cesse est omnem convenire Ecclesiam, hoc est eos, qui sunt undique fideles. Postremo una cum aliis prope innumerabilibus, quos ipse ad veram fidem, frugemque perduxerat, Martyrio conatus migravit in coelum anno salutis ducentesimo secundo, quo tempore Septimius. Severus Augustus, eos omnes, qui constantes in colenda Christiana Religione perstare voluissent in summum cruciatum dari atque interfici imperaverat.

In tertio Nocturno Lectiones de Homilia in Evangelium - Si quis venit ad me = Missa = Statuit de communi primo loco.

=

Ita reperitur in Actis, et Regestis secretariae Congregationis Sacrorum Rituum. In fidem &c.

Ex eadem Secretaria die 14. Junii 1841.

C. M. EP. PORTUENSIS CARD. PEDICINIUS
S. R. E. V. Cancellarius

S. R. C. Praefectus.

I. G. Futati S. R. C. Secretarius.

PROROGATIO APOSTOLICI INDULTI

Ad dispensandum super praecepto abstinentiae ab esu carnium die Sabati.

Ex Audientia SSmi habita die
22. Novembris 1840.

Cum SSmo Dão Nostro Gregorio PP. XVI. relatum fuerit, RR. PP. Archiepiscopum Baltimorensem, et Episcopos Foederatae Americae Septemtrionalis, in Synodo Quarta Provinciali Baltimorensi, mense Majo anno 1840. habita congregatos, petiisse Apostolicum Indultum prorogari, quo concessum est, ut in iis provinciis die Sabati, quando praeceptum Jejunii non obligat, durantibus circumstantiis dispensare Episcopi possint super praecepto abstinentiae ab esu carnium; Sanctitas Sua, in audientia die 22. Novembris 1840. mihi subscripto S. Congregationis de Propaganda Fide Secretario tributa, memoratum superius indultum, servata ejusdem forma ac tenore, ad viginti alios annos benigne prorogare dignata est.

Datum Romae ex Aedibus S. C. die 12. Decembris 1840.

Gratis sine ulla omnino solutione quocumque titulo.

I. Archiepiscopus Edessenus.

Ad Ecclesiastica bona tuto servanda, SSmo Domino Nostro probante, decretum quod sequitur editum est, quodque ad ea fertur, quae in Concilio IV. Provinciali

Baltimorensi statuta sunt.

DECRETUM

S. Congregationis de Propaganda Fide.

re

Quum in foederatis Americae Septemtrionalis Statibus nulla a legibus civilibus ecclesiastica successio agnoscatur, et ideo nullum jus nec Episcopis, nec Sacerdotibus ab iisdem legibus tribuatur transmittendi suis successoribus bona quaecumque, quae a pia fidelium largitate ad ecclesiasticos, vel pios usus sive Episcopis, sive Sacerdotibus donata fuerunt: Praedictorum bonorum, (circa quae Concilii Provincialis Baltimorensis IV. Patres pastoralem sollicitudinem laudabiliter ostenderunt decreto VIII.) securitati prospicere volens Sacra Congregatio de Propaganda Fide decrevit in posterum servanda esse quae sequuntur.

nem,

1. Archiepiscopus Baltimorensis, et Episcopi omnes in foederatis Americae Septemtrionalis Statibus statim post hujus Decreti receptiotestamentum juxta leges Status, in quo degunt, quarum accuratam notitiam ex certis fontibus sibi comparabunt, conficiendum_curent. Illud autem duplicato, et aeque authentico chirographo seu exemplari omnino efficient, atque heredem bonorum omnium ecclesiasticorum ad pios usus sibi, vel praede

cessoribus suis, vel quibusvis aliis sive laicis sive clericis donatis, quae ipsi actu possideant vel jus ad possidendum habeant, illum ex Cöepiscopis suis Americanis, quem magis in Domino expedire judicaverint, constituent. Hunc autem si forte ex vivis excedere acciderit, alium ex iisdem Cöepiscopis in eodem testamento substituant, atque ejus loco heredem nuncupent.

2. Testamento igitur, duplici, et aeque authentico chirographo exarato, alterum ex exemplaribus Episcopi omnes ad Baltimorensem Archiepiscopum, hic vero ad Seniorem Episcopum loco tuto custodiendum mittat; alterum vero Testator ipse penes se asservabit. Moneatur etiam a Testatore Episcopus, qui haeres constitutus fuerit, per litteras, quas perlectas comburet, eo tantum fine se heredem nuncupatum fuisse ut bona omnia ecclesiastica dioecesis religiose custodiantur, donec a S. Sede Successor eligatur, illique tunc fideliter, et legitime transmittantur.

3. Testatore vita functo, heres maxima qua poterit cura, bonorum omnium, tum mobilium, tum immobilium conservationi prospiciet, atque inter Sacerdotes Dioecesis defuncti Episcopi ministrum idoneum et fidelem eligat, cui per procurationis mandatum administrationem bonorum committet, ea tamen lege ut rationem, quum opus fuerit, fideliter reddat.

4. Statim ac Episcopi defuncti Successor a S. Sede de more electus fuerit, atque litteras apostolicas electionis acceperit, Episcopus, qui

decessoris ejus heres per testamentum constitutus fuerat, hereditatem universam illi instrumentis juxta formam a legibus civilibus praescriptam omnino tradet; atque sive per se, sive per procuratorem, cui bonorum administrationem commiserat, rationem reddere curabit.

5. Si quem autem Episcoporum Coadjutorem habere contigerit, hunc per testamentum heredem instituet.

6. Archiepiscopi munus erit sedulo invigilare, et curare, ut a Suffraganeis aliisque Statuum Unitorum Episcopis omnia quaecumque hoc Decreto S. C. praescribuntur religiosissime serventur. Moneat Episcopos, qui testamentum conficere et ad Metropolim mittere neglexerint, vel formam a legibus civilibus requisitam non servaverint, vel aliquo adminiculo legibus contrario illud irritum reddiderint. Si quando autem monitiones suas nullum effectum consequi viderit, de hoc Sacram Congregationem certiorem per litteras facere non omittat, ut opportunum, et efficax remedium huic malo adhibere tempestive possit. De quibus omnibus Archiepiscopi conscientia oneratur.

Quod autem spectat ad ipsum Archiepiscopum, is qui in provincia reperietur a consecratione Episcopali suscepta antiquior Episcopus, hoc munus obibit.

7. Quo autem praedicta omnia, rite, et recte praestare valeat Archiepiscopus accuratam notitiam legum circa testamenta, quae in unoquoque ex Statibus Unitis vigent, sicut etiam adminiculorum, seu, ut ajunt, formalitatum,