MORALIS ET DOGMATICA REVERENDI ET ERUDITISSIMI DOMINI PETRI DENS, IN UNIVERSITATE LOVAN. S. THEOLOGIÆ LICENTIATI, ECCLESIÆ ME- EDITIO NOVA, ET ABSOLUTISSIMA, QUIPPE CUI NUNC PRIMUM ACCEDUNT EPITOME EX OPERIBUS BENEDICTI XIV. NECNON ET VARIE SUMMORUM PONTIFICUM, PRÆSERTIM VEBO EJUSDEM PONTIFICIS CONSTITUTIONES, LITERÆ ENCYCLICÆ, ETC. TOMUS V. COMPLECTENS TRACTATUS DE INCARNATIONE, DE SACRAMENTIS IN GENERE, DE BAPTISMO, DUBLINII: EX TYP. RICHARDI COYNE, IN VIA VULGO DICTA CAPEL-STREET; TYPOG. ET MDCCCXXXII. PROEMIUM. ORDITUR S. Thomas tertiam partem à Mysterio Incarnationis Filii Dei, quod tam verè atque Catholicè, tam intelligibiliter, quantùm homini licuit, exposuit Doctor Angelicus, ut ter, dum huic Operi incumberet, à Christo Domino meruerit approbari: Bene scripsisti de me, Thoma. De admirabili illa unione et nexu Verbi Divini cum natura humana, et de proprietatibus inde consequentibus, disputat S. Doctor à quæstione prima usque ad vigesimam septimam; ab hac autem usque ad quadragesimam proponit et explicat ea, quæ spectant ad adventum et ingressum Christi in hunc mundum. Exinde usque ad quæstionem quadragesimam sextam prosequitur multa, quæ concernunt progressum vitæ ejus in hoc mundo; ab illa autem usque ad sexagesimam tractat de exitu et morte Salvatoris nostri, et de Exaltatione ejus, quæ deinceps fuit subsecuta. Hunc ordinem S. Thomæ sequimur: et hunc Tractatum compendiosè trademus, in quantùm scilicet utilis est et necessarius, tum ad evitandos errores, qui frequentissimi fuerunt contra hoc Mysterium, tum etiam ad Populi instructionem ritè instituendam. A |