CANONES DIRECTIVI CONFRATERNITATIS SACERDOTUM BONAE VOLUNTATIS SUB INVOCATIONE DOMINI NOSTRI JESU CHRISTI IN CRUCE MORIENTIS CUM EXPOSITIONIBUS R. P. JOANNIS DIRCKINCK S. J. FFARMER MED EDITIO TERTIA. MONASTERII, TYPIS FRIDERICI REGENSBERG. MDCCCLXII. Confraternitas Sacerdotum Bonæ Voluntatis instituta est ad exemplum Sodalitii, quod Romæ anno salutis 984 inierunt Episcopi et Presbyteri, ut defuncti a superstitibus Missæ sacrificiis iuvarentur, quodque renovatum anno 1631 in alma Úrbe adhuc floret. Sacerdotes Comitatus Lingensis, cum suis parochianis tum temporis sub regimine acatholico acerbissimis calamitatibus oppressi, cum Sacerdotibus aliquot Monasteriensis et Osnabrugensis Diæcesium anno 1661 pactum inierunt de offerendis singulis mensibus et hebdomadibus ss. Missæ sacrificiis pro vivis et defunctis consodalibus et de mutua admonitione et excitatione ad vitam vere sacerdotalem. Præcipuus tam pii et salutiferi operis auctor fuit Joannes Heidenricus Stodtbrock, parochus in Schepstorf et archipresbyter Comitatus Lingensis, vir omnium virtutum sacerdotalium splendore illustris, exem |