» eos omnes, quamquam longinquis inter se locorum et » temporum spatiis sint seiuncti, sub unum aspectum ponere, >>> et equestri cursu in theatrum Pacis gestit inducere, ordi»> nem hippodromiae omnem in duas acies dividendo. »

XXI. Primam aperit GODEFRIDUS BULLONIUS, ut qui aetatem nostram attingit propius, S. R. Imperii Marchio, ac loci huius olim Dynasta, perque veterum Brabonum seriem ascendens ad eum, qui agmen hoc claudit, ex veteri traditione dictus, si credere lubet, SALVIUS BRABO, qui vulgo dicitur, praecisa giganti dextera, primam antiquis temporibus pacem Antverpiensi populo et rem restituisse. Secundam aciem recludit CAROLUS XII, Sueciae, Gothorum et Vandalorum Rex, qui aetatis nostrae confoederatos Europae Principes, quasi manu, ducit ad pacem ac primo quidem eos, qui sunt extra Imperium Romanum; tum Dynastas ceteros ac Electores Imperii, cum Augusto Caesare LEOPOLDO 1; ac demum Hispaniarum et Indiarum Regem ac Belgarum Principem, CAROLUM II, quem in aevum sempiternum Deus benigno numine servet. Accipe nunc seriem rei totius, et ordinem sigillatim.

XXII. GODEFRIDUS BULLIONIUS, cui in manu est labarum, hinc insignia Marchionatus Sacri Imperii impressa habens, inde epigraphen: Deus vult, quae erat sacri belli tessera militaris; in sinistra autem scutum cum cruce tesseraria sacrae militiae. Tum maiores illius sursum numerandi nominibus verosimiliter a Caukerkio suggestis, tamquam Principum Tungriae et Ducum Brabantiae WERRIUS et GODEVARDUS; GODARDUS et OCTAVIUS, sumpta omnibus hac ex Virg. x. 347 epigraphe : Antiqui proles bello praeclara Brabonis. SALVIO autem BRABONI aptabantur ex Horatio, lib. iv, ode XIV, hemistichia haec :

28

immanemque Rhaecum

Auspiciis pepulit secundis.

V

49

et CAROLUS BRABO, Salvii filius, ex eiusdem Horatii lib. ш, od. 1, laudabatur ut

Clarus giganteo triumpho.

Agmen denique claudebat ipse SALVIUS BRABO, alii Silvium vocant, et Iulii Caesaris commilitonem, tamquam primus Brabantiae Dux; quem memorant, imo fingunt, uxorem habuisse Swanam, sororem Octavii vel Octaviani, per eamque, fratris sui heredem unicam, factum Principem Tungrorum ante Christum natum anno LI; a quo percussus GIGAS ille fertur post illos omnes in hac serie spectandus, qualem supra descripsimus. XXIII. Secundam turbam ducebat prodromus GENIUS PACIS, dextra gerens labarum, cui inscriptum ex una parte hoc Virgilii lib. xi. :

Ingentes, geniti diversis partibus orbis,

Inter se coiere viri.

Ex altera parte, ex eiusdem Virgilii lib 1.:

Idem Genius sinistra insertum habebat scutum, cui inscripta duae utrimque coeuntes manus, cum hoc subscripto ex Virgilii lib. II.

Coeunt in foedera dextrae.

Genium Pacis sequebantur Principes, qui ad eam sanciendam concurrerunt, et horum singulos in equis praecedebant exercituum ab eis bello submissorum generales duces duo, hoc ordine.

XXIV. Exercitus Suecici generales duo cum sui Regis insignibus, alter subscriptum habens, ex Virgilii lib. xi.

.. Ego foedera faxo

Firma manu.

Alter ex Horatii lib. n, od. xIx.:

sed idem

Pacis erat mediusque belli.

Tum CAROLUS XII, Gothorum ac Vandalorum Rex, Pacis arbiter. Sequebantur bini generales confoederati Belgii, ambo habentes scutum, fasciculo telorum insignitum; quorum alteri ex serm. Horatii subscribebatur :

terraque marique.

Alteri ex Virgilii lib. xi.

Pars belli non temnenda.

Deinde GENIUS BELGII CONFOEDERATI, aliud suorum Statuum caput non habentis.

XXV. Anglicani exercitus duces duo, cum splendente utriusque in scuto periscelide aurea, sub epigraphis ex Horatii lib 1, ode vi sumptis, una :

Altera :

Scriberis..... fortis et hostium
Victor.

Quam rem cumque ferox navibus, aut equis
Miles te duce gesserit.

Tum GUILIELMUS III, Magnae Britanniae Rex.

XXVI. Hippodromiae huius partem secundam tenebant Principes et Electores S. Romani Imperii, eamque ordiebantur duces exercitus Lotharingici cum labaris insignia Domus Lotharingicae praeferentibus. Symbola erant uni ex Virg. x.: Patriae subit aemula laudi,

.....

Spes tua.

Alteri ex Virg. XII. :

..... Connubiis pacem felicibus, esto,
Componas.

Tum LEOPOLDUS 1, Lotharingiae et Barri dux.

XXVII. Palatini exercitus duces, cum insignibus Palatinatus et suo quisque labaro coronam continente, cum epigraphis, unus ex Virgilii x. :

.. Haud expers virtutis avitae.

Alter ex eiusdem Virgilii lib. vn. :

Avis atavisque potens.

Tum GUILIELMUS IOSEPHUS, Elector Palatinus, Archithesaurarius S. R. Imperii.

XXVIII. Generales duo Brandeburgici cum clavae, sui Ducis insigni in labaro, et epigraphis ex Virg. lib. x. : Vivida bello

et,

Dextra viro est.

Animusque ferox, patiensque pericli.

Tum CHRISTIERNUS ERNESTUS, Elector, Marchio Brandeburgicas, Archicamerarius S. R. Imperii.

XXIX. Exercitus Saxonici generales duo, labaro habentes inscripta insignia sui Ducis, cum epigraphis Virgilianis, ex lib. vII. :

In scutis autem fulgebat ensis.

Tum FREDERICUS AUGUSTUS, Rex Poloniae, Elector et Dux Saxoniae, Archiensifer S. R. Imperii.

XXX. Exercitus Coloniensis generales duo, cum labaro Domus Bavaricae unus, et epigraphe ex Virgilii lib. vi.

Pariter pietate vel armis

Egregius.

Alter cum labaro civitatis, et ex Virg. lib. vi. :

Ramis insignis olivae

Sacra ferens.

Utrique autem erat scutum cum litteris, et sequebatur ipse IOSEPHUS CLEMENS, Elector Coloniensis, Archicancellarius S. R. Imperii ex parte Italiae.

XXXI. Electorum Moguntini et Trevirensis generales exercitus, ambo cum litteris in scutis, et labaris suae cuiusque civitatis, atque epigraphis; Trevirensis quidem, ex Virg. 1.: Et populum antiqua sub Relligione tueri.

Moguntini, ex lib. và Virg. :

Cura mihi Divorum aras et templa tueri.

Tum simul equitabant LOTHARIUS FRANCISCUS, Elector Moguntinus, Archicancellarius S. R. Imperii ex parte Germaniae; et NN. Elector Trevirensis, Archicancellarius S. R. Imperii ex parte Galliae.

XXXII. Palatinus Hungariae, cum sui Regis insignibus et epigraphe Horatiana, ex ode iv, lib. IV.

et Cancellarius Austriae cum insignibus Austriae et hoc ex Virg. lib. vi. lemmate :

Nec quisquam Austriaca de gente Latinos

In tantum spe tollet avos.

Tum CAROLUS FRANCISCUS, Archidux Austriae, atque IOSEPHUS JACOBUS, Romanorum et Hungariae Rex.

XXXIII. Imperatorem denique ipsum hanc partem clausurum praecedebant Caesarei exercitus generales duo cum