ALLOCVTIO HABITA IN CONSISTORIO SECRETO DIE XXVII MARTII MDCCCLXV. VENERABILES FRATRES Omnium mnium Ecclesiarum cura, et sollicitudo Nobis divinitus commissa postulat, Venerabiles Fratres, ut hodierno die Vobiscum rem communicemus, quae ad Orientalem pertinet Ecclesiam. Venerabilis Frater Clemens Bahus 'Antiochenus Graeco-Melchitarum Patriarcha plures per annos gravissimo suo munere egregie perfunctus a Nobis enixis precibus efflagitavit, ut ipsi veniam tribuere vellemus, qua se Patriarchatu abdicare posset. Nos eximias, quibus idem praestat, dotes prae oculis habentes, ac propterea optantes, ut in Patriarchali dignitate, et munere permaneret, huiusmodi abdicationem diu multumque detrectavimus, eumque exhortati sumus, ut pergeret Patriarchalis illius Ecclesiae regimen, procurationemque gerere. Verum ipse propositi tenax, et humillime de se sentiens, ac vehementer cupiens pristinam monasticam, et absconditam vitam denuo agere, divinisque rebus liberius vacare ita apud Nos etiam atque etiam instare, et urgere non destitit, ut illius votis tandem annuendum esse censuerimus. Quamobrem Venerabili Fratri Iosepho Valerga Patriarchae latino C Hierosolymitano, ac Pro-Delegato Apostolico Syriae commisimus, ut eiusdem Venerabilis Fratris Clementis dimissionem Nostro, et huius Apostolicae Sedis nomine, et auctoritate admitteret, exciperet, ratamque haberet, eumque a vinculo quo commemoratae Antiochenae Patriarchali GraecoMelchitarum Ecclesiae obstringebatur, plane solveret. Hinc illius Nationis Episcopi ab ipso Venerabili Fratre Clemente convocati post abdicationem in eodem conventu ab ipso factam, et a Nobis per eumdem Venerabilem Fratrem Hierosolymitanum Patriarcham admissam, ad novum illius Ecclesiae Patriarcham eligendum convenerunt. Itaque, collatis suffragiis, Venerabilem Fratrem Gregorium lussef Episcopum Ptolemaidensem tam insigni dignitate ornandum existimarunt. Quae electio Episcopis, Monachis, et primoribus eiusdem Nationis, ac universo populo grata admodum fuit, proptereaquod egregiae virtutes, quibus electus Patriarcha excellit, Graeco-Melchitarum Nationi iam notae erant. Ipse vero Venerabilis Frater Gregorius lussef obsequentissimis ad Nos datis Litteris suam eleetionem significans, luculentissimis verbis declaravit, nihil sibi potius esse, quam summa fide observantia et obedientia Nobis, et huic Petri Cathedrae firmiter adhaerere, ac vehementer Nos rogavit, ut eum Patriarcham Antiochenum GraecoMelchitarum Apostolica Nostra Auctoritate confirmare ac Sacri Pallii honore decorare vellemus. Rebus igitur omnibus a Nobis, et a Congregationė VV. FF. NN. S. R. E. Cardinalium fidei propagandae, qui sacris orientalium Ecclesiarum nego |