Præceptum fratribus militibus auratæ militiæ, ne Crucem alterius militaris ordinis publice gestent, sed aliam ex auro consimilem inferius impressam deferant.

BENEDICTUS PAPA XIV

AD FUTURAM REI MEMORIAM.

A postolicam prædecessorum nostrorum roma

norum pontificum providentiam in eo maxime commendari probe intelligimus, quod quo majoribus militares ordines ingenti cum christianæ reipubblicæ bono, orthodoxæque fidei præsidio, et incremento institutos, beneficiis,privilegiis, indultis, et gratiarum favoribus ornare et adaugere non destiterunt; eo majoribus studiis, curis, et sollicitudinibus adlaboraverint, ut unusquisque ordo stemmata, sua insignia, arma, ornamenta, ac nomina ab initio assumpta, confirmata, et præscripta integerrime servare ас custodire teneretur, ne fortasse unquam contingat, ut iis commixtis, et confusis, debitus unicuique militi juxta ordinis sui gradum, conditionem, dignitatemque honor auferatur. Quod quantum ad publicam tranquillitatem conservandam et ad confusionem, perturbationemque in singulis quibusque ordinibus evitandam intersit, ipsa experientia manifestissime apparet. Ea propter, cum, sicut accepimus, et re ipsa nobis constitit, nonnulli equites auratæ militiæ, vulgo dello SPERON D'ORO noncupatæ, qui aut a romanis

pontificibus prædecessoribus nostris, aut a nobis ipsis, quibus facultas creandi equites hujusmodi ab apostolica hac sancta sede interdum tribui solet,constituti, et creati fuerint, inter cætera insignia, propter quae ab aliis Equitibus caeterorum Ordinum militarium seu militiarum distinguuntur, Crucem non iis modo et forma, quibus Crux hujusmodi in pectore gestanda juris præscripta est, sed iis quibus fratres milites hospitalis s. Joannis Hierosolymitani semper usi sunt, atque utuntur, et gestare debent omnium similem sibi usurpaverint, ita ut a Fratribus militibus dicti hospitalis minime discriminentur, sed pro ipsismet ab omnibus habeantur: hinc est, quod nos de modo et forma crucis, quæ semper gestarunt primo dicti equites auratæ militiæ et quam nonnulli dumtaxat ex iisdem equitibus immutatam ferre, ac gestare ausi sunt, plenissime edocti, omnem confusionem eliminare, falsamque opinionem ab omnium animis removere cupientes, auctoritate apostolica, tenore præsentium statuimus, decernimus, præcipimus et mandamus, ut crux, quæ in pectore a memoratis equitibus auratæ militiæ semet quandocumque gestanda est, octagona quidem esse debeat ad instar crucis ab ipsis dicti hospitalis sancti Joannis Hierosolymitani fratribus militibus gestari solitæ, non vero encausto albo subducta et inusta, sed ex auro tantum, cum parva catena, a qua calcar itidem ex auro pendeat. Ut autem nulla deinceps de hac nostra quoad modum, et formam Crucis ab equitibus memorate militiæ auratæ tam præsentibus, quam futuris in pectore sicut præmittitur, gestandæ præscriptione, ac de

per,

pore

f

for

terminatione afferri valeat ignorantiæ causa, mam ejusdem crucis aere incisam in nostra secreteria brevium secretorum asservari mandamus, atque insuper ministris dicta secretaria injungimus, ut quotiescumque apostolicas nostras, seu pro temexistentium romanorum pontificum in simili forma brevis litteras , pro creando equite aurate militiae hujusmodi dari contigerit, toties exemplum dictae crucis in charta bombacyna impressum insimul tradant, quod et servandum erit ; cum facultatem creandi dictos equites aurata militiae contigerit impertiri dilectis filiis nostris s. Romanae ecclesiae cardinalibus de latere legatis, ac venerabilibus fratribus nostris, et sedis apostolicæ Nuntiis, nec non antistitibus pontificio solio assistentibus, aliisque quibuscumque, quibus tot exempla crucis praefatae tradi debent, quot in facultate equites ejusmodi militiæ creandi, sive in letteris expediendis continentur. In calce vero earumdem præsentium litterarum, quas publicari volumus, formam dicta crucis lineis descriptam esse præcipimus. Postquam igitur eaedem præsentes nostræ litteræ, ut præfertur, propositæ, et publicatæ fuerint, quisquis equitum dictæ auratæ militiæ crucem a modo, et forma per nos descriptis dissimilem, si eam gestare contingat, non deposuerit, atque hisce nostris mandatis non obtemperaverit, non solum ipso facto privatus intelligatur, et sit obtenta equitis dignitate, ac illius privilegiis, et indultis; verum etiam subjectum, et obnoxium esse, et fore volumus, et declaramus omnibus poenis, quæ a legibus contra eos, qui insignia, stemmata, et arma, quæ et sibi usurpare non debent, et aliis attributa

esse constat, assumere audent, latæ fuerunt. Decernentes easdem præsentes litteras semper firmas validas, et efficaces existere, et fore, suosque plenarios, et integros effectus sortiri, et obtinere, ac illis ad quos spectat, et pro tempore quandocumque spectabit, plenissime suffragari, et ab eis inviolabiliter observari, sicque in præmissis per quoscumque judices ordinarios, et delegatos etiam causarum palatii apostolici auditores, ac dictae sanctae romanae ecclesiae cardinales etiam de latere legatos, et sedis præfatae nuntios; sublata eis, et eorum cuilibet quavis aliter judicandi et interpretandi facultate et auctoritate, judicari et definiri debere, ac irritum, ac inane si secus super his a quoquam quavis auctoritate scienter, vel ignoranter contigerit attentari. Non obstantibus constitutionibus et ordinationibus apostolicis , ac dictae militiae etiam juramento, confirmatione apostolica, vel quavis firmitate alia roboratis; statutis, et consuetudinibus, privilegiis quoque, indultis, ac litteris apostolicis in contrarium praemissorum quomodolibet concessis, confirmatis, et innovatis. Quibus omnibus, et singulis illorum tenore praesentium pro plene, et sufficienter expressis, ac de verbo ad verbum insertis habentes, illis alias in suo robore permansuris, ad praemissorum effectum hac vice dumtaxat specialiter, et expresse derogamus, caeterisque contrariis quibuscumque.

Datum Romae apud Sanctam Mariam Majorem sub Anulo Piscatoris die 7 Septembris anno 4746 Pontificatus nostri anno septimo.

D. CARD, PASSIONEUS