cultus amplietur et malitiis perversorum obvietur, convenit variare. Cum itaque pridem ex rationabilibus causis nos ad hoc moventibus de expresso et libero consensu omnium nostrum et aliorum, quorum intererat et interesse in hac parte credebatur, concorditer et unanimiter, nemine ex nobis discrepante, disposuerimus et ordinaverimus ac disponendo et ordinando 'statuerimus, quod fructus, redditus et proventus grossi tantum, in quibuscunque consisterent, corporis praebendae cujuslibet vicariorum et beneficiorum ecclesiae nostrae, quocunque modo vacaturorum, excepto duntaxat modo vacationis, quae causa permutationis intra ecclesiam nostram per aliquos simul inibi fieri contingeret, pro medietate per duos annos proximos et immediate sibi succedentes a tempore vacationis computandos tantum ad praesentias seu cottidianas chori nostri distributiones et non ad alium usum in earum augmentum et meliorationem cedere deberent et efficaciter obvenire, prout haec et alia in patenti litera, cui et haec nostra litera est transfixa, dignoscuntur plenius contineri. Verumtamen ut cottidiana didicimus experientia, praefati medii fructus biennales secundum nostram ordinationem seu nostrum statutum desuper, ut praefertur, factum per nonnullos quondam in ipsa ecclesia nostra et aliquos adhuc inibi beneficiatos, ipsum nostrum statutum temere transgredientes, ad integrum et cum effectu non sunt persoluti, quia eorum aliqui solutionem eorundem mediorum fructuum biennalium adeo variis suis excusationibus differebant vel quod praeventi morte aut ad tantam inopiam redacti eos solvere nequibant, alii vero beneficia sua ecclesiae nostrae infra dictos duos annos dimittentes se ad loca remota transferebant, quod vix aut nunquam super solutione horum mediorum fructuum per nostros collectores ad hoc deputatos poterant conveniri, propter quod et alias fraudes multas sentientes praesentias seu cottidianas chori nostri distributiones multipliciter esse fraudatas. Timentes quod eas in futurum, nisi in contrarium salubriter provideatur, plus posse defraudari, provida ac matura deliberatione tractatibusque pluribus praehabitis ad occurrendum hiis et aliis periculosis dilationibus et fraudibus, in quantum possibile nobis est, ex certa scientia et de expresso ac libero consensu omnium nostrorum vicariorumque et beneficiatorum dictae nostrae ecclesiae atque aliorum, quorum in hac parte interest, praefatae nostrae ordinationi seu dicto nostro statuto terminum pro solutione dictorum mediorum fructuum biennalium sub certis poenis ammodo persolvenda duximus apponendum et praefigendum, ut sic deinceps quilibet vicariorum seu beneficiatorum ecclesiae nostrae scire valeat, in quo et infra quem terminum post ipsius praebendae seu vicariae nactam possessionem dictos medios fructus solvere teneatur, si saltem poenas infrascriptas desuper editas voluerit evitare et ut praesentiae chori nostri meliora exinde suscipiant incrementa et ammodo non contingant per quempiam defraudari. Per hoc tamen dictam nostram ordinationem seu dictum nostrum statutum in omnibus aliis suis punctis et articulis minime intendimus tollere, immutare aut variare, sed ipsam seu ipsum una cum isto nostro additamento per nos et quemlibet nostrum nostrosque successores et vicarios et beneficiatos quoscunque tam praesentes quam futuros ecclesiae nostrae inviolabiliter volumus observari, quos etiam ad observationem hujus novae nostrae ordinationis seu nostri novi statuti una nobiscum perpetuis temporibus volumus obligare et obligamus per praesentes. Facimus igitur et ordinamus ac faciendo et ordinando statuimus per haec praesentes, quod quilibet vicariorum et beneficiatorum de novo futuris temporibus ad possessionem praebendae seu vicariae suae in ecclesia nostra praefata assumendus, antequam assumatur et installetur, omnino jurare tactis sacris evangeliis teneatur per se vel alium habentem ad hoc speciale mandatum, quod dictos medios fructus duorum annorum praebendae seu vicariae suae secundum ipsius taxationem in hac nostra nova ordinatione inferius descriptam, videlicet medietatem infra viginti octo dies a die suae admissionis et installationis inclusive computandos ad instar canonicorum, sexpraebendariorum atque semipraebendariorum ecclesiae nostrae provisoribus praesentiarum, qui pro tempore fuerint, uno contextu realiter et cum effectu tradat et persolvat, reliquam vero medietatem anno revoluto a die installationis infra viginti octo dies iterum provisoribus persolvat cum effectu, alioquin tam corpore praebendae seu vicariae suae, quam praesentiis chori nostri eodem anno, quo non satisfecerit, careat ex toto nullam spem super restitutione earundem habiturus, quodque elapso dicto termino viginti octo dierum ad claustrum, etiam non ammonitus, nec requisitus sine mora se praesentet, inde non exiturus, nec praebendam seu vicariam suam quovis quaesito colore resignaturus aut dimissurus, donec de eisdem mediis fructibus biennalibus satisfecerit integraliter et cum effectu, quod si secus fecerit, ipsum notae perpetuae infamiae volumus subjacere. Taxatio vero omnium et singularum vicariarum seu praebendarum ecclesiae nostrae sub modo subscripto dignoscitur esse facta. Sequuntur primo praebendae in choro domini praepositi. Primo praebenda Nicolai Sickingen in altari sanctorum Mathaei et Mathiae in cripta taxata est pro viginti florenis. Item praebenda Rudolfi de Bruchsella in altari sancti Joannis evangelistae et in choro sancti Joannis pro quadraginta florenis. Item praebenda Nicolai Liepger Martinensis pro triginta duobus florenis. Item praebenda Erhardi Geisshorn Martinensis pro triginta duobus florenis. Item praebenda magistri Tielemanni de Cassel Laurentiani pro quadraginta florenis. Item praebenda Heinrici Otterbach in altari sancti Blasii in choro beatae Katharinae virginis pro quatuordecim florenis. Item praebenda Joannis de Bruchsella in altari beatorum Philippi et Jacobi in cripta pro quindecim florenis. Item praebenda Joannis Mosebach in altari beatae Katharinae virginis pro viginti quinque florenis. Item praebenda Heinrici Glymonis in altari decem millium martyrum pro octo florenis. Item praebenda Guntheri Reynhardi in altari sancti Petri in cripta pro viginti quinque florenis. Item praebenda Joannis Blickeri in altari beatorum Mathiae et Mathaei in cripta pro viginti florenis. Item praebenda Joannis Hagedorn in altari beatae Katharinae virginis pro viginti florenis. Item praebenda Einhardi Reyt in altari sancti Petri in cripta pro decem florenis. Item praebenda Heinrici Byeberach in altari sanctorum Mathiae et Mathaei in cripta pro sedecim florenis. Item praebenda Joannis Ulini in capella sancti Christophori pro decem florenis. Item praebenda Petri Leymheim in altari sancti Aegidii in cripta pro viginti quatuor florenis. Item praebenda Joannis Swickeri in altari sancti Stephani pro quindecim florenis. Item praebenda Joannis Lustat in capella sancti Pauli pro quatuordecim florenis. Item praebenda Joannis Neckerauwe in altari sancti Joannis evangelistae pro quindecim florenis. Item praebenda Nicolai Walbrunnen in altari beatae Annae in gradibus pro quinquaginta quatuor florenis. Item praebenda Merckelini Hefftel in capella sancti Michaelis in palatio episcopi pro quinque florenis. Item praebenda Joannis Kaltysen in altari beatae Agnetis virginis pro decem et octo florenis. Item praebenda Hugonis Remling's Urkundenbuch. II. 4 Fiess in summo altari pro viginti duobus florenis. Item praebenda Heinrici Steinhuser in altari decem millium martyrum pro sex florenis. Item praebenda Heinrici Wisse in altari sancti Jodoci in capella sancti Martini pro decem florenis. Item praebenda Heinrici Wiesensteige in altari beatorum Simonis et Judae in cripta pro octo florenis. Item praebenda Fritzonis Dumnecke in altari sancti Jodoci in capella sancti Martini pro decem et octo florenis. Item praebenda Ulrici Hoselin in altari beatae Annae in gradibus pro decem et octo florenis. Item praebenda Michaelis de Lustat in altari sancti Gregorii pro viginti quinque florenis. Item praebenda Heinrici Durlach in altari sancti Cyriaci pro triginta quatuor florenis. Item praebenda plebani sanctae crucis pro quadraginta florenis. Item praebenda Joannis Dielonis de Crutzenacho quartarii pro viginti sex florenis. Item praebenda Tielmanni Gudensperg quartarii pro viginti sex florenis. Sequuntur praebendae in choro domini decani. Primo praebenda Joannis Boching in altari beati Bartholomaei in cripta taxata est pro quadraginta duobus florenis. Item praebenda Berlini Gauwer in altari sancti Andreae in cripta pro sedecim florenis. Item praebenda Alberti de Portzheim Martinensis pro triginta duobus florenis. Item praebenda Nicolai Jordani Martinensis pro triginta duobus florenis. Item praebenda Nicolai Schwechenheimer Laurentiani pro quadraginta florenis. Item praebenda Joannis Grossnuss in altari sanctae Afrae pro octo florenis. Item praebenda Heinrici Oleatoris in altari beatorum Simonis et Judae in cripta pro decem et novem florenis. Item praebenda Heinrici Gallander in altari sancti Galli in cripta pro quindecim florenis. Item praebenda Conradi Gauwer in altari sancti Heinrici pro quatuor florenis. Item praebenda Arnoldi Lynden in altari capellae sancti Pauli pro decem et novem florenis. Item praebenda Wilhelmi Weyse in altari sancti Petri in cripta pro viginti quinque florenis. Item praebenda Conradi Kalp in altari sancti Andreae in cripta pro decem et septem florenis. Item praebenda Joannis Duden in altari sancti Andreae in cripta pro decem et septem florenis. Item praebenda Joannis dicti Wyshan in altari sancti Stephani pro octo florenis. Item praebenda Petri Sobernheim in altari sancti Bartholomaei in cripta pro novem florenis. Item praebenda Heinrici Holtzgeringe in altari sancti Aegidii in cripta pro viginti florenis. Item praebenda Joannis Rockenhusen in altari beati Bartholomaei in cripta pro duodecim florenis. Item praebenda Conradi Heilprunne in altari beatae Barbarae virginis pro quatuordecim florenis. Item praebenda magistri Wernberi de Durlaco in altari beatae Annae in gradibus pro quinquaginta quatuor florenis. Item praebenda Joannis Robin in altari beatae Agnetis virginis pro tribus florenis. Item praebenda Adae Herwici in altari sancti Blasii in choro beatae Katharinae virginis pro novem florenis. Item praebenda Heinrici Edelknecht in summo altari pro tredecim florenis. Item praebenda Conradi Ypocras in altari sancti Jacobi in cripta pro viginti florenis. Item praebenda Stephani de Vineis in altari sancti Heinrici pro octo florenis. Item praebenda Joannis Wolfelini in altari beatae Barbarae pro octo florenis. Item praebenda Joannis Bretheim in altari beatae Agnetis virginis pro novem florenis. Item praebenda Joannis Altspach in altari beatae Annae in gradibus pro decem et octo florenis. Item praebenda Joannis Dorre in altari sancti Jodoci in capella sancti Martini pro tredecim florenis. Item praebenda Thomae Paschatis in altari beatae Mariae Magdalenae pro viginti florenis. Item praebenda Eberhardi de Schriessheim in altari sancti Germani pro quinquaginta quatuor florenis. Item praebenda Joannis Colini in altari sancti Gregorii pro viginti quinque florenis. Item praebenda Heinrici Crone in altari beatae Mariae Magdalenae pro triginta uno florenis. Item praebenda Nicolai Rotmeler in altari beatae Barbarae virginis pro viginti quatuor florenis. Item praebenda Joannis Fritzonis quartarii pro viginti sex florenis. Item praebenda Joannis Grumbach quartarii pro viginti sex florenis. Et ut praemissa rata permaneant et inviolata perpetuo conserventur et ut robur et firmitatem obtineant omnibus modis, forma et conditionibus, quibus ex nunc vel in futurum melius valere poterunt et debebunt, sigillum capituli nostri praesentibus est appensum. Datum anno Domini millesimo quadringentesimo sexto, crastino assumptionis beatae Mariae virginis gloriosae. 18. Raban bischof zu Speyer bestätiget die ächtheit sechs urkunden über das allodialgut Affolterloch bei Waldsee. 1406. Rabanus Dei gratia Spirensis episcopus. Sciant cuncti, quod nos literas huic cartae insertas vidimus et inspici fecimus nulla parte suspectas: In nomine sanctę et individuę Trini |