Neth 1252.7

Harvard College Library

Oct. 1, 1812

Gift of

William Eudicott, Jr.

ANNALES ANTVERPIENSES.

ANNUS CHRISTI M.DC.XLVIII.

ARGUMENTUM.

1.-X. Archiducis Leopoldi ad hanc urbem accessus, Gevartii stylo ornatus. XI-XIV. Idem singulari affectu apparatuque excipitur apud Iesuitas, ubi eximia etiam Danielis Zegers pictura donatur, et in Collegio recreatur aptissimo dramate.

ACTA PRIORA.

I. CUM superiori anno LEOPOLDUS GUILIELMUS AUSTRIACUS Bruxellis recipiendus esset Belgii et Burgundiae Gubernator; Hollandis huc ad eam inductionem spectandam venturis, publico edicto oblatus est liber commeatus in diem xvIII Martii, quando Archidux Principum ritu Antverpiam ingressus porta. Caesarea salutatusque fuit a Consule Extraneo, omnes sex Guldas in occursum ducente.

Inscriptiones, Principis honori positas a S. P. Q. Antverpiensi, consueta sibi elegantia exornavit Gasperius Gevartius, typisque Plantinianis excudi fecit. In fastigio portae Caesareae, sub insignibus Serenissimi sic legebatur :

Caesaribus, Princeps, bis senis edite Divis,
Ingredere Augusto dictam de Caesare portam,
Caesaris o Germane, Tuis humus ista superbit

Gressibus, exultatque novis, LEOPOLDE, triumphis.

II. Ad interius portae vestibulum ANTVERPIA, Virguncula habitu, turrito vertice, e curru aurato sindone insigni, Virginum, Virtutes repraesentantium, comitatu, aquali lauream Serenissimo Archiduci Victori venerabunda offerebat, adstante urbis Genio, Halmali adolescente Consulis filio, atque hos versus pronuntiante :

Belliger AUSTRIADE, nuper quem saeva Gothorum
Agmina, quem gelidis tremuit regionibus Arctos;
Vindice quo pulsis respirat BELGICA Francis;
Accipe laurigerae viridantia serta coronae,
Paciferas totum frondes quae spargat in orbem.
Non picturatae cernis tibi pegmata pompae
Ulla, nec exstructos spoliis hostilibus arcus,
Virtutis monumenta Tuae: nam celsior ipse
Arcubus, aethereum meritis attingis Olympum.
T'e PIETAS, Te prisca fides, ASTRAEAQUE Virgo,
Omnigenumque chorus Virtutum ad sidera tollit,
Inque animis hominum pompa meliore triumphas.
Perpetuum sese pronam submittit in arcum,
Inclinatque Tibi celsas ANTVERPIA turres.
Summe Ducum, LEOPOLDE, Tibi LEO BELGICUs ultro,
Ecce, iubas, mansueta simul prosternit et ora,
Ac sacrae gaudet mitem se subdere dextrae.
Unguibus ille ferox immanes proteret hostes,
Qui fessum exscindunt bellis furialibus orbem.

III. In tabella ad Domum civicam appensa visebatur effigies

n

Serenissimi, quem prope adstans Victoria lauro coronabat. Leo Belgicus ad pedes eius se inclinabat, atque ibidem subscripta praefata Genii Urbis oratio : in altera tabella haec legebatur inscriptio : «Serenissimo et invictissimo Principi LEOPOLDO GUILIELMO, » Divi Ferdinandi I pronepoti, D. Ferdinandi II filio, Impera» toris Caesaris Ferdinandi III Augusti fratri unico; Archiduci Austriae, Duci Burgundiae, Stiriae, Carinthiae, Carnioliae, Wirtembergae; Comiti Tirolis et Goritiae, etc. Caesarianorum » exercituum per Germaniam superiorem nuper Praefecto » supremo, nunc Germaniae inferioris, Belgarumque et Burgundiae pro PHILIPPO IV, Hispaniarum Indiarumque Rege, » Gubernatori auspicatissimo, bono Reipublicae Christianae » nato; quod, Serenitatis suae iubare illato, Belgicas Provin»cias bello prope saeculari fessas, in pristinae splendoris et tranquillitatis spem erexerit; ac Armenteriam, Cominium, » Landresium, Dixmudam, de Francis, Duce eorum caeso, receperit. S. P. Q. Antverpiensis, eius Celsitudini, Fortitudini, » Pietati devotissimus, optatissimum adventum gratulatur. IV. Supra tabellam visebatur ingenii Aquila, dextro ungue fulmen, laevo Anguem (hoc sonabat Ducis Suecici ad Neoburgum captionem SLANG) captivum; ferens utrimque hinc tormenta bellica cum globis ignitis, inde castra hostilia: Aquilae autem subscriplum erat illud Maronis, Aen. II :

V. Ad vestibulum templi Cathedralis sub turri ad latus dexterum :

<< Serenissimo Principi LEOPOLDO GUILIELMO, Archiduci Au» striae, Duci Burgundiae, Stiriae Duci, etc. Belgarum et Burgundionum Gubernatori, Militiae Hierosolymitanae Archistratego, ac splendidissimi Ordinis Teutonici, titulo

D

འ

Deiparae, in Prussia, per Germaniam, Italiam et trans mare » summo Praefecto quod incomparabilis et Christianissimi » Heroi, Gothofredi Bullonii, Belgae-Brabanti, Hierosolymo>> rum Regis, Lotharingiae Ducis, et S. R. Imperii, Antverpiae » ad Scaldim, Marchionis, consanguinei sui, insistens vestigiis, >> invictum se et indefessum orthodoxae Religionis propu»gnatorem et propagatorem iustissimis armis praestiterit; » Praesul, Decanus et Canonicorum Cathedralis ecclesiae Antverpiensis Collegium, ab eodem Bullonio fundatore » institutum, civesque omnes, in sacram Deiparae, urbis >> huius tutelaris Divae, aedem felicissimum adventum, qua » possunt submissione gratulantur.

D

VI. In superiori parte tabulae solio insidet GODEFRIDUS BULLONIUS, Marchio Antverpianus, Hierosolymonius Rex, coronam auream recusantis habitu. Epigraphe :

Absit, ut auratae gestem decus ipse Coronae,

Hic ubi gestavit spinea serta Deus.

Ad dexterum tabulae latus adstabat Balduinus, Gothofredi frater, Hierosolymorum Rex; ad laevum latus Eustathius, frater alter, uterque eodem ad bellum sacrum comes: ad medium utrimque latus bina Victoria cum palmis, sub tabula insignia urbis Hierosolymae.

Sub eadem turri ad laevum latus :

Mutua cur saevos in viscera stringitis enses,
Christicolae? Cohibete manus, irasque nocentes
Ponite vos sacro Christi madefacta cruore
Terra vocat, diri furiis oppressa Tyranni.
Materies vestris haec est satis ampla triumphis.
Huc fidei ductus zelo BULLONIUS Heros,
Ille Ambivariti GOTHOFREDUS Marchio terrae,