SANCTISSIME PATER Quum Illmus, et Revmus Dominus Joannes Dubois, Episcopus Neo-Eboracenus, annis jam gravatus et laboribus, Patres in Concilio Provinciali congregatos, litteris missis, rogaverit, ut sibi ab Apostolica Sede Coadjutorem petenti faverent, tresque nominaverit Sacerdotes qui tanto muneri illi videntur idonei, piissimi praesulis votis annuendum censuimus. Eosdem igitur Beatitudini Vestrae commendamus, scilicet, Rev. ut ex iis, si ita videatur, Beatitudo Vestra Coadjutorem praelaudato Episcopo designet. * * * Baltimori 22. Aprilis 1837. Samuel Archiepiscopus Baltimorensis Benedictus Episc. Bostoniensis Franciscus Patricius Episcopus Arath. et Coadjut. Philadelphiensis Joannes Bapt. Episcopus Cincinnatensis Simon Episcopus Vincennopolitanus Antonius Episcopus Neo-Aurelianensis. BEATISSIME PATER Gravissimis adductus rationibus, Reverendissimus Dominus Fridericus Resè Episcopus Detroitensis litteris ad Concilii provincialis patres missis, nos fecit certiores, se cupere, suae dioecesis administrationem dimittere, vel saltem Coadjutoris uti opera. Nos igitur pre- Samuel Archiep. Baltimorensis Franciscus Patricius Ep. Arath. et Coadj. Joannes Bapt. Episc. Cincinnatensis Simon Episc. Vincennopolitanus Gulielmus Episc. Oriensis, et Coadjut. Carolopolis Antonius Episc. Neo-Aurelianensis. Reverendissimi Patres in Synodo Provinciali Baltimorensi congregati. Aegro quidem animo consecrationem, necnon et Episcopatum, uti constat, suscepi; et re quidem vera brevi tempore, experientia ipse satis cognovi, erectionem novae Dioeceseos, ejusque administrationem, plurimasque difficultates, et molestias undique erumpentes, esse pondus valde nimis supra humeros meos, ideoque saepius in mente mea constitui, Dioecesim meam in manus Sanctissimi et Summi Pontificis nostri resignare, vel saltem Coadjutorem idoneum a Sancta Sede petere. Hoc autem in praesentiarum exequutioni mandare cupio, et hac de causa duos jam Vicarios Generales, scilicet Rev. D. Badin et De Bruyn constitui, ut conjunctim jurisdictionem in absentia mea exerceant, donec aliter statuatur. Haec Reverendissimi Patres, quae vobis proponenda judicavi, et precor ut veniam mihi concedere dignemini, si Synodo huic Provinciali adesse non possim; et adjuvetis ut felicem exitum desideriorum meorum consequi merear, si bonum in Domino videbitur. Ex aedibus Seminarii Baltimorensis sunt, Die 15. Aprilis 1837. iten Federicus Rese Episc. Detroitensis. Reverendis Patribus in Synodo Baltimorensi congregatis. BEATISSIME PATER Gravissimis difficultatibus quum fideles subjaceant in hisce regionibus, quoad dierum festorum observationem, Beatitudinem Vestram implorandam duximus, ut dignetur eos solvere obligatione quae plerisque in dioecesibus viget, servandi feriam secundam Paschatis, et Pentecostes, ita ut jam non teneantur Missam audire, vel ab operibus servilibus abstinere iis diebus. Precamur igitur Beatitudinem Vestram, ut habita ratione difficultatum spe cialium, dignetur fideles omnes in hisce provinciis degentes, onere servandi praedictos dies tamquam festivos solvere. Baltimori 22. Aprilis 1837. Joannes Baptista episc. Cincinnatensis Simon episc. Vincennopolitanus Gulielmus episc. Oriensis et Coadjut. Carolopolis Antonius episc. Neo-Aurelianensis. BEATISSIME PATER Quum varia sit Ecclesiarum, quibus praesumus, disciplina de jejunio singulis feriis quartis et sextis Adventus servando, visum est Beatitudinem Vestram implorare ut Apostolica auctoritate consuetudinem, quae in pluribus dioecesibus obtinuit, iis diebus jejunandi haud amplius obligare declaret; abstinentiae etiam feriis quartis obligationem solvat. Ad has porrigendas preces, gravissimis, quibus fideles inter Acatholicos degentes premuntur difficultatibus, adducti sumus, sicut et uniformis disciplinae studio. Precamur igitur Beatitudinem Vestram, ut velit nostris annuere humillimis precibus. Baltimori 22. Aprilis 1837. Samuel Archiep. Baltimorensis Joannes Baptista Episc. Cincinnatensis Simeon Episc. Vincennopolitanus Gulielmus Episc. Oriensis, et Coadj. Carolopolis Antonius Episc. Neo-Aurelianensis. Eme ac Rme Pater Instante Illmo, et Rmo Domino Francisco Patricio Kenrick in Concilio Provinciali ; ut preces Beatissimo Papae porrigerentur ob novae Sedis Episcopalis in civitate Pittsburgi erectionem, visum est quidem e re Ecclesiae fore, ut quamprimum erigeretur: ceterum graviores dioeceseon jam existentium necessitates Patres coegerunt, ut quos novae Sedi regendae magis commendandos judicarent, S. Sedi proponerent in Episcoporum aetate provectorum adjutorium, vel ad aliarum dioeceseon regimen promovendos. Ea de causa nihil inpraesentiarum innovandum in dioecesis Philadelphiensis limitibus censuerunt: quod Eminentiae VV. RR. probandum consilium confido. Samuel Archiepisc. Baltimorensis. |