meridie recitari debeat stando, ut recitatur stando Antiphona finalis vesperarum, an potius flexis genibus ad indulgentias lucrandas?

II. An iuxta normas praescriptas a sylloge authentica Orationum et piorum Exercitiorum edita a S. C. Indulgentiarum anno 1886 Decreto diei 21 Maii, ad lucrandas Indulgentias, sabbato infra Octavam Pentecostes recitanda sit, meridie, Oratio << Angelus Domini» vel Antiphona « Regina Coeli »?

Et in plenaria Congregatione die 5 Martii 1896 in Aedibus Vaticanis habita Patres Cardinales responderunt:

Consulendum Sanctissimo pro opportuna declaratione quoad utrumque dubium.

Die vero 20 Maii eiusdem anni, in Audientia habita ab infrascripto Cardinali S. Congregationis Praefecto, SSmus Dominus Noster Leo Papa XIII benigne declaravit: In sabbatis Quadragesimae orationem « Angelus Domini », meridie, recitandam esse stando; sabbato vero infra octavam Pentecostes, meridie, recitandam esse Antiphonam « Regina Coeli ».

Datum Romae ex Secretaria eiusdem S. Congregationis die 20 Maii 1896.

L. S.

ANDREAS CARD, STEINHUBER Praefectus.

ALEXANDER ARCHIEP. NICOP. Secretarius.

EX S. CONGREGATIONE CONCILII

ROMANA

ELECTIONIS

Die 25 Ianuarii 1896.

Sess. 22 cap. 8 De reform.

COMPENDIUM FACTI. Tribus iam abhinc saeculis heic, in Urbe, erecta est Sodalitas ab Oratione et Morte nuncupata, ob benefacta insignibus cumulata privilegiis, et sane perillustris, quippe Eminentissimum Cardinalem habere gloriatur protectorem; gubernatorem vero, amplissimum Curiae Romanae Praesulem; inter confratres viros Principes enumerat, eademque Archiconfraternitatis titulo condecoratur. Inter officia in eius regimen incumbentia, habetur officium vulgo dictum - Provveditore di chiesa quodque per biennium a confratre obtinetur. Hac de causa vacaverat officium sub fine anni 1894, quamobrem generalis Congregatio, iuxta legem Sodalitatis, habita est die 13 Ian. 1895, et tres propositi fuerunt electioni, nempe Paolo Raselli, Francesco Blünder, Enrico Paperi; ut ille capesseret officium qui maiorem suffragiorum numerum referret. Age vero, quinquaginta tribus confratribus suffragium dantibus, Paolo Raselli 35 retulit suffragia, Francesco Blünder 9, et Enrico Paperi aeque 9. At confrater Paolo Raselli officium acceptare recusavit, qua ex renunciatione suborta est quaestio; an nempe duo confratres, suffragiis numero paribus electi, novo electionis experimento vulgo - ballottaggio submitti deberent; an potius iterum tres essent generali Congregationi proponendi, quorum unus eligeretur, modo supra explicato. Lex sodalitatis scripta visa est confratribus proceribus regimini praepositis, vulgo dictis - la Banca - non satis clara ad dirimendum dubium, quare statuerunt, generali Congregationi remittendam esse quaestionem pro authentica legis

Acta, Tom. XXIX. fasc. CCCXXXVIII.

5

interpretatione, in facti specie.

Articuli legis controversi

ita se habent sub capite del modo di eleggere gli officiali << Queste terne così cribrate si presenteranno alla Congregazione generale lo stesso giorno, pel quale sarà stata intimata per circa un'ora dopo quella fissata pel Congresso o Congregazione segreta; ovvero il giorno seguente, se la formazione della terna fosse stata fatta presso l'Emo Protettore; e la elezione si farà a voti segreti. Perciò ciascun fratello riceverà da chi presiede alla Congregazione generale il voto; e ponendo la mano in ciascuno dei tre bossoli, al piede de' quali starà scritto in un bollettino il nome del Candidato, lascerà il voto in quello che crederà ». Quegli che avrà ricevuto maggiori voti sarà eletto. In caso di parità correrà per la seconda volta il bossolo con lo stesso metodo, e qualora persistesse la parità, ne resterà la scelta alla Banca ».

<< Se l'eletto rinunciasse, succederà l'altro per ordine di votazione, con che abbia avuto almeno un decimo dei voti se la terna fosse esaurita, si farà quanto di sopra si è ordinato tanto per la formazione della nuova terna, quanto per la elezione. Avvenendo poi il caso di altro esaurimento della terna, la Banca avrà la facoltà della libera elezione ».

Confratres in generalem Congregationem acciti, responderunt non esse locum experimento novae electionis inter duos confratres, antea paribus suffragiis electos, sed novae trium propositioni et electioni procedendum esse. Deinde Congregatio generalis indicta fuit, quae tamen a proposito abstinuit ob querelam promotam a confratribus Blünder et Paperi apud Praesulem Sodalitatis gubernatorem conquerentibus de sibi illata iniuria, quippe ex lege sodalitatis non novae trium electioni procedendum erat, sed solummodo deliberandum, quinam ex ipsis, iam rite propositis et electis in locum renunciantis succederet.

Quia Gubernator rem Emo Protectori remiserat, hic paulo post respondit, laudans et ratam habens rationem pro

cedendi hactenus secutam, iubensque ut Congregatio generalis, tribus de more propositis nominibus de eligendo decerneret prouti factum est die 3 Februari 1895, electo in officium Provveditore di chiesa confratre Giuseppe

Galeotti.

Ex duobus confratribus conquerentibus, non ulterius institit Enrico Paperi; at restitit Francesco Blünder in praesenti controversia actor, qui S. C. C. libello oblato petiit, ut res formiter disceptaretur.

Disceptatio Synoptica

IURA SODALITATIS. Istius Procurator notavit ante omnia, articulum legis, iam relatum, excludere unum et alterum confratrem paribus suffragiis electos, quia in locum renunciantis debuisset succedere - l'altro per ordine di votazione –. At iste ordo praelationis inter pares non habetur.

Advertit praeterea, optati experimenti, vulgo - ballottaggio in textu legis, nec volam nec vestigium esse. Nam lex praecepit quod unus eligatur maioritate votorum; quare statuit: « In caso di parità correrà per la seconda volta il bussolo con lo stesso metodo..... » Dein « Se l'eletto rinunciasse, succederà l'altro per ordine di votazione... se la terna fosse esaurita (idest, arguit Advocatus, si nemo ex duobus aliis aut nolit aut non possit succedere) « si farà quanto di sopra si è ordinato tanto per la formazione della nuova terna, quanto per la elezione. Avvenendo poi il caso di altro esaurimento della terna, la Banca avrà la facoltà della libera elezione ». Unde concludit, tantum abhorrere a littera et spiritu legis, exquisitum experimentum - ballottaggio dictum; quod si iterato frustra cesserit electio, ius liberae electionis devolvitur ad proceres confratres constituentes altius officium, vulgo la Banca -. Quapropter autumans Advocatus in themate, legis voluntatem desumendam esse simul ex contextu et ex intentione eiusdem legis, memorat hoc criterium interpretationis a Richerio ita expositum in opere Universa civilis et criminalis Iurisprudentia p. I, c. 1,

sect. 1, § 17: « Antequam de regulis interpretationis dicamus duo sunt praenotanda. Nullà opus est interpretatione cum manifesta est legis sententia; neque enim clarius explicari necesse est quod satis per se patet. Lex igitur tunc tantum interpretanda cum legislatoris verba eiusdem consilium aperte non demonstrant: 2. Non aliter de legis sententia inquiri posse, quam perpenso totius orationis contextu et attentis singulis legis verbis et invicem comparatis, cum ex omnibus pendeat declaratio, et consequenter cognitio voluntatis (leg. 24 dig. de regulis iuris). Incivile est nisi tota lege perspecta una aliqua particula eius proposita iudicare vel respondere ».

Ex dictis, putat Procurator, priori quaestioni satisfactum abunde fuisse ; quoad legitimam nempe exclusionem experimenti vulgo dicti: ballottaggio; - quocirca ad alteram gradum faciens notat, hanc necessario ab alia pendere eiusque decisionem in superiore praecontineri. Frustra enim cum cesserit prima electio, ob unius renunciationem et aliorum non possibilem successionem, quum neutri faveret maioritas suffragiorum, necessarium fuit ad alteram devenire electionem.

Praeterea animadvertit, hanc impedire non potuisse querelam confratris Blunder, quia non agebatur de derogandis constitutionibus Sodalitatis seu de iure quaesito tollendo, sed de interpretanda authentice earum voluntate, quod negotium alteri pertinere non poterat, quam generali Congregationi, quippe quae easdem Constitutiones ipsa condiderat.

Quam interpretationem, urget procurator, cum plena rei cognitione Congregatio non semel confirmavit; nam postquam, instaurata lite apud S. C. C. a Sodalitate expetitae fuerunt, prout de more, appositae animadversiones per hoc decretum rite denunciatum; nempe auditis sodalibus, rite congregatis, iidem sodales in plenam Congregationem convocati, certiores omnino facti de rationibus ab actore allatis, quasi unanimi responso, id quod hactenus gestum erat, ratum habuerunt et confirmarunt.