Ad II. Serventur Rubricae. Ad III. Servetur loci consuetudo. Et ita rescripsit. Die 4 Maii 1882.

BARCINONEN.

Rme Dňe uti Frater, exposuit quidam Parochus Civitatis Barcinonen. eam in nonnullis istius Dioeceseos Paroeciis invaluisse consuetudinem, qua in administratione Sacramenti Matrimonii benedictio annuli omitti soleat, siquidem illum Sponsi ob suam paupertatem non deferant benedicendum prouti in Rituali praescribitur; unde fit ut a Parochis tali omisso ritu neque insequentes Orationes proferantur. Quare idem Parochus haec Dubia S. Rituum Congregationi pro opportuna declaratione, humillime proponere duxit, nimirum:

1. Utrum Orationes, quae incipiunt Confirma hoc Deus et desinunt per Oremus Respice, partem constituant Benedictionis annuli?

II. Et quatenus affirmative, utrum omittendae sint, quoties non fiat Benedictio annuli?

III. Et quatenus negative, utrum recitandae sint, etiamsi eadem Benedictio omittatur ob defectum annuli?

Sacra vero Rituum Congregatio ad relationem infrascripti Secretarii, audita sententia alterius Apostolicarum Caeremoniarum Magistris et Rmi Assessoris Congregationis ipsius, hisce Dubiis sic rescribere rata est;

Ad I. Negative.

Ad II. et III. Provisum in primo. Censuit tamen pastorali Amplitudini Tuae sollicitudini commendare, ut consulere velit quatenus eiusmodi ritus Benedictionis annuli nunquam omittatur, vel praecipiendo Parochis ut unum annulum semper secum teneant, qui Sponsis eo deficientibus pro tali benedictione rite explenda tradatur, vel eosdem monendo, ut illum saltem ex metallo infimi valoris sibi provideant.

Romae die 4 Maii 1882.

Rmo Domino uti Fratri Episcopo Barcinonensi.

BONEAREN.

Hodiernus sacrarum Caeremoniarum Magister Metropolitanae Ecclesiae Bonearen. de consensu sui Rmi Archiepiscopi, a Sacra Rituum Congregatione humillime petiit num tolerari valeant insequentes consuetudines nimirum:

I. Incessus Canonicorum in Processionibus Rogationum, qui non bini et bini, prout Caeremoniale Episcoporum docet; sed hinc inde ad latus Archiepiscopi, eo quod iste cappa tantum, illi vero pluvialibus induti assistunt?

II. Ut in iisdem Processionibus, Parochi immediate ante Archiepiscopum viam faciant, et non Clerus Ecclesiae Cathedralis; quia illi pluvialibus operti, isti autem superpelliceo incedunt?

III. Incessus Confraternitatis Sanctissimi Sacramenti post Baldacchi

num, vel hinc inde ad latus Cleri in Processionibus Corporis Christi, et quae singulis mensibus Dominica quarta fieri solent?

Insuper hoc Dubium solvendum proposuit, scilicet: An permitti possint adsistentes Cleri in presbyterio, partim superpelliceo induti, partim vero non?

Sacra vero Rituum Congregatio, referente Secretario, audita sententia alterius ex Apostolicarum Caeremoniarum Magistris, sic respondendum censuit:

Expositae consuetudines, excepta secunda, non esse tolerandas, et Caeremoniale Episcoporum omnino servandum.

Ad dubium vero Negative. Atque ita respondit, et rescripsit. Die 4 Maii 1882.

BREVE APOSTOLICUM

Quo una eademque constituitur formula absolutionis tum generalis tum in articulo mortis, et benedictionis papalis, adhibenda penes Tertiarios Franciscales aliasque eiusdem Ordinis familias, nec non penes alios Regulares Ordines ac Tertiarios ad ipsos pertinentes.

LEO PP. XIII.

AD FUTURAM REI MEMORIAM.

Quo universi utriusque sexus fideles in tertium s. Francisci Asisinatis Ordinem adscripti easdem le

ges eosdemque ritus in obeundis instituti sui functionibus adhibere possint, enchiridion seu manuale unicum typis edere visum est. Multiplices vero sub eiusdem manualis editionem exortae sunt de absolutionis tum generalis, tum in articulo mortis, tum de Papalis benedictionis formulis controversiae, ad quas dirimendas Consilio Venerabilium Fratrum Nostrorum S. R. E. Card. Indulgentiis Sacrisque Reliquiis praepositorum nonnulla proposita sunt dubia seu quaestiones. Hinc Consilium idem consideratis perpensisque omnibus, quid de huiusmodi quaestionibus deliberaverit per Secretarium suum ad Nos referendum curavit. Nos autem, quibus salutare frugiferumque tertii Ordinis s. Francisci sodalitium in deliciis semper fuit, Nobisque summopere cordi est, ut illud sanctas sui instituti leges ritusque observet, atque in dies, hisce praesertim temporibus, propagetur et incrementa suscipiat, memorati Consilii deliberationem probavimus, eamque omnibus per Congregationis Venerabilium Fratrum Nostrorum S. R. E. Cardinalium Sacris Ritibus tuendis cognoscendis decretum indicendum censuimus. Nostris mandatis obsequens Congregatio, sibique demandatum munus meliori quo fieri possit modo explere cupiens, opportunum in primis duxit omnes et singulas benedictionis et absolutionis generalis expendere formulas, quae nedum

penes Tertiarios Franciscales, verum etiam apud alias eiusdem Ordinis familias, imo et alios Regulares Ordines ac Tertiarios ad ipsos pertinentes essent in usu, quo unam eamdemque ab omnibus in posterum respective in eiusmodi benedictionibus et absolutione adhibendam formulam concinnaret. Quamobrem praefata Congregatio omnes, quorum intersit monendos putavit, ut casu notatu dignum iudicassent, intra congruum tempus eidem Congregationi subiiceret. Exacto inde triennio, quum nihil ex parte alicuius ex dictis Ordinibus obiectum sit, Congregatio Sacris Ritibus praeposita, accurate omnibus diligenter inspectis et expensis, quae sequuntur decrevit nempe: I. Pro Absolutione in articulo mortis retineatur in omnibus formula praescripta in Constitutione sa. me. Benedicti Papae XIV. Pia Mater, addito tantum ad Confiteor nomine Sancti proprii Fundatoris: II. Benedictio Summi Pontificis nomine impertienda detur cum formula approbata in Constitutione eiusdem sa. me. Benedicti XIV. Exemplis Praedecessorum, sed nonnisi bis in anno, et sub conditione quod haec Benedictio nunquam detur eodem die et in eodem loco ubi Episcopus eam impertiat: III. In Absolutione generali pro Regularibus cuiuscumque Ordinis, atque in Benedictione cum Indulgentia plenaria pro Tertiariis Saecularibus adhibeantur omnino duae insequentes formulae a Rmo

Assessore ipsius Sacrae Congregationis propositae atque ab eadem approbatae, abrogatis penitus et suppressis quibuscumque aliis formulis hucusque usitatis, videlicet:

Formula Absolutionis generalis pro Regularibus cuiuscumque Ordinis hoc privilegio fruentibus.

Ant. Ne reminiscaris, Domine, delicta nostra, vel parentum nostrorum; neque vindictam sumas de peccatis nostris.

Kyrie eleison.
Christe eleison.
Kyrie eleison.
ỳ. Pater noster.

. Et ne nos inducas in tentationem.

R. Sed libera nos a malo.

. Ostende nobis Domine, misericordiam tuam.

R). Et salutare tuum da nobis. . Domine exaudi orationem

meam.

R). Et clamor meus ad te veniat.

. Dominus vobiscum. R). Et cum spiritu tuo.

OREMUS.

Deus, cui proprium est misereri semper et parcere: suscipe deprecationem nostram: ut nos et omnes famulos tuos, quos delictorum catena constringit, miseratio tuae pietatis clementer absolvat.

Exaudi, quaesumus Domine supplicum preces, et confitentium

tibi parce peccatis: ut pariter nobis indulgentiam tribuas benignus et pacem.

Ineffabilem nobis, Domine, misericordiam tuam clementer ostende: ut simul nos et a peccatis omnibus exuas, et a poenis, quas pro his meremur, eripias.

Deus qui culpa offenderis, poenitentia placaris: preces populi tui supplicantis propitius respice; et flagella tuae iracundiae, quae pro peccatis nostris meremur averte. Per Christum Dominum nostrum. Amen.

Completis precibus, ab uno ex adstantibus dicitur Confiteor, addito nomine proprii Fundatoris. Deinde sacerdos dicit:

Misereatur vestri etc. Indulgentiam, absolutionem etc.

Postea subiungit:

Dominus Noster lesus Christus per merita suae sacratissimae passionis vos absolvat et gratiam suam vobis infundat. Et ego auctoritate ipsius, et Beatorum Apostolorum Petri et Pauli et Summorum Pontificum Ordini nostro ac vobis concessa, et mihi in hac parte commissa, absolvo vos ab omni vinculo excommunicationis maioris vel minoris, suspensionis et interdicti, si quod forte incurristis, et restituo vos unioni et participationi fidelium nec non sacrosanctis Ecclesiae Sacramentis. Item eâdem auctoritate absolvo vos ab omni transgressione votorum et regulae, constitutionum, ordinationum et admo

nitionum maiorum nostrorum, ab omnibus poenitentiis oblitis, seu etiam neglectis, concedens vobis remissionem omnium peccatorum, quibus contra Deum et proximum fragilitate humana, ignorantiâ, vel malitiâ deliquistis, ac de quibus iam confessi estis: In nomine Patris et Filii et Spiritus Sancti. Amen.

Formula benedictionis cum Indulgentia plenaria pro Tertiariis Saecularibus ceterisque omnibus communicationem privilegiorum et gratiarum cum iisdem, vel cum Regularibus cuiuscumque Ordinis habentibus.

Antiph. Intret oratio mea in conspectu tuo, Domine, inclina aurem tuam ad preces nostras; parce Domine, parce populo tuo, quem redemisti sanguine tuo pretioso, ne in aeternum irascaris nobis.

Kyrie eleison. Christe eleison. Kyrie eleison. Pater noster.

. Et ne nos inducas in tentationem.

R). Sed libera nos a malo. . Salvos fac servos tuos. R). Deus meus sperantes in te. . Mitte eis Domine auxilium de Sancto.

R). Et de Sion tuere eos.

. Esto eis Domine turris for

titudinis.

R). A facie inimici.

. Nihil proficiat inimicus in nobis.

R). Et filius iniquitatis non apponat nocere nobis.

meam.

niat.

R). Et clamor meus ad te ve

. Dominus vobiscum. R). Et cum spiritu tuo.

OREMUS.

Deus, cui proprium est misereri semper et parcere: suscipe deprecationem nostram; ut nos, et omnes famulos tuos, quos delictorum catena constringit, miseratio tuae pietatis clementer absolvat.

Exaudi, quaesumus Domine, supplicum preces, et confitentium tibi parce peccatis: ut pariter nobis indulgentiam tribuas benignus et pacem.

Ineffabilem nobis, Domine, misericordiam tuam clementer ostende: ut simul nos et a peccatis omnibus exuas, et a poenis, quas pro his meremur, eripias.

Deus qui culpa offenderis, poenitentia placaris: preces populi tui supplicantis propitius respice; et flagella tuae iracundiae, quae pro peccatis nostris meremur, averte. Per Christum Dominum Nostrum. Amen.

Dicto deinde:

Confiteor etc. Misereatur etc.

Indulgentiam etc.

Sacerdos prosequitur:

Amen.

Per sacratissimam Passionem et Mortem Domini Nostri Iesu Christi; precibus et meritis Beatissimae semper Virginis Mariae, Beatorum Apostolorum Petri et Pauli, Beati Patris Nostri N. et omnium Sancto

rum, auctoritate a Summis Pontificibus mihi concessa, plenariam Indulgentiam omnium peccatorum vestrorum vobis impertior. In nomine Patris et Filii et Spiritus Sancti. Amen.

Si haec Indulgentia immediate post Sacramentalem absolutionem impertiatur, reliquis omissis, Sacerdos absolute incipiat a verbis: Dominus Noster lesus Christus etc. et ita prosequatur usque ad finem, plurali tantum numero in singularem immutato.

Nos huiusmodi memoratae Congregationis decretum omnino ratum habemus, et Apostolica Auctoritate Nostra, harum Litterarum vi, probamus, confirmamus, sancimus, illudque ab omnibus et in omnibus hoc futurisque temporibus servari iubemus. Decernentes has Litteras Nostras semper firmas, validas, et efficaces exsistere ac fore, suosque plenarios et integros effectus sorliri et obtinere sicque in praemis