Ex Audientia SS. die 21. Januarii 1841.

SSmus D. N. Gregorius Divina Providentia PP. XVI. referente me infrascripto Sacrae Congregationis de Propaganda Fide Secretario, re tota sapientissime perpensa, et ratione habita tum consilii a Synodo Baltimorensi Provinciali suscepti, tum R. P. D. Josephi Rosati episcopi S. Ludovici doctrinae, ac meritorum, cui res absolvenda commissa est, memoratum in supplici libello Compendium Ritualis Romani ad usum Diaecesium Provinciae Baltimorensis ab eodem episcopo fieri, et per diaeceses faederatarum Americae Septemtrionalis provinciarum adhiberi libere posse apostolica auctoritate benigne concessit.

Datum Romae ex aedibus dictae Sacrae Congregationis die, et anno quibus supra.

Gratis sine ulla omnino solutione quocumque titulo.

CONCILIUM IV. PROVINCIALE

BALTIMORI

HABITUM MENSE MAJO ANNO MDCCCXL.

ACTA ET DECRETA CONCILII.

Die 13. Maii Illmus ac Revmus Archiepiscopus cum jus canonicum eam ad rem pertinens omnibus Revmis Patribus qui aderant, nempe Rmis Episcopis Flaget, Rosati, Purcell, Blanc, Loras, et de la Hailandiere, clare retulerit, sensum eorum exquisivit, utrum necne expediret invitare Revmum de Forbin Ianson Episcopum Nanceiensem, Lotharingiae Primatem, ad consedendum in Concilio Provinciali proxime habendo cum voce deliberativa, atque etiam cum voce decisiva. Placuit Patribus utrique ex quaesitis affirmative respondere.

COETUS PRAEPARATORIUS.

Die 16. Maii, hora quinta P. M. habitus est coetus praeparatorius in Aedibus Archiepiscopi, praesentibus Illmo ac Rmo D. D. Samuele Eccleston Archiepiscopo Baltimorensi,

Illmo ac Rev. D. Benedicto Joseph Flaget Episcopo Bardensi, Joseph Rosati Episcopo S. Ludovici, Carolo de comitibus de Forbin Ianson Episcopo Nanceiensi ac Tullensi, et Lotharingiae Primate, qui in itinere versans invitatus est;

Illmo ac Rev. D. Francisco Patritio Kenrik Episcopo Arath. et Coadjutore Episcopi Philadelphiensis,

Illmo ac Rev. D. Joanne Baptista Purcell, Episc. Cincinnatensi,

Antonio Blanc Episcopo Neo-Aureliae, Caelestino Renato Laurentio Guynemer De la Halandiere Episcopo Vincennopolitano, Plura disceptata sunt et accomodata pro recto ordine Concilii.

SESSIO PRIMA.

Dominica quarta post Pascha, die 17. Maii, anno R. S. 1840. incoeptum est Concilium Baltimorense Provinciale Quartum in Ecclesia Metropolitana, hora undecima A. M.

Post solemnes supplicationes ab Aedibus Archiepiscopalibus, Missa solemniter celebrata est ab Illmo et Rev. D. D. Samuele Eccleston, Archiepiscopo Baltimorensi, et post concionem ab Ill. ac Rev. D. Joanne England Episcopo Carolopolitano, apertum est Concilium juxta formam in Pontificali praescriptam, emissa fidei professione ab Ill. ac Rmis Dominis, Carolo Augusto Maria Joseph de Forbin Ianson Episcopo Nanceiensi ac Tullensi Lotharingiae Primate, Michaele Portier Episcopo Mobiliensi, Mathia Loras Episcopo Dubuquensi, Ricardo Pio Miles Episcopo Nashvillensi, et Caelestino Renato Laurentio Guynemer De la Hailandiere Episcopo Vincennopolitano.

Praefuit Illmus ac Rev. D. Samuel Eccleston Archiepiscopus Baltimorensis.

Aderant Illmus ac Rev. D. Benedictus Joseph Flaget episcopus Bardensis,

Illmus ac Rev. D. Joannes England episcopus Carolopolitanus,

Illmus ac Rev. D. Joseph Rosati episcopus S. Ludovici

Illmus ac Rev. D. Carolus Augustus Maria Joseph de Forbin Janson episcopus Nanceiensis ac Tullensis Lotharingiae Primas,

Illmus ac Rev. D. Benedictus Joseph Fenwick episcopus Bostoniensis,

Illmus ac Rev. D. Michael Portier episcopus Mobiliensis

Illmus ac Rev. D. Franciscus Patritius Kenrick episcopus Arathensis et Coadjutor episcopi Philadelphiensis, cum plena potestate in Dioecesim Philadelphiensem.

Illmus ac Rev. D. Joannes Baptista Purcell episcopus Cincinnatensis,

Illmus ac Rev. D. Antonius Blanc episcopus Neo-Aureliae,

Illmus ac Rev. D. Mathias Loras episcopus Dubuquensis,

Illmus ac Rev. D. Ricardus Pius Miles epiScopus Nashvillensis,

Illmus ac Rev. D. Caelestinus Renatus Laurentius Guynemer De la Hailandiere episcopus Vincennopolitanus,

Placuit Patribus, proponente Illmo ac Rev. Archiepiscopo, designare officiales Concilii Provincialis :

Illmos ac Rev. DD. Joseph Rosati et Benedictum Joseph Fenwick, Promotores;

Reverendos DD. Joannem Baptistam Ludo

vicum Eduardum Damphoux S. T. D., et Carolum Ignatium Aloysium Withe, Secretarios;

Reverendum D. Franciscum L'homme, Magistrum Caeremoniarum, ejusque adjutorem Magistrum Jacobum Benedictum Donelan ; Reverendos DD. Joannem Blasium Randanne et Petrum Fredet, Cantores.

PRIMA CONGREGATIO PRIVATA.

Die 18. Maii, hora nona A. M. habita est Congregatio prima privata in Aedibus Archie piscopalibus.

Praefuit Illmus ac Rev. D. Archiepiscopus. Aderant Illmi ac Rev. DD. Episcopi supra memorati, cum secretariis.

Proponente Episcopo Bostoniensi, Patres censuerunt, non expedire ut Episcopi ordinarie assumantur ex sacerdotibus qui jure civitatis in foederatis Americae septentrionalis provinciis non gaudent.

De erigenda sede nova Episcopali in civitate Pittsburgii actum est, et Patribus visum est oportere ut erigatur juxtà decretum prioris Concilii.

Rogante Episcopo Arathensi permissum est referri inter acta Concilii eum cum Episcopis Neo-Aurelianensi et Dubuquensi dissentire ab Episcoporum designatione in Promotores, eo quod sit contra morem Conciliorum Provincialium.