Hic nulli veterum dextra victrice secundus, Præcipue hunc titulum laudis habere volet. Vos duo vaticinor Romanæ fulmina pesti : Fallere, Christe, veta; quem facis ista loqui. Sed te præcipue spes nostræ, Huttene, morantur; Pars quia tu nostri maxima nuper eras. Scimus enim, rudibus dum te metimur ab annis, Illa animi quam sit vis generosa tui. Quam sortis tolerare potens utriusque laborem, Quam manus ingenium nobile prompta sequi. Tu potes ingentes heroas in arma ciere, Quæ possint ipsos arma movere Deos. Ah pereant, quos bella juvant quæcunque, nec ullum Delectum armorum militiæque tenent. Hæc sunt justa, quibus faveat Germania bellis, Quorum est, quæ periit, maxima causa fides. Hos Turcas, i, vince prius, Germane, quibus te Tam servire diu turpiter, anne pudet? Deinde alios Turcas quæres, quos vincere possis, Quosque labor fuerit vincere forte minor. Sed tamen imbelles facile est superare Cinados: Nil dederis, victi jam tibi terga dabunt. Namque tuo quoties auro tibi damna tulerunt, Tu damni nervos, in tua membra, dabas. Sed nec opus veterem fuit hic renovare querelam, Tecum cœpta fuit fabula, noster Eques. Germanum nomen libertatemque jacentem Erige, ad hoc facinus te tua fata vocant. Addet imaginibus multum res ista tuorum Luminis, et vestrum nomen ad astra feret. Quamvis nunc etiam clarum decus Huttenorum, Te duce jam terris arduiora colat. Hoc tamen obstantes instructior ibis in hostes: Materiam nomen sæpe timoris habet. Nomine sic etiam, Scipio fortis erat. Aude igitur, generose animi quem spreveris hostem, Muneris hoc, mihi crede, tui est, nec dignius ullum Quicquid inest vivi sanguinis omne trabunt. Quas dare spes audes, fac, precor, esse ratas. Hoc tuus ille animi vigor, et genitiva requirunt, Nobilitas, virtus, gloria, fama, fides. Meque fer hæc, alacri ceu classica voce, canentem, Qua sola potui parte venire tibi. Atque utinam liceat, quoniam libet, esse in eisdem Partibus, in quas te nostra Camœna vocat. Non timeam forti gladios vibrare lacerto, Pierides regcs inter et arma volant. Omnibus in Christo fortibus esse licet. Vive, decus gentisque tuæ, fideique labantis Spes nova, et hæc, oro, consule scripta boni. C. Ulrichi Hutteni ad præcedens Helii Eobani Hessi carmen Responsorium. Edita sollicito per te Exhortatio versu Si scisses, qui sim, nulla futura fuit. Grata est ista tamen, vatum pulcherrime, grata est Nam video, nec adhuc omnes servire paratos; Christus, ut hoc omnes adsiliant animo. Sed video, socias trepidanti pectore vires Impete, quam deceat, languidiore sequi. Nec, de quo abscedunt conjurata agmina passim, Deseram opem patriæ, et pro libertate ruendo, Nec patriæ nostrum defuit ingenium. : Nec suscepta semel facta, ut cessantia, mitto Aut hoc crit saltem, liber ut emoriar. Nec cadet insontis de sanguine gutta Lutheri, Quæ, si adsim, non sit sanguine mixta meo. Ut nequeam superare, tamen contendere quibo. Нæс quoque, si qua bona est belli causa, optima tandem est: Et sub qua fortis nemo perire neget. Ut non sit bona sors; ego dextrum numen adoro. Nam causam hanc Christi quis negat esse fidem? Nescio, quo me fata vocent. Quocunque vocabunt, Conatu certum est non trepidante sequi. Desinite exsilium dubiis obtendere cœptis: Non tanti est, serva vivere cum patria. Quamquam animus meliora mihi præsagit eunti. Quæ se cunque dabunt, spe præeunte sequar. Quis scit, an hunc frustra Christus velit esse laborem, Et diversa vetent vincere fata duos? Lex divina comes, quocunque evadimus, ibit. |