supra factam, quam alias novimus, indubieque comperimus locum et plateam predictos, in dicta supplicatione mentionatos, esse ad ea, de quibus in dicta supplicatione fit mentio, fienda, aptissimos, convenientes et pre ceteris propicios, Et itaque cetera, de quibus ipsa facit supplicatio mencionem, integra et omnimoda niti veritate, Duximus propterea eidem supplicationi, tanquam racioni consone, de quorum supra episcopalis consilii, et Venerabilis Capituli ecclesie Gebenn. ob hoc, capitulariter, et in loco capitulari, die et horis solitis, ad sonum campane congregati, In quos interfuerunt Reverendi patres, et venerabiles domini Amblardus de Viriaco, sancte Romane ecclesie prothonotarius, decretorum doctor, Amedeus de Luyriaco, Petrus de Lornay, Petrimandus et Franciscus de Saconay, Anthonius de Villiaco decretorum doctor, apostolice sedis prothonotarius, Jacobus Fuserii decretorum doctor, Humbertus de Alpibus, Johannes de Sancto Amore, et Ludovicus de Monthouz, canonici ecclesie predicte Gebenn., deliberatione consensu, assensu, consilioque, acque omnimoda voluntate annuendum et per presentes annuimus, Et rursum dictis sindicis, consulibus et communitati, modernis et posteris ejusdem civitatis, ex auctoritate ymo et mandato, pridem nobis verbotenus, ad hoc et super hoc, per prelibatum dominum nostrum administratorem, dato Licentiam auctoritatem posseque et omnimodam facultatem, predictum hospitale, cum omnibus et singulis eidem necessariis et convenientibus, acque illi quomodolibet spectantibus, in dicta platea communi, erigeudi, fundandi, struendi, construendi, edificandi et domificandi, acque omnia alia et singula, hujusmodi hospitale, ac edificia predicta, acque ipsorum erectionem, fundacionem constructionem, et domificationem, Illorumque necessitatem et utilitatem, seu qualencumque spiritualem, aut temporalem comoditatem, nunc vel in futurum concernencia, adimplendi, complendi, et exercendi, damus, conferimus, largimur, impendimus, imparti mur, acque totaliter concedimus, Et super hoc consensum et assensum preberi petitos, per presentes liberaliter, et perpetuo duraturos, prebemus. Et hoc prout et inquantum se extendere possunt, et continere acque comprehendere valent, Quadraginta theysie de latitudine a parte superiori et civitatis, Et triginta octo theysie eciam de latitudine a parte inferiori et areris, Et septuaginta quatuor theysie de longitudine, que theysie, heri propter hoc, de nostri mandato et in nostri presencia, per expertos fuerunt in de et super dicta platea communi, per terminos lapideos et ipsorum affixionem, in nostri presentia factam, terminate et limitate. Quosquidem propterea terminos et limites lapideos, dictas theysias in se comprehendentes et continentes, duximus et ordinavimus, in evum, prout sunt positi acque sistunt et jacent, de quorum supra consilii et venerabilis capituli voluntate et consensu, permanere debere, sistereque et perhempniter manuteneri, ad opus et usum, comoditatem profectumque, et perpetuam utilitatem dicti hospitalis, et per edificiorum predictorum, acque pertinenciarum suarum, dispositioni et arbitrio sindicorum et consulum dicte civitatis, qui sunt et qui fuerint pro tempore, relinquendarum acque ad opus communitatis ex causa premissa pertinendarum, Ita tamen, quod platea hujusmodi nullimode possit alicui particulari, aut private persone, quoquomodo alienari aut devenire. Quoniam si secus unquam fieri contingeret, volumus et decernimus quod continencia dictarum theysiarum sic limitata ex tunc ad suum statum primitivum, reduci, aut quod feudum ejus, ad sedem episcopalem ecclesie predicte Gebenn. spectare pleno jure deberet. De quibus premissis omnibus et singulis volumus et jussimus, prefatique domini canonici, sie ut premittitur, capitulariter congregari voluerunt et requisierunt, fieri signarique et expediri, ad opus dicte communitatis, ac omnium et singulorum quorum interest et interesse poterit quomodolibet in futurum, per notarios publicos subscriptos, publicum instrumentum, seu tot quot fuerunt necessaria publica instrumenta, seu litteras testimoniales, sigillo sedis episcopalis Gebenn. sigillandas, in testimonium veritatis omnium et singulorum premissorum. Acta fuerunt hec Gebennis in loco capitulari, videlicet supra claustrum dicte Gebenn. ecclesie, presentibus discretis viris Amedeo de Croso cive Gebenn., et Girardo de Fogia notario burgen. Gebenn. testibus ad premissa vocatis, et rogatis, die decima quarta mensis Junii anno domini millesimo quatercentesimo sexagesimo nono. Et quia ergo Johannes de Fogia clericus burgensis Gebennarum, etc. Ego vero Claudius Viennesii civis Bellicensis, burgensis Gebennarum, elc. (Le sceau du siége épiscopal pend, bien conservé, au bas de l'acte.) XVII. — Bulle d'Innocent VIII en faveur des Syndics et de l'hôpital des pestiférés. 2 Décembre 1484. Innocentius episcopus servus servorum dei ad perpetuam rei memoriam Salvator et dominus noster Jesu Christus ad hoc nos sua clementia in summi apostolatus specula constituit, ut gregem suum ejus nobis dispositione commissum provide regeremus et ovium gregis ejusdem necessitatibus salubriter provideremus, unde nos ejus exemplo instructi opem et et operam efficaces quantum nobis ex alto conceditur libenter impendimus, ut per nostre provisionis auxilium cunctorum fidelium presertim corporali infirmitate oppressorum, necessitatibus succurratur, et pia loca in quibus benigne recipiuntur et caritative tractantur devote visitantibus et ad illorum sub ventionem manus ad,utrices porrigentibus spiritualia beneficia favorabiliter impartimur, ut exinde reddantur divine gratie aptiores. Sane accepimus quod in civitate Gebennen., que in dominio venerabilis fratris nostri Episcopi et ecclesie Gebennen. ultra montes consistit, propter transitum qui per eandem civitatem veniendo de Gallia ad Italiam et alias regiones fieri consuevit, et etiam frequentiam populi illius civitatis que admodum populosa est, sepe contingit advenas et peregrinos limina beatorum apostolorum Petri et Pauli visitare cupientes et curiales ac alios de Romana curia et visitatione predicta redeuntes, aliasque utriusque sexus personas ad diversa loca transire volentes, inibi affluere et aliquando recreationis quandoque vero infirmitatis causa moram facere, inter quas sepenumero persone morbo pestis infecte et aliis egritudinibus oppresse confluunt, quo fit ut persone hujusmodi non invenientes locum ubi declinare possint, extra hospicia ejecte, proh dolor, absque aliqua cura et visitatione ac sacramentorum administratione, in viis publicis aliquando decedunt, et extra hospitia cadavera ejecta reperiuntur et propterea, ut creditur, tanta pestis in dicta civitate invaluit quod a triginta annis citra ut plurimum ibidem viguit. Unde dilecti filii Sindici et cives dicte civitatis, premissa provide considerantes ac tante calamitati providere cupientes, sufficienti ad hoc licentia suffulti, extra muros dicte civitatis in loco ab ea satis remoto et ad hoc apto et ydoneo, Unum hospitale pro recipiendis personis predictis cum cimiterio pro sepeliendis ibidem decedentium corporibus, per ordinarium jam consecrato, ac una capella sub invocatione beate Marie de misericordia ac sanctorum Petri et Pauli apostolorum et Sebastiani martiris ac Antonii confessoris, construi et edificari ceperunt, sed causantibus premissis ac etiam guerrarum turbinibus aliisque sinistris eventibus quibus partes ille diutius afflicte fuere, opus inceptum hujusmodi hactenus perficere non potuerunt, nec ex propriis facultatibus perficere pos sunt, sed ad hoc pia Christi fidelium suffragia sunt quamplurimum oportuna, Et cum ut etiam accepimus, Sindici et cives prefati, summopere desiderent dictum opus perfici et inibi unum vel duos aut plures presbyteros qui infirmorum et aliorum fidelium ad dictum hospitale pro tempore confluentium confessiones audire valeant et ad eorumdem Sindicorum et civium amovibiles existant, deputari, Nos cupientes ut opus predictum perfici et in illo infirmis et pauperibus oportunum refugium parari possit auctoritate apostolica tenore presentjum statuimus et ordinamus quod Sindici et cives prefati in dicto hospitali unum duos vel plures sacerdotes ydoneos ad eorum nutum amovibiles ponere valeant, qui infirmorum et aliorum fidelium ad dictum hospitale pro tempore confluentium, et eis confiteri volentium, confessiones audire, eisque auditis pro commissis per eos peccatis, criminibus, delictis et excessibus, dummodo talià non fuerint, propter que sedes apostolica esset merito consulenda, quotiens oportunum fuerit, in aliis vero eidem sedi reservatis casibus, semel in mortis articulo ipsis et eorum cuilibet debitam absolutionem impendere et penitentiam salutarem injungere, ipsique sic deputati sacerdotes omnibus vere penitentibus et confessis in eodem hospitali pro tempore decedentibus in sinceritate fidei, unitate sancte Romane ecclesie ac obedientia et devotione nostra vel successorum nostrorum Romanorum pontificum canonice intrantium persistentibus, plenariam omnium peccatorum suorum remissionem impendere valeant. Quodque ipsi presbiteri corpora in dicto hospitali decedentium cujuscunque dignitatis, status, gradus, ordinis et conditionis fuerint in capella vel cimiterio prefatis sepelire, nec non in eadem capella tempore interdicti quavis etiam apostolica auctoritate appositi, Missas et alia divina officia in presentia infirmorum predictorum et aliorum illuc accedentium, dummodo causam non dederint interdicto, nec id contingat eis specialiter interdici, januis clausis, excommunicatis et interdictis exclusis, et |