rum ob ingravescentem aetatem aegre admodum valeat suo muneri satisfacere, nos recto illius nationis regimini consulere summopere cupientes, Coadiutorem cum iure successionis designandum censuimus, ut potissimum vitari queant incommoda et damna, quae patriarchali eà sede vacante contingere possent. Itaque de venn. fratrum nostrorum S. R. E. Cardinalium negotiis Propagandae Fidei praepositorum consilio, eiusmodi munus tibi, ven. frater, committendum existimavimus, qui singulari pietate, doctrinâ, prudentiâ, religione ac rerum gerendarum peritià, aliisque egregiis animi ingeniique dotibus praestas. Quamobrem peculiari te beneficentiâ prosequi volentes, et a quibusvis excommunicationis, suspensionis et interdicti, aliisque ecclesiasticis censuris, sententiis et poenis quovis modo vel quavis de causa latis, si quas forte incurristi, huius tantum rei gratia absolventes et absolutum fore censentes, te, ven. frater, qui in praesentia Archiepiscopus Hadirbegian ritus Chaldaici existis, hisce literis auctoritate nostrâ apostolicà in Coadiutorem commemorati Patriarchae Babylonensis nationis Chaldaeorum cum iure futurae successionis eligimus, constituimus et deputamus, ita tamen ut ipso Ioanne de Hormez vivente in exercitio et administratione huiusmodi patriarchatus nonnisi quantum et quatenus idem Ioannes ordinaverit, te ingerere possis, ea vero, quae ipse hac in re tibi mandaverit, omnino praestare et adimplere tenearis. Si autem idem Ioannes ab humanis decedat, aut forsan, quod absit, iam decesserit, seu praedictus eius patriarchatus alio quocumque modo ex ipsius personâ vacaverit, te eius loco Patriarcham Babylonensem nationis Chaldaeorum, dimisso archiepiscopatu Hadirbegian ritus Chaldaici quo ad praesens potiris, cum omnibus et singulis facultatibus, quae praedieto Ioanni ratione patriarchatus huiusmodi ab hac Apostolicà Sede hactenus quomodolibet concessae et attributae sunt, nunc pro tunc auctoritate et tenore praedictis facimus et instituimus, salvà tamen semper in praemissis auctoritate Congregationis eorumdem Cardinalium. Mandamus propterea in virtute Sanctae Obedientiae omnibus et singulis ad quos spectat ac spectabit in posterum, ut te ad officium

coadiutoris, et tempore suo ad illud patriarchatus Babylonensis nationis Chaldaeorum eiusque liberum exercitium, iuxta earumdem praesentium tenorem, excipiant, admittant, tibique in omnibus quae ad huiusmodi pertinent officium praesto sint atque obediant, tuaque salubria monita et mandata reverenter suscipiant, atque efficaciter adimpleant; alioquin sententiam seu poenam, quam rite tuleris in rebelles, seu statueris, ratam habebimus et faciemus auctorante Domino usque ad satisfactionem condignam inviolabiliter observari. Non obstantibus constitutionibus et sanctionibus apostolicis caeterisque contrariis quibuscumque.

Datum Romae, apud S. Mariam Maiorem sub annulo Piscatoris, die xxv. sept. MDCCCXXXVIII., pontific. nostri anno VIII.

CXLIII.

Properanti primum Episcopo Algeriano ad propriam dioecesim post visitationem sacrorum liminum, plura tradit munera sacra ad ecclesiam cathedralem deferenda, eique stimulos addit ad zizania inter fideles succidenda, et ad novas propagines serendas, fructum in alias quoque Africae partes allaturas (1).

Venerabili fratri Antonio Adolfo Episcopo lulio-Caesariensi sive Algeriano,

GREGORIUS PP. XVI.

Venerabilis frater, salutem et apostolicam benedictionem.

Libenter semper animo excipere consuevimus nostros venn. fratres, quicumque huc profecti fuissent, ut sacra Apostolorum limina pie inviserent, Sanctaeque huic Sedi praesentes obsequerentur, atque ab eâ opem, consilia, monita reportarent, quibus in arduo episcopalis muneris exercitio sustentarentur. Sed singulari certe ratione laetati plurimum sumus in aspectu tui, ven. frater, cuius insignem virtutem non obscura pietatis operum documenta testantur, quemque primum dedimus pastorem novae ecclesiae, quam nuper in urbe Algerio, carissimi in Christo filii nostri Ludovici Philippi

Francorum regis christianissimi studio ac liberalitate favente, instituimus. Cum vero in eamdem sedem tuam propediem iturus sis, mandamus tibi ipsi munera quaedam ad cathedrale templum, quod Philippo Apostolo dicabitur, deferenda, videlicet ex sacris exuviis sancti eiusdem Apostoli partem extremam digiti alterius pedis, et particulam ex ossibus Augustini Episcopi Hipponensis, cuius ecclesia eiusdem nomine celeberrima sita olim fuit intra fines dioecesis tibi nunc attributae; insuper thecam argentei operis auro obductam memoratis reliquiis in altari proponendis; denique in usum divini sacraficii calicem aureum trunco basique argenteà inauratâ sustentatum cum patenâ item ex auro. Hisce igitur piis donis nostrum in Algerianam peculiare studium testari voluimus.

Verum magni etiam doni loco tu ipse eris, ven. frater, cuius praesentiâ exiguus adhuc in eâ regione Christi grex multam in Domino consolationem capiet. Latissimus tibi ad exercendam virtutem datus est campus, totam, quae paulo ante fuit, Algerii ditionem complectens, ubi multae vetustioribus seculis ecclesiae floruerunt; sed succedente deinceps infidelium dominatu talem omnes vastitatem passae sunt, ut ante novissimam rerum commutationem vix ulla inibi christianae pietatis vestigia superessent. Pergens igitur in Dei nomine ad partem illam vineae dominicae tanto iamdiu squalore obsitam, arripe statim, ven. frater, gladium fidei, quod est verbum Dei, et mitte manum tuam ad aratrum; nova tibi novale, succide propagines zizaniorum, sere bonum semen; quod, vigili sedulitate custoditum et divinae gratiae irrigatione foecundatum, uberrimos, ut plane confidimus, iustitiae et sanctitatis fructus emittet. Immo bonam erigimur in spem fore ut lux catholicae veritatis inde in proximas alias Africae partes diffundatur et crescat; intervenientibus in id apud misericordiarum Patrem piissimis precibus Cypriani, Augustini, Fulgentii, aliorumque Sanctorum, qui illam virtute, doctrina, fusove in fidei testimonium sanguine illustrarunt. Itaque alacri semper animo sis, ven. frater, et nihil quidem tribuens tibi ipsi, sed divinâ potentiâ et bonitate innixus, labora sicut bonus miles Christi; et in mediis difficultatibus, quibus te defungi oportebit, coronam recogita perse

verantibus repromissam. Nos interea, licet indigni, haud sane desistimus in omni oratione et obsecratione cum gratiarum actione Deum per merita filii sui Redemptoris mundi suppliciter postulare, ut mittat tibi auxilium ex alto, et iis, quae dante ipso plantaveris atque rigaveris, incrementum tribuat. Denique nostrae in te propensissimae voluntatis pignus adiungimus apostolicam benedictionem, quam sacerdotibus etiam adiutoribus tuis praedictoque Algeriano gregi nomine nostro dispertiendam fraternitati tuae peramanter impertimur.

Datum Romae apud S. Petrum sub annulo Piscat. die XXIV. dec. MDCCCXXXVIII., pontificatus nostri anno VIII.

CXLIV.

Dimittente Ioanne Baptista Zino munus Vicarii Apostolici Gibraltariae, decernit Vicarium substituendum dignitate episcopali insignitum iri, illudque munus committit fr. Henrico Hugues Ordinis Minor. Obser. S. Francisci.

Dilecto filio Henrico Hugues provinciali ministro Ord. Minorum S. Francisci in Hibernia,

GREGORIUS PP. XVI.

Dilecte fili,

salutem et apostolicam benedictionem.

De universi dominici gregis salute vehementer soliciti, nihil inausum nihilque inexpertum relinquere debemus, ut spiritualium christifidelium bono pro viribus consulamus.

§ 1. Itaque cum in praesentibus rerum ac temporum adiunctis nobis relatum fuerit, religionis catholicae bono plurimum expedire posse, si in Calpensi civitate, vulgo Gibraltar, cuius regimen ecclesiasticum simplici hactenus presbytero Vicarii Apostolici titulum habenti commissum fuit, Vicarius Apostolicus episcopali dignitate insignitus constituatur, qui ampliori auctoritate in illâ regione Ecclesiae negotia gerat, nos de venn. fratrum nostrorum S. R. E. Cardinalium negotiis Propagandae Fidei praepositorum consilio, dilecto filio presbytero Ioanne Baptista Zino munus ac titulum Vicarii Apostolici

Calpensis dimittente, huiusmodi officium tibi committendum censuimus, quamplurimum in Domino confisi, ut pro singulari tuâ pietate, doctrinà, prudentiâ, integritate et catholicae religionis zelo, eodem munere cumulate sis perfuncturus.

§ 2. Quamobrem te, quem per similes apostolicas literas hoc ipso die datas Episcopum Heliopolinsem in part. infid. renuntiavimus, hisce literis auctoritate nostrà apostolicà in Vicarium Apostolicum Calpensem ad nostrum et huius Apostolicae Sedis arbitrium eligimus, constituimus et deputamus etc. salva semper in praemissis auctoritate Congregationis eorumdem Cardd.

§ 3. Mandamus propterea etc.

Datum Romae apud S. Petrum sub annulo Piscat. die xv. martii MDCCCCXXXIX., pontificatus nostri anno IX.

CXLV.

Corpus S. Exuperii Martyris in coemeterio Callisti repertum Societati Propagationis Fidei Lugdunensi donat; concedit insuper ut in ecclesià metropolitand Lugdunensi festum ipsius Martyris celebretur, et ut in eam Societatem cooptati plures lucrentur indulgentias, sive orantes ad corpus S. Martyris, sive statutis diebus nonnulla pietatis opera exercentes.

GREGORIUS PP. XVI.

ad perpetuam rei memoriam.

Dominici gregis augendi solicitudo, qua pro Apostolatus nostri munere tantopere afficimur, ad illud omne libenter nos convertit, quod prodesse illis intelligimus, qui de catholicâ fide propagandâ bene meriti existant. Huius porro benevolentiae nostrae pignus exhibere volentes, praeclarae illi Societati, quae Lugduni primum. pro missionibus ad exteros populos iuvandis, sub propagationis fidei titulo fuit instituta, B. Martyris Exuperii corpus, quod nuper in coemeterio Calisti repertum fuerat, illuc mittendum curavimus. Quoniam vero pium illud opus spiritualibus beneficiis cumulare, et ipsius S. Martyris cultum promovere impensius optamus; praesentibus nostris literis in perpetuum valituris annuimus precibus ad nos allatis,

ut quinto calendas maias, quo die sacrae eius reliquiae sunt inventae, in ecclesià metropolitanâ Lugdunensi S. Ioanni Baptistae sacrà, festum ipsius sub ritu duplici maiori celebrari ad libitum quotannis valeat. Fidelibus insuper, qui in praefatam Societatem cooptati ad B. Martyris corpus preces iuxta consuetos fines fuderint, pro qualibet vice tercentum dies de verà indulgentià concedimus. Quo vero di die S. Exuperii festum celebrabitur, et singulis primis dominicis cuiuscumque mensis, si iidem in Societatem cooptati Poenitentiae et Eucharistiae sacramentum acceperint, et praeterea, praefatam ecclesiam adeuntes, ibi, ut supra, oraverint, plenariam indulgentiam consequentur. Utramque demum indulgentiam tam plenariam quam partialem animabus in Purgatorio degentibus applicabilem declaramus. Dum haec omnia pro animarum salute decernimus, futurum confidimus, ut praefata Societas, quae iam de missionibus optime merita est, ab Apostolica Sede tot praedilectionis significationibus aucta, ad catholicae Ecclesiae bonum latius amplificetur. In contrarium facientibus non obstantibus quibuscumque.

Datum Romae apud S. Petrum sub annulo Piscat. die xxIII. martii MDCCCXXXIX., pontificatus nostri anno IX.

CXLVI.

Erigit Vicariatum Apostolicum latini ritus in Aegypto et Arabià, quem iam (anno MDCCCXXXVII.) constituendum decreverat, separato inferiori Aegypto a custodiâ Terrae Sanctae, et superiori a Vicariatu Apostolico Aleppi.

GREGORIUS PP. XVI.

ad perpetuam rei memoriam.

Ex munere pastoralis ministerii supernâ Dei providentiâ nobis impositi non leve sane totius dominici gregis onus ferentes, illis potissimum ovibus, quae regiones ab hac Apostolicà Sede longe dissitas incolunt, maiori studio ac sedulitate consulendum censemus, ut in adventu Pastoris aeterni repertae, sicut oportet, per apostolicam curam intra verum ovile, ad pascua caelestia vocari possint feliciterque perduci.

§ 1. Hinc quum fovendo religionis studio in catholicis fidelibus, qui ad Aegyptum quotidie maiori numero profluunt, atque in eâ finitimisque regionibus fidei catholicae propagandae valde expedire visum fuerit, novum iis in locis Vicarium Apostolicum latini ritus episcopali dignitate insignitum, de venn. fratrum nostrorum S. R. E. Cardinalium negotiis Propagandae Fidei praepositorum consilio, censuimus atque decrevimus, praeviâ dismembratione missionis inferioris Aegypti a custodiâ Terrae Sanctae, et missionis superioris Aegypti atque Arabiae a Vicariatu Apostolico Aleppi, peculiarem ex universå illa regione Vicariatum Apostolicum esse erigendum, qui iuxta instructiones a commemoratâ Congregatione tradendas erit administrandus.

§ 2. Motu igitur proprio, ex certà scientia et maturà deliberatione deque apostolicae potestatis plenitudine, harum literarum vi missionem inferioris Aegypti a custodia Terrae Sanctae, ac missionem superioris Aegypti et Arabiae a Vicariatu Apostolico Aleppi subtrahentes, peculiarem in illis regionibus Vicariatum Apostolicum latini ritus erigimus, atque ibi Vicariatum Apostolicum episcopali di

(1) Ex Reg. Brevium vol. IV., pag. 256. Sequenti lit. Perpetuum a Solero FF. Ord. Min. electum fuit in Ep. Fesseilen.

Dilecto filio Perpetuo a Solero fratrum Ord. Min. S. Francisci de Observantia,

GREGORIUS PP. XVI.

Dilecte fili,

salutem et apostolicam benedictionem.

Apostolatus officium meritis licet imparibus, nobis ex alto commissum, quo ecclesiarum omnium regimini divina dispositione praesidemus, utiliter exequi, adiuvante Domino, cupientes, solliciti corde reddimur et solertes, ut cum de ecclesiarum ipsarum regiminibus agitur committendis, tales eis in pastores praeficere studeamus, qui populum suae curae creditum sciant non solum doctrina verbi, sed etiam exemplo boni operis informare, commissasque sibi ecclesias in statu pacifico et tranquillo velint et valeant auctore Domino salubriter regere et feliciter gubernare. Dudum siquidem provisionem ecclesiarum omnium nunc vacantium, quaeque in posterum vacaturae, ordinationi ac provisioni nostrae reservavimus decernentes, ex tunc irritum et inane, si secus super his a quoquam quavis auctoritate scienter vel ignoranter contigerit attentari.

§ 1. Postmodum vero episcopali ecclesia Fesseilen. quae sub archiepiscopatu Cirtensi vulgo Fesse in partibus infidelium existit, solatio pastoris destituta, nos ad eiusdem ecclesiae, de cuius vacatione relatus fide digni nos fecerunt certiores, provisionem celerem atque felicem, in qua nemo praeter nos se potuit seu poterit intromittere, reserva

gnitate insignitum constituimus. Ipsi autem Vicario ab hac Apostolicà Sede eligendo omnes et singulas facultates huiusmodi Vicariis Apostolicis concedi solitas eadem auctoritate nostrâ concedimus atque impertimur.

§ 3. Haec statuimus etc.

Datum Romae, apud S. Petrum sub annulo Piscatoris die XVII. maii MDCCCXXXIX., pontificatus nostri anno IX.

CXLVII.

Novo vicariatui Aegypti praeficit Perpetuum a Solero Episcopum Fesseilen (1).

Dilecto filio Perpetuo a Solero fratrum Ord. Minorum S. Francisci de Observantia,

GREGORIUS PP. XVI.
Dilecte fili,

salutem et apostolicam benedictionem.

Pastorale officium nobis ex alto commissum nihil nos magis sollicitat, quam Christifidelibus, ut in viam mandatorum

tione ac decreto obsistentibus supradictis, ne illa longae vacationis exponatur incommodis, paterno ac sollicito studio intendentes, post deliberationem, quam de praeficiendo eidem ecclesiae personam utilem ac fructuosam, cum VV. FF. NN. S. R. E. Cardinalibus Propagandae Fidei praepositis habuimus diligentem, demum ad te, qui ex legitimo matrimonio procreatus, et in aetate etiam legitima constitutus existis, cuius apud nos de morum integritate, doctrina, prudentia, pietate, christianae religionis et catholicae fidei zelo ac spiritualium providentia et temporalium circumspectione fide digna perhibentur testimonia, oculos mentis nostrae direximus. Quibus omnibus mature perpensis, te a quibusvis excommunicationis, suspensionis et interdicti aliisque ecclesiasticis censuris, sententiis et poenis quovis modo et quacumque de causa latis, si quas forte incurristi, huius tantum rei gratia absolventes et absolutum fore censentes, eamdem ecclesiam episcopalem Fesseilen. de persona tua nobis et memoratis Cardinalibus ob tuorum exigentiam meritorum accepta, de eorumdem fratrum consilio auctoritate apostolica providemus, teque illi in Episcopum praeficimus atque pastorem, curam, regimen et administrationem ipsius ecclesiae tibi in spiritualibus et temporalibus plenarie committendo, in illo qui dat gratiam et largitur dona confisi, quod dirigente Domino actus tuos praefata ecclesia per tuae circumspectionis industriam et studium utiliter ac prospere dirigatur, et in spiritualibus ac temporalibus orthodoxa religio incrementa suscipiat. Iugum igitur Domini tuis impositum humeris prompta devotione complectens, curam et administrationes praefatas ita studeas fideliter prudenterque exercere, ut eccle sia praefata gaudeat se provido gubernatori et fructuoso administratori esse commissam, ac tu prae

Dei dirigantur, atque ad aeternam salutem animarum suarum assequendam opportunis praesidiis adiuventur, omni quo cum Deo possumus studio providere. Itaque cum per similes apostolicas litteras de VV. FF. NN. S. R. E. Cardinalium negotiis Propagandae Fidei praepositorum consilio, praevia dismembratione missionis superioris Aegypti atque Arabiae a Vicariatu Apostolico Alepii, peculiarem Vicariatum Apostolicum latini ritus in universa illa regione erigendum duxerimus, de eorumdem VV. FF. consilio te, de cuius pietate, doctrina, integritate, ac singulari zelo praeclara accepta sunt te stimonia, eidem vicarium te praeficiendum censuimus. Quamobrem te, quem per similes apostolicas litteras hoc ipso die datas in Episcopum ecclesiae Fesseilen. sub archiepiscopatu Cirtensi vulgo Fesse in partibus infidelium renuntiavimus, peculiari beneficentia prosequi volentes, a quibusvis excommunicationis, suspensionis et interdicti, aliisque ecclesiasticis censuris, sententiis et poenis quovis modo et quacumque de causa latis, si quas forte incurristi, huius tantum rei gratia absolventes et absolutum fore censentes, hisce litteris auctoritate nostra apostolica ad nostrum atque eiusdem Apostolicae Sedis beneplacitum in Vicarium Apostolicum Aegypti et Arabiae in commemoratis regionibus eligimus, constituimus et deputamus. Mandamus propterea omnibus et singulis ad quos spectat ac spectabit in posterum, ut tibi in praemissis prompte pareant et obediant, tuaque salubria monita et mandata humiliter accipiant et efficaciter adimplenda curent, alioquin sententiam seu poenam, quam rite tuleris seu statueris in rebelles, ratam habebimus et faciemus auctorante Do

ter aeteruae retributionis praemium nostram quoque et Sedis Apostolicae uberius exinde consequi merearis benedictionem et gratiam.

§ 2. Praeterea tibi ut ad ecclesiam praefatam, quamdiu ab infidelibus detinebitur, accedere et apud eam personaliter residere minime tenearis dicta auctoritate concedimus atque indulgemus. Tibi insuper ut a quocumque malueris catholico Antistite Sanctae nostrae Sedis gratiam et communionem habente, adcitis et in hoc illi adsistentibus duobus aliis Episcopis, vel, quatenus hi commode reperiri nequeant, duobus eorum loco presbyteris saecularibus vel cuiuscumque Ordinis, congregationis et instituti regularibus similem praefatae huius Sedis gratiam et communionem habentibus, munus consecrationis recipere libere et licite possis et valeas, atque eidem Antistiti, ut receptis a te prius catholicae fidei professione iuxta articulos pridem a S. Sede propositos ac nostro et Roma

mino usque ad satisfactionem condignam inviolabiliter observari. Non obstantibus apostolicis ac in universalibus provincialibusque et synodalibus conciliis editis generalibus vel specialibus constitutionibus et ordinationibus, nec non quibusvis consuetudinibus, privilegiis quoque, indultis et litteris apostolicis in contrarium praemissorum quomodolibet concessis, confirmatis et innovatis : quibus omnibus et singulis, illorum tenores praesentibus pro plene et sufficienter expressis ac de verbo ad verbum insertis habentes, illis alias in suo robore permansuris, ad praemissorum effectum hac vice. dumtaxat specialiter et expresse derogamus, caeterisque contrariis quibuscumque.

Datum Romae, apud S. Petrum sub annulo Piscat., die XXVIII, maii MDCCCXXXIX., pontificatus nostri anno IX.

CXLVIII.

Visitatorem Apost. patriarchatus Chaldaeorum deputat Franciscum Villardell Archiepiscopum Philippensem Delegatum Apostolicum Aleppi.

Venerabili fratri Francisco Villardell Archiepiscopo Philippensi Vicario Apostolico Aleppi,

GREGORIUS PP. XVI.

Venerabilis frater, salutem et apostolicam benedictionem.

Cum ad ecclesiastica negotia patriarchatus Babylonensis rite componenda necesse prorsus noverimus, ut magis ac

nae Ecclesiae nomine fidelitatis debitae iuramento, praefatum munus tibi auctoritate nostra impendere licite valeat, plenam harum litterarum serie tribuimus facultatem. Volumus tamen, et eadem auctoritate praecipimus, ut nisi receptis a te per dictum Antistitem iuramento et professione fidei huiusmodi ipse Antistes consecrationis munus tibi impendere, tuque illud recipere praesumpseritis, idem Antistes a pontificalis officii exercitio, ac tam ipse quam tu a regimine et administratione ecclesiarum vestrarum suspensi sitis eo ipso.

§ 3. Non obstantibus apostolicis ac in universalibus, provincialibusque et synodalibus Conciliis editis generalibus vel specialibus constitutionibus et ordinationibus, caeterisque contrariis quibuscumque.

Datum Romae apud S. Petrum, sub annulo Piscatoris, die xvII. maii MDCCCXXXIX., pontificatus nostri anno IX.