MOLINENSE, ILLUSTRISSIMI AC REVERENDISSIMI IN CHRISTO PATRIS DD. ANTONII DE PONS, Qolinensis Episcopi, AUTORITATE, AC EJUSDEM ECCLESIE CAPITULI CONSENSU, SUMPTIBUS, P.- A. DESROSIERS, ILLUSTRISSIMI 1826. FRANCISCUS-MARIA LE MAISTRE DE LA GARLAYE, MISERATIONE DIVINA ET AUTORITATE APOSTOLICA EPISCOPUS CLAROMONTENSIS, COMES LUGDUNI, REGI AB OMNIBUS CONSILIIS; CLERO CLAROMONTENSI Salutem et Benedictionem in Christo Jesu. Angelicas laudes semper æmulata exul in terris sponsa Christi Ecclesia illud præsertim in votis habet, Fratres dilectissimi, ut sicut fides, ità et preces nostræ sine labe ad Deum ascendunt. Nos itaquè felicis memorice, prædecessoris nostri vestigiis insistentes, qui zelo Dei incensus Breviarium Claromontense mendis plurimis expurgatum meliorem in formam redegerat, novam hujus editionem et emendatiorem, Deo juvante, suscepimus. Nam, præterquàm quòd pauca supererant priùs editi exemplaria, compertum est nonnulla in eo irrepsisse tùm antiquis Ecclesiæ ritibus, tùm justæ et congrue Officiorum distributioni minùs consona. Ergò huic rei sedulam operam ipsi navavimus, et nobiscum venerabiles Fratres nostri Ecclesia Cathedralis Canonici, aliique pii doctique Sacerdotes curam seriò contulerunt, alii quidem ut diurna Psalmorum pensa æqualiùs in hebdomada dividerentur; alii ut sua cuique tempori, cuique festo Diei Sacræ Scripturæ loca legenda meliùs coaptarent: nonnullis operæ pretium fuit Hymnos et Responsoria ità severè perscrutari, ut vix aliquid immutarent, et omnia tamen expungerent quà psallentium animos possent aliò distrahere. Pars Verna. a |