ENTERED, according to the Act of Congress, in the year one thousand eight hundred and fifty-three, by JoHN MURPHY & Co., in the Clerk's Office of the District Court of Maryland. TYPIS JOANNIS MURPHY ET SOCIORUM. ACTA ET DECRETA CONCILII PLENARII Totius America Septentrionalis Fœderatæ, BALTIMORI HABITI ANNO 1852, PRÆSIDENTE ILLUSTRISSIMO ET REVERENDISSIMO ARCHIEPISCOPO BALTIMORENSI, BREVE APOSTOLICUM QUO REVERENDISSIMUS D. ARCHIEPISCOPUS BALTIMORENSIS HUJUS CONCILII PLENARII PRÆSES CONSTITUITUR. PIUS PP. IX. Venerabili Fratri FRANCISCO PATRITIO KENRICK, Archiepiscopo Baltimorensi. ENERABILIS Frater, salutem et Apostolicam benedictionem. In Apostolicæ Sedis fastigio, Deo sic volente, collocati, quæ ad rectam disciplinæ rationem in Ecclesia statuendam, tuendamque pertineant, illa ex Apostolici nostri muneris officio banda ac promovenda censemus. Quum igitur VV. FF. Antistites Foderatorum Statuum America Sep pro tentrionalis a nobis petierint, ut plenarium haberi possit Concilium ex omnibus regionis illius Episcopis, ea potissimum de causa, ut collatis consiliis proponantur quæ ad disciplinæ uniformitatem servandam opportuna esse possint, nos communibus eorumdem Antistitum votis adnuendum duximus, ac de consilio VV. FF. NN. S. E. R. Cardinalium propaganda Fidei præpositorum, te in Delegatum Apostolicum eligendum existimavimus, ut Concilio eidem præsis, quippe quod de singulari tua in Ecclesiasticis disciplinis peritia, Catholicæ fidei zelo, et obsequio erga Apostolicam Sedem præclara habemus argumenta. Te igitur, quem ob eadem illustria merita ab Episcopali Sede Philadelphiensi ad Archiepiscopalem Ecclesiam Baltimorensem per similes nostras Apostolicas litteras hoc ipso die datas transtulimus, in Delegatum Apostolicum eligimus, constituimus et renuntiamus ad præsidendum memorato plenario Concilio cum omnibus et singulis facultatibus necessariis et opportunis, juxta instructiones per Congregationem propagandæ Fidei tibi transmittendas, potissimum vero ut Acta ac Decreta ad Sedem Apostolicam mittenda cures, quatenus judicium de iis proferri valeat, ac si visum fuerit, comprobentur. Hoc decernimus et mandamus, non obstantibus Apostolicis, atque in Universalibus, Provincialibusque, et Synodalibus Conciliis editis generalibus vel specialibus Constitutionibus et Ordinationibus, ceterisque contrariis quibuscumque. Datum Romæ apud S. Petrum sub annulo Piscatoris, die XIX Augusti, MDCCCLI, Pontificatus nostri anno sexto. A. CARD. LAMBRUSCHINI. |