoribus Theologiae sit concedendum privilegium abessendi a choro et percipiendi fructus Praebendae in casu». S. Congr. respondit: « Ad primum Affirmative pro uno lectore, ab Episcopo eligendo, qui vacet a choro iis diebus quibus legit, perceptis etiam distributionibus quotidianis; in Sedunen. Praebendae Theologalis die 24 Ian. 1801.· Haec refert Pallottini V. Canonicus Theologus Tom. 4. n. 445 seq.

Denique S. C. C. nuper negativo responso dimisit die 21 Decemb. 1862 quaestionem nostrae omnino similem qua petebatur legitimam declarari huiusmodi consuetudinem abessendi a choro ratione praedicationis; sin minus implorabatur indultum absentiae.

Namque in hac causa Canonici referebant ex antiqua consuetudine Capitulares absentes a choro, causa praedicationis, lucrari distributiones, et quatenus talis consuetudo

reprobaretur, petebant ut distributiones lucrari possent illi saltem Capitulares, qui intra paroeciae fines ministerium praedicationis exercerent. Archiepiscopus vero dempta limitatione petebat ut Capitulares, in quacumque Dioecesis Ecclesia praedicantes, possent distributiones lucrari, et inter cetera, sub n. VI proposito dubio - « An et quomodo lucrentur distributiones Canonici absentes a choro, ministerio praedicationis vacantes in casu

Negative in omnibus ».

[ocr errors]

rescriptum fuit

In themate talem consuetudinem Emus Archiepiscopus plene approbat; huius consuetudinis non refert initium at eamdem appellat veterem et asseverat cum maximo scandalo populi qui a PUERITIA vidit et audivit talem in Ecclesia hac praxim > - e medio auferri. - Nihilominus haec consuetudo non videtur tam firma et communiter approbata quum scrupulos excitaverit conscientiae et anxietates in Capitularibus.

Hisce praemissis, proposita fuerunt diluenda

Dubia

I. An probanda sit consuetudo, qua Canonicus Magistralis et alii tum canonici, tum beneficiati, ratione muneris concionandi in Eccles. Cathed. habentur praesentes in choro ad effectum lucrandi distributiones quotidianas per totam hebdomadam ante diem concionis una tantum excepta hora canonica in casu.

Et quatenus negative :

II. An indultum absentiae iuxta Ordinarii petita concedere expediat in casu.

RESOLUTIO. Sacra C. Concilii, re disceptata sub die 29 Aprilis 1899, censuit respondere: Ad I. Negative. Ad II. Affirmative per duos dies, ad quinquennium.

AUGUSTANA

IRREGULARITATIS

Die 17 Iunii 1899.

Per summaria precum.

COMPENDIUM FACTI. Ludovicus Hoefner, in aetate 24 annorum constitutus, olim dioecesis Herbipolensis, nunc vero ab Episcopo Herbipolensi in dioecesim Augustanam admissus, iam cum laude humanitatis ac literarum studiis absolutis, nec primâ tonsura initiatus, cupit ad sacros ordines conscendere, a quibus aegre repellitur ob visivae facultatis defectum. Hinc ut quod ex ordinario ei iure interdicitur, gratia saltem consequatur, supplicem Sanctissimo obtulit libellum, exposcens veniam super praefata irregularitate facultatemque, ut omnibus ordinibus initiari possit, atque ut ob dictum defectum sibi liceat missam B. Mariae Virg. vel pro defunctis celebrare ac officium B. M. V. recitare loco. totius divini Officii.

Episcopus Augustanus has preces, quas ille obtulit valde commendans, haec habet favore oratoris:

« Orator humanitatis ac literarum studiis cum laude. peractis, subito quodam frigore affectus est implicatus gravi morbo acutae cerebri inflammationis, quam secuta est talis vis visivae oculorum amborum debilitas permanens, ut orator conditione sua coactus caperet consilium ineundi Institutum Pfaffenhusanum caecis destinatum, in quo per totam. vitam, ad mortem usque ex pacto habitare sustentarique posset. Superior Congregationis S. Iosephi Ursbergensis et Rector Instituti caecorum Pfaffenhusani benigne excepit oratorem Hoefner in domum dicti Instituti, ita ut Congregatio Ursbergensis certa ex patrimonio soluta summa per pactum susciperet obligationem et onus, ad mortem usque illi bendi domicilium et alimenta. Hoc tempore Superior Ursbergensis oratorem iam per duos annos numero alumnorum Seminarii clericalis Dilingani adscribendum et in omnibus

Acta, Tom. XXXII. fase. CCCLXXIV.

7

prae

philosophicis et theologicis disciplinis erudiendum curat sperans, ad presbyteratum promotum qua catechistam, concionatorem, confessarium, ss. sacrificium celebrantem sibi in cura animarum caecorum valde esse profuturum.

<< Orator, quamvis ex oculorum infirmitate typis literisque ordinariis impressa vel scripta legere non possit, tamen partim per animi attentionem internam in schola auctam, partim misericorditer adiuvantibus coalumnis per repetitionem memoriae infigit, quae in singulis praelectionibus audivit et bona indole praeditus in studiis et scientiis multos facit progressus. Adiungere hic liceat, oratorem possidere Biblia sacra, nonnulla sacrae doctrinae, nempe dogmaticae, historiae ecclesiasticae, liturgicae, asceticae compendia, librum de Imitatione Christi, nec non officium parvum B. M. V. aliosque libros necessarios, qui praefati omnes exarati sunt typis elevatis caecorum conditioni accommodatis et ex illis more caecorum legentem posse haurire magnam subsidiorum partem ad firmandam scientiam.

«< Orator per mores optimos exhibitos non solum rectoribus et magistris suis est gaudio ac condiscipulis exemplo, sed etiam indubiae vocationis praebet indicia.

« Orator etsi medico attestante << atrophia nervi optici laborans, tamen res ab oculo per spatium dimidii unius metri distantes bene distinguere potest nec non facile legere Missale ad usum sacerdotum caecutientium concinnatum et cum approbatione S. Rituum Congregationis Ratisbonae a Pustet typographo editum non diurno tantum tempore, sed etiam luminibus ardentibus nocturno. Idem tentatus per experimenta cum illa instituta potuit cernere per distantiam quintae unius metri partis etiam hostiae fragmenta in patena et corporali iacentia, bene distinguere hostiae non consecratae particulas frangendas et fractas, secure attingere os et linguam sumentis alicuius hostiam per modum communionis, certo ponere hostiam in os superque linguam, item alias sanctae Missae caeremonias rite sine ulla difficultate observare ita, ut periculum scandali vel dedecoris non sit

« ÖncekiDevam »