JUS CANONICUM UNIVERSUM COMPLECTENS TRACTATUM DE REGULIS JURIS AUCTORE R. P. F. ANACLETO REIFFENSTUEL JUXTA NOVISSIMAM ROMANAM EDITIONEM, INNUMERIS EXPURGATIS MENDIS, RECUSUM Cui nunc primum accedunt variæ Adnotationes pro quarumdam quæstionum uberiori enodatione, R. D. VICTORIS PELLETIER Cathedralis Ecclesiæ Aurelianensis canonici capitularis, olim vicarii generalis. VOLUMEN TERTIUM DECEM POSTERIORES LIBRI II DECRETALIUM TITULOS, ET QUINQUE PRIORES LIBRI III CONTINENS DOCUMENTA TERTIO TOMO EDITIONIS ROMANÆ PRÆFIXA PRÆFATIO AUCTORIS AD LECTOREM Ecce, benevole lector, juvante Deo, in lucem publicam prodit tertius Juris canonici tomus, in quo eumdem modum, ordinem, stylum, claritatem, brevitatem, ac doctrinæ securitatem, quem in primis duobus, quantum licuit, observare studui: omnia tamen, et singula dicta hujus tertii tomi sancto Ecclesiæ judicio, censuræ, et correctioni humillime subjiciens. |