38

La raison de cecy est, que Nostre-Seigneur, venant en ce monde, ne voulut aucunement user de son pouvoir et de son authorité, ni faire cognoistre ce qu'il estoit, se monti ant en tout sujet aux loix de l'enfance, ne parlant qu'en son temps comme les autres; et luy qui, non seulement en tant que Dieu, sçavoit toutes choses, mais aussi en tant qu'homme, cette grace lui ayant esté infuse des l'instant de sa conception, en laquelle il fut rempli d'une science parfaicte, à cause de l'union de la divinité avec l'humanité, ne voulut neantmoins la faire paroistre en aucune chose, jusqu'à l'aage de douze ans, qu'il fit estonner et esmerveiller les docteurs l'ayant entendu parler dans le temple, lorsqu'il fit paroistre un petit eschantillon de cette science divine et incomparable qu'il avoit, mais depuis son enfance jusques alors, et depuis ce temps-là jusques à ce qu'il commençast à prescher son Evangile, il l'a tousjours tenue close et cachée sous un profond silence. Hé Dieu ! que lui eustil cousté? luy qui aimoit si cherement sa tres-sacrée mere et S. Joseph, son pere nourricier, de leur dire un petit mot à l'oreille, pour les advertir qu'il falloit qu'ils evitassent la furie d'Herode, en s'en allant en Egypte, mais qu'ils n'eussent point de crainte, d'autant qu'il ne leur arriveroit aucun malheur. Ne pouvoit-il pas aussi les advertir qu'ils s'en revinssent en Israël, et qu'Herode qu'ils craignoient estoit mort? Il ne le fit pas néantmoins, ains attendit que l'ange Gabriel vint reveler à S. Joseph qu'il le falloit faire, en quoy il fit paroistre un admirable abandonnement, se rendant des lors le parfait exemplaire de tous les hommes, mais particulierement de ceux qui sont en l'estat de perfection, comme sont les religieux et les prelats, quoy que differemment: car les religieux sont en l'estat de perfection, c'est à dire en un estat propre à se perfectionner; mais les prelats doivent non-seulement estre en l'estat de

De mesme la vie de Nostre-Seigneur doit estre distinguée en deux parties: la premiere est le modele et le patron des religieux, qui est celle qu'il a menée depuis sa naissance, jusqu'à ce qu'il commençast l'œuvre de nostre redemption, c'est à dire qu'il commençast sa predication; car l'Evangeliste S. Luc dit expressement qu'il demeura tousjours pendant ce temps subject à ses parens, et erat subditus illis. Mais des lors qu'il eut commencé à enseigner et prescher, il fit toutes les fonctions appartenantes aux evesques, instituant les sacremens sur l'arbre de la croix, où il offrit ce sacrifice sanglant de soy-mesme, ayant auparavant institué le sainct sacrement de l'autel en la derniere cene qu'il fit avec ses apostres, qui est semblablement un sacrifice non sanglant.

Poursuivons nostre discours et considerons comme Nostre-Seigneur s'est rendu le vray et parfaict exemplaire de la vie religieuse, pendant tout le cours de sa tressaincte vie, et voyons en quelle abnegation de soy-mesme il a tousjours vescu, ma's specialement durant son enfance, quoyqu'il fust Dieu.

Et, pour mieux comprendre cette abnegation, nous en ferons trois poincts, que de pauvreté, j'appliquerai aux trois vœux, chasteté, et obeïssance que font les religieux.

Or, pour commencer par l'abnegation des biens de la terre, se peut-il jamais voir une pauvreté plus desnuée que celle de Nostre - Seigneur? Voyez premierement comme des sa naissance il renonce à la venant maison de son pere et de sa mere, naistre en une ville, laquelle si bien luy appartenoit en quelque façon, estant fils de David; neantmoins il renonce tellement à tout, que le voilà reduit dans une pauvre estable, destinée pour la retraite des bestes, en laquelle estant nay, il fut couché dans une creche qui lui servit de berceau; et apres, quelles necessitez pensez-vous qu'il souffrit pendant son voyage d'Egypte, tout le temps qu'il y demeura? Enfin sa pauvreté fut si grande, qu'elle passa jusques à la mendicité, selon l'opinion de quelques docteurs, et n'estoit nourry que

et

d'aumosnes; car chacun sait bien que les beaux-peres ne sont pas obligés de nourrir les enfans de leurs femmes; et neantmoins Nostre-Seigneur n'estoit nourry que du travail de S. Joseph et de celuy de sa tressaincte mere, qui gagnoient leur vie à la sueur de leur visage, ce divin enfant | ne pouvant pas en si bas aage gagner la sienne.

Mais pour mieux voir sa grande pauvreté, quand il fut question de retourner d'Egypte apres la mort d'Hérode, s'ils eussent eu quelque bien en Israël, S. Joseph n'eust pas mis en doute s'ils retourneroient en Judée, ou s'ils iroient en Israël; mais parce qu'ils n'avoient rien, ou fort peu de chose, ils ne savoient de quel costé aller. Davantage, l'amour que Nostre-Seigneur portoit à la pauvreté luy fit prendre et garder tousjours le nom de Nazareth, d'autant que c'estoit une petite ville si pauvre et si mesprisée, que l'on ne croyoit pas (comme dit Nathanaël à sainct Phihippe) qu'il pust venir quelque chose de bon, ou sortir quelque grand personnage de Nazareth. A Nazareth potest aliquid boni esse (4)? Et bien que Nostre-Seigneur eust pu se faire appeler de Bethleem, ou de Hierusalem, il ne le voulut neantmoins jamais faire, tant pour cette cause que pour d'autres que nous dirons bien-tost.

Passons maintenant au second poinct, que j'applique à la chasteté, et voyons comme Nostre-Seigneur a tousjours vescu dans une abnegation tres-entiere de tous les plaisirs sensuels, quoy qu'il eust une pureté incomparable. Considerez un peu comme des son entrée au monde il priva ses sens de toute sorte de plaisirs, et premierement en l'attouchement il ressentit un froid extresme.

Vous sçavez la revelation que Ste Brigide eut de la naissance de Nostre-Seigneur, et comme elle dit, que Nostre-Dame estant en une grande abstraction et recueillement interieur, elle vit en un instant ce divin enfant couché sur la terre tout nud tremblottant de froid; et que soudain l'ayant adoré, elle le prit avec une extreme reverence, et l'enveloppa dans de pauvres langes qui ne le pouvoient pas garantir de souffrir la rigueur du froid. Venons à l'odorat. Vray Dieu! quelle suavité et quel

(1) S Jean, t.

parfum pensez-vous qu'on puisse avoir dans une estable? Et si nous voyons que les roys de la terre, quand leurs enfans naissent, quoy qu'ils ne soyent que des hommes miserables et mortels comme les autres, l'on met tant de parfums et l'on fait tant de ceremonies pour honorer leur naissance, hé Dieu, mes cheres ames, que ne debvroit-on pas faire pour honorer ce divin Sauveur, qui n'est pas seulement homme, ains Dieu et homme tout ensemble, et neantmoins il ne se fait rien de tout cela. Quelle musique pour recreer son ouïe? ayant auprès de luy un bœuf et un asne pour magnifier la naissance de ce roy celeste. Enfin il ne trouve rien qui luy puisse donner du contentement ou de la recreation, que cette liqueur celeste du sacré et divin laict que sa tres-beniste mere luy faict tirer de ses tres-pures mammelles; car il faut confesser qu'il estoit meilleur sans comparaison que le vin le plus delicieux qu'on puisse jamais rencontrer, ce qui recreoit un peu le goust de ce tres-sainct enfant.

Mais quant au troisieme poinct de l'abnegation de soy-mesme, qui regarde l'obeïssance, qui est-ce qui est jamais parvenu à un si entier et parfaict renoncement, pour se laisser conduire à la volonté de ses superieurs, que ce divin enfant? O Dieu ! que c'est bien en ce poinct qu'il s'est montré vray religieux: S. Joseph et Nostre-Dame luy tiennent la place de superieurs; ils le meinent et le portent d'un lieu en l'autre : il les laisse faire, sans jamais dire un seul mot. Mais il passa encore bien plus avant, se rendant obeïssant à la nature mesme, ne voulant faire ses croissances, ny parler, que comme les autres enfans. O`abnegation nompareille de ce divin Sauveur! estant en son pouvoir de faire des miracles par luy-mesme, il n'en faict point; et si bien il s'en faict en sa nativité autour de luy par le chant des anges, qui advertissent les pasteurs de le venir adorer; et en la conversion des gentils, par les trois roys qui le vindrent voir et recognoistre pour leur Dieu. Toutes ces merveilles se font par le ministere des anges, ou par le moyen d'une estoile extraordinaire; mais en sa personne et en son exterieur, il ne se montre estre autre chose qu'un pauvre petit enfant subjet aux infirmitez et mi

vez qu'il y a deux sortes de fleurs, les unes qui procedent du bois, et les autres qui ont leur tige d'herbe entre toutes celles qui procedent du bois, la rose emporte le prix, ainsi que faict le lys entre toutes celles qui ont leur tige d'herbe ; et les diverses proprietez et excellences qui se rencontrent ès roses et ès lys, se retreuvent admirablement bien en Nostre-Seigneur, ainsi que nous dirons maintenant.

La premiere proprieté que je remarque en la rose, est qu'elle croist sans artifice, et n'a presque point de besoin d'estre cultivée; aussi voyez-vous qu'on ne cultive point celle qui croist aux champs; et quoy que son odeur soit extresmement suave lorsqu'elle est fraische, toutesfois elle est beaucoup plus forte quand elle est seiche ce qui nous represente merveilleusement bien que cette divine fleur de Nostre-Seigneur, qui est sortie de la tres-Sainte Vierge, ainsi qu'il a esté predit par Isaïe, qu'une fleur sortiroit de la verge de Jessé, Egredietur flos de radice Jesse (4), quoy qu'il aye exhalé des parfums d'une admirable odeur et suavité tout le temps de sa tres-saincte enfance, et pendant tout le cours de sa vie; neantmoins si faut-il advouer qu'à l'heure de sa saincte mort et passion, comme une rose seiche, fanée et flestrie par les tourmens qu'il endura, il a exhalé une odeur beaucoup plus forte pour attirer les ames à la suite de ses parfums.

Secondement, je considere qu'il n'est pas seulement appellé la fleur des champs, mais aussi le lys des vallées. Chascun sçait bien que la beauté du lys consiste principalement en la blancheur; or que cette blancheur se retreuve par excellence en Nostre-Seigneur, personne n'en peut douter, d'autant qu'il a tousjours eu une pureté et candeur si relevée au dessus des anges et des hommes, qu'elle ne peut recevoir de comparaison. Dilectus meus candidus (2), mon bien-aymé a une blancheur nompareille, dit l'epouse sacrée au Cantique des cantiques, parlant de Nostre-Seigneur. Et Salomon au livre de la Sapience dit qu'il est la splendeur de la lumiere eternelle, le miroir sans tasche de la majesté de Dieu, t la parfaicte image de sa bonté. Qui est

candor lucis æternæ et speculum sine macula Dei majestatis et imago bonitatis illius.

La seconde proprieté du lys est, qu'ii peut croistre aussi bien que la rose sans estre cultivé, et sans artifice, comme l'on voit en certain païs; et cecy nous monstre l'amour que Nostre-Seigneur portoit à la simplicité, ne voulant pas estre appellé du nom des fleurs des jardins, qui sont cultivées avec tant de soin et d'artifice. Et quand il dit: Ego sum flos campi (), je suis la fleur des champs, il choisit sans doute, la rose entre toutes les autres fleurs, à cause de l'amour qu'il portoit à la pauvreté, parce qu'il n'y a rien de plus pauvre que cette fleur, car elle n'a que des espines, et ne requiert point (comme nous avons dit) qu'on s'employe autour d'elle pour la cultiver; et quoy qu'elle soit seiche, toutesfois elle ne laisse pas de rendre tousjours une tres-bonne et agreable odeur: ce qui confirme ce que je viens de dire de Nostre-Seigneur, lequel, combien qu'il fust environné de croix, d'espines, de tourmens, et de toutes sortes d'afflictions en sa mort et passion, ne laissoit pas neantmoins de respandre tousjours une odeur extresmement suave, pour nous faire comprendre que les afflictions, les tenebres interieures, les ennuis d'esprit, qui sont quelquefois si grands entre les personnes les plus spiri tuelles, et qui font profession de la devo tion, qu'il leur semble qu'elles sont presque du tout abandonnées de Dieu, ne sont jamais capables de les separer de luy, en sorte qu'elles ne puissent tousjours respandre devant sa divine Majesté des parfums d'une saincte soubmission à sa tres-saincte volonté, accompagnées d'une invariable resolution de ne le point offencer; cela s'entend en la partie superieure de l'esprit.

Mais pour revenir à ces filles, qui se viennent maintenant presenter pour estre offertes et sacrifiées à la divine Majesté ; si on leur promet d'abord qu'elles jouïront des richesses de la felicité eternelle, on ne les trompe point, car on leur a dit que c'est à condition qu'elles renonceront entierement aux choses terrestres et perissables, et qu'il faut quitter la maison de

(1) Cant. It.