Liege avoit donneit quant ilh s'en allat par-devers Jherusalem: premier la commission singuleir do damseal Gerart conte de Blankenhem, fis de frere monsangneur de Liege; en apres la commission generaule, tant en spiritualiteit comme en temporaliteit, d'eistre en lieu de ly son voiage durant: premier ledit conte et sire Rauze de Warouz saingneur de Wauroux, chevalier, et maistre Henry Schater doiien de Saint-Lambert, et damseal Wilhemme de Gavres saingneur de Likerke, archedyak de la Champingne' en l'englieze de Liege, sique lesdis conte, ledit doiien et lidit sires Rauze, Le paiis ensemble por soient en representant le corps de monsaingneur sique ses lieutenant. Et là en present demostrat lydis sires Rauze, portant la parolle de conte, comment le XIIIIe jour de fevrier le dux de Borgongne, de Brabant, etc., escript à dit conte, com lieutenant de monsangneur de Liege, qui veut que porparleit estoit entre ly et son cusin monsangneur de Liege, à Namur à son departement, d'entretenir une certaine journée, al cause de certains artycles et differens desya esmouvoit, entre son paiis de Brabant et le paiis de Liege d'aultre costeit, se ly assennoit plache et lieu por ladit journée tenir dedens le Letare emmy Queremme, de mois de marche le XXIe jour, en l'une des trois bonnes vilhes, Lovain, Marligne ou Namur, là miés leur plairoit. Sour chu le conte rescript au duc à ly suppliant qu'ilh li plaisist de prolongier celle dite journée assieze jusqu'à tant qu'ilh auroit aucunnement veut l'ordinanche et regiment de paiis de Liege, veut qu'ilh estoit jone et novellement entreis en celle governanche. Sour quoy le duc Philippe de Borgongne audit conte a rescript, que ilh le prolongoit jusqu'à Quasimodo en l'un desdis lieuz; sique derainement lydis conte avoit esteit au Gans' pardevers le duc, avecque le conte de Meurs, son soir, peire de sa femme, et le dameseal de Hoerne, qui tres-instamment avecque ledit conte suppliont à duc, que ilh ly plaisist la besongne del tout prolongier jusqu'à la revenue monsangneur de Liege. — Sique ly duc Philippe respondit que chu ne feroit ilh pas, car monsaingneur de Liege à son departement ly dest que la journée soy tenroit bien en son absenche par ses commis, comme ilh ly le duc de Borgongne. meismes y fust presens. - Sique finablement ilh ordinat et respondit que, De duc de Borgongne. 1 1 Campine. * A Gand? rien dans les glossaires qui y ressemble, et il faut y voir une expression dérivée du latin socer. 3 Le mot est très-lisiblement écrit. Je ne trouve Conclusion de paiis. Fol. 160, vo. De Milen. sor ledit different, ons envoiast certains commis à che deputeis, chargiés et puissans, sens plus avoir esperanche de prolongement, à XXIIe jour de mois de may prochain venant, por eistre aux osteis en une des trois bonnes villes deseurdites, et à ly entre chi et donc rescrire laqueile des trois plaches y voroient convenir avecque ses deputeis et commis, car ilh n'avoit nuls des trois lieuz qu'ilh ne fuist bien competent et aisié por les deputeis depart le paiis de Liege comparoir, veyut que Lovain et Namur sont de la dyocheit de Liege, et Maligne fief de Saint-Lambert; nonobstant que lidis conte euwist volentiers veut que ladit journée soy fuist tenuwe entre Hercke et Haile', comme de temps passeit ons soloit faire sor les differens d'entre les dois paiis de Liege et de Brabant. Item, lendemain ly paiis conclut que ons rescrie vers le duc de Borgongne, que, comme ons at aconstummeit do temps passeit de tenir journées entre Herck et Haile, entre deux marches de paiis del evesqueit de Liege et de Brabant, ons est pres de tenir journée; et, se de chu n'est contens, ons li escripse faisant protestation que pour l'absence de monsangneur de Liege cheli fois que on tenrat ladit journée en la bonne vilhe de Namur, etc. 3 En cheli temps ly conte de Meyrs envoiat à conte de Blankenhemme, son filhaiste la coppie d'une lettre que monsangneur de Liege ly avoit envoiet, finant en la date: escript à Venise le jour del Sainte-Gertrud emmy marche, qu'ilh estoit et ses gens en bon point là, Dieu merchi, et avoient les Venetians à ly et à sa compangnie fait grant fieste et honneur, en squinquant et propinant, en presentant de lui convoiier sour meir à II galies de gens d'armes, et pensoit avecque l'auwe de Dieu que sa galie seroit tout apparelhié por monteir sor meire le jour del Saint-George, XXIIII jour d'avrilh, etc.; et disoit-on adonc à Venise que le soldan de Babylone estoit à tres-grant puissanche sor meire. Item, d'avrilh le IXe jour, vinrent novelles que ly jone dameseal de Hensbergh, saingnour de Diest, avoit oultre donneit à Philippe, duc de Borgongne et de Brabant, les lettres que son oncle monsaingneur de Liege ly avoit misse en garde de l'aqueste 1 Hôtels. Herck-la-ville et Haelen, dans l'arrondissement de Hasselt. 3 Gendre; ce mot existe encore en wallon. signification faire présent. Il a ici le sens assigné par Roquefort à la forme chinquer. Mot tiré directement du latin et ayant le même sens que le précédent : boire à la santé. 2 que ly saingneur Philippe de Hensbergh avoit jadit fait aux dus de Brabant Anthone, ly dux Johan, son fis, et ossi son aultre fis Philippe, al cause de la terre et forteresse de Millen, de Vouxhe et Gangelle. Si envoiat adonc ly conte de Blanckenhemme, fis de l'autre frère monsangneur de Liege, lieutenant por le temps de paiis de Liege, incontenent gens d'armes por lesdites forteresses à gardeir et les bien proveir. Et avoit li squenisail de Brabant, ly damoseal de Nassoe 3, qui avoit à espeuse la jone soreur monsangneur de Liege, le jour del Florie Paske, en nom du duc de Brabant, mis la main à la fortresse de Sixhem ', en roistant le deseurdit dammeseal de Hensberg, saignour de Diest, de la possession d'ycelle fortresse de Sixhem, et ly falit renunchier à tout action, se nulle y avoit, à la fortresse de Milen. Et, chu fait, ly duc ly great seulement possideir la vilhe et terre de Diest. Item, en cheli temps se resmovit la guere, qui avoit longement esteit en De Geldre et Juley. triewe par aucunnes années, par et entre le duc de Geldre, qui avoit à espeuse la filhe le duc de Cleves (et) de la soreur le duc Philippe de Borgongne moderne, encontre le duc de Mons, damseal Gerart, qui soy disoit duc de Juley por les II pars, et le conte de Blankenhemme, fis de frere monsangneur de Liege, por l'autre tirche part. Et est la guere al cause que lydit duc de Geldre pretend avoir droit en ycelle ducheit de Juley, et lesdis duc de Mons et conte de Blankenhemme à la ducheit de Geldre à l'encontre; et s'esmut fortement d'avoir grant guere entre eaux et leurs aherdans d'un costeit et d'aultre, enssi qu'ilh oit pau de temps là apres, etc. En cheli temps s'asemblont les ambassateurs de roy de Franche et de duc de Borgongne d'une part, et les ambassateurs de roy d'Engleterre d'aultre part, por traitier de paix por et entre ledit roy de Franche et le roy d'Engleterre, al cause de la guere qui avoit si longtemps dureit, etc. — En cheli temps mandat li emperreur les electeurs et les prinches d'Allemangne, por venir Journée à Noirendedens l'Ascention en la bonne vilhe de Noirenbergh, principalment por la discention de l'Englieze; car ly pape Eugene avoit par ses bulles demandeit al emperreur response finable, se ilh le tenoit comme pape ou non. — Item, de mois de may le primier jour, revient à Liege Colair, le fis bastaire Colair le pantier, qui soi disoit eistre partis de Venize en la peneuze samaine, 1 Millen, Vucht et Gangelt, dans l'ancien duché de Juliers. bergh. 2 Sénéchal. De monsangneur de et disoit que monsangneur de Liege estoit, ly et toutes ses gens, en bon Liege. point, et que y devoient monteir sor meire et partir de Venize le secunde des fiestes de Paske, c'est assavoir le XIIIIe jour d'avrilh, et que tantoist que monsangneur seroit monteis, dammeseal Waltier de Cowaremme, canone de Liege, et le varlet Bastien de Viseit soy devoient partir de Venize, lesqueiles raporteroient certaines novelles par-dechà, enssi qu'ilh fisent. Et le nuit le Sains-Servais tantoist apres, le XIIe jour de may, revint à Liege ly deseurdis dammoyseal Waltier de Cowaremme, et apportat lettres de part monsangneur de Liege au capitle de Saint-Lambert, laqueil lettre, quant ly paiis seroit ensemble, lydit capitle en devoit faire mention. Et dest lydit dammoseal Watier, que y veit' partir de Venize pour oultrepasseir vers Jherusalem monsangneur de Liege avecque chinquant-deux gentilhes hommes, et environ de V ou de VI varlés et nient plus, sens cheaux qui avoient à conduire la galie, laqueile galie cheaux de Venize ly avoient presenteit, desqueis ilh soy lot tres-grandement et de marchis de Ferair qui grande fieste ly at fait. Et estoient avecque monsangneur, sens les gens de paiis, le prevost de Liege, fil de monsangneur Symon de Lalain, qui d'aventure estoit venus à Venize, et unc des sangneurs de Nassoe. Et la cause pourquoy ilh avoit là tant targiet de monteir sor meire, che estoit partant que, comme voire est, ly soldain de Babylone, sarazin, avoit tres-grant armée sor meire por sus corir et destruire l'ille de Rodes et cristiniteit. Mains nientmons ilh avoit rescript à Venize que, non obstant ladite armée, ilh ne voloit point encombreir aux cristiens le passaige du saint-sepulcre, anchois les donnoit sauff-conduit comme monsangneur de Liege eut et ses gens. Et montat monsangneur sor meire lendemain del Enclouse Paske, qui fut le XXe jour de mois d'avrilh, et soy recommandoit monsangneur et toutes ses gens al grande englieze et aux secondars, et generalment à tout se clergrie, nobles et borgois, suppliant de todis nourir paix et amour entre eaux. Et par especial ilh remerchioit tres-grandement des specials messes que ons faisoit en son faveur, car ilh pensoit, et tenoit, et firmement creioit que, comme jusqu'à chi a fait, les choises ly venront à bonne fortune 3. 1 Qu'il vit. 2 Se louait. 3 soy Comparez ces détails avec ceux que donnent Zantvliet (Ampliss. coll., V. 449) et Fisen (11, 209). gongne. Item, en cheli temps metirent avant triwe jusqu'à la Saint-Martien le duc de Geldre et le duc de Mont, al cause de la ducheit de Juley dont lydis duc de Mont posside les II parties et ly conte de Blanckenhemme l'autre tirche part, et ly duc de Geldre pretent avoir ladit ducheit de Juley. Et en doient dire les arbitres pris d'un costeit et d'aultre, s'ilh sont d'acors; et en estoit Philippe, dux de Bourgongne, soverain, etc. — Item, de mois de may le Journée à duc de BorXXIIe jour, s'en alont ly conte de Blankenhemme, mesir Rauze de Warouz, .chevalier, comme lieutenant de monsangneur de Liege, et avecque eaux de leur conseilhe le chancelier Johan de Seraing, maistre Pire de Molin et Wilhemme de Vileir et Colardin, eslus de Liege, et de part la citeit Conrart, woweit de Lers, maistre de Liege por le temps, et de leur conseilhe Johan de Streaule, esquwier, et Johan del Baire, jadit maistres ambdois de Liege, par-devers Namur por tenir journée contre les deputeis le duc de Borgongne, ensiwant les lettres dedit duc l'autre fois escriptes sor le paiis. Et ossi y estoient les deputeis del grant englieze de Liege, assavoir maistre Johan de Stembier, etc., et des aultres de part les bonnes vilhes de paiis, etc. Et fut ramyneit ly doiien de Saint-Lambert deldit journée tou malaide; mains, pau de temps là apres, y vient en bonne santeit. Item, en cheli De Fosse. jour meismes rendirent leur sentenche les secondars engliezes de Liege, sor le differen et mal regiment de doiien et capitle de Fosse, por eaux et leur englieze reformeir, et corregier les forfaisans d'ycelle, lesqueiles doiien et capitle, environ de VI mois paravant, s'avoient submis de tenir la sentenche des engliezes, bien enquise la veriteit, comme fait avoient par les Fol. 161, vo. deputeis desdites secondars englieses, et solon cheli enqueste un cascun donneir solon son demerite, comme tout appert par le prochesse et sentenche sour che fait. Et loiont et greiont incontinent, là present cheaux dedit capitle de Fosse, ladite sentence cheaux qui là furent environ de y X, et deux qui point nelle greiont, anchois soy vorent conseilhier, et aucuns donnont à entendre de nient tenir ladite sentenche, sire Wilhem de Pas et Renart de Bethincourt. de Borgongne. Et le XXVIe jour de may revinrent les deseurdis, qui avoient esteit à Journée contre le duc Namur à ladit journée, et ly conte de Blankenhemme chevalchat tout droit de Namur vers monsangneur de Borgongne en Flandre, por priier de mettre ladit besongne en dilation jusqu'à la revenue de monsangneur de Liege; car nos deseurdis avoient pou de choise poüt laboureir à ladite journée, car le |