Charter of Privileges. Dated Sept. 28, 19 Ric. II. (A.D. 1395.)

RICARDUS dei gracia Rex Anglie et Francie et dominus Hibernie archiepiscopis episcopis abbatibus prioribus ducibus. comitibus baronibus justiciariis vicecomitibus prepositis ministris et omnibus ballivis et fidelibus suis salutem. Sciatis quod cum venerabilis in Christo pater Willelmus de Wykeham episcopus Wyntoniensis caritatis et devocionis fervore succensus quoddam collegium unius custodis et septuaginta scolarium grammaticam addiscentium in Soka Wynton. juxta Wynton., "Seinte Marie College of Wynchestre" juxta Wynton. vulgariter nuncupatum nostra mediante licencia de novo jam fundaverit, et collegium illud pro sustentacione custodis et scolarium loci illius et decem capellanorum perpetuorum trium capellanorum conducticiorum triumque clericorum ibidem ac supportacione onerum eidem incumbencium quibusdam possessionibus spiritualibus et temporalibus dotaverit, eisdemque custodi scolaribus et capellanis et successoribus suis ac collegio predicto terras tenementa ac possessiones ampliora dare concedere et assignare regia licencia optenta disposuerit Domino concedente; Nos ad fructum multiplicem quem persone literarum studiis insistentes in augmentum divini cultus et fidei catholice ac utilitatem tam rei publice quam private multipliciter producere dinoscuntur oculos nostre mentis prout decet regiam magnificentiam pie dirigentes; cupientesque laudabile propositum ipsius episcopi in hac parte ex favore regio feliciter promovere; et ut operis tam perfecti meritis participemur et premiis ex mero motu nostro ad laudem

Dei ac gloriose Virginis Marie matris ejus in cujus honore predictum collegium fundatur; de gracia nostra speciali ac ob affectionem persone ipsius Episcopi quia obsequia fructuosa nobis et regno nostro a longo tempore non absque sumptuosis et indefessis laboribus sui corporis maximo detrimento vehementi diligencia solerter et fideliter impendit, Volentes collegium predictum ad utilitatem et decorem ejusdem ac tranquillitatem et quietem custodis scolarium et capellanorum ejusdem loci et successorum suorum oportunis fulciri presidiis ac libertatibus et immunitatibus communiri concessimus pro nobis et heredibus nostris et hac carta nostra confirmavimus Custodi scolaribus et capellanis predicti collegii vocati "Seinte Marie College of Wynchestre" juxta Wynton. quod ipsi et eorum successores et omnes homines et tenentes sui quieti sint imperpetuum de theolonio panagio pontagio cariagio muragio passagio paiagio lastagio stallagio taillagio pesagio picagio terragio scotto et geldo hidagio scutagio et de operacionibus castrorum parcorum et poncium clausuris facturis reparacionibus et emendacionibus, domuum regalium edificacione, necnon de sectis comitatuum hundredorum et wapentachiorum et de omnimodis auxiliis regum ac vicecomitum et ballivorum suorum; et de visu franciplegii; ac de murdro et de communi misericordia quando contigerit comitatus coram nobis vel aliquibus justiciariis nostris vel heredum nostrorum de banco vel itinerantibus in misericordiam nostram incidere; et de omni alia consuetudine per totum regnum et potestatem nostram.

Concessimus insuper pro nobis et heredibus nostris prefatis Custodi scolaribus et capellanis quod ipsi sint quieti imperpetuum de omnibus et omnimodis auxiliis subsidiis contribucionibus quotis et tallagiis que ab ipsis racione terrarum tenementorum et reddituum aut bonorum et catallorum suorum que nunc habent et ex nunc sunt habituri per nos vel heredes nostros aut ballivos seu ministros nostros vel heredum nostrorum quoscunque ad opus nostrum vel ipsorum heredum nostrorum exigi deberent seu poterunt in futuro. Et quod

quandocunque clerus regni nostri Anglie aut Cantuariensis provincie per se vel Eboracensis provincie per se decimam subsidium seu aliam quotam quamcunque de bonis suis spiritualibus et ecclesiasticis, vel communitates comitatuum regni nostri aut cives seu burgenses civitatum et burgorum dictorum comitatuum ipsius regni decimam quintamdecimam subsidium seu aliam quotam quamcunque de bonis suis temporalibus seu mobilibus aut de terris tenementis seu redditibus suis nobis vel heredibus nostris qualitercunque concesserint; seu nos vel heredes nostri dominica nostra per Angliam fecerimus talliari; aut dominus summus pontifex qui pro tempore fuit decimam subsidium et imposicionem seu quotam aliam clero regni predicti aut Cantuariensis vel Eboracensis provinciarum predictarum imposuerit vel fecerit; et eam vel aliquam partem ejusdem nobis vel heredibus nostris concesserit; terre tenementa redditus ac bona et catalla ipsorum custodis scolarium et capellanorum et successorum suorum quecunque ad opus nostrum vel heredum nostrorum non taxentur nec aliquid de decimis quintidecimis subsidiis imposicionibus aut aliis quotis seu tallagiis predictis quoquo modo ad opus nostrum vel heredum nostrorum levetur; nec iidem custos scolares et capellani vel eorum successores in terris tenementis redditibus et possessionibus seu bonis suis predictis hiis occasionibus distringantur molestentur in aliquo seu graventur; set de decimis quintidecimis subsidiis imposicionibus ac aliis quotis et tallagiis hujusmodi imperpetuum sint quieti.

Concessimus insuper pro nobis et heredibus nostris et hac carta nostra confirmavimus prefatis custodi scolaribus et capellanis quod ipsi et successores sui imperpetuum habeant et teneant collegium predictum ac omnes domos et edificia que ibidem jam habent et ex nunc ipsos habere continget libera et quieta de liberacione tam seneschallorum marescallorum et aliorum ministrorum nostrorum et heredum nostrorum quam marescallorum emptorum provisorum et ministrorum magnatum regni nostri et aliorum quorumcunque.

Ita quod senescalli marescalli et alii ministri nostri vel heredum nostrorum seu magnatum aut aliorum predictorum quorumcunque in eisdem alicubi liberacionem aliquam ad opus nostrum vel heredum nostrorum seu alicujus alterius non faciant quovis modo. Et quod nullus comes baro seu magnas dicti regni aut aliunde vel senescalli marescalli seu escaetores vicecomites coronatores aut alii ballivi seu ministri nostri vel heredum nostrorum seu ballivi et ministri eorundem escaetorum vicecomitum et coronatorum aut aliorum quorumcunque seu quivis alius cujuscunque status vel condicionis fuerit colore aliquo in eisdem aut inhospitentur vel morentur: et ne bona et catalla collegii predicti que Custos scolares et capellani loci illius jam habent vel ipsi aut successores sui sunt decetero habituri per provisores emptores seu captores victualium aut aliarum rerum pro hospicio nostro vel heredum nostrorum seu aliorum quorumcunque capiantur vel dissipentur dictum collegium ac custodem scolares et capellanos ejusdem loci qui pro tempore fuerint necnon terras tenementa redditus et possessiones eisdem collegio custodi scolaribus et capellanis jam collata et ex nunc eisdem vel successoribus dictorum custodis scolarium et capellanorum conferenda danda et assignanda ac bona et catalla collegii illius ubicunque existencia in nostram proteccionem suscepimus specialem;

Volentes et concedentes pro nobis et heredibus nostris quod de bladis fenis equis carectis cariagiis victualibus aut aliis bonis catallis seu rebus ipsius collegii aut predictorum custodis scolarium et capellanorum vel successorum suorum seu hominum servientium vel ministrorum suorum ad opus nostrum. vel heredum nostrorum aut aliorum quoruncunque contra voluntatem eorundem custodis scolarium et capellanorum seu successorum vel hominum serviencium aut ministrorum suorum per provisores seu emptores vel captores hujusmodi aut alios ballivos seu ministros nostros vel heredum nostrorum quoscunque aut cujuscunque alterius quidquam minime capiatur abducatur nec aliqualiter asportetur.

Et insuper concessimus pro nobis et heredibus nostris prefatis custodi scolaribus et capellanis quod ipsi seu successores sui ad pensionem corrodium seu sustentacionem aliquam alicui de domo sua predicta aut aliis terris tenementis redditibus possessionibus seu rebus suis ad rogatus vel mandata nostra aut heredum nostrorum percipiendis concedenda ministranda seu invenienda nullatenus teneantur nec ad hoc quomodolibet compellantur set de pensionibus corrodiis et sustentacionibus ac aliis oneribus hujusmodi imperpetuum sint quieti.

Quare volumus et firmiter precipimus pro nobis et heredibus nostris quod predicti custos scolares et capellani omnes et singulares libertates et quietancias supradictas habeant et teneant sibi et successoribus suis et eis plene libere et pacifice gaudeant et utantur imperpetuum sicut predictum est.

2

Hiis testibus venerabilibus patribus W. Cantuar.1 tocius Anglie primate, Th. Ebor. Anglie primate cancellario nostro, archiepiscopis; R. London., R. Cicest., Tid. Wygorn., E. Exon., custode privati sigilli nostri, episcopis; Edmundo duce Ebor. avunculo nostro; Edvardo Rutlandies, Johanne de Holond Huntyngdonie, fratre nostro, Thoma de Mowbray, Notynghamie, et marescallo Anglie, comitibus; Thoma de Percy, senescallo hospicii nostri, et aliis.

Data per manum nostram apud Westmonasterium vicesimo octavo die Septembris anno regni nostri decimo nono.

1 William Courtney. Richard Mitford.

2 Thomas Fitzalan de Arundel.
5 Tideman de Winchcomb.

3 Robert Braybrooke. 6 Edmund Stafford.

8 Son

Edmund de Langley, Earl of Cambridge, created Duke of York in 1385. and heir of the Duke of York. * Sir John Holond, the King's half-brother, created Earl of Huntingdon in 1388.