XI.

Royal License to acquire Property of the sequestrated alien Priories to the value of 200 marks per annum. Dated June 16, 12 Ric. II. (A.D. 1389.)

RICARDUS Dei gracia Rex Anglie et Francie et dominus Hibernie Omnibus ad quos presentes litere pervenerint salutem. Sciatis quod cum venerabilis pater Willelmus de Wykeham Episcopus Wyntoniensis unum Collegium in Soka Wynton. juxta civitatem Wynton. vocatum "Seinte Marie College of Wynchestre" de quodam custode et septuaginta pauperibus scolaribus studencibus in grammatica de licencia nostra fundaverit perpetuis temporibus duraturum: Nos considerantes fructum multiplicem qui ex literarum sciencia ad Dei laudem et humane condicionis prosperitatem pervenit et accrescit ac pie devocionis affectum quem idem Episcopus ad gloriam et honorem nominis Crucifixi ac gloriosissime Virginis matris ejus sustentacionem et exaltacionem christiane fidei ecclesie Sancte Dei profectum cultus divini omniumque arcium liberalium scienciarum et facultatum augmentum, et presertim ad tocius ecclesie regnique nostri Anglie clerique ejusdem perpetuum fulcimentum in fundacione predicti collegii habere dinoscitur et merito comprobatur: ac sane nostris oculis intuentes quod pro salubri statu nostro ac carissime consortis nostre Anne Regine Angl. dum egerimus in humanis et pro animabus nostris cum ab hac luce migraverimus pro animabus quoque digne recolande memorie domini E. nuper regis Anglie avi nostri Philippe nuper Regine Anglie consortis sui et domini Edvardi eorum primogeniti patris nostri quorum memoria dignis in domino laudibus est omnibus seculis merito recolenda aliorumque progenitorum nostrorum in eodem col

legio ex speciali ordinacione ac statuto ipsius Episcopi et plura ordinum suffragia cotidie specialiter celebrantur et imperpetuum deo dante erunt celebrata: Attendentes preterea ejusdem Episcopi probitatis preclara merita ac obsequia fructuosa que ipse a juvenili etate tam avo et patri nostris predictis dum vixerant quam eciam nobis postquam ad regale fastigium ascendimus multipliciter impendebat ipsis et nobis in dicti regni et negociorum ejusdem operoso regimine consiliis et auxiliis oportunis continue et fideliter assistendo maximos utrobique sustinendo labores pariter et expensas et premissis attenta meditacione pensatis ac aliis causis plurimis que animum nostrum ad id inducunt necnon ob specialem affeccionem quam ad personam ipsius Episcopi condignis ejus meritis gerimus et habemus: de gracia nostra speciali ex mero motu nostro et nostra dicta sciencia concessimus et licenciam dedimus pro nobis et heredibus nostris quantum in nobis est prefatis custodi et scolaribus quod ipsi prioratus cellas terras tenementa redditus ballivas officia pensiones annuitates feoda et advocaciones dictarum cellarum ecclesiarum vicariarum cantoriarum et capellarum ac aliarum possessionum temporalium et spiritualium cum hundredis visibus franciplegii franchesiis libertatibus privilegiis warennis piscariis pasturis et communis et omnibus aliis pertinenciis de viris religiosis et aliis viris ecclesiasticis cujuscunque status condicionis aut proeminencie fuerint alienigenis de potestate Francie et ecclesias eis appropriatas ac earundem ecclesiarum advocaciones infra dictum regnum nostrum Anglie usque ad valorem ducentarum marcarum per annum secundum taxacionem decime que est de recordo in Scaccario nostro adquirere possint: Habendum et tenendum dicta prioratus cellas terras tenementa redditus ballivas officia pensiones annuitates feoda advocaciones et alias possessiones cum hundredis visibus franciplegii franchesiis libertatibus privilegiis warennis piscariis pasturis et communis et omnibus aliis pertinenciis prefatis custodi et scolaribus et eorum successoribus imperpetuum de

nobis et heredibus nostris et de aliis de quibus ad presens tenentur in puram et perpetuam elemosinam:

Et quod dicti custos et scolares et eorum successores possint tales ecclesias sic appropriatas recipere et ecclesias illas sibi appropriare et easdem ecclesias cum omnibus suis juribus et pertinenciis habere et tenere in proprios usus sibi et eorum successoribus imperpetuum adeo plene sicut dicti religiosi seu viri ecclesiastici ecclesias ipsas in proprios usus suos possident de presenti licet dicta prioratus celle terre tenementa redditus ballive officia pensiones annuitates feoda advocaciones ecclesie et possessiones hundreda visus franciplegii franchesii libertates privilegia warenne piscarie pasture et commune fuerint de nostris patronatu fundacione dono seu collacione nostri sive progenitorum nostrorum in liberam elemosinam seu alio modo vel de patronatu fundacione dono aut collacione alterius cujuscunque non obstante guerra inter nos et nostrum adversarium Francie et nostra possessione dictorum prioratuum cellarum terrarum tenementorum reddituum ballivarum officiorum pensionum annuitatum feodorum advocacionum et aliarum possessionum temporalium et spiritualium ecclesiarum appropriatarum hundredorum visuum franciplegii franchesiarum libertatum privilegiorum warennorum piscariorum pasturarum et communarum sive ad firmam dimissa fuerint sive non: et non obstante statuto de terris et tenementis ad manum mortuam non ponendis edito seu alio statuto ordinacione vel causa quacunque: et quod dicti custos et scolares et eorum successores post adquisiciones hujusmodi per ipsos factas quieti sint et exonerati imperpetuum de omnimodis redditibus firmis pensionibus annualibus corrodiis solucionibus et aliis omnibus quibuscunque nobis aut heredibus nostris quoquo modo inde debitis sive pertinentibus aut reservatis vel reservandis modo quocunque.

In cujus rei testimonium has literas nostras fieri fecimus patentes. Teste me ipso apud Westmonasterium sextodecimo die Junii anno regno nostri duodecimo.

F

Royal Charter conferring further Powers of acquiring Land. Dated Mar. 1, 16 Ric. II. (A.D. 1393.)

RICARDUS Dei gracia Rex Anglie et Francie et dominus Hibernie Omnibus ad quos presentes litere pervenerint salutem. Sciatis quod de gracia nostra speciali concessimus et licenciam dedimus pro nobis et heredibus nostris quantum in nobis est venerabili in Christo patri Willelmo de Wykeham Episcopo Wynton. quod ipse placeam terre cum pertinenciis in Soka Wynton. quam quidem placeam terre predictus Episcopus tenet de nobis ut parcellam temporalium Episcopatus sui Wynton. qui de patronatu nostro et de fundacione progenitorum nostrorum existit et que placea terre est parcella vie regie et que placea terre est adjacens collegio vocato “Seinte Marie College of Wynchestre" juxta Wynton. in parte boreali et se extendit a muro hospitalis vocati Susterne Spytel de Prioratu sancti Swithuni Wynton. in Soka predicta versus partes occidentales in longitudine usque ad ripariam versus orientem que quidem riparia currit a molendinis infra dictum prioratum Sancti Swithuni Wynton. versus partes australes et que quidem placea terre continet in longitudine ducentos pedes et in latitudine in occidente duodecim pedes et in latitudine in oriente duodecim pedes ut dicitur dare possit concedere et assignare custodi et scolaribus et successoribus suis de prefato Episcopo et successoribus suis in liberam puram et perpetuam elemosinam imperpetuum.

Et predictis custodi et scolaribus quod ipsi eandem placeam terre cum pertinenciis a predicto Episcopo in forma predicta

recipere et placeam illam ad situm predicti collegii sui includere et eam sic inclusam tenere possint sibi et dictis successoribus imperpetuum tenore presencium.

Similiter licenciam dedimus specialem ac eciam concessimus et licenciam dedimus pro nobis et heredibus nostris predictis quantum in nobis est dilectis nobis in Christo Priori et conventui ecclesie Sancti Swithuni Wynton. quod ipsi dare possint concedere et assignare predictis custodi et scolaribus collegii predicti unam rodam terre cum pertinenciis in Soka Wynton. que quidem roda terre est parcella temporalium prioratus predicti qui de fundacione dictorum progenitorum existit; habenda et tenenda predictis custodi et scolaribus et eorum successoribus in liberam puram et perpetuam elemosinam imperpetuum.

Et eidem custodi et scolaribus quod ipsi eandem rodam terre cum pertinenciis a predicto Priore et conventu recipere possint et tenere sibi et successoribus suis predictis in forma predicta imperpetuum tenore presencium.

Similiter licenciam dedimus specialem statuto de terris et tenementis ad manum mortuam non ponendis edito seu aliis premissis vel eorum aliquo non obstante, nolentes quod predictus Episcopus vel successores sui seu dicti custos et scolares vel successores sui aut predictus Prior et conventus vel eorum successores racione statuti predicti seu aliquorum aliorum premissorum per nos vel heredes nostros justiciarios escaetores vicecomites aut alios ballivos seu ministros nostros vel heredum

nostrorum quoscunque inde occasionentur molestentur in aliquo seu graventur.

In cujus rei testimonium has literas nostras fieri fecimus patentes.

Teste me ipso apud Westmonasterium primo die Marcii anno regni nostri sextodecimo.