XLVII. Acte de Fondation de la Reine Anne d'Autriche pour la célébration annuelle de la fête de Saint-Louis, Roi de France, dans la Basilique de Lorette. In Dei Domine Amen. Die Nona maij, 1661. Personaliter constitutus Illustrissimus et Reverendissimus Dominus Laurentius de Brisacier. Sanctae Sedis Apostolicae Prothonotarius, Regis Christianissimi in suis Status et Privato Consiliis Consiliarius, Abbas perpetuus, et Commendatarius Venerabilis Monasterij Beatae Mariae de Flabonis Monte, specialiter deputatus ab Augustissima Regina Anna Austriaca, Ludovici XIV Christianissimi Regis Francorum Matre, Ipso etiam annuente et consentiente Filio ad infrascripta peragendum, prout constat ex Litteris (ut apparent) manu propria Majestatis Suae subscriptis, sigilloque proprio munitis, sub datum die undecima mensis septembris anni 1651, cum subscriptione et nomine Secretarii eiusdem Reginae, ac ipso Illustrissimo et Reverendissimo Domino Abbati Brisacier restitutis, dimissa penes me copia idiomate gallico, psout ipsae Litterae originales, conscripta et in latinum translata, revisa et collaticnata cum proprio originali per Admodum Reverendum Patrem Nicolaum Bulier. in dicta Sancta Domo pro natione Gallica Poenitentiarium, ad effectum in fine praesentis Instrumenti inserendi tenoris etc., asserens idem Illustrissimus et Reverendissimus Dominus Abbas se, praedictae Maiestatis nomine, ad hanc Almanı Domum Lauretanam contulisse religionis caussa, habuisseque in mandatis ab ipsa Regina Christianissima, dandi et praesentandi eidem Almae Domui, in tot bonis stabilibus, sive annuis Censibus, sive locis Montium Cameralium, non vacabilium, usque ad summam scutorum Mille duocentorum monetae Romanae, Iuliorum decem pro quolibet scuto, in satis factionem Pii Desiderij et Voti nuper ejusdem Regiae Majestatis nomine emissi, et ab ea statim probati pro acerrimis bellorum civilium tumultibus in Regno incunctanter sedatis ac compositis, dum optimae Matris prudentisque Regentis partes fortiter sustineret, idque auxilio Sanctissimae Deiparae Virginis Lauretanae, itidemque Santi Ludovici, quem Rex filius Regni suique Patronum agnoscit, et quorum benigna interpositio apud Deum Optimum Maximum in difficillimis temporibus et negotiis implorata fuerat. Acceptorum igitur ab utroque beneficiorum memor, eumdem Divum honoribus affici non vulgaribus voluit, eo in Loco augustissimo, quem ipse adhuc in vivis, et a Saracena captivitate liber tam pie, ut legitur, visitavit, et de quo tam benemeritus esse memoratur, volensque propterea idem Illustrissimus et Reverendissimus Dominus Abbas Brisacier mandatum sibi factum adimplere debiteque executioni demandare, cum conditionibus ut infradicendis, ideo sponte, et ex certa ejus scientia, liberaque et spontanea voluntate, ac omni meliori modo, via, jure, causa, et forma quibus magis, melius, validius, et efficacius de Jure fieri potuit, ac potest, et debet, nomine quo supra declaravit, et promisit. quod simul atque Alma Domus seu ejus Ministri indicabunt dicto Illustrissimo Domino Abbati, vel honorabili Viro Domino Gasparo Hache, in Curia Romana Expeditionario, quem ad hunc actum et alia infrascripta, pro effectuatione et perfectione praesentis contractus quomodolibet necessaria et opportuna, peragenda in Procuratorem specialiter substituit, et in locum suum posuit cum eisdem facultatibus et auctoritatibus in dicto procuratorio mandato sibi concessis, et attributis, non solum isto, sed et omni alio meliori modo etc agrum vel terras sive domum vel domos, sive alia bona stabilia, sive annuos Census, sive Loca montium supradicta quae emere constituerint, pro utilitate ejusdem Almae Domus, sive in Urbe sive extra ubique Locorum, ipse Illustrissimis Dominus Abbas, aut dictus ejus substitutus, in totum sive in partem coemptionis supradictorum, vel unius ipsorum, exhibebit, et tradet atque solvet dictis ministris usque ad praedictam summam mille duecentorum scutorum dictae monetae Romanae, dummodo in dicto contractu emptionis fiat mentio, quod in ejusmodi emptione Christianissima. Regina hanc summam expendit, ad beneplacitum et utilitatem dictae Almae Domus, cum libera translatione dominij pecuniarum et rei emptae ad favorem ejusdem Almae Domus, cum conditionibus infra dicendis, salvo tamen et reservato eonsensu et beneplacito Apostolico, quatemus opus sit et requiratur et non alias etc videlicet etc. Ut singulo quoque anno, vigesimo sexto die Augusti, quo festum Sancti Ludovici Regis Franciae hic Laureti, sicut, et Romae peragitur, Missa solemnis, et secundae Vesperae pariter a dicta Alma Domo celebrari curentur, cum assistentia Admodum Reverendissimi Capituli ejusdem Ecclesiae, atque praedictas Missam et Vesperas Musici tribus Choris solemniter decantare teneantur, ut moris est in majoribus solemnitatibus ipsius Ecclesiae. Item curet ipsa S. Domus, et ejus Ministri ador nari Maiorem Aram quae Annunciationis vocatur, ad parietes Sanctae Domus sitam, cum pulchris et conspicuis ornamentis, Statuis et Candelabris argenteis, in quibus ardeant lumina, ad minus, vigintiquatuor, et praeterea Tabellam eiusdem Sancti Ludovici depictam, expensis dictae Serenissimae Reginae confectam, sive conficiendam et dictis Ministris consignandam ad fastigium eiusdem parietis supradictae Arae, sive ab ipso fasiigio disjunctam, tam a parte superiori quam anteriori dicti parietis, sive in alio loco, vel modo decenti, et opportuno; ita ut nihil poenitus devotionis, cultus, et reverentiae dictae Almae Domui detrahatur, appendi curent cum orna mentis circa dictam Tabellam apponendis, ut annis anteactis factum est. Item curent dari quadruplicem Campanarum pulsum, qualiter in dictis festis maioribus Almae Domus fieri solet, nempe primus pulsus pridie ipsius festi sero; secundus ipso die summo mane, post sonum matutini; tertius post pulsatam tertiam ad maius sacrum; quartus denique post prandium ad Vesperas, pro quibus omnibus officiis tenebitur Sancta Domus expensas facere ut infra videlicet dicto Admodum Reverendo Capitulo, Capellae Musicae, et aliis ministris, juxta solitum, distributiones, prout in aliis similibus officiis extraordinariis, elargiendo, ut omnes ad alacrius peragendam dictam solemnitatem collaborent. Atque, ut praedicta festivitas maiori concursu et populi frequentia celebretur, Illustrissimus et Reverendissimus Dominus Gubernator roget Dominos de Magistratu ad interessendum tantae solemnitati etc. Denique, ut vigore praesentis contractus possit ipsa Christianissima Regina, pro temporis et negotiorum opportunitate, aedificare propriis expensis ac sumptibus, destinatam, a se molem ad templi decus et ornamentum, in tertia a parte Evangelii pronavis columna nationi Franciae iam pridem addicta, iuxta formam et delineationem in Carta graphice designatam prius exhibendam, et ab Eminentissimo et Reverendissimo Cardinali Protectore dictae Almae Domus approbandam, dummodo tamen nullum praeiudicium vel deformitatem dictae columnae, vel fabricae Ecclesiae afferre possit, quae quidem moles tria marmora continebit: primum videlicet, ad partem anteriorem ubi traslationis Almae Domus historia idiomate Gallico, ut prostat, describatur; alterum, ad latus dextrum, in quo ad perpetuam rei memoriam huiusce novae fundationis in divi Ludovici honorem mentio fiat; tertium denique, ad sinistrum latus, in quo pariter antiqua, ante annos viginti sex a Religio sissimo ac Invictissimo felicis recordationis Rege Franciae Ludovico XIII facta fundatio recenseatur, qua constituta, ipsius Almae Domus Officiales ac Ministri ad quotidiani sacrificii pro ipso Rege vivo, ac defuncto, eiusque Regni Successoribus, et pro tota Regia Familia celebrationem aliaque id genus praestanda tenentur et obbligantur, ut fusius declaratum in pubblico et authentico super ea re confecto instrumento, ad quod relatio, pro facti veritate, habeatur. Ad maiorem porro totius negotii securitatem et ut supra omnia effectum validiorem sortiantur, si minus hae conditiones a Sancta Domo et eius Ministris adimpleantur modo, et forma ut supra expressis, etiam pro una tantum vice, ex tunc, et eo casu, si ita Christianissimo Regi pro tempore visum fuerit, supradicta scuta mille et duocenta monetae Romanae, sive res aut eius rata illis arbitrio dictae Almae Domus empta, ad Ecclesiam Sancti Ludovici quae Gallorum dicitur in Alma Urbe Romae transferatur, ad majorem festi, quod ibi fit singulis annis, celebrationem et ad augendum ipsius S. Ludovici cultum, cum hoc tamen onere, ut a ministris illius Templi centum missae pro ipso Rege Galliae eiusque Regia familia intra octavam dicti Sancti in perpetuum celebrari curentur. Et in casu quod dicti Sancti Ludovici Ecclesia Romae existens talem gratiam cum dicto onere recuset, tunc et eo casu, praedicta scuta mille et duocenta, sive res empta, ut supra, redeant ad plenam dispositionem Regis Christianissimi pro tempore, ad effectum ea alteri simili fundationi ubilibet voluerit applicandi. Et vice versa, Illustrissimus et Reverendissimus Dominus Vincentius Carolus Otho de Mathelica, Patritius Romanus, Utriusque Signaturae Sanctissimi Domini Nostri Papae Referendarius, Almae Domus, et Civitatis Laureti Gubernator praedictus, satisfaciendo piae sanctaeque menti Christianissimae Ma |