78. Hinc laudabiliter in quibusdam Catholici nominis regionibus lege cautum est ut hominibus illuc immigrantibus liceat publicum proprii cujusque cultus exercitium habere. Alloc. Acerbissimum, 27 Septembris 1852. 79. Enimvero falsum est, civilem cujusque cultus libertatem, itemque plenam potestatem omnibus attributam quaslibet opiniones cogitationesque palam publiceque manifestandi conducere ad populorum mores animosque facilius corrumpendos ac indifferentismi pestem propagandam. Alloc. Numquam fore, 15 Decembris 1856. 80. Romanus Pontifex potest ac debet cum progressu, cum liberalismo et cum recenti civilitate sese reconciliare et componere. Alloc. Jamdudum cernimus, 18 Martii 1861. APPENDIX IV. [Ad. pag. 75. n. 33.] DECRETUM SUPER USU FORMULAE BREVIORIS IN BAPTISMO ADULTORUM. Cum Archiepiscopi et Episcopi Hiberniae in Plenaria Synodo Maynutiana, attentis multis difficultatibus, quibus forma baptismi adultorum, quae in Rituali Romano praescribitur, praecipue in casu conversorum ad fidem obnoxia est, humiliter S. Sedi supplicaverint, ut forma breviori et magis accommodata conversis uti ipsis liceat; SSmus Dominus Pius Divina Providentia PP. IX., referente me infrascripto Sacrae Congregationis de Propaganda Fide Pro-Secretario, in audientia diei 3 Septembris currentis anni 1876 impertiri dignatus est ad quinquennium facultatem utendi in adultis sacro fonte abluendis breviori formula pro baptismate parvulorum in Rituali Romano praescripta, omissa longiori pro adultis ibidem statuta, quando aliquod incommodum exinde obventurum timeatur, dictamque facultatem Sacerdotibus sibi subditis subdelegandi, monitis tamen iisdem Praesulibus, ut sensim sine sensu ad Ritualis Romani normam redire satagant. Contrariis quibusque neutiquam obstantibus. Datum Romae ex Aed. S. C. de Prop. Fide die 1 Septembris 1876. LOC. SIG. ALEXANDER CARD. FRANCHI, Praef. APPENDIX V. [Ad. pag. 76, n. 39.] DE PROFESSIONE FIDEI ET ABSOLUTIONE HAERETICORUM. I. Proposito dubio R. P. D. Epi. Philadelphiae circa professionem fidei ac absolutionem haereticorum dum convertuntur, feria iv. die 20 Julii 1859, Emi DD. decreverunt dandam esse instructionem prout sequitur: In conversione haereticorum inquirendum 1° De validitate Baptismi in haeresi suscepti. Instituto igitur diligenti examine, si compertum fuerit aut nullum aut nulliter collatum fuisse, baptizandi erunt absolute. Si autem investigatione peracta adhuc probabile dubium de baptismi validitate supersit, tunc sub conditione iteratur. Demum si constiterit validum fuisse, recipiendi erunt tantummodo ad abjurationem seu professionem fidei. Triplex igitur in conciliandis haereticis distinguitur procedendi methodus. 1° Si Baptismus absolute conferatur, nulla requiritur abjuratio, nec absolutio, eo quod omnia abluat sacramentum regenerationis. 2° Si Baptismus sit sub conditione iterandus, hoc ordine procedendum erit. (A). Abjuratio seu Fidei professio. (B). Baptismus conditionatus. (c). Confessio Sacramentalis cum absolutione conditionata. 3° Quando denique validum judicatum fuerit baptisma, sola recipitur abjuratio seu fidei professio quam absolutio a censuris sequitur. Notandum vero abjurationem seu professionem fidei aliam esse ab ea quae habetur in Bulla Pii IV. Nam a Suprema S. C. S. Officii praescripta fuit illa quae adnectitur pro conversione haereticorum, eaque utetur Epus. Orator cum formula absolutionis quae pariter adjungitur. N.B.-Quoad professionem fidei vide folium typis editum, atque heic imprimendum: quoad vero formulam absolutionis, en modus quo proceditur : Neo-converso genuflexo manente, Sacerdos sedens dicit Ps. Miserere, etc.. sive Ps. De Profundis, etc., cum Gloria Patri in fine. Quo finito Sacerdos stans dicit: Kyrie eleison. Christe eleison. Kyrie eleison. Pater noster. (Secreto). V. Et ne nos inducas in tentationem. R. Sed libera nos a malo. V. Salvum fac servum tuum (vel ancillam tuam.) R. Deus meus sperantem in te. V. Domine, exaudi orationem meam. R. Et clamor meus ad te veniat. V. Dominus vobiscum. R. Et cum spiritu tuo. OREMUS. Deus cui proprium est misereri semper et parcere, suscipe deprecationem nostram, ut hunc famulum tuum (hanc famulam tuam) quem (quam) excommunicationis catena constringit, miseratio tuae pietatis clementer absolvat. Per Dominum, etc. Deinde Sacerdos sedet, et ad Profitentem genuflexum versus, eum ab haeresi absolvit dicens. Auctoritate Apostolica, qua fungor in hac parte, absolvo te a vinculo excommunicationis quam1 incurristi, et restituo 'In dubio gravi aut levi utrum poenitens excommunicationem incurrerit per haeresim professam, Sacerdos hic inserat vocabulum forsan. te Sacrosanctis Ecclesiae Sacramentis, communioni, et unitati fidelium. In nomine Patris, et Filii et Spiritus Sancti. R. Amen. Denique abjuranti aliquam Poenitentiam salutarem injungat, ex. gr. aliquas preces, visitare Ecclesiam, aut similia. I, of II. PROFESSION OF FAITH. , son (daughter) of , of the age years, on my knees before you, Most Reverend Father of the order of Friars Preachers, Master in holy Theology, and Commissioner-General of the Holy Roman and Universal Inquisition, having before my eyes the Holy Gospels which I touch with my hands, and knowing that no one can be saved without that faith which the Holy Catholic Apostolic Roman Church holds, believes, and teaches, against which I grieve that I have greatly erred, inasmuch as, born of parents who were out of the said Church, I have held and believed doctrines opposed to her teaching. I now, with grief and contrition, profess that I believe the Holy Catholic Apostolic Roman Church to be the only and true Church established on earth by JESUS CHRIST, to which I submit myself with my whole heart. I believe all the articles that She proposes to my belief, and I reject and condemn all that She rejects and condemns, and I am ready to observe all that She commands me, and especially I profess that I believe : One only God in Three Divine Persons, distinct from, and equal to, each other, that is to say-the Father, the Son, and the Holy Ghost. The Catholic doctrine of the Incarnation, Passion, |