En itaque quaedam totius operis adumbratio quod adiacentem inspicienti Synopsim clarius fusiusque apparebit. Hoc autem opere haud ferme levi ad finem perducto, non adeo vecors sum, ut sacri juris studiosorum rationibus omnino satisfecisse videar, eo vel magis quod ipsi variis temporibus iisque longe disiunctis manus apposuerim. Verum cum omnem industriam collocaverim ut studiosis adiumento essem, qualecumque demum est opus, illud, humanissime lector, aequi bonique facias quaeso. Animadvertendum - Antequam ephemeris Acta S. Sedis in vulgus edi intermitteretur, eiusdem indicem ad quadragesimum volumen perduxeram atque magna ex parte am praelo commiseram. At quum typis mandatus fuerat index tum analyticus tum alphabeticus, peropportunum visum est, quadragesimi primi quoque voluminis, quod jam ephemeridis ultimum evaserat, indicem contexere. Ad omnem itaque confusionem vitandam animadvertere duco: 1) indicem analyticum et alphabeticum voluminis XLI in huius calce appendicis instar adiectum fuisse; 2) eiusdem autem voluminis iuridicam partem cum tertio totius operis indice, qui formis nondum excusus fuerat, rite fuisse commixtam. INDICIS AUCtor. |