quidem schedula, sic ut praemittitur, per praefatum Dominum Theodericum Ebbracht alta et intelligibili voce publice lecta, Inclitissimi et Excellentissimi Domini Romanorum Regis Oratores praefati nomine ipsius Domini Regis, ac pro eo, et tota Alamania, cunctisque suis Principibus, et subditis ecclesiasticis et saecularibus cuiuscumque Status, Gradus, conditionis seu praeeminentiae fuerint; deinde Archiepiscopus Moguntinensis, pro se, Ecclesia, et cunctis Comprovincialibus, et Clero suis, ac Illustrissimo Principe et Domino Domino Friderico, Marchione Brandenburgensi, sacri Imperii Archicamerario, Principe Electore, et Burggravio Nurembergensi, cuius ad hoc se speciale babere mandatum asseruit; Dominus Archiepiscopus Coloniensis pro se ac Ecclesia sua, Domini vero Archiepiscopi Trevirensis pro ipso ac Ecclesia Trevirensi, et Clero suis; dehinc Dominorum Salzburgensis et Magdeburgensis Archiepiscoporum Oratores, Ambassiatores et Procuratores supra nominati pro eisdem Dominis ac Ecclesiis, provinciis et Clero suis, iuxta praeinsertae schedulae capitulorum continentiam et tenorem praefati sacri Basileensis Concilii Decreta solemniter acceptarunt, et quilibet eorum sigillatim expresse acceptavit, salvis tamen in quibusdam ex eis modificationibus, declarationibus et limitationibus ipsis, et Germanicae nationi et cuilibet eorum singulariter in suis provinciis, dioecesibus seu territoriis congruentibus et accommodis factis et fiendis suis loco et tempore opportunis exprimendis et per dictum sacrum Basileense Concilium, prout sperant, decretandis; demum vero Georgius Fischlin et Theodericus Ebbracht, Oratores ante dicti, dixerunt, se fuisse rogatos per Reverendum Patrem Dominum Dominum Ioannem, Episcopum Lubicensem, praedicti Invictissimi Romanorum Regis etiam Oratorem, cum ipse hac vice propter suae personae distemperantiam hic personaliter adesse nequiret, quatenus ipsi ex parte Reverendissimi Patris et Domini Domini Balduwini, Archiepiscopi Bremensis, Metropolitani sui, cuius ad hoc speciale mandatum se habere asseruit, huiusmodi Decreta nomine eiusdem Domini Archiepiscopi et Suffraganeorum suorum cum aliis Principibus et Praelatis acceptare, et de ratihabendo cautionem praestare deberent, et sic mox iidem Domini Georgius Fischlin et Theodericus Ebbracht huiusmodi Decreta nomine, quo supra, iuxta dictae

schedulae capitulorum formam et tenorem superius recitatorum acceptarunt, et quilibet eorum acceptavit, addicentes, quod praefatus Reverendus Pater Dominus Episcopus Lubicensis, actum huiusmodi acceptationis coram nobis aut aliquibus ex nobis Notariis infra scriptis paratus esset reiterare, et ad cautelam renovare: super quibus omnibus et singulis praemissis saepefati Reverendissimi, Reverendique Patres, Illustrissimi Principes, ac Venerabiles Magistri, Doctores et Oratores sibi et ipsorum cuilibet a nobis Notariis infra scriptis et quolibet nostrum petierunt, et quilibet eorum petiit unum vel plura publicum seu publica fieri et confici, tot, quot fuerint necessaria, Instrumentum et Instrumenta. Acta fuerunt haec Moguntiae in stuba capitulari maioris ecclesiae Moguntinensis sub anno, indictione, die, mense, hora, et Pontificatu, quibus supra, praefato Domino nostro Invictissimo Romanorum etc. Rege feliciter regnante, praesentibus ibidem Reverendis Patribus ac Venerabilibus et Egregiis Viris Dominis et Magistris, Petro Echter, Decano, Petro Udenheim, Scholastico, et Conrado Rube, Seniore, et Richardo de Cleen, Canonicis Moguntinensibus, Wernhero de Seyne, Comite in Wittigenstein S. Gereonis, Christiano de Erpel, B. Mariae ad Gradus, Henrico de Erpel, S. Severini, loanne de Creyfeld, S. Apostolorum Coloniensis Praepositis, et Lamberto von dem Langen Hofe, S. Andreae Coloniensis, et Ioanne Christiano, S. Crucis Hildesheimensis Decanis Ecclesiarum, Ioanne de Spull, Ioanne de Lins, et Henrico Leuburg, Alberto Schenck de Lympurg, Henrico de Sanctis, Tilmanno Ziegler, et Hermanno Rosenberg, Decretorum et Legum, utriusque Iuris Doctoribus et Licentiatis, pluribusque aliis Venerabilibus Viris tam religiosis, quam saecularibus, Clericis et personis, testibus ad praemissa vocatis specialiter et rogatis, deinde eisdem anno, indictione, mense et Pontificatu, quibus supra, die verò Sabbathi vicesima octava mensis Martii praedicti, hora Vesperorum vel quasi, praelibatus Reverendus in Christo Pater et Dominus Ioannes, Episcopus Lubicensis, antedictique Gloriosissimi Romanorum Regis Ambassiator, in nostrum Notariorum publicorum testiumque infra scriptorum, ad hoc specialiter vocatorum et rogatorum, praesentia personaliter constitutus, supra memoratum actum acceptationis Decretorum, sic, ut praemittitur, insertorum per

praelibatos Dominos Georgium Fischlin et Theodericum Ebbracht, Oratores nomine eius praenominato Gloriosissimo ac Serenissimo Romanorum Rege, Domino suo, ac praenarrato, Reverendissimo Patre et Domino Domino Balduino, Archiepiscopo Bremensi, Metropolitano suo, cuius ad hoc speciale mandatum se habere asseruit, factum reiteravit, rectificavit, et ad cautelam renovavit. Super quibus praemissis idem Reverendus Pater Dominus Episcopus Lubicensis unum vel plura publicum seu publica sibi a nobis Notariis, infra scriptis, et quolibet nostrum fieri atque confici petiit Instrumentum et Instrumenta. Acta fuerunt haec Moguntiae in Domo habitationis dicti Reverendi Patris Domini Episcopi, Lubicensis, praesentibus ibidem Honorabilibus et Discretis Viris loanne Kogenfuger, Canonico Ecclesiae Utinensis, loanne Genstendorffer, Notario Reverendi Patris Domini Episcopi Pataviensis antedicti, Theoderico Richard et Henrico Vereg, Clericis Myndensis et Verdensis dioecesis, testium ad praemissa vocatorum specialiter et rogatorum.

(S. N.) Et ego Hermannus Butenweg, Clericus Paterburnensis dioecesis publicus imperiali auctoritate Notarius, quia supra dictae schedulae lectioni, publicationi et Decretorum acceptationi, omnibusque aliis et singulis praemissis, dum sic, ut praemittitur, per Reverendissimos Reverendosque Patres Dominos Archiepiscopos, et Episcopos, ac Venerabiles et Circumspectos Viros, Praelatos, Doctores, Ambassiatores, Oratores et Procuratores praenominatos fierent et agerentur, una cum praenarratis testibus praesens interfui, eaque omnia et singula sic fieri vidi et audivi, ideo praesens publicum Instrumentum per alium, me aliis occupato negotiis, fideliter scriptum una cum. Connotariis meis subscriptum, exinde confeci, subscripsi, publicavi, et in hanc publicam formam redegi, signoque et nomine meis solitis et consuetis signavi, rogatus et requisitus in fidem et testimonium omnium et singulorum praemissorum.

(S. N.) Et ego Ioannes Bracht, Clericus Monasteriensis, publicus imperiali auctoritate Notarius, quia supra dictae schedulae lectioni, publicationi et Decretorum acceptationi, omnibusque aliis et singulis praemissis, dum sic, ut praemittitur, per Reverendissimos Reverendosque Patres Dominos Archiepiscopos, et Episcopos, ac Venerabiles et Circumspectos Viros, Praelatos, Docto

res, Ambassiatores, Oratores et Procuratores praenominatos agerentur et fierent, una cum praenarratis testibus praesens interfui, eaque omnia et singula sic fieri vidi et audivi, ideo praesens publicum Instrumentum per alium, me aliis occupato negotiis, fideliter scriptum, una cum Connotariis meis, supra scriptis et infra scriptis, exinde confeci, subscripsi, publicavi, et in hanc publicam formam redegi, signoque et nomine meis solitis et consuetis signavi, rogatus et requisitus in fidem et testimonium omnium et singulorum praemissorum.

(S. N.) Et ego Ioannes Rumelfels de Vorchheim, Clericus Bambergensis dioecesis, publicus imperiali auctoritate Notarius, S. Moguntinensis Sedis causarum scriba iuratus, quia supra dictae schedulae lectioni, publicationi et Decretorum acceptationi, omnibusque aliis et singulis praemissis, dum sic, ut praemittitur, per Reverendissimos Reverendosque Patres Dominos Archiepiscopos, et Episcopos ac Venerabiles ac Circumspectos Viros, Praelatos, Doctores, Ambassiatores, Oratores et Procuratores praenominatos agerentur, et fierent, una cum praenarratis testibus praesens interfui, eaque omnia et singula sic fieri vidi, et audivi, ideo praesens publicum Instrumentum per alium, me aliis occupato negotiis, fideliter scriptum una cum Connotariis meis supra scriplis exinde confeci, subscripsi, publicavi, et in hanc publicam formam redegi, signoque et nomine meis solitis et consuetis signavi, rogatus et requisitus in fidem et testimonium omnium et singulorum praemissorum.

IV.

Bulla Eugenii IV. de restitutione Iacobi, Treverensis, et Theoderici, Coloniensis Archiepiscopi.

Non. Febr. MCCCCXLVII.

Ad futuram rei memoriam.

Ad ea, quae ad reductionem subditorum omnium, pacem et tranquillitatem Fidelium spectant, dirigentes aciem mentis nostrae illa libenter agimus, ut Sedis Apostolicae benignitas latius diffun

datur. Sane Carissimus in Christo Filius, Fridericus, Rex Romanorum Illustris, ac Venerabilis Frater noster, Archiepiscopus Moguntinus, et Dilectus Filius, Nobilis Vir, Fridericus, Marchio Brandenburgensis, sacri Imperii Electores, aliique nonnulli Praelati et Principes nationis Germanicae pro bono pacis et concordiae, et ad tollenda scandala nationis praefatae nobis humiliter supplicarunt, prout in capitulo, praesentibus de verbo ad verbum inserto, continetur, sequitur et est talis: Item omnia et singula per ipsum Dominum Eugenium, Papam, durante animorum suspensione praedicta contra et adversus Reverendissimos in Christo Patres, Dominos Iacobum, Treverensem, et Theodericum, Coloniensem Archiepiscopos, sacri Romani Imperii Principes Electores, eorumque Ecclesias, Iura et Dominia, ex causa neutralitatis, vel alia quacumque causa innovata, volentibus ipsis in declaratione, pro ipso Domino Eugenio facienda, cum regia Maiestate, et aliis Principibus Electoribus concurrere, revocabit, cassabit et annullabit, ac eos per suas literas cum Ecclesiis, Dominiis ac Iuribus huiusmodi in pristinum statum reponet in forma necessaria et opportuna." Nos igitur sperantes, quod hoc cedet ad statum Ecclesiae, pacem et tranquillitatem nationis praedictae, in praefatorum, Regis, Archiepiscopi, Marchionis, aliorumque Praelatorum et Principum hoc petentium complacentiam, tenore praesentium, promittimus bona fide, quod, quando ipsi olim Treverensis et Coloniensis Archiepiscopi, ad gremium Nostrum et Ecclesiae venientes, cum Regia Serenitate et aliis Electoribus praedictis in declaratione, pro Nobis facienda, ut praefertur, concurrerint, nobisque plenam et debitam obedientiam praebuerint, ac pro vero Iesu Christi Vicario recognoverint, ipsos ad praedictas Ecclesias, absque ulla exceptione aut oppositione restituemus, ac in pristinum statum reponemus, iuxta tenorem capituli superius descripti. Nulli ergo etc. Dat. Romae apud S. Petrum anno Incarnationis dominicae MCCCCXLVII. Non. Februarii, Pontificatus Nostri anno XVI.