mala ordinum susceptione vel ex alio delicto scandalum in populum generante provenientibus dispensare valeat, imposita dispensatis congrua eleemosyna in supradictos pios huius Nostrae concessionis fines impendenda, aliisque iniunctis quae de iure iniur.genda sunt. Itemque ut exceptis dignitatibus cuiusvis generis et Cathedralium aut maiorum ecclesiarum Canonicatibus, nec non beneficiis curam animarum adnexam habentibus, convalidare possit titulos aliorum beneficiorum sub huiusmodi irregularitate susceptorum, et super fructibus ex illis interea perceptis compositionem decernere in eosdem pios fines erogandam. IX. Eidem facultatem tribuimus permittendi personis nobilibus aut qualificatis ut missas, per horam ante lucem ac per horam post meridiem, per se ipsos, si presbyteri sint, celebrare, vel per alium ipsis praesentibus celebrari facere valeant. -X. Insuper ut ecclesiasticos viros qui ad restitutionem fructum beneficiorum simplicium tantum, quae adnexam non habe、 ant animarum curam nec personalem residentiam requirunt, ex omissione recitationis horarum canonicarum tenebantur ad congruam compositionem super iisdem fructibus erogandam pro medietate Ecclesiis vel aliis locis quorum ratione horas praedictas recitare debent et pro altera medietate in supradictos pios fines admittere possit.-XI. Ad haec ut super impedimento occulto affinitatis ex illicita copula provenientis aliqua in eosdem fines eleemosyna iniuncta, dispensare possit cum iis qui matrimonium, altero saltem coniuge in bona fide existente, contraxerint, quo illi matrimonium ipsum, renovato secreto inter se consensu rursus contrahere, ut in eo postmodum remanere licite valeant, atque ut dispensare item valeat ad petendum debitum cum illis qui eiusmodi affinitatem post matrimonium contraxissent.-XII. Eidem quoque executori potestatem facimus ut pro foro conscientiae tantum super iniuste oblatis, seu acquisitis, compositionem competentem decernere possit in praedictos pios fines erogandam, dummodo scilicet domini quibus restitutio esset facienda post debitam diligentiam pro iisdem inveniendis adhibitam, reperire non possint, et praestito a debitoribus iuramento de hac diligentia per eos facta, et dummodo iidem debitores in confidentiam et sub spe huiusmodi compositionis illa non abstulerint seu acquisiverint.-XIII. Denique volumus et iubemus ut iuxta memoratae Conventionis articulum XL necnon iuxta alteram additionalem conventionem anno MDCCCLIX Ordinarii per Hispanicam ditionem Praesules, in respectiva sua Diocesi, eleemosynas seu proventus administrent in visu huiusmodi Nostrae

concessionis percipiendas, sit ut administratio huiusmodi ecclesiastica porsus sit neque laicae potestati obnoxia, hoc est, a personis exercenda per dictos Ordinarios nominatis. Et quoniam in praecedentibus indultis atque in novissima Cruciatae concessione a Leone PP. XII Decessore Nostro decreta, statutum fuerat, ut ex eleemosynis inde collectis certae quaedam summae tum Nostris Patriarchalibus templis Lateranensi et Vaticano, tum Apostolico Nuntio ad catholicum Regem, tum Nostrae Secretariae Brevium statis temporibus solverentur: Nos pariter decernimus ut ex pecuniis ex Nostra hac concessione colligendis, eaedem ipsae summae per dictum Archiepiscopum Toletanum eodem prorsus modo persolvantur. Atque ad praecedentium eorumdem decretorum tramites executori eidem mandamus, ut ad solutionem ipsam perficiendam peculiari etiam sponsione rite se obstringat. Item volumus et mandamus ut Archiepiscopus Toletanus summaria typis edenda curet, eaque reliquis Ordinariis iuxta illorum postulationes distribuat. Praeterea Aplica auctoritate concedimus ut idem Archiepiscopus executor, hasce litteras Nostras in vernaculam linguam vertere, illasque et in eis contenta seu compendium iu quibuslibet Hispanicae ditionis locis viva voce seu scriptis aut typis impressis exemplis publicare et enunciare, ac tam ipse quam in respectiva sua Diocesi unusquisque Praesul, eleemosynas in pias supradictas causas colligere atque idoneos sibi in eam rem adiutores, necnon depositarios ratiocinatores, aliosque similes officiales, servatis tamen quae in praesentis Bullae seu Cruciatae executione, ex Sanctae huius Sedis decretis et in utraque Conventione superius memorata servanda sunt, deputare et cum idoneis facultatibus constituere atque praefatus Archiepiscopus ea omnia, quae faciliori earum litterarum executioni visa fuerint, peragere valeat. Haec omnia et singula concedimus et indulgemus, decernimus ac mandamus, non obstantibus Nostra et Cancellariae Apostolicae regula de non concedendis indulgentiis ad instar, aliisque S. huius Sedis et Conciliorum etiam Generalium Constitutionibus et Ordinationibus, aliisque decretis quacumque forma editis, quibus omnibus et singulis, illis etiam quorum peculiaris et expressa mentio esset habenda, specialiter ad harum Nostrarum litterarum effectum et plenissime derogamus ceterisque contrariis quibuscumque. Volumus quoque ut harum litterarum exemplis etiam typis impressis manu alicuius notarii publici subscriptis et sigillo personae alicuius in ecclesiastica dignitate constitutae munitis,

VOL. XIV.

M

eadem porsus adhibeatur fides quae iisdem litteris hoc ipso diplomate ostenso haberetur.

Datum Romae apud S. Petrum sub annulo Piscatoris die xv Septembris MCмII Pontif. Nostri Anno xxv.

ALOIS. Card. MACCHI.

L. S.

DECREE OF THE BULL OF THE CRUSADES

E S. R. UNIV. INQUISITIONE

NOVISSIMAE IN TEXTU BULLAE CRUCIATAE DECLARATIONES

Beatissime Pater :

Cardinalis Cyriacus Maria Sancha et Hervás, Archiepiscopus Toletanus et Patriarcha Indiarum Occidentalium ad pedes S. V. provolutus, qua Commissarius Bullae Cruciatae in universo Hispaniarum Regno, Sanctitatis Vestrae iudicio nonnullas proposuit immutationes, quas in textus eiusdem Bullae Cruciatae inducere ipsi opportunum videtur.

Mutationes hae sunt :

1o. In paragrapho 2a : Bullae ultimo concessae substituenda videntur verbis etiam tempore interdicti' verba sequentia non modo extra tempus interdicti, sed etiam tempore interdicti.'

(

Ratio huius mutationis in promptu est, nempe : convenientia finem imponendi theologorum disputationibus, quod sensum et extensionem praedictae periodi, quae certe aliqua laborat obscuritate. Nam alii, cum in hispanicam linguam verbum etiam' vertunt, id significare contenduntaun'et exinde inferunt gratiam concessam, non modo extendi ad tempus interdicti, sed etiam ad tempus in quo tale non est declaratum interdictum. Haec sententia est fere communis, ut videre est in auctoribus qui de hac re tractant, eique favet ipsemet Commissarius Apostolicus Cruciatae.

Non desunt tamen qui verbum etiam pro igualmente hispanice vertunt, ut iuxta eorum sensum gratia, de qua agitur, tantummodo applicari deberet in tempore interdicti, et non extra interdictum. Quaestio igitur manet solvenda, et facillime ut arbitramur, solutionem acciperet cum simplici mutatione proposita.

2o. Item in paragrapho 3: periodum Verum ad quadragesimale tempus quod attinet ab hoc indulto exceptos volumus,

etc.' ita vel simili modo posset exprimi Verum ad quadragesimale tempus quod attinet ab hoc indulto exceptos volumus Patriarchas...praesulesque inferiores, necnon regulares ecclesiasticos, Ordinum non militarium extra claustra commorantes et presbyteros saeculares qui ad sexaginta annorum aetatem non pervenerint. Sacerdotes vero regulares, inta claustra degentes, exceptos tantum volumus hebdomada maiori praeter Dominicam Palmarum.'

Huius mutationis motivum resolutio est S. C. S. O. die 31 Ianuarii huius anni daťa, in qua decisum fuit, ad consultationem Emi. Commissarii, sacerdotes saeculares (regulares dicere deberet) intra claustra commorantes, vi Bullae Cruciatae, cva et lacticinia edere posse, in ieiuniis Quadragesimae, excepta tota hebdomada maiori.

3°. Demum paragraphus 5a: ita redigi oportet, ut soluta sequentio appareant dubia: Utrum Christifideles visitationem altarium repetentes in diebus Stationum Urbis, ultra indulgentiam planariam pro defunctis, aliam pro se valeant lucrari. 'Utrum indulgentiae omnes quae in Bulla conceduntur, applicari semper valeant animabus in Purgatorio degentibus.'

Feria quarta die 7 Maii 1902

In Cong. Gen. feria IV habita ab Emis. ac Revmis. D. D. Card. Gen. Inquisitoribus, proposito suprascripto supplici libello, praehabitoque RR. DD. Consultorum S. O. voto, iidem Emi. respondendum censuerunt:

Ad I. Verba' etiam tempore interdicti' respiciunt solum tempus interdicti ; ideoque interpretatio extensiva indulti extra tempus interdicti sustineri nequit.

Ad II. Satis provisum per decreta S. O. fer. IV, 4 Martii 1891 et fer. IV, 23 Ianuarii 1901.

Ad III. Unicam indulgentiam plenariam concedi in casu. Et supplicandum SSmo. ut benigne decernere ac declarare dignetur omnes et singulas indulgentias in Bulla Cruciatae concessas applicari posse per modum suffragii pro animabus in Purgatorio detentis; idque expressis verbis dicatur in Bulla.

Et ad mentem : I. Ut Emo. Card. Oratori iterum transmittatur exemplar decreti editi feria IV, 23 Januarii 1901, nec non decreti editi feria IV, 4 Martii 1891 relate ad Bullam Cruciatae. 2. Ut idem Emus tempore opportuno transmittat ad Supremam hanc Congregationem S. O. exemplar authenticum Bullae Cruciatae juxta novam formulam ad quam redigetur.

Insequenti vero feria IV, die 9 eiusdem mensis et anni Sanctissimus D. N. D. Leo Div. Prov. PP, XIII, in solita audientia R. P. D. Assessori S. O. imperitita, habita de omnibus relatione, responsiones Emorum. plene adprobavit, atque ut indulgentiae de quibus sub N. III defunctis applicari queant sucragii ad modum prout ab Emis. fuit propositum, benigne decernere ac declarare dignatus est. Contrariis non obstantibus quibus

cumque.

J. Can. MANCINI, S. R. et U. I, Notus,

REGULARS AND THE BULL OF THE CRUSADES

RESPONSUM QUOAD BULLAM CRUCIATAE IN QUANTUM SPECTAT AD REGULARES

'In Congregatione habita feria IV, die 4 curr. mens. (Martii 1901) ad examen vocatis dubiis ab Em. Tua positis, litteris datis die 28 Februarii anni elapsi, circa interpretationem novissimi decreti, huius Supr. Cognis. super Bulla Cruciata, Emi. Dni. Cardinales una mecum Inqres Genles decretum ipsum in hunc modum evulgandum mandarunt: Regulares utriusque sexus, exceptis iis qui voto speciali sunt adstricti, in jejuniis etiam quadragesimae possunt vi Bullae Cruciatae edere carnes, ova et lacticinia necnon ova et lacticinia cum piscibus in eadem comestione miscere. Presbyteri vero regulares extra claustra commorantes, vulgo exclaustrados, praeter Bullam Cruciatae et Summarium carnis, tenentur Summarium quoque lacticiniorum suscipere, ut Presbyteri saeculares. At Regularibus intra claustra degentibus, sive sacerdotes sint sive laic sive moniales, sufficiunt Bulla Cruciata et Summarium carnis, nisi sint ex Ordine Minorum S. Francisci, qui nulla bona possident, quibus sufficit Bulla Cruciata.

Precor E. T. summopere curare, ut hoc decretum, apostolica Summi Pontificis auctoritate firmatum, quo primum, possit, publici juris fiat, ejusque jam publicati exemplar ad me transmittatur in Tabulario supremae Congregationis asservandum.

' Interim impensos, etc.'