Pater, quae nobis contulit Deus, paucis ab hinc annis, insignia beneficia: ea porro a Beatitudine Vestra in praesentiarum occultare fas minime fuisset.

Ast inter tot gaudii justas causas, non desunt, Pater Sanctissime, luctus et doloris haud contemnenda motiva. Aedituorum aliquibus in locis usurpata in Ecclesias potestas: exiguus sacerdotum et operariorum numerus Dioecesum nostrarum necessitatibus omnino impar; clamor proinde parvulorum, qui Verbi Dei panem petunt animum nostrum, veluti gladius, pertransiens, quum desint qui panem illis frangere possint; subsidia ad Sacrorum Ordinum candidatos in Seminariis alendos deficientia: eorum, qui huc aliunde veniunt clericorum et Sacerdotum, suam, qua indigemus, operam nobis offerentium, corda scrutandi, quove spiritu agantur cognoscendi, arduum negotium: deplorandi humanae istius infirmitatis effectus in quibusdam ex iis, qui ad sacerdotalia munia a nobis deputati, vitam heu! adeo sublimem statum decentem aliquando minime agunt : facilis ad Schismata in regionibus istis occasio, et ad illa praecavenda vel extirpanda non semper in nobis satis expedita potestas: varia in varias provincias, nec semper sibi constans a Missionariis caeteroquin piis ex diversis regionibus advenientibus, inducta disciplina. Haec sunt mala, quae a nobis remedium aliquod postulare videbantur. His occurrere cupientes decreta, quae supremo Sanctitatis Vestrae judicio subjicimus, condidimus, futurum sperantes ut Apostolica sanctione firmata, finem

optatum consequantur. Id unum nobis hic adjicere liceat, in veneratione, obsequio, et obedientia quam erga Apostolicam Sedem ex animo profitemur, nullis primas partes cessuros.

Sanctitatis Vestrae.

Obseqmos Filios

Jacobum, Arch. Baltimorensem.
Benedictum Josephum, Bardensem Epi-

scopum.

Joannem, Episcopum Carolopolitanen

sem.

Eduardum, Episcopum Cincinnatensem. Josephum, Episcop. S. Ludovici, et Administratorem Apost. Neo-Aureliae. Benedictum, Episcopum Bostoniensem.

Datum Baltimori, Anno Reparatae Salutis 1829. Die vero Octobris, vigesima quarta.

SS. Pontificis approbationem, et confirmationem Concilii Baltimorensis Decretorum, sequens ostendit Rescriptum.

DECRETUM.

Sacrae Congregationis Generalis de Propaganda Fide, habita die 28. Junii, anno 1830.

"Inter praeclara RR. PP. DD. Archiepiscopi Baltimorensis, et ceterorum Episcoporum Dioecesum in Foederatis Americae Septentrionalis Provinciis existentium, erga Religionem

Catholicam merita, Sacra Congregatio de Propaganda Fide illud jure recenset, quod ad majus Ecclesiae bonum in iis regionibus procurandum, atque ad Fidei Catholicae incrementum unanimi consilio stabilius obtinendum, Provincialem Synodum mense Octobri Anno 1829, Baltimori habuerint: Excepit autem veluti novum observantiae erga Sedem Apostolicam perspicuum testimonium, Archiepiscopi et Episcoporum vota, precesque ut quae in Synodo illa statuta ac decreta fuerant, accurate ab ipsa examinarentur, ac deinde, si digna reperta fuissent, auctoritate Apostolica confirma

rentur.,,

"Cum memoratae igitur Synodi Baltimorensis decreta in generali S. Congreg. conventu die 28. Junii, anno 1830. habito referente Emo ac Rmo Dão Petro S. R. E. Cardinali Caprano examinata, ac mature perpensa fuissent : cunctis EEmorum ac RRmorum Patrum S. R. E. Cardinalium Sacro Consilio Christiano nomini propagando praepositorum suffragiis dignissima judicata sunt, quae amplissimis laudibus commendarentur, et confirmarentur.

"Quoniam vero S. Congregationis ea quoque mens et sententia fuit, ut ad ampliorem Synodo splendorem ac Decretis firmitatem comparandam SSmo Dño Nostro Pio Div. Prov. PP. VIII. preces fierent, ut eadem Decreta Apostolica Auctoritate sua confirmaret, Bmus Pater, audito per R. P. D. Castruccium Castracane, S. Congr. Secretarium, EEmorum Patrum ea de re concordi suffragio, Decreta Synodi ipse perlegit, pro summa sapientia sua

perpendit, ac laudans singulare illud Religionis studium quod in decretis elucet, et mirabilem illam industriam cum permagna doctrina conjunctam, qua Archiepiscopus et Episcopi utun. tur in excolenda Vinea Domini iis commissa, Decreta Synodi Provincialis Baltimorensis Auctoritate Apostolica, die 26. Septembris anno 1830. confirmavit, eaque in Foederatae Americae Septentrionalis Dioecesibus servari jussit. Datum Romae ex Aed. S. Congr. Die 16. Octobris 1830.

D. MAURUS CARD. CAPPELLARI Praef. P.
C. Castracane Sec.

Caeterum S. Congregatio pauca RR. PP. DD. Praesulibus Provinciae Baltimorensis, "per modum instructionis, insinuanda esse existimavit circa Synodi Baltimorensis decreta. Cum his igitur admodum levibus immutationibus, suffragio illustrissimi Archiepiscopi, et Reverendissimorum Episcoporum, qui Concilio interfuerunt, probatis, decreta, ipsorum unanimi consensu, typis mandantur: Anno scilicet reparatae salutis 1831. die vero Junii 30.

DECRETA.

Concilii Baltimorensis Provincialis Primi, habiti ab R. P. D. Jacobo Whitfield, Bultimorensi Archiepiscopo, una cum Episcopis Foederatarum Americae Provinciarum. In Nomine Sanctae, et Individuae Trinitatis, Patris, et Filii, et Spiritus Sancti.

I. Quoniam saepius a quibusdam in dubium

revocatum est an competeret Praesulibus Ecclesiae, in hisce Foederatis Provinciis, facultas Sacerdotes in quamlibet Dioeceseon suarum partem ad Sacrum Ministerium deputandi, eosque inde, prout in Domino judicaverint, revocandi, monemus omnes Sacerdotes in hisce Dioecesibus degentes, sive fuerint in iis ordinati, sive in easdem cooptati, ut memores promissionis in Ordinatione emissae, non detrectent vacare cuilibet Missioni ab Episcopo designatae, si Episcopus judicet sufficiens ad vitae decentem sustentationem subsidium illic haberi posse, idque munus viribus et valetu dini Sacerdotum ipsorum convenire. Hac autem declaratione nihil innovare volumus quoad illos qui Parochialia obtinerent beneficia, quorum unum tantum, scilicet in civitate NeoAurelia adhuc noscitur in hisce provinciis: neque ullatenus derogare intendimus privilegiis quae Religiosis fuerint a Sede concessa.

II. Statuimus et declaramus quemlibet Sacerdotem qui pro quacumque hujus Provinciae Dioecesi ordinatus fuerit, teneri vi promissionis in Ordinatione factae ad permanendum in eadem Dioecesi, et ad se subjiciendum Praesuli suo, usquedum canonice dimissus fuerit. Statuimus quoque eadem obligatione pariter adstringi omnem Sacerdotem rite cooptatum in aliquam Dioecesim: cooptari autem declaramus quemlibet ex aliena Dioecesi advenientem statim ac testimoniales et dimissoriales literae Praesulis, cui proxime subditus erat, munitae auctoritate, ab ipso Sacerdote, Ordinario cui se subjicere velit exhibentur, et ab eodem