Sayfadaki görseller
PDF
ePub

insidias et saevitiem revixisse. Sed Deo, qui se Ecclesiae suae usque ad consummationem saeculi affuturum promisit benigniter sapienterque providente, Constantiis, Valentibus et Julianis nostrorum temporum novos Athanasios et Basilios opposuit, qui pro muro essent Ecclesiae suae, et avitam fidem, patrumque instituta, jura et leges tuerentur.

Flevimus quidem super contritione filiae populi nostri; flevimus super dispersos lapides sanctuarii, lacrymas fudimus super oves pastoribus orbatas; flevimus, sed et gaudio superabundavimus in tribulatione nostra, gavisi sumus de Christi confessorum perseverantia, de martyrum constantia, et de fidei Athletarum victoria. Eia! Confessores, Martyres, Athletae Christi, Eia! Qui pro vobis, qui vobiscum legitime certavit, ipse vos coronabit,

Ne dedignemini testimonium amoris, admirationis et reverentiae, quod ex corde promunt vestrum amantissimi in Christo fratres in vinciali Concilio Congregati.

Baltimori, die 20. Maii 1840,

Samuel Archiep. Balt.

B. J. Bardensis Ep.

Joannes Ep. Carolopolitanus,

Joseph Ep. S. Ludovici.

pro

Carolus Aug. M. J. Ep. Nanceiensis ac

Tullensis.

Benedictus Ep. Boston.

Michael Ep. Mobiliensis.

Franciscus Patritius Ep. Arath.

Joannes B. Ep. Cincinnat.

Antonius Ep. Neo-Aureliae.
Mathias Ep. Dubuquensis.
Ricardus Pius Ep. Nashvillensis.
Caelestinns Ep. Vincennopolitanus.

EPISTOLA

S. CONGREGATIONIS DE PROPAGANDA FIDE

De Synodi IV. Baltimorensis Provincialis confirmatione.

Illme ac Rme Domine.

Pergratum S. Congregationi fuit Acta, et Decreta Concilii Quarti Provincialis Baltimorensis mense Majo anno 1840. celebrati accipere ac perpendere. Nam illa jamdiu conceptam de A. Tuae et RR. PP. DD. Episcoporum, qui Concilio interfuerunt, sapientia, Religionis amplificandae studio, et disciplinae Ecclesiasticae tuendae voluntate opinionem impense confirmarunt. Quamobrem S. Congregatio plurimum commendans vestrum omnium virtutem, supplicandum SSão Domino Nostro Gregorio PP. XVI. esse censuit, ut Apostolica auctoritate sua dignaretur ea confirmare; id quod Sanctitatem Suam libenti animo fecisse ex adjecto decreto intelligetis.

Duo tantum circa decreta ipsa existimavit S. Congregatio esse notanda, videlicet in decreto I. paragr. 2. ubi agitur de matrimoniis mixtis post verba, Quod si rerum adjuncta aliquando suadeant, addenda esse censuit verba ex auctoritate Apostolica. Etenim constare

etiam ex decreti contextu debet, dispensationem Apostolicam super eo impedimento quoque requiri. Praeterea in decreto sexto, ubi sermo est de adolescentium ac puerorum in scholis institutione, ad omnem non satis probatae interpretationis praetextum auferendum, S. Congregatio verba illa delenda esse arbitrata est cum libertatis conscientiae, quam leges civiles ipsae tuentur, detrimento.

Circa petitiones, Synodi nomine, SSmo Domino Nostro factas de Episcopis Richmondiensis, Natchetensis, et Detroitensis Diaecesium regimini destinandis ; huic epistolae adjectas A. T. accipiet Sanctitatis Suae literas Apostolicas, ex quibus intelliget Richmondiensem Episcopum electum esse R.D. Richardum Whelan, Natchetensem vero R. D. Joannem Josephum Chanche, Detroitensem denique Coadjutorem seu Administratorem cum omni in illam Diaecesim Episcopali jurisdictione, a cujus exercitio R. P. D. Rese suspensus manet, electum esse a SSmo Domino Nostro R. D. Joannem Baptistam Odin Congregationis Missionis, qui ad Episcopatum promotus est. Memoratae literae Apostolicae continentur in epistolis ad singulos tres istos Praesules a S. Congregatione scriptas, quas A. Tua illis tradendas curabit. Tu ipse vero rem gratissimam S. Congregationi facies, singulos plurimum hortando ut collatum iis ab Apostolica Sede munus libenti animo suscipiant.

De plurium Sanctorum officiis in omnibus Faederatae Americae Septemtrionalis Diaecesibus in posterum adhibendis, deque indulto

super praecepto abstinentiae die sabato quando jejunium non obligat, peculiaria item huic epistolae adjecta rescripta accipies.

Praeterea quod spectat ad festum, ac pervigilium SS. Apostolorum Petri et Pauli, haec tibi significanda SSmo Domino Nostro probante S. Congregatio arbitrata est, scilicet optare se ut festum illud celebretur in omnibus superius memoratis diaecesibus die Dominico diem 29. Junii immediate sequenti, nisi festum ipsum in diem dominicum incidat. Mens etiam est S. Congregationis ut Episcopi diaecesanos suos ad jejunium sabato, quod pridie illius festi est, servandum adhortentur.

Denique quod spectat ad pulcherrimam, et publica quoque commendatione celebratam epistolam vestram synodalem ad SSmum Dominum Nostrum; responsum a Sanctitate Sua ipsa subscriptum huic epistolae adjicio.

Haec sunt quae de quarto Provinciali Baltimorensi Concilio Tibi a me erant significanda. Reliquum est ut A. Tuae ipsi ob singularia illa ornamenta vehementer gratuler, quibus cum tanta Religionis utilitate Archiepiscopi munia obeunda curas, et precor Deum etc. Romae ex Aedibus Sacrae Congregationis de Propaganda Fide die 19. Decembris 1840.

JACOBUS PHILIPPUS CARD. FRANSONI
Praefectus.

I. Archiep. Edessenus a Secretis.

DECRETUM

Sacrae Congregationis Generalis de Propaganda Fide, habitae die 16. Novembris unno 1840.

Cum Synodum Quartam Provincialem Baltimorensem RR. PP. DD. Archiepiscopus Baltimorensis, et Episcopi diaecesium in foederatis Americae Septemtrionalis provinciis existentium, mense Majo anno 1840. celebrantes SSmum Dominum Nostrum Gregorium PP. XVI. precati fuerint ut decreta ab eadem Provinciali Synodo condita Apostolica auctoritate confirmaret, si post accuratam eorumdem decretorum considerationem, confirmatione sua digna illa esse judicasset, S. Congregatio Generalis de Propaganda Fide habita die 16. Novembris anno 1840., referente Emo, ac Rmo D. Jacobo Philippo S. R. E. Cardinali Fransonio, Sacri Consilii Praefecto, Synodi sapientiam, Religionis incrementa procurandi studium, et Ecclesiasticae disciplinae custodiendae sollicitudinem quae in iis decretis perspicue apparet, magnopere commendans censuit, ac decrevit supplicandum Sanctitati Suae, ut Archiepiscopi, et Episcoporum memoratis superius precibus annuere, et decreta, de quibus agitur, confirmare dignaretur.

Hanc antem S. Congregationis sententiam SSão Domino Nostro relatam ab R.P.D. Ignatio Cadolinio Archiepiscopo Edesseno S. Congregationis Secretario in audientia diei 22. Novembris 1840. Sanctitas Sua in omnibus beni

« ÖncekiDevam »