micorum vires hic secure resistere possimus, Agriamque salvam conservare. Ubi autem, quantum de dominationibus Vestris confidimus, iuvare nos gentibus suis promissis maturaverint, optime de salute patriae consuluisse, et Sacrae Caesareae Maiestati gratissi mum obsequium praestitisse se noverint. Responsum itaque ab eisdem cito expectamus, et feliciter valere cupimus. Agriae 8. Aprilis 1562. Antonius Verantius, Episcopus Agriensis, Comes perpetuus Hewesiensis et Borsodiensis mp. XCIX. Kassa város tanácsának Verancsics Antal. Prudentes et circumspecti domini, amici nobis 1662. apr. 21. honorandi, salutem et nostri commendationem. Litteris dominationum Vestrarum cognitis, quantum et pro aequitate communi, et in favorem earundem facere debuimus, non praetermisimus, in negotio honestae matronae dominae Annae Bodog Janosnee, sororis Reverendissimi olim domini Episcopi Vaciensis. Nam praesentibus et Capituli huius testimonio, et Egregio Ladislao Petzely, collega utpote ipsius Demetrii Matyus in ipso Episcopatus officiolatu, iussimus omnium rerum inventarum rationem iustam haberi, quae hoc in loco ab ipso Demetrio Matyus compertae fuerint, easque reservari integre ad hoc faciendum debitum; quemadmodum de hoc negotio dominationes Vestrae plenius intelligent ab Egregio domino Joanne Suka. Episcopus Agriensis, Comes perpetuus 1562. apr. 25. C. Kassa város tanácsának Verancsics Antal. Prudentes et circumspecti domini, amici nobis honorandi, salutem et nostri commendationem. Quandoquidem dominationes Vestrae nobis auxilia, quae ab eisdem propter reditum Passae Budensis postulavimus, submittere nequeunt, habemus dominationes Vestras excusatas, nosque eisdem commendamus et easdem bene valere cupimus. Agriae die 25. Aprilis 1562. Antonius Verantius, Episcopus Agriensis, Comes perpetuus 15 62. apr. 26. CI. Kassa város tanácsának Verancsics Antal. Prudentes et circumspecti domini, amici nobis honorandi, salutem et nostri commendationem. Litte ras dominationum Vestrarum pro parte Michaelis Szabo, concivis earundem, in illius causa, quam cum Szegediensibus habet, ad nos datas accepimus. Qui pro aequitate communi, quam in omnibus iudiciis nostris observare solemus, quantum fieri potuit, non defuimus. Quodsi tamen ea ipsa causa necdum ad finem perduci potuerit, periculosi huius temporis, et praesentium tumultuum ratio obstitit; propter quod ipsi Szegedienses culpandi non sunt, si ob evitanda graviora pericula, eorum huius causae revisio ulterius differi necessario debuerit. De qua re Vestrae dominationes plenius ab ipso Michaele Szabo intelligent. Quas bene valere optamus. Agriae die 26. Aprilis 1562. Antonius Verantius Episcopus Agriensis, Comes perpetuus CII. Kassa város tanácsának Verancsics Antal. Prudentes et circumspecti domini, amici nobis 1562. máj. 24. honorandi, salutem et nostri commendationem. Superioribus diebus petieramus a vobis 200 illos pedites, quos obtuleratis ad requisitionem Sacrae Caesareae Maiestatis Agriae, in subitis et fortuitis eius periculis; eosque ipsos pedites, quia tunc suppeditare huc nobis nequivistis, propter auxilia, quae nuper in castra Magnifici domini Zay, Passae viribus obsessi, miseratis; nunc quod iam Passa videtur arci huic nostrae Agriensi, quae est totius Regni clypeus et propugnaculum, imminere, hortamur vos et nihilominus etiam vehementer rogamus, velitis eosdem pedites praefato numero, statim his nostris litteris visis, huc Agriam sic expedire, ut tunc temporis inter vos et Commissarios Sacrae Caesareae Maiestatis, Magnificum dominum Joannem Pethew et Agriensem Episcopum, commemoratum erat, utque, quoad hic nobiscum erunt, necessaria sua sustentatione non destituantur. Neque id praetereatis, nec obaudiatis, petimus diligenter, si reipsa saluti propriae consulere velitis; maxime hoc tempore, quo ex hac parte videtur illi non obscurum impendere periculum. Passa enim Budensis traiecto Tibisco, dimissisque ab eo nonnullis janitsaris, qui stativa sua ultra Danubium, et ab illis locis paulo habent longius, ipse cum quatuor circiter millibus equitum, ut refertur, prope quotidie nobis inter Szolnok et Jasz-Berenyum, in sexto ab arce Agriensi milliari, iuxta amnem Zagyva consedit, ibique equis ad gramina depascenda expositis, et currus magno numero dedititiis subditis imperavit, et vim maximam materiae sulphuris partim in castra, partim ad Szolnok comportari fecit; quod utrumque manifesto est indicio, eum conatus aliquos meditari contra partem aliquam horum nostrorum finium; iamque circumfertur, quod aut Tibiscum ponte coniunget, ut facilius excursibus ultra Tibiscum vacare possit, postquam tractus illos hac obsidione Szathmariensi latissime exploraverit et praecognoverit; aut castellum aliquod loco, rebus suis opportuno, opponet Agriae; praesertim hoc suo eventu proximo elatus, quo neminem prope in tanto excursu viderit, qui sese illi obie cisset proeliique fecisset facultatem, ideoque sic molitur secure. Quicquid vult, cum nobis prope sub oculis obversetur, ut insolens hostis; non immerito cogimur esse solliciti de incolumitate loci huius, quum omnino sine aliqua magna causa is hostis tam prope nos non consederit. Quapropter nunc maxime, existimamus, opus est Agriae isto ipso vestro auxilio peditum ducentorum, quod ut nobis sine mora submittatis, quove volente Sua Caesarea et Regia Maiestate provideamur et instruamur, etiam atque etiam efflagitamus, rogamusque summo studio, ne quid in hoc morae ac negligentiae committatis propter Sacrae Caesareae et Regiae Maiestatis indignationem, quum necessitas loci huius urgentissima sit, estque illi celerrime succurrendum. Bene valeatis. Agriae 24. Maii 1562. Antonius Verantius, Episcopus Agriensis, Comes perpetuus CIII. Maximilián cseh királynak Verancsics Autal. Sacra ac Serenissima Regia Maiestas, Domine,1562. máj. 26. domine Rex et Princeps mihi semper clementissime. Post fidelium et perpetuorum servitiorum meorum in gratiam Sacrae Vestrae Regiae Maiestatis humillimam commendationem. Ad diem mensis huius XXI. accepi litteras Vestrae Maiestatis, quibus clementer mandabat, ut praefectos, qui petitam ex hoc loco mis |