meos, omniaque pia opera divino conspectui offer, . atque effice, ut in gratia ex hac perveniam ad vitam aeternam. Amen.

Quietem capiam, mi Jesu, ut vires corporis restaurem et divino tuo obsequio aptior fiam. Mi Jesu, quoties respiro per noctem, toties tu a me sis benedictus, uti in coelis te Seraphim benedicunt et Cherubim. Mi Jesu, in te credo, mi Jesu, in te spero, mi Jesu, te amo super omnia. Tibi vigilo, tibi dormio, tibi vivo, tibi morior, amantissime Jesu! Nos cum prole pia benedicat Virgo Maria †.

Dum vestes exuis, recita pro animabus fidelium defunctorum Pater noster et Ave Maria cum Psalmo De profundis. Dum lectum subis: In nomine Domini nostri Jesu Christi crucifixi cubitum eo; ille mihi benedicat, custodiat me, et ad vitam perducat aeternam.

In lecto: In manus tuas, Domine, commendo spiritum meum. In pace cum Deo et hominibus dormiam et requiescam.

Evigilans mox mentem ad Deum eleva, ut cum Davide possis dicere:,,memor fui nocte nominis tui, Domine :" et huiusmodi affectus elice:,,Laudate Deum sol et luna: laudate eum omnes stellae et lumen. Benedicite noctes et dies Domino : benedicite lux et tenebrae Domino. O quot religiosorum millia media nocte surgunt ad confitendum Domino, et ego in molli strato iaceo! Gaudeo ex animo, mi Deus, quod tu lauderis; particeps ego sim omnium timentium te! O quot homines hac nocte mortem oppetunt! utinam felicem? omnipotens faustam donet morientibus horam! - Si tam molestum est, modicum sine somno iacere in plumis, quam grave erit, per totam aeternitatem iacere in prunis!"

(Incipe denique recitare Litanias, vel alias preces familiares; ita facile tibi somnum conciliabis.)

ORDO VITAE SACERDOTALIS.

Pro quolibet vitae tempore.

I. Deum diligite. Deum summe bonum, summe perfectum, summe beneficum supra omnia et ex toto

corde diligite, ita, ut in omnibus actibus vestris placeatis illi, et unusquisque vestrum interroganti Christo, amas me? possit ter cum Apostolo Petro respondere. Domine, tu scis, quia amo te. O cor durum et adamantinum, cor e sua sede avellendum, quod tanto divini amoris incendio circumdatum et involutum nullas divini amoris flammas aut scintillas perciperet! Nos ergo diligamus Deum, quoniam Deus prior dilexit nos. (1. Joan. 4.)

II. Christum imitamini. Christum, omnium virtutum exemplar, vita, moribus, tota agendi ratione continuo exhibete; seu specimen Christi cogitantis, loquentis, agentis, patientis undequaque circumferte; ita ut, qui vos viderint, vos Christiferos aut Christiformes iure possint appellare.

III. Bonum exemplum praebete. Exemplum esto fidelium in verbo, in conversatione, in caritate, in fide, in castitate." (1. Tim. 4. 12.),,Nullum puto, ait S. Greg. M., ab aliis maius praeiudicium, quam a sacerdotibus tolerat Deus, quando eos, quos ad aliorum correctionem posuit, dare de se exempla pravitatis cernit, quando ipsi peccamus, qui compescere peccata debuimus Causa sunt ruinae po

puli sacerdotes mali . . . . Cuius vita despicitur, necesse est, ut etiam praedicatio contemnatur." ,,Misera sacerdotum conversatio est plebis Dominicae miserabilis subversio." (S. Bern.) Vita clericorum liber est laicorum." (Conc. Turon. 1537.) — Sit omnibus exemplum vestrum Evangelium vivens, speculum lucens, liber docens. Vita vestra cum nomine et cum charactere concordet. Cum nomine: clericus secundum vim nominis pars et sors Domini; presbyter, praebens iter, aut senior, non tam aetate, quam prudentia et morum gravitate; sacerdos, sacer dux, sacra dans, sacra docens, sacra dicens. Cum charactere: quo tam alte ceteris vitae conditionibus praecellitis: Ego elegi vos de mundo. (Joan. 15.)

Fecit nos regnum et sacerdotes Deo et Patri suo. (Apoc. 1.); quo tam proxime acceditis ad Angelos, ad Mariam, ad Christum, ad Deum; ad Angelos ministerio et functione: vos omnes pariter ac Angeli, estis administratorii spiritus, in ministerium missi propter eos, qui hereditatem capient salutis; ad Mariam relatione: de qua natus est Jesus, qui quotidie de novo in vestris manibus velut in utero Virginis incarnatur; ad Christum potestate: sicut misit me Pater, et ego mitto vos: ad Deum ipsum dignitate: Ego dixi, dii estis vos. Quale ergo monstrum, quale portentum, cum ii, qui gradu supremo ac dignitate summa ad apicem coeli et thronum Dei evehuntur, moribus infimis et vita ima ad profundum abyssi, et characterem bestiae deprimuntur! Homo, cum in honore esset, non intellexit; comparatus est iumentis insipientibus, et similis factus est illis. (Ps. 48.)—,,Sic decet omnino clericos in sortem Domini vocatos vitam moresque suos omnes componere, ut habitu, gestu, incessu, sermone aliisque omnibus rebus nil nisi grave, moderatum ac religione plenum prae se ferant; levia etiam delicta, quae in ipsis maxima essent, effugiant, ut eorum actiones cunctis afferant venerationem." (Conc. Trid. Sess. 22. c. 1. de ref.)

IV. Mariam, Angelum custodem et Sanctos colite. Mariam, filiam Dei Patris, matrem Dei Filii, sponsam Spiritus sancti, templum totius Trinitatis, coeli et terrae ac potissimum cleri reginam summo studio colite. Pariter sanctos patronos tum nominis, tum loci: sanctos sacerdotes et levitas, totamque aulam coelestem pia devotione semper colite, eamdemque devotionem aliis inspirate.

V. Pietatem fovete. Pietatem ut sacrarum functionum vestrarum comitem fidissimam tenerrime fovete. Exerce teipsum ad pietatem. (1. Tim. 4.) Nam plurimum valet ad attentionem mentis parien

dam, ad fervorem cordis accendendum, ad devotionem animi inflammandam, ad bona opera perficienda, ad merita cumulanda, etc. Pietas ad omnia utilis est. (Ibid.)

VI. Orationi vacate. Orationi, quae intima est Dei cum homine, hominis cum Deo collocutio, qua hominum vota ad Deum deferuntur, quaque Dei dona ad homines referuntur, quotidie saltem per semihoram, humillima mentis attentione, devotissimo animi sensu vacate. Juxta S. Aug. recte novit vivere, qui recte novit orare, et ex Doctorum sententia, qui orationem abiicit, viam salutis deserit; diem igitur sine oratione transactum amissum diem existimate. Inter cetera vitae christiane et sacerdotaliter instituendae media meditatio excellentissimum et forte viris sacris absolute necessarium.,,Cum videro quempiam non amantem orandi studium, nec huius rei fervida vehementique cura teneri, continuo mihi palam est, eum nihil egregiae dotis possidere. Et quisquis non orat Deum, nec divino colloquio cupit assidue frui, is mortuus est et vita carens, expersque sanae mentis; nam hoc ipsum est evidentissimum argumentum amentiae, non intelligere magnitudinem huius honoris, nec amare deprecandi studium." (S. Bonav.) Inter ceteros auctores, qui matetiam meditationis suppeditant, commendantur Beuvelet, Nepveu, de Ponte, Lancicius, Neuville, Chevassu, Chenart, Crasset, Avancinus, Croiset, Abelly, Medaille, Chappuis, Boissieu, Girandeau, Lercari, Scotti, Tanner, Boppert, Chaignon, Kroust, Schloer, Le Maitre etc. qui forte ad conciones componendas, ad populos edocendos vobis maiori poterunt esse adiumento, quam ipsi concionatorum libri. Divinum officium integre, reverenter, digne, attente, ferventer, pie ac devote semper recitate. Locum et tempus ad hoc munus idoneum seligite. Saltem in tres vices officium diurnum partimini. Sa

-

tius est, quoad fieri potest, Matutinum et Laudes vigilia praecedenti, hora competenti recitare ob maiorem facultatem die sequenti spiritualibus exercitiis, studio, et compositioni vacandi, Missam bene mane in gratiam agrestium, operariorum et domesticorum celebrandi, et ob plurima, quae ex inopinato adveniunt, quaeque curam praesentem exigunt. Ex modo, quo horae canonicae quotidie persolvuntur, thesaurus aut remunerationis aut vindictae singulis diebus vobis paratur; qualis ergo et quantus pro tota vita asservabitur? -In Psalmorum, Canticorum et Hymnorum intelligentiam opportuno tempore studiose incumbatis. 1)

VII. Spiritum ecclesiasticum renovate et confirmate. Spiritus ecclesiasticus est spiritus Christi, summi sacerdotis, ecclesiae ministris ad sui ordinis munia diligenter, alacriter et constanter obeunda abunde communicatus; seu ingenium sacerdotale est participatio copiosa Spiritus Christi ad functiones status ecclesiastici prompte, apte et digne exercendas. Quicumque spiritu Dei aguntur, ii sunt filii Dei ... Si quis spiritum Christi non habet, hic non est eius. (Rom. 8.) Quod lumen coloribus, succus arboribus, penna volucribus, aqua piscibus, anima corporibus, hoc ferme viris sacris ingenium sacerdotale. In quibus vivit et viget, eos ad quaelibet audenda, sustinenda, perficienda pro gloria Dei et animarum salute expeditos, alacres, indefessos vides; contra vero, in quibus desideratur, eos non nisi elanguidos, desides et torpentes conspicis, eosque cum idolis et canibus mutis rite confers. Genius ille clericalis ordinatione, oratione, cum Christo coniunctione, status

1) Ad hunc finem valde commendari possunt praeclarissima opera D. D. Thalhofer et Schegg, et R. P. Cartier Psalmodiae ecclesiasticae dilucidatio, quae nunc iterum pro iis, qui Breviario Romano utuntur, Ratisbonae imprimitur.