emptor in dominio manebit. Item si quis in sede judicis Civitatis aut judicis alicuius villae vallis Agriensis, habens causam ventillatam, de cuius discussione pars altera non est contenta; in hoc casu potest appellare ad Sedem domini Provisoris arcensis: et si nec ibi fuerit contentus, extunc poterit appellare ad propriam personam domini Reverendissimi Episco eisdem loci, vel Locumtenentis suae Reverendissimae dominationis, lege tamen civitatis et totius vallis Agriensis suo in loco permanente; a Sede autem domini Reverendissimi non fit appelatio ad aliquem superiorem. Item nobilis quispiam, aut persona dignitate fungens sacerdotali, sive monachus, non possunt cives ipsos in causis prophanis et mere civilibus alio citare, quam ad judices eorum ordinarios et modo prae misso. Item nulla causa ecclesiastica potest a judicibus ipsis saecularibus revideri, nec contra civilis a Vicario in spiritualibus: sed ad suum quaeque causa judicem competentem remittatur. Item si quis causa adiudicata in sede judicis, manente adhuc sede, non appellaret ad sedem Provisoris, verum postridie aut deinceps, talis appellatio nullius est vigoris; poterit tamen, si voluerit, et sese gravatum esse aliquibus ex rebus putaverit, a domiuo Reverendissimo Episcopo, aut judice novum judicium impetrare. Item si quis li beros non habet, potest de rebus suis testamentaliter et legitime, prout volet, disponere; testamentum offerri debebit domino Reverendissimo confirmandum. Item si quis civium aut incola praefatae vallis Agriensis, homicidium aut effusionem sanguinis, aut aliquod simile crimen perpetraverit, isque bona ibidem habere compertus fuerit, provisor, aut castellanus, vel aliquis officialis non potest eum apprehendere, sed Ju dex civitatis vel villae suus ordinarius; ipse tamen judex debet comprehensum legitime secundum qualitatem demeriti castigare et punire, ne malificia huiusmodi propagentur. Nos itaque accepta humillima supplicatione praenominati Joannis Szalay. suo ac aliorum quorum supra nominibus et in personis, nobis modo quo supra porrecta, exaudita et admissa, eosdem articulos annotatorum civium nostrorum de et super antiquis ipsorum juribus, legibus et consuetudinibus, praesentibus nostris his privilegialibus de verbo ad verbum insertos et inscriptos, ratos, gratos et accepta habentes, approbavimus, roboravimusque et ratificavimus, ac pro praenominatis universis civibus nostris, ipsorumque posteris et successoribus universis innovando perpetuo valituros cofirmamus, roboramus et ratificamus, salvo jure alieno, harum nostrarum, quibus sigillum nostrum, quo utimur, est appensum vigore et testimonio litterarum. Datum Viennae nona die mensis Aprilis anno Domini millesimo quingentesimo quinquagesimo secundo. Nos itaque supplicatione praefatorum dictae civitatis et vallis Agriensis civium, nobis modo quo supra porrecta, favorabiliter exaudita et admissa, praescriptas litteras dicti domini Archiepiscopi Strigoniensis, nostri antea praedecessoris Agriensis, non abrasas, non cancellatas, nec in aliqua sui parte suspectas, praesentibusque litteris nostris verbotenus sine diminutione et augmento aliquali insertas, quoad omnes earum continentias, clausulas et srticulos, eatenus quatenus eaedem rite et legitime existunt emanatae, viribusque earum veritas suffragatur, ratas, gratas et accepta habentes, approbavimus, roboravimusque et ratificavimus, ac pro praefatis universis civibus nostris, ipsorum posteris et suc cessoribus universis perpetuo valituras confirmavimus; imo acceptamus, approbamus, roboramus et confirmamus, salvo jure alieno. Harum nostrarum, sigilli nostri authentici appensione communitarum vigore et testimonio litterarum. Datum Viennae sexta die mensis Junii anno Domini millesimo quingentesimo sexagesimo. 1560.sept. 1. LI. Lőcse város tanácsának Verancsics Antal. Prudentes et circumspecti domini, amici nobis honorandi, salutem et nostri commendationem. Sacratissima Maiestas Caesarea, dominus noster clementissimus, misit nos ad partes istas superiores, ut cum Vestris dominationibus, et cum quorundam Comitatuum dominis nobilibus tractemus de certis magnis et arduis Suae Caesarcae Maiestatis et publicis Regni sui negotiis. Propterea, quia iam dedimus litteras nostras de hoc ad praefatorum Comitatuum dominos nobiles, Vestras quoque dominationes praesentibus hortamur et rogamus, ut delectis certis fratribus vestris, velint eos ad festum Nativitatis Beatae Mariae Virginis proxime futurum Eperiesinum mittere, cum plena informatione et mandato tractandi et decernendi nobiscum ea omnia, quae tunc cum illis nomine eiusdem Caesareae Maiestatis communicabimus. Nec rei ullam moram interponant hortamur, quia quum sint momenti res eaedem maximi, Sacratissima Maiestas Sua quam primum de his constitui desiderat. Deus Optimus Maximus dominationes Vestras con servet incolumes. Ex oppido Rosenberg prima Septembris Anno 1560. Antonius Verancsics Electus Episcopus Agriensis manu sua. Joannes Pető mp. LXII. Ferdinánd császárnak Verancsics Antal és Pethó János. Ad Caesaream Maiestatem. Nos, ut Sacratissima Maiestas Vestra Caesarea 1560. sept. 11. clementer intelligere dignetur, actiones et progressus in praesenti nostro negotio, nobis ab Eadem benigne demandato, sexta die mensis instantis Eperyessium appulimus. Et quia adhuc ex itinere dederamus litteras nostras ad omnes tres Ordines, videlicet Civitates, Comitatus et dominos harum superiorum partium Magnates; nudius tertius cum Civitatibus egimus de negotio, et responsum earum ad dominicam proximam expectamus. Comitatuum quoque deliberationem et adventum operimur; quemadmodum et dominorum Magnatum. Nec adhuc quicquam de aliis certi scribere pos sumus, dubii non mediocriter, an dominus Bebek ad nos sit venturus, conscribendorum militum et quarumdam rerum in hoc confinio novandorum studio intentus. Dominus tamen Perenny nunciavit nobis per proprium hominum suum, paratum se ultra etiam Eperyesium ad nos, ut ad Commissarios Vestrae Caesareae Maiestatis descensurum; verum orare nos, ut Cassoviae cum eo conveniamus, longius ab sua domo recedere non sit tutum. Nos habita ratione conditionis eius et temporis, ut in Regni parte non admodum quie ta domini Bebeki intemperiis, hodie Cassoviam proficiscimur; quo si dominus quoque Bebek accesserit, bene erit; sin minus Eperyesium revertemur, et cum caeteris, quicquid facere poterimus, enitemur, Vestramque Caeseream Maiestatem quamprimum de omnibus edocebimus. De rebus autem novis hoc habemus: Melchiorem Balassam per Transsilvanos, provinciae totius nomine in Transsilvaniam accersitum ; eumque decrevisse eo proficisci, habiturumque sexcentos equites et peditatum fere parem. Tartaros quoque, de quibus tanta ferebantur, non esse tanti, ut cuiuspiam momenti habeantur; divisos tamen fuisse per finitimas hostium arces et stationes, idque tam parvo numero ubique, ut cuique loco paucissimi cesserint. Quicquid inposterum emerserit, humillime et diligenter scribemus. Deus Optimus Maximus Vestram Caesaream Maiestatem incolumem et felicem conservet. Eperyesii XI. Septembris 1560. LIII. Ferdinánd császárnak Verancsics Antal. Ad Sacratissimam Caesaream Maiestatem etc. 1560. sept. 18. Post fidelium etc. Jam dies sunt XIV, quod hic Eperyesii cum domino Pethew sumus, et mandata commissa nobis, de gentium subsidio a dominis Magnatibus, Comitatibus et Civitatibus Agriensi arci obtinendo, si quae illi subita obsidionis exspectatio ingruisset, urgemus; nec adhuc certo scribere ad Maiestatem Ve |