et ordinaciones de et super regimine gubernacione ac statu ipsius nostri collegii et personarum ejusdem eisdemque regulis ordinacionibus et statutis addendi et diminuendi ipsaque omnia et singula in parte vel in toto mutandi interpretandi et etiam declarandi nobis dumtaxat potestatem plenam et liberam reser

vamus.

In quorum omnium testimonium atque fidem presentes literas nostras per notarium publicum infrascriptum scribi et publicari mandavimus nostrique sigilli appensione fecimus communi. Dat. et act. in capella infra manerium nostrum de Suthwerk nostre Wyntoniensi diocesi anno ab Incarnacione domini secundum computacionem ecclesie anglicane millesimo trescentesimo octogesimosecundo Indiccione sexta pontificatus sanctissimi in Christo patris et domini nostri domini Urbani divina providencia pape sexti anno quinto mensis Octobris die vicesima anno regni Regis Ricardi secundi post conquestum sexto et nostre consecrationis anno sexto decimo: presentibus venerabilibus et discretis viris magistris Johanne de Bloxham Archidiacono Wynton., Johanne de Bukyngham Eboracen., Johanne de Lydford Exoniens., et Johanne de Campeden Suthwerkens. ecclesiarum canonicis et aliis testibus ad premissa vocatis specialiter et rogatis.

Et ego Johannes Ware clericus London. dioc. publicus auctoritate apostolica notarius supradicti collegii septuaginta pauperum scolarium clericorum prope civitatem Wynton. in grammaticalibus studere debencium institucioni ac fundacioni prefeccioni nominacioni concessioni confirmacioni et reservacioni ceterisque omnibus et singulis que per dictum Reverendum patrem dominum Willelmum dei gracia episcopum Wynton. Anno domini Indiccione pontificatu mense die et loco superius recitatis agebantur et fiebant una cum prenominatis testibus personaliter presens interfui eaque omnia sic fieri vidi et audivi ac de mandato dicti Reverendi patris per alium scribi feci publicavi et in hanc publicam formam redigendo presentes quoque literas meis nomine et signo solitis

et consuetis signavi rogatus et requisitus in fidem et testimonium omnium premissorum. Et constat etiam michi notario predicto de rasura illius verbi "numero" in sextadecima linea presentis instrumenti a capite ejusdem computando; quam rasuram approbo ego notarius supradictus.

Et ego Johannes dictus de Swaffham clericus Norwic. dioc. publicus auctoritate apostolica notarius prefati collegii septuaginta clericorum scolarium prope civitatem Wynton. in grammaticalibus studere debencium institucioni ac ac fundacioni ejusdemque custodis predicti prefeccioni et nominacioni concessioni confirmacioni ac reservacioni ceterisque omnibus et singulis que per dictum reverendum patrem dominum Willelmum de Wykeham dei gracia Episcopum Wynton. Anno domini Indiccione Pontificatu mense die et loco superius recitatis agebantur et fiebant et dum ipsa sic ut superscribuntur agerentur et fierent una cum discretis viris magistro Johanne Ware notario publico et et testibus prenominatis personaliter presens interfui eaque omnia et singula sic fieri vidi et audivi ac signum meum me pariter subscribendo presentibus apposui consuetum per dictum reverendum patrem requisitus in fidem et testimonium premissorum. Et constat michi notario antedicto de rasura in verbo "numero" in sextadecima linea istius instrumenti ab ipsius caput computando, quam rasuram approbo ego notarius supradictus.

VIII.

Confirmation of the Founder's Charter by the Prior and Convent of St. Swithun. Dated November 8, 1382.

UNIVERSIS sancte matris ecclesie filiis ad quos presentes litere nostre pervenerint frater Hugo miseracione divina Prior ecclesie cathedralis sancti Swithuni Wynton. et ejusdem loci conventus salutem in domino.

Inspeximus cartam venerabilis patris et domini domini Willielmi de Wykeham dei gracia Episcopi Wynton. cujus tenor sequitur in hec verba ;

"Universis sancte matris ecclesie filiis ad quos presentes litere nostre pervenerint Willelmus de Wykeham permissione divina Wynton. Episcopus salutem in Eo qui est omnium vera salus" (ut supra in carta precedenti).

Quam quidem cartam cum omnibus et singulis in eadem contentis pro nobis et successoribus nostris imperpetuum ratificamus approbamus concedimus et confirmamus per presentes. In quorum omnium testimonium presentibus sigillum nostrum commune apposuimus. Dat. Wynton. in domo nostra capitulari octavo die mensis Novembris anno domini millesimo trescentesimo octogesimo secundo anno vero Regis Ricardi Secundi post conquestum sexto.

Indenture between the Founder and the Prior and Convent of St. Swithun. The former gives hereditaments at West Meon in exchange for a portion of the site of the College, and the latter agree that a rent of 135. 4d. per annum, payable to the Bishop for the said portion of the site, shall thenceforward be charged on the hereditaments at West Meon. Dated June 15, 6 Ric. II. (A.D. 1383.)

PER presentas indentatas cartas inter venerabilem in Christo patrem ac dominum dominum Willelmum de Wykeham permissione divina Wynton. Episcopum ex una parte ac fratrem Hugonem de Basynge Priorem ecclesie cathedralis Sancti Swithuni Wynton. et ejusdem loci conventum ex parte altera. Factum omnibus innotescat quod cum idem Episcopus de licencia domini Regis nuper adquisierit sibi et successoribus suis imperpetuum de prefato priore et conventu unum mesuagium unam acram terre et dimidiam et tres acras prati in Soka Wynton. juxta civitatem Wynton. que quidem mesuagia terra et pratum cum pertinenciis jacent et extendunt se inter hospitale sororum ecclesie sancti Swithuni Wynton. vocatum Susterenespitele in Soka Wynton. et gardina et clausuras hominum et tenencium habitancium in vico de Kyngatestrete ex parte occidentali et gardinum et clausuram fratrum Carmelitarum habitancium in eodem vico ex parte australi ac quandam domum vocatam le Garite que sita est desuper viam regiam et

quandam semitam domini Prioris que ducit a dicta domo vocata le Garite ex parte orientali pro gressu dicti Prioris versus manerium suum de la Berton: et dicte tres acre prati fuerunt duo prata vocata Dumeresmede et Oterbornesmede de quo quidem prato vocato Dumeresmede tresdecim solidate et quatuor denarate redditus annuatim eidem Episcopo de jure sui Episcopatus ante predictam acquisicionem debebantur et decima prati predicti proposito capelle sancte Elizabethe juxta Wynton. pertinebat: Ac eciam adquisierit de eadem licencia. unum mesuagium cum pertinenciis in eadem Soka de Thoma Tannere de Soka Wynton. et unum mesuagium cum pertinenciis in eadem Soka de Thoma Lavyngton similiter sibi et successoribus suis imperpetuum : Et cum idem Episcopus similiter habuerit de suo proprio ut de jure sui episcopatus tria alia mesuagia cum pertinenciis in eadem Soka de quibus sex mesuagiis tresdecim solidate et una denarata redditus prefatis Priori et conventui distribuende, videlicet inter eos et diversos officiarios ejusdem prioratus scilicet elemosinarium coquinarium et infirmarium et alios hujusmodi officiarios secundum consuetudinem inter eos hactenus usitatam similiter particulande debebantur. In quibus quidem mesuagiis terra et pratis cum pertinenciis et super ea quoddam collegium sive aulam unius custodis et septuaginta pauperum scolarium studencium in grammatica idem Episcopus ordinavit et stabilivit et dicta mesuagia terram et prata cum pertinenciis per eandem licenciam eisdem custodi et scolaribus et successoribus suis pro mora et inhabitacione suis imperpetuum habenda dederit et assignaverit; tenenda de prefato Episcopo et successoribus suis in liberam puram et perpetuam elemosinam absque aliquo alicui inde reddendo imperpetuum ;

Et cum idem Episcopus nuper incluserit intra parcum suum de Farnham certa terras tenementa boscum et pasturam cum pertinenciis unde viginti solidate et sex denarate redditus dictis Priori et conventui prout antea debebantur:

Eo quia prefatus episcopus precipue situm mansionis col

E