tibi, dilecte Fili Noster, praesentium tenore potestatem facimus cuius vi in cathedralis ecclesiae Metensis, quam supra memoravimus, valvis consecrandis, Nostri Legati munere fungaris, eisque iuxta formulam ac ritum Ecclesiae consuetum Nostro nomine et auctoritate benedicere licite possis ac valeas. Non obstantibus Constitutionibus et Ordinationibus Apostolicis ceterisque contrariis quibuscumque.

Datum Romae apud S. Petrum sub annulo Piscatoris, die v Maii MDCCCCIII, Pontificatus Nostri anno vigesimo sexto. ALOIS. CARD. MACCHI.

Dilecto Filio Nostro

Georgio S. R. E. Presb. Card. Kopp

Tit. S. Agnetis extra moenia

ex dispensatione Apostolica Episcopo Wratislaviensi.

INDULGENTIAE conceduntur Sodalibus Consociationis a bona morte sub titulo SS.mi Crucifixi S. Andreae Avellino, in civitate Placentina.

LEO PP. XIII.

Ad futuram rei memoriam.

Cum sicuti accepimus in ecclesia S. Vincentii, martyris civitatis Placentinae, pia quaedam et devota Christifidelium Consociatio sub titulo SSmi Crucifixi S. Andreae Avellino canonice erecta existat, cuius praecipuus finis est bonam mortem sibi suisque a Domino exorare; Nos quo huiusmodi Sodalitas maiora in dies suscipiat incrementa, de omnipotentis Dei misericordia ac BB. Petri et Pauli Apostolorum eius auctoritate confisi, omnibus ex utroque sexu Christifidelibus, qui dictam Sodalitatem in posterum ingredientur die primo eorum ingressus, si vere poenitentes et confessi sacraque Communione refecti, plenariam, ac tam descriptis quam pro tempore describendis in dicta Sodalitate Sodalibus in cuiuslibet eorum mortis articulo, si vere quoque poenitentes et confessi ac S. Communione refecti, vel quatenus id facere nequiverint, saltem contriti nomen Iesu ore, si potuerint, sin minus corde devote recitaverint, et mortem tamquam peccati stipendium de manu Domini patienti

animo susceperint, etiam plenariam; nec non eisdem nunc et pro tempore existentibus in huiusmodi Sodalitate, qui vere item poenitentes et confessi ac sacra Communione refecti supramemoratam ecclesiam die festo S. Andreae Avellino, diebus festis sacrorum Stigmatum D. N. Iesu Christi et S. Iosephi, Deiparae Virginis Sponsi, a primis Vesperis, nec non feria sexta infra hebdomadam Passionis ab ortu usque ad occasum solis dierum huiusmodi singulis annis devote visitaverint, ibique pro christianorum Principum concordia, haeresum extirpatione, peccatorum conversione ac S. Matris Ecclesiae exaltatione, pias ad Deum preces effuderint, quo praefatorum die id egerint plenariam similiter omnium peccatorum suorum indulgentiam et remissionem misericorditer in Domino concedimus. Iisdem vero Sodalibus saltem contritis, qui supradictam ecclesiam, quacumque anni feria sexta ut supra, visitaverint, ibique oraverint, septem annos totidemque quadragenas; quolibet autem anni die SSmum Crucifixum, in eadem ecclesia ut supra deprecantes, visitaverint, tercentos dies de iniunctis eis seu alias quomodolibet debitis poenitentiis in forma Ecclesiae consueta relaxamus. Quas omnes et singulas indulgentias, peccatorum remissiones et poenitentiarum relaxationes etiam animabus fidelium in Purgatorio detentis per modum suffragii applicare posse indulgemus. Praesentibus ad decennium tantum valituris.

Datum Romae apud S. Petrum sub annulo Piscatoris, die 1 Iulii 1903, Pontificatus Nostri anno vigesimo sexto.

A. CARD. MACCHI.

Acta, Tom. XXXVI. fasc. CDXX.

2

ACTA ROMANARUM CONGREGATIONUM

EX S. C. EPISCOPORUM ET REGULARIUM

INDULTUM Ministro Generali Capuccinorum conceditur transferendi alio extra Galliam novitios, absque probationis interruptione.

Beatissime Pater,

Fr. Iucundus a Montorio, Ordinis Min. Capuccinorum Procurator Generalis, ad pedes S. V. humiliter provolutus, de pleno consensu Generalis Ministri, exponit: quod nuper Religiosi Cappuccini sub ditione Gubernii gallici e suis coenobiis fere omnes vi expulsi sunt, et alii in Helvetiam, alii in Italiam, alii alio perrexerunt; et consequenter novitios ipsos secum duxerunt. Circa quod S. Congregatio Episcoporum et Regularium sub die 23 Iunii 1880 ad preces P. Commissarii Generalis Francisci de Villa-Franca, Ministris Galliarum, Corsicae et Sabaudiae concessit gratiam, cuius vigore novitii transferri possent alio, absque eorum novitiatus seu probationis interruptione. Cum eaedem nunc militent circumstantiae, orator idem implorat indultum ab Apostolica benignitate, pro earumdem Provinciarum novitiis, et si novitii iam translati fuerint, eadem gratiâ, opportuna sanatione gaudere valeant.

Et Deus, etc.

Vigore specialium facultatum a SSmo Dño Nostro concessarum, Sacra Congregatio Emorum et Rmorum S. R. E. Cardinalium negotiis et consultationibus Episcoporum et Regularium praeposita, attentis precibus P. Procuratoris Generalis Ordinis Min. Capuccinorum, necessarias et opportunas facultates P. Ministro Generali benigne tribuit, quarum vi indulgere valeat, ut novitii sui Ordinis in Gallia existentes e domibus novitiatus, mutato etiam in alium decentem habitu religioso, si necessitas id exigat, alio extra Galliam transferri possint, in locum tamen ubi omnia habeantur quae pro novitiatu requiruntur, in

eoque novitiatum, quin per praemissa interruptus censeri debeat, perficiant; facta vero a singulis novitiis ante professionem declaratione in scriptis sese hoc indulto uti velle, quae declaratio adnotanda erit in libris professionum et caute asservanda. Contrariis quibuscumque non obstantibus.

In civitate Lugo Clemens Galanotti testamento diei 19 iunii 1674 statuit erectionem ecclesiae et confraternitatis S. Onophrii, cui bona a congregatione caritatis nunc usurpata legavit. Ipse inter alia: « (§ 14) capellanum ecclesiae ad vitam nominavit presbyterum Caesarem Orsini, et post eius mortem aliquem ex filiis Ioannis Baptistae Malerbi, dummodo illo tempore sit sacerdos; secus vero voluit ut confratribus legitime adunatis in perpetuum competat ius eligendi capellanum. Hic (§ 16) curam ecclesiae geret, ipsam claudendo et aperiendo ac omnia ad eum spectantia agendo; necnon (§ 11) semper et in perpetuum pro suo commodo et usu cubiculum ecclesiae erigendae adnexum habebit. Iussit praeterea (§ 15) ut a confraternitate perpetuo eligatur actor, qui tam ruri quam in civitate ministret,

(1) Summarium Causarum, vol. XXXV, p. 666, n. I.

curam pauperum gerat, ecclesiam verrat ac mundet, atque prope ecclesiam cum familia assidue habitet ».

Nominatio capellani semper pacifice facta est, illa quoque actualis canonici Iosephi Malerbi, qui tamen paulo post suam electionem diei 11 septembris 1881 motu proprio nominavit clericum-custodem aut sacrestanum, cui defuncto alium atque alium substituit. Confratres autem, qui de duobus prioribus custodibus conquesti fuerant, ultima vice vividius restiterunt, atque ipsi quoque clericum nominarunt, hoc sibi ius exclusive vindicando. Haec quaestio duas alias graviores excitavit; quarum una circa ius nominandi capellanum ipsum versatur, altera vero circa ius capellani ad habendum cubiculum ecclesiae adnexum pro suo usu et commoditate.

Frustra curia imolen. rem dirimere aggressa est; tandem hodiernus episcopus Baldassarri, desiderio motus amice componendi potiusquam iuridice dirimendi controversiam, die 30 ianuarii 1902 decretum dedit, quo « confraternitati ius nominandi capellanum, praeferendo tamen familiam Malerbi quoties ipsa sacerdotem haberet; capellano autem ius eligendi custodem nec non ius ad cubiculum ecclesiae adnexum » competere iudicavit. Ab hoc decreto sodalitas ad hanc S. Congregationem Episcoporum et Regularium recursum interposuit; proinde hodie sub hisce rogandi formulis quaestio proponitur solvenda:

I. An decretum episcopi imolen. diei 30 ianuarii 1902 sit confirmandum vel infirmandum in casu; et quatenus affirmative ad secundam partem, et negative ad primam; II. An pertineat confraternitati S. Onophrii, independenter ab omni iure activo vel passivo familiae Malerbi, ius nominandi proprium capellanum in casu.

III. An praedictae confraternitati exclusive spectet ius no

minandi clericum-custodem.

IV. An confraternitas disponere possit de reliquis cubiculis habitatione custodis eiusque familiae; aut assignare ea debeat capellano.

pro