Sayfadaki görseller
PDF
ePub

IV. Hic nunc primum occasio venit cum laude nominandi virum, mihi quoad vixit amicissimum et nostri de Sanctis operis contra obtrectatores defendendi studiosissimum, D. Bartholomaeum Lopez de Andrade, natum Antverpiae D. Emmanuele Lopez de Andrade, Hispano, uno ex Regiis Thesaurariis, quos a computo faciendo Contadores appellant. Is iam inde ab anno praetitulato, coepit accuratione summa Hispanica lingua contexere Ephemerides familiae suae; iisque etiam de negotiis publicis intexere quaedam, praesertim Antverpiam concernentia, unde excerpam subinde aliqua, ab aliis praetermissa : puta quod die vu Maii in hanc urbem venerunt MARCHIO et MARCHIONISSA DE CARACENA, sumptoque in Abbatia S. Michaelis hospitio, proxima Dominica, tunc xi dicti mensis, sub cursu litterae Dominicalis E. in Curiam invitati a Magistratu ad coenulam, inde spectaverunt procedentes machinas amburbales, quales processurae erant in Dominica Trinitatis vu Iunii.

CONTINUATIO MAGISTRATUS.

Per litteras S. E. vi Iulii, feria VI Hebdomadae v post Pentecosten. CONSULES et SCABINI iidem. Domicellus Henricus vande

Werve II. x. Magister Aegidius Mertens IV.

[merged small][ocr errors]

Scabinis ad Consilium Brabantiae promotus. Substitutus. Domicellus Franciscus Rubens, fil. Petri Pauli, Pictoris.

ARGUMENTUM.

I. Excusantibus se rationabiliter Iesuitis ab administratione paucularum, quas pestis infecerat, aedium, maioris periculi tunc futuram quam fructus, et cui Parochi sufficiebant, suscipiunt eam curam primum Bogardi, tum Augustiniani. II-III. Rediturus in Hispaniam Caracena, recreando Principi puero, praemittit rhedulam cum equulis sex, et celocem parvulam, omnibus maioris bellicae munimentis assimilatam, utramque elegantissimam.

ACTA POSTERIORA.

I. DOMUS urbis pauculas per aestatem pestis invasit, et illico ad Iesuitas, semper in eiusmodi obsequia promptos, missi sunt a Magistratu et Capitulo, qui peterent aliquos ad id destinari. Admissa ab iis postulatio, sed, ut alias, petitae induciae, donec diffuso latius malo appareret, non otiosam futuram caritatem. Illi vero nullam ferentes moram (urgentibus scilicet Parochis, quorum alias officium est quovis morbo laborantes iuvare), quaesitus est alius, nec difficulter repertus in coenobio Bogardorum, quod forte per id tempus fuerat peste afflatum; non illibenter id ferentibus Iesuitis, eo quod falso rumore sparsum erat in vulgus, ipsos, plurium millium aureorum stipendio annuo perpetuoque conductos obligari ad Ministerium istud; quod sicut antehac gratis semper, ita et deinceps parati erant praestare ad quemcumque nutum Magistratus, quando id exigeret vera necessitas, qualem tunc nullam fuisse successus docuit, cito purgatis pauculis illis, quae fuerant infectae, domibus. Idem cum accideret anno sequenti, idemque a Patribus responderetur; et, absente Consule, Patres Augustiniani se importune ingererent, admissus eorum unus est; nec opus fuit deinde pluribus, cum solus ille et incomitatus permitteretur, quocumque vellet, ambulare et ingredi; Iesuitis autem inusitatum sit, quemquam absque socio, saltem laico, per urbem discurrere solitarium. Hoc tamen ut excusaret necessitas, adhibebatur ex collo Augustiniani pendens vitta sericea coloris violacei, innexa bursulae sinu abditae, in qua continebantur Sacramenta, animam agentibus conferenda : quam vittam quisquis videbat, monebatur transeunti exhibere reverentiam, neque in via sermone inutili sistere sic munitum.

II. Sub haec, sciens Marchio, venturum sibi hoc anno ab Hispania successorem, cogitabat quo potissimum munere

oblectaturus esset puerum Regem. Ac primum admirationi et oblectationi futuros credidit, ob rei in Hispania novitatem, molossos illos, quibus hic plurimum utimur ad trahenda, tum alia multa, tum curricula puerilia. Curavit igitur praestantissimos octo adduci ex Anglia, ubi procerissimi et robustissimi generantur, unius aetatis et coloris omnes, cum ornatissima magnique pretii rbedula, quam illi egregie phalerati et seiuges traherent, aurigante puero Aethiope, ad id probe instructo. Sed monitus, ingeniis Hispanicis videri posse non satis dignum Rege, quamvis puero, tam ludrice instructum vehiculum, molossis Anglicis substituit equulos Hitlanticos, nihilo illis altiores, et ad cursum etiam concitatissimum agiles magis.

Ut autem non solum terra, sed etiam aqua ludere Rex posset, fabricari fecit elegantissimam celocem velificaturam in Regii viridarii spatioso lacu; in qua celoce nihil desideraretur eorum, quae possent in maxima quavis navi servire, ad delicias compositam totam : erat enim instructa tribus malis, ex quorum duobus malis proportionatisque antennis, vela tria; ex tertio, duo pendebant, praeter quartum rostro infixum, cum velis etiam duobus, omnibus elegantissime pictis et historiatis; qualia etiam vexilla erant carchesiis eminentia, et aplustribus ad venti arbitrium volitantibus. Totum autem illud navigiolum erat a foris inauratum, prout ipsum aeri insculptum repraesentat imago, intus pretiosis praestantissimorum pictorum tabulis convestitum, dicebaturque integrum auri millionem constitisse. Sic autem erat fabricatum ut dissolvi in partes, cistisque impositum transvehi in Hispaniam posset, rursumque coagmentari facile. Sed tanta impensa et industria, cum non minori eius bene servandae sollicitudine, servare non potuit grandiorem qua vehebatur navim, quominus concepto igne periret in mari; nec scio an eadem non fuerit fortuna rhedae et equulorum.

III. Prius porro quam Belgio excederet ipse Marchio, appulit D. FRANCISCUS DE MOURA Cortereal, Marchio Castelli Roderici; et diebus aliquot moratus in Furensi prope Bruxellas palatio, indeque civitatem subinde clam invisens, ipsam die xx Octobris solemni cum pompa ingressus est, et consuetum novis Gubernatoribus sacramentum dixit, vicissimque excepit.

Die autem xx praedicti Octobris, officio suo defunctus decessor, sub vesperam Bruxellis egressus est, terrestri itinere Madritum iturus; sed infirmitas uxoris, tertiana laborantis, redire ipsum in urbem coegit, unde filias suas Ostendam praemisit, inde in Hispaniam navigaturus; ipsa vero non ante XIII Maii sequentis in viam se dedit, cum germano fratre suo, Don Iosepho Ponce de Leon, ante menses aliquot ea causa huc advecto.

A. C. M.DC.LXV.

ARGUMENTUM.

I. S. Franciscus Xaverius Patronus assumitur a Parochia S. Andreae, erecto altari; a Praefectis Politiae eiusdem statua collocatur in Camera ipsorum. II. Appellit huc, per noviter apparatum Canalem Ostendanum, prima cum vino Hispanico navis. III. Scaldis altius intumescit.

ACTA PRIORA.

I. S. ANDREAE Parochia, erigens sibi novum S. FRANCISCI XAVERII altare, suscepit novam erga eumdem Sanctum Thaumaturgum devotionem; quando ille, nomine omnium parochianorum, electus est in Patronum contra pestem, continuata per totam Octavam religione. Sed magis memorabile, quia magis publicum, fuit decretum eius Camerae quae Politiae dicitur,

[ocr errors]

his verbis conceptum, et in Acta Civitatis relatum : « Decretum » est ad Dei gloriam, eius Matris Sanctissimae ac Virginis Mariae, » S. Rochi et S. Francisci Xaverii, contra pestem Patronorum, » ut cerei tribus candelabris, coram totidem statuis respective impositi, auctoritate Senatus, in hac Camera ardeant quotheb» domadis certis diebus, scilicet Sabbatis, ad honorem beatis>> simae Matris ac Virginis Mariae; die Martis, ad D. Rochi; » die lovis, ad S. Francisci Xaverii; et per Octavam Nativitatis » Marianae, nec non per Octavas Sanctorum dictorum Patro»> norum quotidie; ut omnipotens Deus, per eorumdem patro

cinia, Urbem hanc et omnes nos protegat a contagiosa lue. » Ita decretum, in pleno consessu dictae Camerae, per Do» minos Deputatos, die Martis vi Aprilis, me, ut Grapheo, » praesente, Ioanne Baptista van Dooren. »>

II. Die v Martii, per canalem Ostendanum novum, seu potius noviter aptatum navigiis, a mari huc transvehendis, appulit Antverpiam ex Biscaya unum ex iis (quae, quia altiori mari vix se audent committere, a legendis littoribus BYLANDERS dicimus) vinis Hispanicis onustum; cuius navarchus magno cum plausu exceptus, quia primus, donatus est insigni aplustri librarum decem Flandricarum. Sed canalis iste, magno praeparatus impendio, maximoque futurus commodo toti Brabantiae Flandriaeque, si quam utilis facilisque tam expeditus quoque eius usus fuisset; exiguum autem nunc utrique fructum offert, dum Hollandi Zelandique (quorum interest unice, necessarios se haberi, impeditis nostris per mare commerciis) modum inveniunt efficiendi, ut mercatoribus nostris hactenus tolerabilius sit, compedes ab iis Scaldi iniectos pati, quam dispendia morarum, Ostendae ab ipsis ministris Regiis obiiciendarum, ne quam cito alias possent ac deberent ex portu solutae, praevenire possint suos istic rivales, citius in Hispaniam appellendo.

« ÖncekiDevam »