simae Ecclesiae, ubi Baptismales fontes potuissent asservari, Sacramentum Baptismi aqua communi, cum illud alibi quam in Ecclesiis administrandi sese dabat occasio, conferre consueverunt. Circumstantiis nunc saltem in partem mutatis, decretum est in Provinciali Synodo, ne in posterum, excepta urgente necessitate, aqua communi Baptismus administretur ; Attamen, cum in omnibus Dioecesibus adhuc longum spatium a Missionariis percurrendum sit, et in pluribus regionibus nulli sint Fontes Baptismales, nullae Ecclesiae, valde difticile, ac vix possibile Missionariis esset aquam Sabbatis Sancto, vel Pentecostes benedictam ex fontibus ubi asservatur desumere, et secum circumferre; ideoque Sanctitatem Vestram praecantur Archiepiscopus et Episcopi praedicti, ut facultatem Missionariis hujus regionis concedere dignetur benedicendi aquam Baptismalem ea breviori formula, qua Missionariis Peruanis apud Indos Summus Pontifex Paulus III. uti concessit. Atque haec ex Rituali Limae impresso anno 1797. desumpta, subnectitur.

Benedictio Fontis seu Aquae Baptismalis.

"Exorcizo te, creatura aquae, in nomine Dei Patris omnipotentis et in nomine Jesu Christi Filii ejus Domini nostri, et in virtute Spiritus Sancti. Exorcizo te, omnis virtus adversarii diaboli : ut omnis phantasia eradicetur, ac effugetur ab hac creatura aquae, et fiat fons aquae salientis in vitam aeternam, ut qui ex ea baptizati fuerint, fiant Templum

Dei vivi, et Spiritus Sanctus habitet in eis in remissionem peccatorum: in nomine Domini nostri Jesu Christi, qui venturus est judicare vivos et mortuos, et saeculum per ignem. Amén. 99

Oremus.

"Domine Sancte, Pater Omnipotens; aeterne Deus, aquarum Spiritualium Sanctificator, Te suppliciter deprecamur ut hoc ministerium humilitatis nostrae respicere digneris; et super has aquas, abluendis et vivificandis hominibus praeparatas, Angelum Sanctitatis emittas, ut peccatis prioris vitae ablutis, reatuque deserto, purum sacrato Spiritui habitaculum regenerationibus procuret. Per Christum Dominum nostrum. Amen.

Infundat deinceps Sanctum Oleum in

in modum Crucis, dicens :

"Conjunctio Olei unctionis, et aquae Baptismatis sanctificetur, et foecundetur. In nomine Patris et Filii et Spiritus

Amen.

Sancti.

Deinde Chrisma aquae infundat, in modum Crucis, et dicat :

"Conjunctio Chrismatis Sanctificationis et Olei unctionis et aquae Baptismatis, Sanctificetur et foecundetur. In nomine Patris et Filii et Spiritus Sancti. Amen.,,

Denique dicat, benedicens ipsam aquam: "Sanctificetur et foecundetur Fons iste, et

ex eo renascentes: in nomine Patris et Fiet Spiritus Sancti. Amen.

lii

et

3. Tandem, quum ob locorum distantiam, operariorumque penuriam valde difficile, aliquando etiam impossibile est, ut Sacerdotes possint audire confessiones fidelium, eosque disponere ad debitam receptionem Sacramenti Eucharistiae, intra quindenam Paschalem, Archiepiscopus et Episcopi praedicti humiliter petunt Sanctitatem Vestram ut Consuetudinem per hasce regiones olim inductam (ex Apostolico, uti creditur, Indulto) prorogandi tempus ad satisfaciendum praecepto Communionis Paschalis, Auctoritate Apostolica approbare : atque a prima Dominica Quadragesimae ad Dominicam usque Trinitatis, prudenti arbitrio Ordinarii, extendere dignetur.

Datum Baltimori, anno Reparatae Salutis 1829 die vero 24. Octobris.

De mandato Illustrissimi Archiepiscopi, ac RR. Baltimorensis Provinciae Praesulum.

Edwardus Damphoux, S.T.D.

Concilii Provin. Balt. Secretarius Benigne concessit SS. Pontifex privilegia supra commemorata, ut sequentia decreta te

stantur.

DECRETUM

Sacrae Congregationis Generalis de Propaganda Fide, habitae die 28. Junii, Anno 1830.

Cum in Sacra Congregatione Generali de Propagauda Fide habita die 28. Junii Anno 1830.

referente Emo ac Río Domino Petro S. R. E. Cardinali Caprano expositum fuerit RR. PP. DD. Archiepiscopum Baltimorensem et Episcopos Dioecesum Foederatarum Americae Septentrionalis Provinciarum in Synodo Provinciali Baltimorensi, Mense Octobri Anno 1829. celebrata, congregatos, per supplicem libellum Romam missum SSmum Dominum Nostrum precatos esse, ut suprema auctoritate sua concederet, servari Consuetudinem in iis regionibus jam obtinentem baptizandi Adultos ea forma quae in Rituali Romano ad baptizandos pueros praescribitur, praetermissa ea quae in eodem Rituali pro Adultis baptizandis praescripta est: Sacra Congregatio, rerum ac locorum adjunctis mature perpensis, censuit ac decrevit supplicandum SSmo D. N. pro gratia ad viginti annos, attenta consuetudine jam vigente, Missionariorum inopia, et temporis angustiis, in quibus Missionarii versantur, ut ceteris Sacri Ministerii officiis fungi possint.

Hanc autem Sacrae Congregationis sententiam, SS. D. N. Pio, Div. Prov. PP. VIII. relatam per R. P. D. Castruccium Castracane Sac. Cong. Secretarium, Sanctitas Sua, in audientia diei 26. Septembris 1830. benigne approbavit, et facultates necessarias, atque opportunas ad memoratam formam in Baptismo Adultorum adhibendam, ad viginti annos impertita est.

Datum Romae, ex Aed. dic. S. Congregat. die 16. Octobris 1830.

D. MAURUS CARD. CAPPELLARI Pref. P.

C. Castracane Sec.

66

BEATISSIME PATER.

Archiepiscopus Baltimorensis, et Episcopi Foederatarum Americae Septentrionalis Provinciarum in Synodo Provinciali Baltimorensi Mense Octobri Anno 1829. celebrata, congregati, Sanctitati Vestrae exponunt valde diffici le esse in permagna locorum distantia Sacerdotes ad Baptisma conferendum aquam Sabbatis Sancto et Pentecostes benedictam, ex fontibus ubi asservatur desumere, et secum circumferre; Quare Sanctitatem Vestram precantur ut facultatem Missionariis Americae Septentrionalis concedere dignetur benedicendi aquam baptismalem ea breviori formula, qua Missionariis Peruanis apud Indos Summus Pontifex Paulus III. uti concessit, quaeque in Rituali Limae anno 1797. impresso, refertur.,,

DECRETUM

Sacrae Congregationis Generalis de Propaganda Fide, habitae die 28. Junii, Anno 1830.

Cum in Sacra Congreg. Generali de Propaganda Fide habita die 28 Junii Anno 1830. referente Emo ac Rmo Domino Petro S. R. E. Cardinali Caprano, actum fuerit de petitione superius exposita, quae RR. PP. DD. Archiepiscopi Baltimorensis, et Episcoporum Foederatarum Americae Septentrionalis Provinciarum nomine facta est, eadem Sacra Congregatio censuit ac decrevit supplicandum SS.