Sayfadaki görseller
PDF
ePub

DOCUMENTUM LIH

EX ARCHIVIO CAPITULI PATAVINI

Anno MCCCCXCIII. 13 Januarii.

Augustinus Barbadico Dei gratia Dux: Venetiarum etc. Nobilibus, et Sapien tibus Viris Marino Venerio de suo mandato Potestati, et Marino Leono Capitaneo Padux fidelibus, dilectis salutem, et dilectionis affectum. Fuerunt coram Nobis venerabilis D. Archipresbyter, et complures Canonici Patavini exponentes in Ecclesia Cathedrali Patavina non se reperiri nisi novem Canonici ad residentiam cum reliqui usque ad numerum viginti quatuor sint extra in Commendam, et ex centum et pluribus Beneficiis existentibus in dicta Ecclesia quadraginta non faciunt residentiam cum totali desolatione illius Ecclesiæ, super quo petierunt per Nos opportune provideri debere: ut Ecclesia ipsa remanere possit continuis temporibus bene munita de residentibus: et vacantibus Canonicatibus. Canonici facere possint optiones suas juxta formam privilegiorum suorum prout novissime fecerunt per obitum D. Francisci Basilio olim Canonici Patavini, qui obiit in mense Decembris elapsi, mensis ordinarii Capituli, cujus loco elegerunt Venerabilem D. Franciscum Querino, ut de collatione constare asseritur publico instrumento. Et quoniam providere intendimus per viam Romana Curiæ confirmationi indultorum Capituli prædicti volumus, et Vobis jubemus, ut non permittatis aliquo pacto aliquam, novitatem fieri de dicto Canonicatu contra electionem, sive collationem prædictam, donec aliud vobis scribamus in hac ma teria, et de executione præsentis nostri mandati literis vestris dabitis nobis notitiam.

Data in nostro Ducali Palatio die 13 Januarii Indictione XII 1493.

DOCUMENTUM

LIV.

EX LIBRO PRIVILEGIORUM CAPITULI PATAVINI

Anno MCCCCXCVI. 18 Maii.

Alexander Episcopus servus servorum Dei ad perpetuam rei memoriam. Decorem Domus Dei ex commisso Nobis desuper Apostolicæ servitutis officio intensis desiderantes affectibus, votis ad id tendentibus promptum et favorabilem præbemus assensum, ac ad illos dexteram no tre liberalitatis extendimus, quos ad id grata devotionis obsequia Nobis et Apostolicæ Sedi impensa, ac alia propria eorum virtutem merita multipliciter recommendant. Sane pro parte Dilecti filii Magistri Nicolai Maripetri Clerici Venetiarum Decretorum Doctoris Notarii nostri Nobis nuper exhibita petitio continebat, quod licet alias, ut asseritur, dum Archidiaconatus in Ecclesia Paduana ordinaria Auctoritate erectus extitit inter tunc Episcopum, et dilectos filios Capitulum dictæ Ecclesiæ de erigendo in dicta Ecclesia unum Primiceriatum, qui inibi Dignitas, non tamen major post Pontificalem existeret, sermo habitus fuerit, nondum tamen dictus Primiceriatus in ipsa Ecclesia erectus extitit. Verum si in dicta Ecclesia erigeretur unus Primiceriatus, qui inibi Dignitas, non tamen post Pontificalem major existeret pro uno Primicerio, qui inibi stallum in Choro, et locum, ac vocem in Capitulo ejusdem Ecclesiæ, et alibi post Thesaurarium habeat, ac illi sic erecto pro ejus dote Ecclesia, sive cura Prioratus nuncupata S. Petri della Volta Diœcesis Clusiensis, quam ipse Nicolaus obtinet perpetuo uniretur, annectetur, et incorporetur profecto ex hoc ipsa Ecclesia, quæ inter alias Italiæ Cathedrales Ecclesias notabilis et insignis existit Ministrorum numerus, et divinus Cultus ad laudem Dei, et ipsius Ecclesiæ decorem susciperet incrementum. Quare pro parte ipsius Nicolai asserentis fructus, redditus, et proventus ipsius Ecclesia S. Petri centum et quinquaginta Ducatorum auri de Camera secundum æstimaTionem valorem annuum non excedere, et dictan Ecclesiam S. Petri a Diœcesi Paduana ultra mediam dictam vel circa non distare. Nobis fuit humiliter sup plicatum ut in dicta Ecclesia Paduana Primiceriatum predictum erigere, ac illi sic erecto dictam Ecclesiam S. Petri pro ejus dote perpetuo unire, anectere et incorporare, aliasque in premissis opportune providere de benignitate Apostolica dignaremur.

Nos igitur qui dudum inter alia volumus, quod semper in unionibus commisio fieret ad partes vocatis, quorum interest, quique divinum Cultum ubique vigere, et augeri nostris potissimum temporibus supernis desideremus affectibus:

eidem Nicolao, qui, ut asserit, dilecti filii nostri Ascanii Mariæ S. Viti in Macello Martyrum Diaconi Cardinalis S. R. E. Vice-cancellarii familiaris continuus commensalis existit ob grata devotionis obsequia, quæ Nobis, et dicte Sedi hactenus impendit, et adhuc sollicitis studiis impendere non desistit, nect non literarum scientiam, vite ac morum honestatem, aliaque laudabilia probitatis et virtutum merita, quibus personam suam, et fide dignorum testimomiis juvari percepimus specialem gratiam facere volentes, ipsumque Nicolaum a quibuscumque excommunicationis, suspensionis, et interdicti, aliisque Eccle siasticis sententiis, censuris, et penis a jure, vel ab homine, quavis occasione vel causa latis, si quibus quomodolibet innodatus existit, ad effectum presentium dumtaxat consequendum harum serie absolventes, et absolutum fore censentes. nec non omnia alia et singula beneficia Ecclesiastica cum cura, et sine cura quæ dictus Nicolaus et ex quibusvis Apostolicis dipensationibus obtinet et expectat : ac in quibus et ad quæ jus sibi quomodolibet competit quecumque, quodcumque et qualicumque sit eorum, que fructuum, reddituum, et proventuum veros, annuos valores, ac hujusmodi dispensationem tenore presentium pro expressis habentes: hujusmodi supplicationibus inclinati in dicta Ecclesia Paduana unum Primiceriatum, qui inibi Dignitas, non tamen major post Pontificalem existat pro uno Primicerio, qui stallum in Choro, et locum ac vocem in Capitulo dictæ Ecclesiæ Paduanæ, ac in processionibus, et alibi ubicumque post Thesaurarium, et ante Canonicos ejusdem Ecclesix Paduanæ habeat, ac ejusdem privi legiis, immunitatibus, exemptionibus, et indultis, quibus Archidiaconus et Thesaurarius, et alii in dicta Ecclesia Paduana dignitates obtinentes, ac aliarum Cathedralium Ecclesiarum Primicerii de jure, vel consuetudine utantur, potiuntur, et gaudent; seu uti, potiri, et gaudere quomodolibet in futurum uti, potire, et gaudere possit. Ita tamen quod dictus Nicolaus et pro tempore existens Primicerius ejusdem Ecclesiæ Paduane ratione dicti Primiceriatus distributiones quotidianas non percipiat, donec Capitulo prefatis de equivalenti redditu annuo pro hujusmodi distributionibus percipiendis provisum fuerit auctoritate ApostoJica tenore presentium, alias. sine alicujus præjudicio erigimus, ac illi sic creato pro ejus, dote dictam Ecclesiam S. Petri, que sine cura est cum omnibus juribus. ac pertinentiis suis eadem auctoritate perpetuo unimus, annectimus, et incorporamus, ac Primiceriatum predictum, cujus nisi propter unionem hujusmodi Ecclesie S. Petri prædictæ fructus nulli sunt, sic a primeva ejus creatione vacantem, et dispositioni Apostolice pro eo quod Nos dudum omnes Dignitates apud dictam Sedem tunc vacantes et in antea vacaturas collationi et dispositioni nostre reservavimus ac decrevimus ex tunc irritum et inane, si secus super his A quoquam quavis auctoritate scienter vel ignoranter contigeret attemptari re

servatum. Cum annexa hujusmodi ac omnibus juribus et pertinentiis suis eidem Nicolao auctoritate, et tenoré premissorum conferimus, et de illo etiam provi➡ demus. Et nihilominus Venerabilibus fratribus nostris Archiepiscopo Spalatensi, er Episcopo Pennensi, et dilecto filio Archidiacono Ecclesie Veronensi per Apostolica Scripta mandamus, quatenus ipsi vel duo, aut unus corum per se vel alíum, seu alios eumdem Nicolaum vel. procuratorem suum ejus nomine in corporalem possessionem Primiceriatus et Ecclesie S. Petri annex: juriumque et pertinentiarum predictorum inducant auctoritate nostra, et defendant etc.

Omissis.

Datum Romæ apud S. Petrum Anno Incarnationis Dominicæ 1496. XV. Kal. Junii. Pontificatus nostri anno IV.

[blocks in formation]

1499. Indictione secunda die Ven. 7 Junii de man. In majori Sacristia Cathedralis Ecclesiæ Paduæ.

Convocatis et congregatis in Sacristia majori Cathedralis Ecclesiæ Paduane coram Rev. in Christo Patre, et præclaro Artium juris pontificii et sacræ paginæ doctore Domino Leonardo Contareno Rev. in Christo Patris ac D. D. Petri Baroccii Dei et Apostolicæ Sedis Gratia Episcopi Paduani, et Comitis Saccensis dignissimo Vicario in spiritualibus generali, omnibus et singulis benefi¬ ciatis in dicta Cathedrali Ecclesia infranotatis, præfatus Reverendus D. Vicarius, facta prius honesta, et caritativa monitione de bene, et honeste vivendo, de conveniente et honesta divinorum officiorum administratione: statuit, ordinavit, ac mandavit ut infra.

Et primo quod deinceps divinum officium tam diurnum, quam nocturnum cantetur, et celebretur magis temperate, et morose, punctando in medio cujus, libet versus, et quod non incipiantur unus versus nisi finito alio.

Item quod servetur continuum silentium donec cantantur officia, et omnes stent in locis suis sedendo, et stando temporibus congruis: et quando cantantur

ea, quæ cantantur super antiphonariis vel gradualibus, maxime ea quæ non sunt in visu omnes accedant ad medium Chori, ut ibi cantent cum aliis, et finito cantu revertantur singuli ad loca sua, et nullo pacto aliquis remaneat in medio Chori, nisi is, cui competit ex officio reperire ea, quæ secuntur ad cantandum.

Item quod omnes debeant obedire Magistris Chori in his, quæ pertinent ad divinum officium, et nullus præsumat aliquid facere, quod sibi non competat, et officio suo, nisi ex præscripto dictorum magistrorum in defectu aliorum. Et hæc omnia debent observari, sub pœna amissionis lucri totius unius diei de residentia sua Canipetæ et tantumdem. Quæ omnia applicentur Canipetæ.

Item quod nullus debeat exire Chorum, durantibus dictis officiis sub pœna eadem, nisi pro celebratione Missarum, et pro administratione sacramentorum, et aliis pertinentibus ad divinum Cultum, ad curam animarum, et cum licentia Domini Archipresbyteri, vel præsidentis. Et hoc intelligatur cum hac conditione, videlicet quod non debeat quis exire Chorum, incepto officio, nisi finiatur intelligendo de qualibet horarum particulari. Nam si quis, finita aliqua horarum vult exire Ecclesiam pro negotiis suis, 'non amittat ea, quæ lucratus fuerit in horis, in quibus interfuit.

Item quod nullus audeat in Ecclesia vel extra eam nominare aliquem aliter, quam suo nomine proprio, neque aliter perturbare divinum officium sub pœna librarum quinque pro quaque vice: quæ pœna applicetur Canipetæ pro dimidia, et pro dimidia accusanti. Et in hoc stetur juramento injuriam passi, et alterius Sacerdotis ad arbitrium ipsius Domini Vicarii.

Item si quis erraverit in aliquo supradictorum ultra tres vices in uno mense, quem ex hoc videatur quasi incorrigibilis, ultra pœnam supradictam amissionis residentiæ, ut supra dictum est, condemnetur in aliis libris quinque dividendis ut supra.

Itemque in omnibus processionibus, quæ fiunt et in Ecclesia, et extra Ecclesiam tam in solemnitatibus, quam pro sepeliendis corporibus mortuorum, omnes incedant bini et terni; cum silentio et cantando prout mandaverint Magistri Chori, et omnes debeant redire ad Ecclesiam cum Cruce. Excepto illo, cui ex officio competit dividere funeralia, qui exuta cotta remaneat cum uno vel duobus sub pœna amissionis lucri. Et Magistri Chori, vel ii, quibus officium competit non dent eleemosinam, neque punctent aliquem, nisi finita processione. Et pro pleniori observantia omnium prædictorum prædictus D. Vicarius mandavit prædictis Magistri Chori in virtute sanctæ obedientiæ, ut omnia et singula suprascripta faciant, quantum in ipsis est, diligenter observari. Et si contrafecerint non puniendo delinquentes quoad supradicta, quilibet ipsorum

« ÖncekiDevam »