CONSTITUTIO I.

Franciscum Xaverium a S. Anna, munus missionarii apostolici exercentem apud Vic. Apost. Bombay, Episcopum Amaten. elegit (1).

Dilecto filio Francisco Xaverio a S. Anna fratrum Ord. B. M. V. de Monte Carmelo Excalceatorum nuncupatorum in provincia Bombay,

GREGORIUS PP. XVI.

Dilecte fili, salutem et apostolicam benedictionem.

Apostolatus officium, meritis licet imparibus, nobis ex alto commissum, quo ecclesiarum omnium regimini divina dispositione praesidemus, utiliter exequi adiuvante Domino cupientes, solliciti corde reddimur et solertes, ut, cum de ecclesiarum ipsarum regiminibus agitur committendis, tales eis in Pastores praeficere studeamus, qui populum suae curae creditum sciant non solum doctrina verbi, sed etiam exemplo boni operis informare, commissasque sibi ecclesias in statu pacifico et tranquillo velint et valeant, auctore Domino, salubriter regere et feliciter gubernare.

§ 1. Dudum siquidem provisionem ecclesiarum omnium nunc vacantium, quaeque in posterum vacaturae, ordinationi ac provisioni nostrae reservavimus, decernentes, ex tunc irritum et inane, si

(1) Ex Reg. Brevium vol. IV., p. 50.

secus super his a quoquam quavis aucto- An. C. 1831 ritate scienter vel ignoranter contigerit attentari. Postmodum vero episcopalis Ecclesia Amaten. quae sub Patriarcha Hierosolymitano in partibus infidelium consistit, et cui ven. fr. Ioannes Antonius De Lillo ultimus illius Episcopus praesidebat, per translationem ipsius Ioannis Antonii ad Ecclesiam de Caceres in Indiis solatio Pastoris destituta, nos ad eiusdem ecclesiae, de cuius vacatione relatus fide digni fecerunt nos certiorem, provisionem celerem atque felicem, in qua nemo praeter nos se potuit seu poterit intromittere, reservatione ac decreto obsistentibus supradictis, ne illa longae vacationis exponatur incommodis, paterno ac sollicito studio intendentes, post deliberationem, quam de praeficiendo eidem ecclesiae personam utilem et fructuosam cum ven. fratibus nostris S. R. E. Cardinalibus negotiis Propagandae Fidei praepositis habuimus diligentem, demum ad te, qui ex legitimo matrimonio procreatus et in aetate etiam legitima constitutus existis, quique Institutum fratrum Ord. B. M. V. de Monte Carmelo Excalceator. nuncupat. es professus ac pluribus abhinc annis magna cum laude apud Vicarium Apostolicum Bombay missionarii apostolici munus geris, cuius apud nos de vitae munditia, morum honestate, deque studio in Christianae Religionis et catholicae fidei zelo, ac spiritualium providentia et temporalium circumspectione fide digna testimonia perhibentur, oculos mentis nostrae direximus. His omnibus mature perpen

sis, te a quibusvis excommunicationis, suspensionis et interdicti, aliisque ecclesiasticis censuris, sententiis et poenis quo vis modo et quacumque de causa latis, si quas forte incurristi, huius tantum rei gratia absolventes et absolutum fore censentes, eamdem ecclesiam Amaten. de persona tua, nobis et memoratis Cardinalibus ob tuorum exigentiam meritorum accepta, de eorumdem fratrum consilio auctoritate apostolica tenore praesentium providemus, teque illi in Episcopum praeficimus et Pastorem, curam, regimen et administrationem ipsius ecclesiae tibi in spiritualibus ac temporalibus plenarie committendo, in illo qui dat gratiam et largitur dona confisi, quod dirigente Domino actus tuos praefata ecclesia per tuae circumspectionis industriam et studium utiliter ac prospere dirigatur, et in spiritualibus act temporalibus orthodoxa religio incrementa suscipiat. Hoc igitur iugum Domini, quod sub obedientiae praecepto te accipere mandamus, tuis impositum humeris prompta devotione animi amplectens, curam et administrationem praefatas ita studeas fideliter prudenterque exercere, ut Ecclesia Amaten. gaudeat se provido gubernatori et fructuoso administratori esse commissam, et tu praeter aeternae retributionis praemium nostram quoque et Sedis Apostolicae uberius exinde consequi merearis benedictionem et gratiam. Praeterea tibi ut ad ecclesiam praefatam, quamdiu ab infidelibus detinebitur, accedere et apud eam personaliter residere "minime tenearis, dicta auctoritate concedimus atque indulgemus. Tibi insuper ut a quocumque malueris catholico Antistite, Sanctae nostrae Sedis gratiam et communionem habente, adcito, et in hoc illi adsistentibus duobus aliis Episcopis vel, quatenus hi commode reperiri nequeant, duobus eorum loco presbyteris saecularibus, vel cuiuscumque Ordinis, Congregationis, et Instituti Regularibus similem praefatae huius Sedis gratiam et communionem habentibus, munus consecrationis recipere libere et licite possis et valeas, atque eidem Antistiti, ut, receptis a te prius catholicae fidei professione iuxta articulos pridem a S. Sede propositos ac nostro et Romanae Ecclesiae nomine fidelitatis debitae iuramento, praefatum munus tibi auctoritate nostra impendere licite valeat

(1) Ex Reg. Brevium vol. IV., p. 51.

plenam harum literarum serie tribuimus facultatem. Volumus tamen, et eadem auctoritate praecipimus, ut nisi receptis a te per dictum Antistitem iuramento et professione fidei huiusmodi ipse Antistes Consecrationis munus tibi impendere, tuque illud recipere praesumseritis, idem Antistes a pontificalis officii exercitio, ac tam ipse, quam tu a regimine et adminitratione ecclesiarum vestrarum suspensi sitis eo ipso.

§ 2. Non obstantibus apostolicis, ac in universalibus provincialibusque et synodalibus conciliis editis generalibus vel specialibus constitutionibus et ordinationibus, caeterisque contrariis quibuscumque.

Datum Romae apud S. Mariam Maiorem, sub annulo Piscatoris, die vш. martii MDCCCXXXI. pontificatus nostri anno I.

II.

Episcopum Amaten. Vicar. Ap. provinciae Serrae Malabarium constituit (1).

Dilecto filio Francisco Xaverio a S. Anna nuncupato fr. Ord. B. M. V. de Monte Carmelo Excalceator. in prov. Bombay,

GREGORIUS PP. XVI.

Dilecte fili, salutem et apostolicam benedictionem.

§ 1. Quum per dimissionem ven. fratris Milesii Prendergast Episcopi Centuriensis iamdiu factam vacet munus Vicarii Apostolici in Serra Malabarica, quumque ven. frater Maurelius Stabellini Episcopus Dolichensis ac Vicarii Apostolici Bombay Coadiutor, cui interea temporis Vicarii Apostolici Malabariae munus commissum erat omnino, petiisset graves ob causas ab ea regione reverti: nos te, quem hodie Ecclesiae Amaten., quae sub Patriarcha Hierosolymitano in partibus infidelium consistit, in Episcopum et Pastorem elegimus, prout in nostris desuper in simili forma Brevis expeditis litteris, quarum tenorem praesentibus pro expresso haberi volumus, uberius continetur, de tua probitate, integritate, doctrina, caritate, prudentia et Christianae Religionis catholicaeque fidei zelo, quae quidem omnia in obeundo praesertim abhinc pluribus

annis missionarii apostolici munere apud Apostolicum Bombay Vicarium ostendisti, plurimum in Domino fiduciam habentes de ven. FF. NN. S. R. E. Card. negotiis Propagandae Fidei praepositorum consilio nominare volentes, teque a quibusvis excommunicationis, suspensionis et interdicti, aliisque ecclesiasticis censuris, sententiis et poenis quovis modo et quacumque de causa latis, si quas forte incurristi, huius tantum rei gratia absolventes et absolutum fore censentes, Vicarium Apostolicum praefatae provinciae Serrae Malabarium cum solitis facultatibus ad nostrum et Sedis Apostolicae beneplacitum auctoritate apostolica tenore praesentium constituimus et deputamus, salva tamen semper in praemissis auctoritate congregationis eorumdem Cardinalium.

§ 2. Mandamus propterea ut sub obedientiae praecepto hoc munus ineas, omnibus vero ac singulis ad quos spectat et in futurum spectabit, ut te ad demandatum tibi praesentis Vicarii Apostolici officium illiusque liberum exercitium iuxta tenorem praesentium recipiant et admittant, tibique in omnibus ad idem officium pertinentibus faveant, pareant et assistant, tuaque salubria monita et mandata humiliter suscipiant et efficaciter adimplere | procurent, alioquin sententiam, sive poenam quam rite tuleris in rebelles, ratam habebimus et faciemus, auctorante Domino, usque ad satisfactionem condignam inviolabiliter observari.

§ 3. Non obstantibus apostolicis, ac in universalibus provincialibusque et synodalibus conciliis editis generalibus vel specialibus constitutionibus et ordinationibus, caeterisque contrariis quibuscumque.

Datum Romae apud S. Mariam Maiorem, sub annulo Piscatoris die vIII. martii MDCCCXXXI. pontificatus nostri anno I.

III.

Erectio ecclesiae cathedralis Galviensis, eiusque subiectio iuri metropolitico Archiepiscopi Tuamensis.

GREGORIUS EPISCOPUS

servus servorum Dei, ad perpetuam rei memoriam.

§ 1. Sedium episcopalium erectiones pro gregis dominici commodo et faciliori re

gimine sancire consueverunt Romani Pontifices, ne impensae, qua premuntur, de salute animarum sollicitudini defuisse viderentur; nosque item, ubi in rei sacrae utilitatem cessura dignoscantur, benignitatis apostolicae providentiam desiderari minime patimur.

modo Ecclesia

lius dioecesis evaserit..

§ 2. Iam usque a quintodecimo saeculo Exponitur quorecol. memoriae Innocentius PP. VIII. Galviensis nulpraedecessor noster gravibus de causis et adiunctis illorum temporum accommodatis apostolicis suis literis datis die octava mensis februarii anni millesimi quadringentesimi octogesimi quarti civitatem Galviam cum suo districtu quondam veluti Nullius censendam esse decrevit, statuitque superiorem ecclesiasticum appellandum esse guardianum, et idcirco districtus ille ex tunc Guardianatus Galviensis fuit vocitatus. Huiusque autem guardianatus instituendi ratio fuerat praecipua, ut Angli eo tempore Galviam incolentes, proprium haberent superiorem ecclesiasticum, simulque immunes ab incursionibus et vexationibus finitimorum hominum, qui tunc Anglis Galviae incolis erant infensi, Anglicanum ritum possent observare. Primariis insuper Anglis Galviam incolentibus, qui tribus et patroni laici fuerunt appellati, guardianum eligendi contulit privilegium, voluitque guardiani munus ad annum dumtaxat perdurare et novam quotannis guardiani fieri electionem; itemque collegiatam ecclesiam sub invocatione Sancti Nicolai Galviae existentem sedem esse quodammodo guardianatus, et quoddam guardiani quasi capitulum efformari a nonnullis sacerdotibus vicariis appellatis, qui una cum guardiano diversas Galviae paroecias tum intra tum extra civitatem administrarent. Horum autem vicariorum electionis privilegium tribuit memoratis patronis laicis, ita ut guardianus electus institutionem a vicariis acciperet et vicarii a laicis patronis electi a guardiano canonice instituerentur.

controv, excita

dianatus Gal

§ 3. Graves deinde inter Archiepisco- Memorantur pum Tuamensem et clerum populumque tae in causam Galviensem circa guardianatus Galviensis privileg guarprivilegia excitatae controversiae clarae viensis. memoriae Clementem PP. XII. praedecessorem similiter nostrum adduxerunt ad edendas die vigesima prima aprilis anni millesimi septingentesimi trigesimi tertii apostolicas in forma brevis literas incipientes Redemptoris, quae imminuendis saltem incommodis opportune in primis esse

Expositio precum porrecta

sia Galviensis

videbantur. Cum enim civitas et districtus Galviensis ad provinciam metropolitanam Cannociensem pertineant, iura metropolitica in illum guardianatum asserta fuerunt, emissa declaratione ad Metropolitanum spectare ius visitationis quolibet triennio faciendae in eo guardianatu, et appellationes a sententia guardiani in secunda instantia excipiendi; exponendo disertius inter caetera et declarando, quod ad asserendam et explicandam guardiani iurisdictionem in primis necessarium erat, ac etiam est sancitum, ut guardiani electio non quotannis, sed quolibet triennio. fieret, et collatum munus guardiani ad tres annos in posterum perduraret.

§ 4. Frequentes in posterum ad hanc rum ut eccle- Sanctam Sedem allatae fuerant querelae, ad instar alia ex quibus apparebat valde difficile evarum Hiberniae sisse, ea in electionibus guardiani et viredigeretur.

Continuatio

precum.

cariorum servare, quae ad negocium eiusmodi cum vera Ecclesiae utilitate peragendum necessario servari debent. Tales profecto literae non solum a Cannociensis provinciae, sed etiam a reliquarum Hiberniae provinciarum Episcopis scriptae ac probatae, ad hanc sacram Congregationem de Propaganda Fide fuerunt missae, quibus exponebantur rationes omnes gravissimae requirentes omnino, ut ad religionis catholicae bonum civitati et districtui Galviensi procurandum ecclesiastica illius regionis negocia Sedes Apostolica componenda susciperet, quoniam eas causas, quae laudatum Pontificem Innocentium ad illum guardianatum instituendum adduxerant, iam amplius non adesse luculenter ostendebant, et ius seu privilegium electionum ab eo concessum, atque a Clemente PP. XII. confirmatum, ita irregulariter exerceri dictitabant, ut maximae civium parti omnino incongruum videretur, nec posset sine ambitu et sine turbis effectum suum sortiri. Talis demum omnium rerum est facta expositio, ut aperte constiterit ad catholicae religionis utilitatem, ad ecclesiastici ordinis servandum decus ac disciplinam, ad totius gregis curam spiritualem salubrius gerendam necesse fore Galviam eiusque districtum ad eam ecclesiastici regiminis formam perducere, quae universalis Ecclesiae disciplinae ac regimini per cunctas Hiberniae partes prorsus esset consentanea.

§ 5. Id autem non aliter effici posse, nisi Galviam in propriam episcopalem dioecesim a caeteris omnibus distinctam

erigendo, tum cleri tum populi Galviensis omnes ordines declararunt.

Renunciatio emissa ab Epi

rensi.

§ 6. Hunc in finem sa. me. Pius VIII. itidem praedecessor noster ven. fratres Scopo BromoThomam Kelly Episcopum Bromorensem ac Guillelmum Crolly Episcopum Dunensem et Cannorensem de praefatae Congregationis consilio Galviam misit cum suis in forma brevis apostolicis literis datis die sextadecima iunii anno millesimo octingentesimo trigesimo, quibus ostendebatur, praefato Bromorensi Episcopo una cum memorato Episcopo Dunensi et Connorensi munus ab Apostolica Sede. fuisse collatum, ut conciliatoris munere fungens ecclesiastica Galviensis districtus negocia opportuna methodo componenda curaret: quod sibi feliciter contigisse item Thomas Episcopus renunciavit binis epistolis datis decima tertia et vigesima secunda diebus superioris octobris, asserendo universorum ordinum ipsius civitatis. erga Sedem Apostolicam singularem observantiam ardensque desiderium propriam habendi sedem episcopalem Archiepiscopo Tuamensi suffraganeam, ut sublata hoc pacto veteris ecclesiastici regiminis forma ibi vigente gravia usque adhuc perpessa incommoda in posterum eviten

tur.

nis novae ec

§ 7. Nos igitur accepto voto memora- Tenor erectiotae sacrae Congregationis de Propaganda clesiae. Fide, et admissa guardianatus Galviensis dimissione sponte facta a ven. fratre Edmundo French Episcopo Buacensi et Finaborensi ad suas dioeceses sese conferendo parato, ac insuper inspecta tum praedicti guardiani French, tum patronorum laicorum, seu tribuum Galviensium, summa cum laude peracta renunciatione privilegiorum, quae hactenus in guardiani et vicariorum electionibus obtinuerant, simulque reliquorum ordinum civium Galviensium, de rebus ecclesiasticis feliciter absolvendis concordi animo, sollicitudine, omnibusque plenarie ac rite perpensis, ex certa scientia et matura deliberatione nostris, deque apostolicae potestatis plenitudine, praevia suppressione, extinctione et annullatione supradictorum guardianatus et vicariatuum Galviensium, firma tamen possessione paroeciarum a modernis vicariis respective obtentarum, collegiatam ecclesiam Galviensem sub invocatione Sancti Nicolai ad gradum cathedralis ecclesiae evehimus et extollimus, illamque metropolitico iuri pro tempore existentis