GREGORIUS PP. XVI.

ad perpetuam rei memoriam.

§ 1. Cum per similes nostras apostolicas literas, alias die XIV. augusti anni MDCCCXXXVIII., alias die III. septembris anni MDCCCXXXIX., datas ad rem christianam in quibusdam dioecesis Pekinensis regionibus periclitantem tuendam firmandamque, regiones ipsas ab antedictà ecclesià disiunctas ac dismembratas in distinctos vicariatus apostolicos erexerimus; provinciam scilicet Leao-tung addità Mantchouriâ et Mongolià, nec non alteram provinciam Xantung nuncupatam, iisque Apostolicos Vicarios cum charactere ac titulo episcopali in part. infid. praeficiendos duxerimus, nunc satius prioris vicariatus regimini, seminarii Parisiensis ad exteros alumnis credito, prospicere summopere cupientes, nimiâ eius attentâ amplitudine ac perpendentes missionariorum S. Lazzari in Mongoliâ laborantium numerum ac sollicitudinem, de venn. fratrum nostrorum S. R. E. Cardinalium negotiis Propagandae Fidei praepositorum consilio, Mongoliam a vicariatu Leao-tung seiungendam, eamque in distinctum vicariatum alumnis instituti S. Vincentii a Paulo committendum erigere constituimus.

§ 2. Motu igitur proprio, ac certâ scientiâ et matura deliberatione, deque apostolicae nostrae potestatis plenitudine hisce literis Mongoliam a commemorato vicariatu Leao-tung penitus seiungimus, subtrahimus ac in peculiarem et distinctum vicariatum erigimus et constituimus, ac huiusmodi Vicariatum alumnis instituti S. Vincentii a Paulo committimus, cum eisdem conditionibus quibus vicariatus Tche-Kiang et Kiang-si eis creditum fuit, electo ex eorum gremio ab hac Apostolicâ Sede Vicario Apostolico cum charactere ac titulo episcopali in part. infid., omnibusque cum facultatibus necessariis et opportunis, quae huiusmodi Vicariis Apostolicis ab hac Apostolicâ Sede concedi solent.

Haec statuimus etc.

Datum in Arce Gandulphi sub annulo Piscatoris die XXVIII. augusti MDCCCXL., pontificatus nostri anno x.

CLXXVIII.

Superiori generali Congregationis Missionis mandat ut novo vicariatui Mongoliae unum ex alumnis Congregationis praeficiat episcopali titulo decorandum.

Dilecto filio loanni Baptistae Nozò superiori generali instituti Sancti Vincentii a Paulo Missionis,

GREGORIUS PP. XVI.

Dilecte fili,

salutem et apostolicam benedictionem.

Cum per similes apostolicas literas hoc ipso die datas, de venn. fratrum nostrorum S. R. E. Cardinalium negotiis Propagandae Fidei praepositorum consilio, Sinensem Mongoliae regionem, a dioecesi Pekinensi iam disiunctam ac vicariatui apostolico Leao-tung anno MDCCCXXXVIII. adiectam, in distinctum vicariatum apostolicum erigendam duxerimus, eiusque curam alumnis instituti S. Vincentii a Paulo missionis commiserimus, novi huiusce vicariatus regimini prospicere vehementer optantes, eidem vicariatui idoneum praesulem praeficiendum constituimus cum charactere episcopali ac titulo ecclesiae in part. infid. Quamobrem de eorumdem Cardinalium sententiâ, tibi, dilecte fili, qui illorum alumnorum superior generalis existis, auctoritate nostrâ apostolicâ per hasce literas committimus et mandamus, ut ex tuis alumnis eligas quem ad id muneris magis idoneum ac digniorem in Domino existimaveris, quem quidem a te auctoritate nostrâ electum in Vicarium Apostolicum Mongoliae constituimus et deputamus auctoritate et tenore praesentis cum omnibus et singulis. facultatibus necessariis et opportunis, quae ab hac Apostolicâ Sede hisce Apostolicis Vicariis concedi solent, salvâ tamen semper in praemissis Cardinalium eiusdem Congregationis auctoritate.

Datum in Arce Gandulphi sub annulo Piscatoris die XXVIII. augusti MDCCCXL., pontificatus nostri anno x.

CLXXIX.

Visitatorem apostolicum pro missione in Bosnia eligit.

Venerabili fratri losepho de Kukovich Episcopo Bosniensi et Sirmiensi, GREGORIUS PP. XVI. Venerabilis frater,

salutem et apostolicam benedictionem.

Cum ad iurgia sedanda dissidiaque extinguenda inter dilectos filios fratres Ordinis Minorum S. Francisci de Observantia qui missionariorum munere in Bosnia funguntur, eosque in corcordiam adducendos subiiciendosque, ut par est, auctoritati venerabilis fratris Vicarii Apostolici inibi constituti nobis necesse prorsus visum fuerit, novum apostolicum visitatorem pro illa missione statuere, suspensa interim in ea provincia quavis superiorum regularium potestate ademptaque ipsis religiosis viris facultate capitulum celebrandi, electionemque quamcumque in posterum faciendi, nos de consilio venerabilium fratrum nostrorum S. R. E. Cardinalium negotiis Propagandae Fidei praepositorum, tibi, venerabilis frater, huiusmodi munus committere statuimus. De tua igitur prudentia ac probitate plurimum in Domino confisi, atque a quibusvis excommunicationis, suspensionis et interdicti, aliisque ecclesiasticis censuris, sententiis et poenis quovis modo et quacumque de causa latis, si quas forte incurristi, huius tantum rei gratia absolventes et absolutum fore censentes, te Episcopum Bosniensem et Sirmiensem in visitatorem apostolicum in praedicta missione cum omnibus facultatibus ad id negotii necessariis et opportunis auctoritate apostolica tenore praesentium ad nostrum et Sedis Apostolicae beneplacitum eligimus et constituimus, salva semper in praemissis Congregationis eorumdem Cardinalium auctoritate. Quapropter interea temporis quamvis superiorum regularium potestatem in ea provincia suspensam declaramus, ipsisque religiosis viris interdicimus capitulum celebrare electionemque quamcumque in posterum facere. Idcirco mandamus in virtute sanctae obedientiae omnibus et singulis ad quos spectat etc.

Datum in Arce Gandulphi sub annulo Piscatoris die XXVIII. augusti MDCCCXL., pontificatus nostri anno x.

CLXXX.

Respondet principi insularum Gambieres propriam conversionem ac pietatis opera ac praesertim templi aedificationem ex lapide susceptam Pontifici manifestanti; eum cum populo ad perseverandum allicit, et plura numismata ex auro et argento ad eum eiusque uxorem dono mittit:

Dilectissimo in Christo filio nostro Gregorio Stanislao principi insularum Gambieres,

GREGORIUS PP. XVI.

Dilectissime in Christo fili noster, salutem et apostolicam benedictionem.

Quo cor nostrum gaudio repleverint literae a celsitudine tuâ ad nos missae, haud facile explicare verbis possumus. Nihil enim amabilius, nihil optatius, quam vel quod de tuâ simul ac tui populi conversione ad veram catholicam fidem laetabundus commemoras, vel quod de summo in Christum Iesum religionis studio significas, qui publicis etiam supplicationibus apud vos colitur, cuique templum. ex lapide suscepistis aedificandum, vel denique quod scribis de singulari, qua estis affecti, pietate in Deiparam Virginem Mariam, quam vestram appellare matrem et sollemniter honorare, ei istam quoque regionem dicando, gloriamini. Vere igitur speciosi fuisse dicendi sunt pedes evangelizantium istic pacem, evangelizantium bona, quum adeo uberes ex eorum labore fructus extiterint. Gratulamur itaque quammaxime tibi ac tuae genti universae, quod ita vobis ostenderit Deus misericordiam suam. Quare aequissimum est, quod virtutes eius annuncies qui de tenebris vos vocavit in admirabile lumen suum. Quum autem nunc sitis lux in Domino, ut filii lucis semper ambulate, abundantes, in omne opus bonum, et spe gaudentes quoniam merces vestra copiosa erit in coelo. Pro vobis autem et nos magnà cum spiritus exultatione Deo gratias agimus: ac tuae celsitudinis gentisque tibi subiectae memores in obsecrationibus et orationibus nocte ac die eumdem luminum Patrem et misericordiarum enixe precamur, ut per dilecti Filii sui merita, et SSmâ Matre eius Marià intercedente,

sub umbrâ vos protegat alarum suarum, custodiatque ut pupillam oculi. Porro quod meministi etiam de veste a nobis acceptâ, ingenuum gratumque animum tuum agnovimus: verum persuasum tibi esse, dilectissime in Christo fili noster, praeterea volumus, nos quacumque in re possimus celsitudini tuae commodare, paratissimos in Domino semper futuros. Interim tria ad te mittenda duximus numismata argentea, quae imagines referunt Alphonsi confessoris atque Pontificis, Francisci, Ioannis, Pacifici confessorum, et Veronicae Virginis, quos superiore anno, in festo augustissimae Trinitatis, solemni decreto venerandos Sanctorum cultu pronunciavimus: et tria insuper numismata ex auro, in quibus imago conspicitur D. N. Iesu Christi dum in novissimâ coenâ Petri Apostoli pedes lavaret. Ipsorum vero numismatum duo, videlicet ex utroque genere unum, dilectissimae in Christo filiae nostrae praestantissimae principi tuae uxori trades: et haec munuscula tamquam indicia habebitis effusissimae illius caritatis, qua ambos in visceribus Christi prosequimur. Denique benedictionem apostolicam coelestium atque terrestrium bonorum auspicem tibi, dilectissime in Christo fili noster, eidemque tuae coniugi, et fidelibus tuis populis, toto paterni cordis affectu amantissime impertimur.

Datum Romae apud S. Mariam Maiorem sub annulo Piscatoris die Iv. novembris MDCCCXL., pontificatus nostri anno x.

CLXXXI.

Coadiutorem vicariatus apostolici Madraspatani, Vicarium Apostolicum Bengalensem seu Calcuttae constituit.

Venerabili fratri losepho Carew Episcopo Philadelphiae, et coadiutori Vicarii Apostolici Madraspatani,

GREGORIUS PP. XVI.

Venerabilis frater,

salutem et apostolicam bénedictionem.

Pastorale officium nobis ex alto commissum postulat atque efflagitat, ut animarum saluti summa vigilantia, cura et studio pro viribus consulamus. Itaque cum per obitum bo. me. Ludovici Tabord Episcopi Isauropolitani et Bengalensis Eccle

lur. Pont. de Prop. Fide Partis 1. Vol. V.

siae Vicarii Apostolici interini memorata missio seu Vicariatus Praesule ac pastore destituta remanserit, de venn. fratrum nostrorum S. R. E. Cardinalium negotiis Propagandae Fidei praepositorum consilio eidem missioni seu Vicariatui consulendum esse censuimus. Quamobrem tibi, qui in praesentia coadiutor Vicarii Apostolici Madraspatani existis, eiusque vices ac munus geris, quique singulari prudentiâ, pietate, doctrinâ ac rerum gerendarum peritiâ maxime praestas, illud munus de eorumdem venn. fratrum consilio tribuendum existimavimus. Quocirca te a quibusvis excommunicationis, suspensionis et interdicti, aliisque ecclesiasticis censuris, sententiis et poenis, quovis modo et quacumque de causa latis, si quas forte incurristi, huius tantum rei gratia absolventes et absolutum fore censentes, hisce literis auctoritate nostrà apostolicà a Vicariatu Madraspatano ad Bengalensem transferimus, teque ad nostrum et huius Apostolicae Sedis beneplacitum in Vicarium Apostolicum praedictae Bengalensis missionis eligimus, constituimus et deputamus. Praeterea eâdem auctoritate nostrâ apostolicâ tibi facultatem facimus, ut in Madraspatanâ missione interim Pro-Vicarium Apostolicum ex illis operariis evangelicis constituas atque relinquas, qui missionis ipsius curam gerat, donec ab hac Apostolicà Sede aliter provisum fuerit. Mandamus etc.

Datum Romae apud S. Petrum sub annulo Piscatoris die XII. nov. MDCCCXL., pontificatus nostri anno x.

CLXXXII.

Antonium Mussabini Archiep. Smyrnarum Visitatorem Apostolicum eligit ad inquirendum de fide et moribus Graecorum et Albanensium regni utriusque Siciliae.

Venerabili fratri Antonio Mussabini Archiepiscopo Smyrnae,

GREGORIUS PP. XVI.

Venerabilis frater, salutem et apostolicam benedictionem.

Cum graves acceperimus relationes, ex quibus necessarium sit Apostolicum Visitatorem in regnum utriusque Siciliae mit

33

tere ad ea inquirenda, quae fidem moresque respiciunt inter Graecos et Albanenses. graeci ritus, de venn. fratrum nostrorum S. R. E. Cardinalium negotiis Propagandae Fidei praepositorum consilio, te, ven. frater, Archiepiscopum Smyrnaeum, virum doctrinâ, prudentiâ ac religionis zelo commendatissimum, ad id muneris eligendum esse censuimus atque decernimus. Quapropter te a quibusvis excommunicationis, suspensionis et interdicti, aliisque ecclesiasticis censuris, sententiis et poenis, quovis modo et quacumque de causa latis, si quas forte incurristi, huius tantum rei gratia absolventes et absolutum fore censentes, te Visitatorem Apostolicum Italo-Graecorum in regno utriusque Siciliae cum necessariis et opportunis facultatibus ad negotia componenda auctoritate apostolicâ tenore praesentium ad nostrum et Sedis Apostolicae beneplacitum facimus. et constituimus, iniuncto onere omnia deinde pro definitivâ approbatione referendi, ac salvà semper in praemissis Congregationis eorumdem Cardinalium auctoritate. Mandamus etc.

Datum Romae, apud S. Petrum sub annulo Piscatoris, die xxIII. nov. MDCCCXL., pontificatus nostri anno x.

CLXXXIII.

Vicarii Apostolici districtus Walliae in Anglia Visitatorem deputat provinciae Anglicanae Ordinis fratrum Minorum S. Francisci Strictioris Observantiae.

Venerabili fratri Dominico Brown Congregationis Anglo-Benedictinae Episcopo Apolloniae in part. infid., et Vicario Apostolico Districtus Walliae,

GREGORIUS PP. XVI.

Venerabilis frater,

salutem et apostolicam benedictionem.

§ 1. Cum ex testimoniis gravitate praestantibus nobis constiterit, talem in praesentiarum esse provinciae Anglicanae Ordinis fratrum Minorum S. Francisci Strictioris Observantiae statum, ut ad illam conservandam, augendam atque ad rationem statuendam, qua illa amplificetur et copiosiorem fratrum numerum habere possit, necesse omnino sit plura negotia componere eamdem provinciam respicien

tia, de venn. fratrum nostrorum S. R. E. Cardinalium negotiis Propagandae Fidei praepositorum consilio, Apostolicum Visitatorem illius provinciae statuere decrevimus.

§ 2. Itaque probe noscentes, te singulari prudentia etc. huiusmodi munus de eorumdem venn. fratrum consilio tibi committendum censuimus. Quamobrem peculiari te benevolentia prosequi volentes, et a quibusvis excommunicationis, suspensionis et interdicti, aliisque ecclesiasticis censuris, sententiis et poenis quovis modo vel quavis de causâ latis, si quas forte incurristi, huius tantum rei gratia absolventes et absolutum fore censentes, te hisce literis auctoritate nostrà apostolicâ ad nostrum et huius Apostolicae Sedis beneplacitum, in Visitatorem Apostolicum provinciae Anglicanae Ordinis fratrum Minorum S. Francisci Strictioris Observantiae eligimus, constituimus et deputamus, tibique omnes necessarias et opportunas facultates tribuimus, quibus ea omnia perficere possis, quae ad superius commemorata peragenda in Domino expedire censueris, salvâ tamen semper in praemissis auctoritate Congregationis eorumdem Cardinalium. Mandamus etc.

Datum Romae apud S. Petrum sub annulo Piscatoris die xxv. dec. MDCCCXL., pontificatus nostri anno x.

CLXXXIV.

Laudat Praesules provinciae Baltimoren. in America ob celebratam IV. Synodum, et decreta ad fidem et disciplinam servandam promovendamque lata, quaeque Sedis Apostolicae examini subiecerant : eisque significat accepturos esse per literas S. Congregationis, quae peculiariter de decretis illis eorumque petitionibus statuerit.

Venerabilibus fratribus Samueli Archiep. Baltimorensi et eius suffraganeis, GREGORIUS PP. XVI. Venerabiles fratres, salutem et apostolicam benedictionem.

Plures accepimus literas, quas in exitu Concilii provincialis Baltimorensi IV. a vobis mense maio celebrati, ad nos dedistis, tum ut vestrum erga personam hu

militatis nostrae Sanctamque hanc Sedem obsequium repetitâ, una omnes, declaratione confirmaretis, nostrumque animum ex afflictis non uno in loco Ecclesiae rebus solicitum vehementerque dolentem amantissime consolaremini; tum vero ut de omnibus Concilii actis more maiorum ad supremam Petri Sedem referentes, enixe precaremini, ut decreta in illo edita probare vel etiam, ubi opus fuerit, emendare velimus, atque insuper nonnulla indulgere ac decernere, quae vobis istic in religionis bonum cessura visa sunt. Iam vero ad memoratas petitiones vestras responsum accipietis per nostram Propagandae Fidei Congregationem, cui Concilii acta cognoscenda mandavimus ac nostram super illis mentem significavimus. Et habebitis quidem in eiusdem Congregationis literis novum documentum singularis benevolentiae, qua vos, venn. fratres, ecclesiasque vestras impense prosequimur. Verum abstinere non possumus, quominus hac etiam nostrâ epistolâ meritis celebremus laudibus pastoralem solicitudinem, qua inducti rursus ex canonum praescripto convenistis in unum, et invocato lumine Spiritus Sancti, consiliisque invicem communicatis, tueri studuistis cleri disciplinam, et pietatem fovere fidelis populi, atque adeo convellere vitiorum germina, seductionis pericula propulsare, ac prospicere ut pueri puellaeque ad veram fidem solidamque virtutem accuratius informentur; denique vos ipsos excitare ad Ecclesiae iura sarta tecta servanda, et partes vestri muneris in animarum salutem alacriori usque sedulitate implendas. Profecto in iis, quae in Synodo a vobis gesta scriptaque sunt, libentissime recognovimus zelum, quo inflammati estis, ut de Catholicà Ecclesià, de S. hac Sede, ac de vestris dioecesibus bene mereamini. Hinc autem firmiori vobiscum spe nitimur fore, ut Deo bene iuvante floreat istic quotidie magis religio nostra sanctissima, et merito iuxta atque numero catholicus populus augeatur. Nos interea, licet indigni, non desistimus fraternitates vestras creditosque vobis greges Deo et Verbo gratiae ipsius suppliciter commendare, nec dubitamus quin vos pariter minime intermittatis Patrem misericordiarum per lesum Christum filium suum fervidis precibus obsecrare, ut infirmitatem nostram

difficillimis hisce temporibus sub immenso supremi apostolatus pondere laborantem. omnipotenti suâ virtute sustentet, omnesque actus nostros dirigat atque ad bonum exitum adducat. Denique nostrae in vos propensissimae voluntatis pignus adiungimus apostolicam benedictionem, quam ex imo corde depromptam vestrum singulis atque istarum ecclesiarum clericis. laicisque fidelibus universis peramanter impertimur.

Datum Romae apud S. Petrum sub annulo Piscatoris die xIx. dec. anni MDCCCXL., pontificatus nostri anno x.

CLXXXV.

Iacobo Holas Patriarchae Ciliciae Armenorum pallium tradit (1).

Venerabili fratri lacobo Holas nuper Archiepiscopo Amasen. in Patriarcham Ciliciae Armenorum electo,

GREGORIUS EPISCOPUS

servus servorum Dei,

salutem et apostolicam benedictionem.

Cum nos hodie patriarchali ecclesiae Ciliciae Armenorum certo nunc expresso modo pastoris solatio destitutae de persona tua nobis et venn. fratribus nostris Sanctae Romanae Ecclesiae Cardinalibus ob tuorum exigentiam meritorum accepta, iuxta decretum in Congregatione eorumdem fratrum nostrorum negotiis de Propaganda Fide praepositorum desuper emanatum et per nos adprobatum, de fratrum eorumdem consilio apostolica auctoritate providerimus, teque eidem patriarchali ecclesiae in Patriarcham praefecerimus et pastorem, curam, regimen et administrationem ipsius patriarchalis ecclesiae in spiritualibus et temporalibus plenarie committendo, prout in nostris inde confectis litteris plenius continetur; ac postmodum Pallium, insigne videlicet plenitudinis pontificalis officii, pro parte tua fuerit nobis hodie per dilectum filium Thomam comitem Gnoli nostrae consistorialis aulae advocatum ea qua decuit reverentia postulatum: nos tuis postulationibus annuentes Pallium ipsum de corpore beati Petri