nos de consilio venn. fratrum nostrorum S. R. E. Cardinalium negotiis Propagandae Fidei praepositorum motu proprio, certa scientia, deque apostolicae potestatis plenitudine, memoratas provincias dividimus ac dismembramus, ex eisque duos inter se distinctos vicariatus erigimus et constituimus, quorum alter provinciam Kiang-Si, a qua nomen accipiat, alter vero provinciam Tche-Kiang eodem nomine appellandus complectatur, una cum districtibus provinciae Kiang-Sou, nempe Tchangtcheo-Sou, Kin-Kovey-Kien, Ou-fy-Kien, et Kiang-in-hiem, quos nimirum vicariatui Tche-Kiang adiicimus, decernentes has litteras firmas, validas et efficaces existere et fore, suosque plenarios et integros effectus sortiri et obtinere, atque iis, ad quos spectat seu spectabit, plenissime suffragari, et ab omnibus inviolabiliter observari; sicque in praemissis per quoscumque iudices ordinarios et delegatos, etiam causarum palatii apostolici auditores et S. R. E. Cardinales, sublata eis et eorum cuilibet quavis aliter iudicandi et interpretandi facultate et auctoritate, iudicari et definiri debere, ac irritum et inane, si secus super his a quoquam quavis auctoritate scienter vel ignoranter contigerit attentari. Non obstantibus nostra et Cancellariae Apostolicae regulis de iure quaesito non tollendo, aliisque constitutionibus et ordinationibus apostolicis, ceterisque expressa mentione dignis contrariis quibuscumque.

Datum Romae, apud S. Petrum sub annulo Piscat. die xxvII. martii MDCCCXLVI., pontificatus nostri anno XVI.

CCLXVII.

Regiones medii atque inferioris Thibeti in vicariatum ap. erigit ex urbe Lassa nominandum.

GREGORIUS PP. XVI.

ad perpetuam rei memoriam.

Ex debito pastoralis officii superna Dei providentia humeris nostris impositi non leve sane onus ferentes ob curam universi dominici gregis, illis praecipua ovibus, quae regiones ab hac Sede Apostolica, ubi catholicae centrum est unitatis, longe dissitas incolunt, maiori consulendum sedulitate censuimus, ut in adventu

Pastoris aeterni, repertae intra verum ovile, ad pascua coelestia feliciter perduci valeant. Itaque quum ven. frater Iosephus Antonius Borghi Betsaidae Episcopus, ac missionis Thibet Industanae Vicarius Apostolicus, nobis exponendum curaverit, se adeo ampli vicariatus curam gerere haud posse, nobisque supplicaverit, ut, imminuto nonnullarum regionum sibi onere, eas aliis Praesulibus committeremus, atque interea, ne suo fidei catholicae promovendae muneri deesset, remotiores quasdam regiones, Medii nempe atque Inferioris Thibeti nuncupatas, et missioni Sutchuensi finitimas, optime meriti Seminarii Parisiensis missionum ad exteros alumnis curandas commendaverit, nos memorati Betsaidae Episcopi studium et consilium commendantes, ex memoratis regionibus vicariatum apostolicum ex praecipua ac centrali urbe Lassa appellandum erigere constituimus. Nos igitur de consilio. venn. fratrum nostrorum S. R. E. Cardinalium negociis Propagandae Fidei praepositorum, motu proprio, certa scientia, deque apostolica potestatis plenitudine memoratas regiones medii atque inferioris Thibeti nuncupatas et missioni Sutchuensi finitimas a vicariatu missionis Thibet-Indostanae dismembramus, easque in distinctum vicariatum apostolicum ex centrali urbe Lassa appellandum erigimus et constituimus a Vicario Apostolico ad nostrae et Sedis Apostolicae beneplacitum gubernandum, decernentes has litteras firmas, validas ac efficaces existere et fore, suosque plenarios et integros effectus sortiri et obtinere, atque iis, ad quos spectat seu spectabit, plenissime suffragari, et ab omnibus inviolabiliter observari; sicque in praemissis per quoscumque iudices ordinarios et delegatos, etiam causarum palatii apostolici auditores et S. R. E. Cardinales, sublata eis et eorum cuilibet quavis aliter iudicandi et interpretandi facultate et auctoritate, iudicari et definiri debere, ac irritum et inane, si secus super his a quoquam quavis auctoritate scienter vel ignoranter contigerit attentari. Non obstantibus nostra et Cancellariae Apostolicae regula de iure quaesito non tollendo, aliisque constitutionibus et ordinationibus apostolicis, caeterisque expressa mentione dignis contrariis quibuscumque.

Datum Romae apud S. Petrum sub annulo Piscat., die XXVII. martii MDCCCXLVI., pontificatus nostri anno XVI.

CCLXVIII.

Africanum territorium inter definitos limites in novum vicariatum ap. erigit.

GREGORIUS PP. XVI.

ad perpetuam rei memoriam.

Ex debito pastoralis officii inscrutabili Dei consilio humeris nostris impositi ad eas etiam gentes curas nostras extendimus, quae extra Christi ovile misere versantur, ut intra Domini caulas inductae ad aeternae vitae pascua valeant pervenire. Iam vero quum ad catholicam fidem inter populos Africae interioris inducendam propagandamque nobis visum fuerit expedire, ut in vicariatum apostolicum totum illud territorium erigatur, quod ad orientem limites attingit vicariatus apostolici Aegypti, atque apostolicae Abissiniae praefecturae, quodque ad occidentalem plagam terminatur ab apostolica praefectura Guienarum, ad septentrionalem a praefectura Tripolitana, vicariatu apostolico Taneti et dioecesi Iuliae Caesareae, ad meridionalem vero a Montibus, ut aiunt, Lunae, salvis tamen omnino limitibus missionum et iurisdictionum iam legitime existentium, ac reservata, ut iuris est, facultate, prout in posterum adiuncta postulabunt, diversimode praedictum vicariatum circumscribendi, aut dividendi: nos de consilio venn. fratrum nostrorum S. R. E. Cardinalium negotiis Propagandae Fidei praepositorum: motu proprio, certa scientia ac matura deliberatione, deque apostolicae potestatis plenitudine, dictum Africae territorium iuxta limites superius indicatos in vicariatum apostolicum erigimus et constituimus, a Vicario Apostolico ad nostrum et S. Sedis beneplacitum gubernandum, salvis tamen, ut praedictum est, limitibus missionum et iurisdictionum iam legitime existentium, ac reservata nobis ac Sanctae huic Sedi facultate, prout de iure, memoratum vicariatum recens erectum diversimode circumscribendi aut dividendi, veluti in posterum adiuncta postulabunt. Haec statuimus, non obstantibus nostra et cancellariae apostolicae regula de iure quaesito non tollendo, aliisque constitutionibus et ordinationibus apostolicis, caeterisque expressa mentione dignis contrariis quibuscumque.

Iur. Pont. de Prop. Fide Partis I. Vol. V.

Datum Romae, apud S. Petrum sub annulo Piscatoris die III. aprilis MDCCCXLVI., pontificatus nostri anno xvI.

CCLXIX.

Africanum territorium ad meridiem Abissiniae a populis Gallas habitum in novum vicar. apostol. erigit.

GREGORIUS PP. XVI.

ad perpetuam rei memoriam.

§ 1. Pastoralis muneris officium humilitati nostrae commissum omnino postulat, ut ad eas praesertim oves curas nostras extendamus, quae ab hac Apostolica Sede, catholicae unitatis centro, disiunctae sunt, ut in adventu Pastoris aeterni intra verum ovile repertae ad aeternae vitae pascua perducantur. Itaque, quum de populis Gallas ad Abissiniae meridiem sitis ea nobis relata fuerint, quae spem afferant fore ut eorumdem occasione Christi grex augeatur, ac spirituali eorumdem bono possit provideri, novum ibi vicariatum apostolicum erigendum existimavi

mus.

§ 2. Nos igitur de consilio venn. fratrum nostrorum Sanctae Romanae Ecclesiae Cardinalium negociis Propagandae Fidei praepositorum, motu proprio, ex certa scientia, ac matura deliberatione nostra, deque apostolicae potestatis plenitudine, novum vicariatum apostolicum, qui memoratam universam regionem in Abissinia complectatur, erigimus et constituimus a Vicario Apostolico ad nostrum et S. huius Apostolicae Sedis gubernandum.

§ 3. Decernentes has litteras firmas, validas et efficaces existere et fore, suosque plenarios et integros effectus sortiri et obtinere, dictisque in omnibus et per omnia plenissime suffragari, sicque in praemissis per quoscumque iudices ordinarios et delegatos, etiam causarum palatii apostolici auditores, iudicari et definiri debere, ac irritum et inane, si secus super his a quoquam quavis auctoritate scienter vel ignoranter contigerit attentari. Non obstantibus nostra et cancellariae apostolicae regula de iure quaesito non tollendo, aliisque apostolicis ac in universalibus provincialibusque et synodalibus conciliis editis generalibus vel specialibus constitu

46

Exordium.

conditiones.

tionibus et ordinationibus, ceterisque contrariis quibuscumque.

Datum Romae apud S. Petrum sub annulo Piscatoris die Iv. maii MDCCCXLVI., pontificatus nostri anno XVI.

CCLXX.

Novo vicariatui ap. inter populos Gallas in Africa erecto Guillelmum Massaia Ep. Cassiensem praeficit.

Dilecto filio Guillelmo Massaia presbytero
fratrum Ord. Minorum Cappucinorum,
GREGORIUS PP. XVI.
Dilecte fili,

salutem et apostolicam benedictionem.

§ 1. Apostolatus officium, meritis licet imparibus, nobis ex alto commissum, quo ecclesiarum omnium regimini divina dispositione praesidemus, utiliter exequi, adiuvante Domino, cupientes, solliciti corde reddimur et solertes, ut, cum de ecclesiarum ipsarum regiminibus agitur committendis, tales eis in Pastores praeficere studeamus, qui populum suae curae creditum sciant non solum doctrina verbi, sed etiam exemplo boni operis informare, commissasque sibi ecclesias in statu pacifico et tranquillo velint et valeant, auctore Domino, salubriter regere et feliciter gubernare.

Decretum et § 2. Dudum siquidem provisionem ecclesiarum omnium nunc vacantium, quaeque in posterum vacaturae, ordinationi ac provisioni nostrae reservavimus, decernentes ex tunc irritum et inane, si secus super his a quoquam quavis auctoritate scienter vel ignoranter contigerit attentari. Postmodum vero, episcopali ecclesia Cassiensi, quae in partibus infidelium existit, Pastoris solatio destituta, nos ad eiusdem ecclesiae, de cuius vacatione relatus fide digni nos fecerunt certiores, provisionem celerem atque felicem, in qua nemo praeter nos se potuit seu poterit intromittere, reservatione ac decreto obsistentibus supradictis, ne illa longae vacationis exponatur incommodis, paterno ac sollicito studio intendentes, post deliberationem, quam de praeficiendo eidem ecclesiae personam utilem ac fructuosam cum venn. fratr. nostris S. R. E. Cardinalibus Propagandae Fidei praepo

sitis habuimus diligentem, demum ad te, qui ex legittimo matrimonio procreatus, et in aetate legittima constitutus existis, de cuius morum integritate, doctrina ac prudentia et christianae religionis et catholicae fidei zelo fide digna accepimus testimonia, oculos mentis nostrae direximus. Quibus omnibus mature perpensis, te a quibusvis excommunicationis, suspensionis et interdicti, aliisque ecclesiasticis censuris, sententiis et poenis quovis modo vel quacumque de causa latis, si quas forte incurristi, huius tantum rei gratia absolventes et absolutum fore censentes, eamdem ecclesiam episcopalem Cassiensem de persona tua, nobis et memoratis Cardinalibus ob tuorum exigentiam meritorum accepta, de fratrum eorumdem consilio, auctoritate apostolica, tenore praesentium providemus, teque illi in Episcopum praeficimus et pastorem, curam, regimen et administrationem ipsius ecclesiae tibi in spiritualibus et temporalibus plenarie committendo in illo qui dat gratiam et largitur dona confisi, quod dirigente Domino actus tuos praedicta ecclesia Cassiensis per tuae circumspectionis industriam et studium utiliter ac prospere dirigatur ac in spiritualibus ac temporalibus Orthodoxa religio incrementa suscipiat. Iugum igitur Domini tuis impositum humeris prompta devotione complectens, curam et adminisirationem praefatas ita studeas fideliter prudenterque exercere, ut ecclesia praefata gaudeat se provido gubernatori et fructuoso administratori esse commissam, ac tu praeter aeternae retributionis praemium nostram quoque et Sedis Apostolicae uberius exinde consequi merearis benedictionem et gratiam. Praeterea tibi, ut ad ecclesiam praefatam, quamdiu ab infidelibus detinebitur, accedere et apud eam personaliter residere minime tenearis, dicta auctoritate concedimus atque indulgemus. Tibi insuper, ut a quocumque malueris catholico Antistite Sanctae nostrae Sedis gratiam et communionem habente, adcitis et in hoc illi adsistentibus duobus aliis Episcopis, vel, quatenus hi commode reperiri nequeant, duobus eorum loco presbyteris saecularibus vel cuiuscumque Ordinis, Congregationis et Instituti Regularibus similem praefatae huius Sedis gratiam et communionem habentibus, munus consecrationis recipere libere et licite possis et valeas, atque eidem Antistiti, ut receptis a te

prius catholicae fidei professione iuxta articulos pridem a S. Sede propositos ac nostro et Romanae Ecclesiae nomine fidelitatis debitae iuramento, praefatum munus tibi, auctoritate nostra, impendere licite valeat, plenam harum litterarum serie tribuimus facultatem. Volumus tamen, eadem auctoritate praecipimus, ut, nisi receptis a te per dictum Antistitem iuramento et professione fidei huiusmodi, ipse Antistes consecrationis munus tibi impendere, tuque illud recipere praesumpseritis, idem Antistes a pontificalis officii exercitio, ac tam ipse quam tu a regimine et administratione ecclesiarum vestrarum suspensi sitis eo ipso.

§ 3. Non obstantibus apostolicis ac in universalibus provincialibusque et synodalibus conciliis editis generalibus vel specialibus constitutionibus et ordinationibus, caeterisque contrariis quibuscumque.

Datum Romae apud S. Petrum sub annulo Piscatoris die XII. maii MDCCCXLVI., pontificatus nostri anno XVI.

CCLXXI.

Manduriensem vicar. ap. in Indiis Orient. Soc. Iesu committit, adiectis conditionibus et praevia limitum definitione (1).

GREGORIUS PP. XVI.

ad futuram rei memoriam.

Ex pastoralis officii debito ad meliorem complurium Indiarum Orientalium mis

(1) Presbyterum S. I. praeficiendum novo vicariatui Manduriensi dispensat a voto et obligatione electioni contrariis.

GREGORIUS PP. XVI.

ad futuram rei memoriam.

Pro apostolici nostri muneris officio Mandurensis missionis regimini prospicientes, aliquem ex presbyteris Societatis Iesu, cui memorata missio iamdudum commendata est, ad munus Vicarii Apostolici cum charactere episcopali titulo ecclesiae in partibus infidelium in memorata missione, prout a nobis circumscripta est, obeundum deputandum censuimus, iuxta tamen certas conditiones hac super re a nobis praescriptas: quapropter, ut eligendus Vicarius Apostolicus a dictarum conditionum ac decretorum observantia nulla plane ratione detineri possit, nos eumdem ab omni obligatione per professionem suscepta solvendum censuimus, quae nimirum supradictis conditionibus contraire atque obstare videatur. Idcirco de consilio VV. FF. NN. S. R. E. Cardinalium negociis Propagandae Fidei praepositorum, motu proprio, certa scientia, ac de apostolicae potestatis plenitudine, Societatis Iesu presbyterum in Vicarium Apostolicum Mandurensis missionis eligendum dispensamus, ac solvimus ab ea constitutionum societatis regula seu obligatione

sionum circumspectionem et administrationem curas nostras convertentes, Mandurensis quoque missionis res ad examen revocavimus et illius regimini satius prospiciendum existimavimus.

§ 1. Itaque audito dilecto filio Praeposito generali Societatis Iesu, cui memorata missio iampridem commendata fuit, adhibitaque matura deliberatione, utrum ac quomodo expediret eidem missioni praeficere presbyterum dictae Societatis cum titulo ac facultatibus Vicarii Apostolici, et cum charactere episcopali titulo ecclesiae in partibus infidelium; nos de consilio venn. fratrum nostrorum S. R. E. Cardinalium negotiis Propagandae Fidei praepositorum, praevia definitione limitum ipsius missionis, illius regimen, adiectis tamen certis quibusdam conditionibus, presbytero Societatis lesu committendo censuimus. Itaque certa scientia, motu proprio, ac matura deliberatione nostra, deque apostolicae auctoritatis plenitudine, Mandurensis missionis regimen presbytero Societatis Iesu committi volumus ac mandamus, hisce expressis conditionibus:

1. Ut electio eiusdem Vicarii Apostolici fieri debeat a Congregatione venn. fratrum nostrorum S. R. E. Cardinalium Propagandae Fidei praepositorum inter tres patres Societatis eiusdem a Praeposito generali designandos.

II. Ut Vicarius Apostolicus regularis etiam ac primarius sit in missione superior presbyterorum suae Societatis, atque adeo iuxta instituti regulas in iis,

de non admittenda excipiendaque ulla extra societatem praelatione seu dignitate, itemque a voto quod a sacerdotibus professis emittitur, de non recusando scilicet consilio praepositi generalis societatis ipsius, vel eius delegati in commissi sibi mu. neris exercitio, si quando fieret, ut ad alicuius Ecclesiae regimen eligantur, atque insuper a quavis alia omnino obligatione per professionem regularum suscepta quae forte supra relatis conditionibus decretisque contrarium praeferat; firma tamen remanente obligatione, ut Episcopus Vicarius Apostolicus, antequam muneri suo det operam, iusiurandum praestet iuxta formulam a fel. rec. Benedicto XIV. praedecessore nostro pro Episcopis traditam in constitutione quae incipit Omnium sollecitudinem, data pridie idus septembris a. MDCCXLIV. de ritibus, coeremoniis in regno Mandurensi. Ita statuimus, volumus, ac mandamus, non obstantibus apostolicis, ac in universalibus provincialibusque et synodalibus Conciliis editis generalibus vel specialibus constitutionibus et ordinationibus, nec non supradictae Societatis Iesu regulis ac statutis etiam iuramento, confirmatione apostolica, vel alia quavis firmitate roboratis, caeterisque in contrarium facientibus quibuscumque.

Datum Romae apud S. Petrum sub annulo Piscatoris die XIX. maii MDCCCXLVI., pontificatus nostri anno XVI.

quae ad disciplinam regularem pertinent, missionarios moderetur ac regat.

III. Ut idem Vicarius Apostolicus in gubernio missionis, nec non in administratione fundorum et pecuniarum quocumque titulo illi obvenientium, omnia ex sententia dictae Congregationis Cardinalium Propagandae Fidei praepositorum peragere debeat, cum qua directe et immediate communicet, ad eamque singulis trienniis de vero statu missionis referre teneatur tum circa spirituales, tum circa temporales res ipsam respicientes, onerata super his omnibus ipsius conscientia.

§ 2. Iam vero, quod pertinet ad limites missionis, seu vicariatus Mandurensis, habita missionum finitimarum et eorum quae hac de re antea statuta sunt, ratione, eumdem vicariatum pro nunc, ac donec fortasse eum in plures dividere temporum adiuncta non requirant, ita definitum volumus ac mandamus, ut scilicet, sicut ad Orientem ac Meridiem a mari circumscribitur, et ad Occidentem a Montibus Gates, ita ad Septentrionem fines eius constituant meridionalis linea provinciae seu missionis Coimbatorensis, flumen Cavery, eiusque ramus Vettar usque ad Mare.

§ 3. Haec volumus, non obstantibus apostolicis ac in universalibus provincialibusque et synodalibus conciliis editis generalibus vel specialibus constitutionibus et ordinationibus, caeterisque contrariis quibuscumque.

Datum Romae apud S. Petrum sub annulo Piscatoris, die xIx. maii MDCCCXLVI., pontificatus nostri anno XVI.

CCLXXII.

Iulio Alexio Soc. Iesu presbytero novo vicariatui Manduriensi praeficiendo titulum ep. eccl. Tamassen. in insula Cypri confert.

Dilecto filio Alexio Canoz presbytero Societatis lesu,

GREGORIUS PP. XVI.

Dilecte fili, salutem et apostolicam benedictionem.

Apostolatus officium, meritis licet imparibus, nobis ex alto commissum, quo ecclesiarum omnium regimini divina dispositione praesidemus, utiliter exequi,

adiuvante Domino, cupientes, solliciti corde reddimur et solertes, ut, cum de ecclesiarum ipsarum regiminibus agitur committendis, tales eis in Pastores praeficere studeamus, qui populum suae curae creditum sciant non solum doctrina verbi, sed etiam exemplo boni operis informare, commissasque sibi ecclesias in statu pacifico et tranquillo velint et valeant, auctore Domino, salubriter regere et feliciter gubernare. Dudum siquidem provisionem ecclesiarum omnium nunc vacantium, quaeque in posterum vacaturae, ordinationi ac provisioni nostrae reservavimus, decernentes ex tunc irritum et inane, si secus super his a quoquam quavis auctoritate scienter vel ignoranter contigerit attentari.

§ 1. Postmodum vero, episcopali ecclesia Tamassen. in Insula Cypri in partibus infidelium Pastoris solatio destituta, nos ad eiusdem ecclesiae, de cuius vacatione relatus fide digni fecerunt nos certiores, provisionem celerem et felicem, in qual nullus praeter nos se potuit seu potest intromittere, reservatione ac decreto obsistentibus supradictis, ne illa longae vacationis exponatur incommodis, paterno ac sollicito studio intendentes, post deliberationem, quam de praeficiendo eidem ecclesiae personam utilem ac fructuosam cum venn. fratribus nostris S. R. E. Cardinalibus negociis Propagandae Fidei praepositis habuimus diligentem, demum ad te, qui ex legitimo matrimonio procreatus et in aetate legitima constitutus existis, de cuius morum integritate, doctrina ac prudentia et christianae religionis ac catholicae fidei zelo fide digna accepimus testimonia, oculos mentis nostrae direximus. Quibus omnibus mature perpensis, te a quibusvis excommunicationis, suspensionis et interdicti, aliisque ecclesiasticis censuris, sententiis et poenis quovis modo et quacumque de causa latis, si quas forte incurristi, huius tantum rei gratia absolventes et absolutum fore censentes, eamdem ecclesiam episcopalem Tamassen. de persona tua nobis et memoratis Cardinalibus ob tuorum exigentiam meritorum accepta, de eorumdem fratrum consilio auctoritate apostolica tenore praesentium providemus, teque illi in Episcopum praeficimus et pastorem, curam, regimen et administrationem ipsius ecclesiae tibi in spiritualibus et temporalibus plenarie committendo, in illo qui dat gratiani et largitur dona confisi, quod dirigente.