Sida ampla quondam metropolis et urbs maritima Pamphyliae ad Ciliciae fines inter ostia Eurymedontis ad occasum et Coracensium urbem ad ortum, adhuc sub infidelum potestate miserrime detinetur; quocirca status eius infandus silentio praeteritur.

METROPOLITANAM ECCLESIAM DE MANILA in insulis Philippinis vacan. per dimissionem a R. P. D. Gregorio Melithon Martinez in manibus Sanctitatis Suae ultro libenterque peractam, et ab eadem admissam; Sanctissimus ad praesentationem Serenissimi Regis Catholici ad recensitam Metropolitanam Ecclesiam promovit R. P. Fr. Petrum Payo ex legitimis, catholicis, honestisque parentibus in civitate, quae appellatur de la Coruña archidioeceseos Compostellanae progenitum et sexagesimum primum aetatis suae annum supergressum. Sacro Presbyteratus ordine dudum initiatus, et in ordine Praedicatorum S. Dominici solemnia vota professus, in ecclesiasticis functionibus perfungendis sese laudabiliter exercuit. In suo ordine et pro Asiae sacris missionibus Provincialis effectus, pro quibusdam Ecclesiis dioeceseos Caebuanae vel Nominis Iesu Parochus etiam renunciatus est.

Manila urbs et emporium Asiae in Oceano indico, et insularum Philippinarum caput, in provincia eiusdem nominis, ac signanter in meditullio cernitur insulae Lusoniae nuncupatae; ibique sex circiter mille degunt incolae sub temporali dominio praefati Serenissimi Regis Catholici.

Metropolitana Ecclesia Immaculatae Conceptionis Beatae Mariae Virginis titulo gloriatur, bonum praefert aedificium, plures exigit reparationes, et quatuor eidem suffragantur Episcopi.

Eius Capitulum quinque enumerat dignitates, quarum post pontificalem prima Decanatus, duos Canonicos, quatuor insuper cum theologo ac poenitentiario integros, ac totidem medios Rationarios, nonnullos Capellanos, aliosque Presbyteros et Clericos rei divinae ope

ram navantes.

Per Parochum animarum cura exercetur ipsamet in Metropolitana, ubi nedum fons adest baptismalis, atque sacrarium omni supellectili sacra sive ad divinum explendum cultum, sive ad pontificalia peragenda sufficienter instructum, verum et nonnullae praesto sunt Sanctorum reliquiae decenter adservatae, chorus insuper, organum, campanile cum campanis, atque extra urbem coemeterium.

Palatium Archiepiscopale amplum satis ac decens Metropolitanae est proximum, nullamque exposcit reparationem.

Nulla alia praeter Metropolitanam reperitur Manilae paroecialis Ecclesia, sed sex in suburbiis baptismali fonte munitae, quatuor item

pro viris, ac unum pro mulieribus monasterium, duo insuper nosocomia, septem laicorum sodalitates, mons pietatis, atque seminarium.

Archidioeceseos ambitus decem complectitur provincias civiles, quae sub se continent centum sexaginta octo loca totidem ditata paroeciis.

CATHEDRALES ECCLESIAS SUTRIN. ET NEPESIN. invicem perpetuo canonice unitas vacan. per translationem R. P. D. Iulii Lenti ad Ecclesiam Archiepiscopalem Sidensem in partibus infidelium; Sanctissimus ad relatas Ecclesias promovit R. D. Ioannem Baptistam Paolucci ex legitimis, catholicis, honestisque parentibus in loco, qui vulgo dicitur Saltara Fanensis dioeceseos progenitum, et in quadragesimo tertio aetatis suae anno constitutum. Inter alumnos seminarii, quod a munificentissima Sanctitatis Suae liberalitate Romae erectum Pium vocatur, olim cooptatus, ibique Presbyteratus ordine, ac tum in sacra theologia, tum in utroque iure doctorali laurea donatus est.

Sutrium ac Nepes, vel Nepete in provincia patrimonii S. Petri sitae reperiuntur, quarum prima in colle aedificata, in suo unius circiter milliarii ambitu tercentum enumerat domos et fere bismille et quingentos habitatores continet; altera vero plano in loco posita in suo unius pariter milliariii ambitu ultra biscentum quinquaginta domos, atque bismille complectitur incolas.

Cathedralis Ecclesia Sutrina Assumptionis Bmae semperque Virginis Mariae, et S. Dulcissimae Virginis ac civitatis Patronae titulo gloriatur, boni est aedificii, et nullam reparationem expostulat: Nepesina vero SS. Romano et Ptolomeo ipsius civitatis antiquioribus Episcopis et Patronis dicata sub invocatione Assumptionis Bmae Virginis Mariae optimi et recentis aedificii, nullius eget reparationis, et utraque Apostolicae Sanctae Sedi est immediate subiecta.

Primodictae Ecclesiae Capitulum unicam Archipresbyteratus habet dignitatem, quatuordecim Canonicos cum theologo ac poenitentiario, ac duos Beneficiarios: Capitulum autem Nepesinum itidem unicam Archipresbyteri recenset dignitatem, septemdecim Canonicos cum utraque praebenda, ac duos Beneficiatos; utrobique tandem nonnulli alii Presbyteri et Clerici divinis inserviunt.

Habitualis cura animarum est penes unumquodque Capitulum; attamen exercetur per proprium Parochum Canonicali praebenda donatum, et per concursum electum atque ab Episcopo adprobatum respectivis in Cathedralibus, ubi praeter baptismalem fontem, ac sacrarium supellectili sacra sive ad divina obeunda officia, sive ad pontificalia exercenda satis instructum praesto sunt plura Sanctorum

corpora, insignesque reliquiae magna veneratione custoditae, ac etiam chorus, organum, campanile cum campanis et coemeterium extra civitatem.

Respectivae Episcopales aedes Cathedrali adhaerentes optimum habent aedificium, et nullam exigunt reparationem.

Praeter Cathedralem in Sutrina civitate altera tantum extat paroecia, unum virorum et aliud mulierum monasterium: in Nepesina vero civitate aliae quatuor reperiuntur parochiales Ecclesiae sine fonte baptismali, duo virorum et unum mulierum monasterium: utrobique tandem praesto sunt hospitale, plures laicorum sodalitates, mons pietatis, et seminarium.

Dioeceses unitae ad septuaginta circiter milliaria extenduntur, et plura sub se continent loca.

CATHEDRALEM ECCLESIAM PLACENTIN. vacan. per obitum bon. mem. Antonii Ranza ultimi illius Episcopi extra romanam curiam defuncti; Sanctissimus ad dictam Ecclesiam Placentinam promovit presbyterum R. D. Ioannem Baptistam Scalabrini ex legitimis catholicis. honestisque parentibus in loco, cui vulgo nomen Fino Comensis dioeceseos progenitum et in nono supra tricesimum aetatis suae anno constitutum. Sacro Presbyteratus ordine dudum insignitus, in ecclesiasticis obeundis functionibus navam impendit operam. In seminario dioecesano ad S. Abundium linguarum italicae, latinae, ac graecae Magistrum agens, inibi Rectoris munere perfunctus est. Inter pro-synodales dioeceseos Examinatores adscitus, Parochus-Prior ad S. Bartholomaeum in suburbiis Novocomi ad praesens usque renunciatus est.

Placentia urbs Italiae notissima in Aemilia posita ad laevam Padi, plano feracique in loco aedificata, muro et arce munita, quinque prope milliarium spatio concluditur, ac fere sex mille familias, incolasque continet triginta circiter mille.

Cathedralis Ecclesia, operis antiqui amplissimique, a Beata Maria semper Virgine in Coelum Assumpta nuncupatur, et optimi elegantisque aedificii nulla indiget reparatione; Cathedra vero Episcopalis Apostolicae Sanctae Sedi est immediate subiecta.

Eius Capitulum sex enumerat dignitates, quarum post pontificalem princeps Praepositura, viginti septem Canonicos cum utraque praebenda, Mansionarios quatuor, triginta Beneficiarios, et duos caeremoniarum magistros, aliosque Presbyteros et Clericos divinis ministeriis inservientes.

Habitualis animarum cura penes Collegium Canonicorum est, et actualis apud Canonicos Praepositum et Archipresbyterum, sed per

duos Sacerdotes exercetur, alterum a Praeposito, alterum ab Archipresbytero electum, ab Episcopo adprobatos et ad nutum amovibiles. In eadem Cathedrali Ecclesia fonte baptismali munita, plura Sanctorum pignora, praecipue corpus S. Iustinae Virginis et Martyris civitatis Patronae, religiose adservantur: insunt pariter duo sacraria omni sacra supellectili ad divina peragenda, exercendaque pontificalia munera abunde locupletata; chorus insuper, tria organa, turris cum campanis, et coemeterium extra ipsius civitatis moenia posi

tum est.

Praeter Cathedralem dum supra triginta parochiales Ecclesiae eadem in urbe recensentur fonte baptismali praeditae, quarum sex sunt etiam Collegiatae, collegium virginum Ursulinarum nobilibus puellis instituendis, quaedam virorum ac duo mulierum monasteria, domus orphanorum et tria puellarum conservatoria, plura laicorum sodalitia, duo hospitalia, mons pietatis, seminarium, nec non insigne Alberonianum collegium Presbyteris S. Vincentii a Paulo concreditum, sexaginta Clericis per novem annos pietate ac doctrinis tum philosophicis, tum theologicis ad sacerdotale munus gratis instituendis, ac aliud in dioecesi seminarium.

loca.

Dioecesis Placentina latissime patet, et plura sub se complectitur

CATHEDRALEM ECCLESIAM NOVARIEN. vacan. per obitum bo. me. Iacobi Philippi Gentile ultimi illius Episcopi extra romanam curiam defuncti; Sanctissimus ad eam promovit R. D. Stanislaum Eulam Presbyterum Monregalensem, Archipresbyterum illius Cathedralis, Casuum moralium et Sacrae Liturgiae Moderatorem, et S. Theologiae

Doctorem.

Novaria Insubriae civitas in agro Pedemontano Mediolanum inter et Vercellas supra collem aedificata, in suo duorum fere milliarium ambitu, viginti circiter habitant incolarum millia.

Ecclesia Cathedralis Bmae semperque Virginis Mariae in Coelum Assumptae titulo gloriatur, bonum praefert aedificium, nullius magni momenti reparationis eget et Archiepiscopo Vercellensi suffragatur.

Eius Capitulum duplicem recenset dignitatem, cuius post pontificalem princeps Archidiaconatus, quindecim cum theologo ac poenitentiario Canonicos, novem Beneficiatos, quatuor Capellanos-Chorales, aliosque Presbyteros et Clericos divinis inservientes.

Per Archipresbyteri dignitatem, cui duo Sacerdotes auxilium praebent, animarum cura ipsamet exercetur in Cathedrali, ubi nedum

fons adest baptismalis, atque sacrarium omni supellectili sacra sive ad divina obeunda officia, sive ad pontificalia peragenda sufficienter instructum, verum et nonnullae praesto sunt insignes Sanctorum reliquiae, praesertim SS. Laurentii Presbyteri et Martyris, Bernardi et Agabii eiusdem civitatis Episcopi, decenter adservatae, chorus insuper, organum, campanile cum campanis et extra urbem coemeterium. Episcopale palatium, commodum satis ac decens, ipsi adhaeret Cathedrali, nullamque exposcit reparationem.

Quinque aliae recensentur Novariae paroeciales Ecclesiae, quarum altera sub titulo S. Gaudentii est etiam Collegiata, et quatuor in suburbiis; quaedam insuper virorum ac duo mulierum monasteria, aliquot laicorum sodalitia.

CATHEDRALEM ECCLESIAM CONSTANTIEN. provinciae Rothomagen. vacan, per dimissionem a R. P. D. Ioanne Petro Bravard in manibus Sanctitatis Suae libere ac sponte peractam, ab Eademque admissam: Sanctissimus, ad nominationem perillustris Viri Mauritii de Mac-Mahon Ducis Magentae, Gallicae Reipublicae Praesidis, ad eam promovit R. D. Abelem Anastasium Germain Presbyterum Dioeceseos Baiocensis, Archipresbyterum Parochum illius Dioecesis.

CATHEDRALEM ECCLESIAM S. PETRI, SEU MARTINICEN. vacan. per translationem R. P. D. Amandi Iosephi Fava ad Sedem Gratianopolitanam; Sanctissimus ad recensitam Ecclesiam ad nominationem perillustris Viri Mauritii de Mac-Mahon Ducis Magentae, Gallicae Reipubl. Praes. promovit R. D. Iulianum Franciscum Petrum Carméné ex legitimis, catholicis, honestisque parentibus in paroecia de Trébry dioeceseos Briocensis progenitum et in quadragesimo septimo aetatis suae anno constitutum. Dioecesi S. Dionysii canonice incorporatus, ac Presbyteratus ordine dudum initiatus, in ecclesiasticis obeundis functionibus navam impendit operam. Apud S. Dionysii vel Reunionis civitatem ac dioecesim in curae animarum exercitio qua Vicarius addictus, Superior seminarii-collegii ac Parochus in vasta paroecia adlectus est. Eadem sede vacante Administratoris munere perfunctus, ac illius Antistitis Vicarius in spiritualibus Generalis ad praesens usque renunciatus est.

Cathedralis Ecclesia, satis amplae elegantisque structurae, Bñae Virginis Mariae in coelum Assumptae titulo gloriatur, nullius eget reparationis atque Burdigalensi Archiepiscopo suffragatur.

Eius Capitulum nondum constitutum quindecim circiter recenset Canonicos honorarios; animarum vero cura per Parochum Decanum a duobus Vicariis adiutum ipsamet exercetur in Cathedrali, ubi ne