pro se et suis heredibus promictunt per juramenta sua ad sancta dei Evangelia ab ipsis corporaliter prestita et sub expressa obligacione et ypotheca omnium bonorum suorum mobilium et immobilium presencium et futurorum ratam et rata, gratam et grata, firmam et firma habere perpetuo et tenere ac inviolabiliter firmiter observare ac in contrarium non facere vel venire neque contra venire volenti in aliquo consentire in judicio vel extra facto verbo assensu vel opere palam vel occulte, tacite vel expresse, sed ea attendere servare ac inviolabiliter observare, renunciantes siquidem in hoc facto prenominati conjuges donatores quilibet eorum prout se com-. petit et eidem potest adaptari sub vi jandictorum juramentorum suorum omni excepcioni doli mali vis metus, Dictarum donacionis cessionis concessionis devestiture investiture omniumque et singulorum premissorum non ita non rite et non legitime factorum, rei aliter geste quam scripte in factum, actioni exceptioni doli dantis causam contractui vel incidentis in contractum donacioni sine causa vel ex iniusta causa seu causa eciam non secuta juridicenti donacionem factam inter vivos propter ingratitudinem posse revocari seu excedentem quingentos aureos sive juridicenti insinuacionem non valere: jure ypothecarum beneficio senatus consulti Velleyani et legi Julie de fondo dotali non alienando juri perhibenti in codem. contractui virum et uxorem obligatos nove constitucioni de pluribus reis conveniendis omni lesioni ingratitudini decepcioni judicis imploracioni officium ac omni juri canonico et civili per quod deceptis in suis contractibus quomodolibet subvenitur, et per quod contra premissa vel aliquod premissorum posset quidquam fieri vel opponi juri eciam dicenti generalem renunciacionem non valere nisi precesserit specialis. Volentes et concedentes quod publicum presens instrumentum possit et debeat reffici rescribi corrigi dictari melliorari semel et pluries quotiescunque opus fuerit ad consilium peritorum facti tamen substancia non mutata. Datum et actum

Gebenn. retro domum habitacionis dicti Girodi de Vallie presentibus domino Matheo Colognier presbitero Amedeo de Montefalconis, canonico aquebelle et Mermeto de Grava clerico testibus ad premissa vocatis specialiter et rogatis. Meque Petro de Quarreria de Gebenn. clerico publico apostolica et imperiali auctoritate notario curieque domini officialis Gebenn. jurato. Quiquidem premissis omnibus et singulis dum sic agerentur et fierent unacum prenominatis testibus presens interfui et presens publicum instrumentum inde per me receptum manu mea propria scripsi et in formam publicam redegi signoque meo consueto signavi requisitus et rogatus.

(Sur la méme feuille, d'une autre écriture.)

Nos autem Durandus Peschadie canonicus Gebennensis et Petrus de Villier sacrista prioratus sancti Johannis Gebennensis procuratores et nomine procuratorio ac generales vicarii reverendissimi in Christo patris et domini Bernardi sancti Eustachii sacrosancteque Romane ecclesie diaconi cardinalis, prioris prioratus predicti, Notum facimus universis presentes litteras inspecturis. Quod cum magister Girodus de Melduno lathomus et Beatrix eius uxor cives Gebenn., spiritus sancti gratia imbuti volentes utilitati animarum suarum in vita sua, per opera placentia altissimo creatori dederunt et concesse runt pure et perpetue discretis viris dominis Guill° de Juria de Meez et Stephano Colognier beate Marie nove Gebenn. ecclesiarum curatis et Girodo de Vallier juris perito quoddam casale domus ipsorum conjugum situm in burgo veteri Gebenn. prope portam vocatam de putheo juxta casale quod quondam fuit Mermeti et Francisci de Putheo ex parte boree et juxta casale Periaudi de Burdignin quod quondam fuit Petri Crachuz ex parte venti. Et affrontatur a parte anteriori vie publice dicte de Putheo et ex parte posteriori platee communi dicte de bello respectu. Cum pertinentiis casalis antedicti

ad faciendum et construendum ibidem per ipsos unum hospitale pro Christi pauperibus recipiendis recolligendis pernoctandis et eciam recitandis prout hec in suprascripto instrumento seriosius recitantur et eciam describuntur. Quodquid casale noscitur movere de directo dominio, et empheteosi ipsius prioratus sancti Johannis sub censa et servicio annuali quinque solidorum Gebenn. anno quolibet eidem prioratui, per possessores ipsius casalis in festo beati Michaelis solvendorum. Nobisque pro parte dictorum conjugum et dominorum Guillelmi Stephani et Girodi fuerit humiliter supplicatum quatenus bonum opus inceptum persequendo predictam donacionem ratifficare et confirmare dignaremur. Nos igitur procuratores prefati considerantes et dignum existimantes quod inter opera karitatis summum bonum censetur Christi pauperibus indigentibus et mendicantibus providere ac eciam in hoc mondo subvenire, nolentes proposito boni operis jam sucepti obviare sed pocius illud posse nostro augmentare et in melius reformare. Eapropter nomine prefati domini Cardinalis et successorum suorum in ipso prioratu considerataque utilitate in hac parte ipsius prioratus, Supplicationi ipsorum prenominatorum annuentes predictas donacionem cessionem et concessionem casalis memorati omniaque et singula in suprascripto instrum. contenta, ad finem ad quem tendunt laudamus ratifficamus et tenore presencium confirmamus. Salvis tamen dicto prioratui, dictis quinque solidis censualibus et aliis quinque de novo servicio impositis racione mortificacionis dicte Emphiteosis sive census dicto priori qui nunc est et qui pro tempore fuerit aut procuratoribus ipsius prioratus per rectores ipsius hospitalis anno quolibet ex nunc in perpetuum persolvendis in festo beati Michaelis. Volentes et consentientes et nichilominus rectoribus ipsius hospitalis concedentes quibus supra nominibus quod quocienscumque ipsi rectores qui nunc sunt et pro tempore fuerint tradere et deliberare voluerint quinque solidos censuales et de redditu per ToM. III, PART. I.

27

annum in recompensacionem census predicti super feudum sive empheteosim equivalens seu equivalentes casale prelibatum seu communi extimatione triginta libras Gebenn. ad quam summam dictum casale tempore donacionis predicte extitit extimatum. Quod ipsis quinque solidis censualibus sic in recompensacionem dictorum quinque solidorum per ipsos rectores dicto prioratui tradendis, expeditis et receptis, a prestatione et solutione dictorum decem solidorum censualium extunc minime teneantur sed extunc dictis rectoribus dictum casale liberum et francum remaneat per ipsos perpetue possidendum. Quod feudum seu empheteosim et quinque solidos consimiliter conssetatos infra quindecim annos a data presencium numerandos dare et expedire teneantur Rectores antedicti prioratui sepedicto. Promittentes bona fide et pacto expresso quibus supra nominibus premissa omnia universa et singula rata grata et firma habere perpetuo et tenere, et non contrafacere vel venire neque contravenire volenti in aliquo consentire sed posse nostro procurare quod dictus dominus Cardinalis premissa ractifficabit ac eciam confirmabit. Omnibus excepcionibus decepcionibus et allegacionibus tam juris quam facti postpositis et remotis quibus scienter et sponte renunciamus in hoc facto. In quorum omnium robur et testimonium sigillum ipsius prioratus presentibus duximus apponendum. Datum et actum in dicto prioratu die vicesima mensis Junii anno domini millesimo cccmo sexagesimo Indictione XIII pontificatus sanctissimi in Christo patris et domini nostri domini Innocencii divina providentia pape viti anno octavo. P. de Quarreria.

X. Fondation de l'hôpital des

pauvres honteux par

François de Versonay.

20 Décembre 1434.

In nomine domini Amen. Inter exercicia pietatis hospitalitas censetur esse precipua Et si erga omnes egentes exhibita salutaris non ambigitur salubrior tamen fore perhibetur si de felici statu ad inopiam vergentibus Qui propterea eam implorare possunt erubescunt misericorditer imparciatur. Cum itaque vir providus Franciscus Versonay civis et mercator Gebenn. ex consideracione premissorum et hac intentione pridem acquisierit a Jacobo de Rotulo et Guillelmo ejus nepote duo cassalia domus sita Gebenn. ante seu juxta ecclesiam fratrum minorum Gebenn. ex parte lacus cum curtilibus retrò juxta domum Aymoneti Fabri burgen. Gebenn. et Francesie ejus uxoris ex parte orientali et viam seu viculum per quam seu per quem itur a portali dicte ecclesie versus lacum a parte occidentali affrontantia vie seu carrerie publice tenden. a porta aquarie versus templum a parte anteriori Et aque lacus a parte posteriori Certo precio per dictos venditores a prefato Francisco emptore habicto nec non pro et sub annuali servicio trium solidorum Reverendo in Christo patri domino episcopo Gebenn. et principi per tempus existenti a quo ipsa casalia in emphiteosim perpetuam moveri dignoscuntur debitorum, et in quolibet festo sancti Michalis solvendorum prout hujusmodi vendicionem et emptionem aliud pu blicum instrumentum exinde per me subscriptum notarium confectum, plenius comprehendit. «Et subsequenter idem Franciscus cupiens et affectans cum dei adjuctorio temporalia in ecclesia et transitoria in eterna felici commercio commutare in dictis cassalibus construi et edifficari fecerit duas