Sayfadaki görseller
PDF
ePub

APPENDIX XVI.

[Ad. pag. 105, n. 173.]

FORMULAE LITTERARUM QUAS EPISCOPI APUD SE RETINERE DEBENT.

FORMA I.

Institutio Parochi.

Dilecto Nobis in Christo Reverendo N. Presbytero Dioecesis N. salutem in Domino.

Cum Ecclesia Parochialis N. quam Rev. Presb. N. illius ultimus et immediatus Titularis ac possessor, obtinebat per vacaverit et vacet in praesens; Nos, ne divinus cultus in dicta Ecclesia detrimentum patiatur providere volentes, auctoritate ordinaria et alias omni meliori modo, quo melius validiusque possumus, Tibi apud Nos de vitae et morum honestate aliisque laudabilibus probitatis et virtutum meritis multipliciter commendato, praedictam Ecclesiam Parochialem N. cum omnibus juribus et pertinentiis suis universis, per praesentes, conferimus et assignamus; in illaque Te cum juris plenitudine Parochum instituimus.

Monitum te insuper volumus ex speciali mandato nostro ut irreprehensibilem te praebeas et oves Tibi concreditas cognoscas, custodias, pascas verbo, exemplo, Sacramentis. Memineris Te in ista Paraecia administranda futurum participem et socium laborum, curae et pastoralis officii Nobis in universa Dioecesi commissi. Elaborabis propterea et contendes, ut populus cujus curam una cum Ordinario tuo geres, tamquam purum triticum, auxiliante divina misericordia, congregetur in horrea coelestia.

In quorum fidem, praesentes manu nostra signatas et

per Secretarium nostrum subscriptas, sigilloque episcopali munitas fieri jussimus.

Datum apud N. anno a Nativitate Domini mensis die.

De mandato Illñi et Rmi Dñi Episcopi.

LOC. SIG.

FORMA II.

Secretarius.

Institutio Vicarii Administratoris.

Dilecto nobis in Christo Rev. Presbytero N. Salutem in Domino.

Ne Ecclesia Parochialis N. ob illius vacationem aliquod in divinis patiatur detrimentum, tibi munus Vicarii Spiritualis demandamus, et ut in praefata Ecclesia Parochiali officia omnia Parochialia, illud etiam assistendi occurrentibus matrimoniis, durante illius vacatione exerceas, his Nostris valituris donec Nobis visum fuerit, facultatem concedimus et impertimur: illud te admonentes et hortantes in Domino, ut quae Sacerdotibus et Parochis in Provincialibus ac Dioecesanis Synodis praescripta sunt, diligenter accurateque attendas et observes. In quorum fidem, etc. Datum apud N. ex aedibus Nostris Episcopalibus anno a Nativitate Domini mensis die.

De mandato Illñi et Rmi Dñi Episcopi.

LOC. SIG.

Secretarius.

FORMA III.

Litterae Testimoniales.

Per praesentes omnibus fidem facimus et testamur dilectum Nobis in Christo N. pro tempore in quo in Nostra Dioecesi commoratus fuit, suae probitatis specimen dedisse, bonaque fama, vita et moribus praeditum fuisse, et ex hac Nostra Dioecesi egressum fuisse nullo delicto quod infamiam irroget patrato, nullaque alia Ecclesiastica censura aut alio Canonico impedimento quod sciamus innodatum quominus ad Ordines ad formam Constitutionis Innocentii PP. XII. Speculatores promoveri possit.

In quorum omnium et singulorum fidem has praesentes Litteras manu Nostra subscriptas, sigilloque Nostro et Secretarii Nostri Subscriptione munitas fieri jussimus. Datum N. ex aedibus Nostris, die

De mandato Illñi et Rmi Dñi mei Episcopi.

LOC. SIG.

Secretarius.

FORMA IV.

Litterae Testimoniales ad Religionem ingrediendam.

Reverendo N. salutem in Domino.

Cum certiores Nos reddideris dilectum in Christo filium N. optimam partem eligendo, nomen suum huic praeclarissimo Ordini N. (vel praeclarissimae Congregationi N.)

dare velle; cumque de eodem a Nobis litteras testimonii postulaveris: Nos precibus tuis benigne annuentes, sumptis diligentissime, etiam secreto, ad normam Pontificii Decreti 25 Januarii 1848, informationibus, fidem facimus et testamur, eum nullo matrimonii aut sponsalium vinculo adstrictum, nullatenus inquisitum, non aere alieno gravatum, non reddendae alicujus administrationis rationi obnoxium, nec irretitum censura vel alio Canonico impedimento, quo a perfectiore vitae genere, ad quod laudabiliter tendit, debeat prohiberi; quin imo libenti animo eum declaramus iis esse moribus, vita et fama, ut dignum se praebeat qui in praedictum Ordinem N. (vel praedictam Congregationem N.) cooptetur, spemque Nobis injiciat fore ut ejusdem fini respondeat, optimeque de illo (vel illa) mereatur. In quorum fidem, etc.

[blocks in formation]

Dilecto Nobis in Christo N. nostrae Dioecesis subdito salutem in Domino.

Tibi de legitimo matrimonio, ut Nobis constat, procreato, cujus vita et morum probitas per testificationes Nobis factas comprobantur, ut a quocunque Catholico Antistite gratiam et communionem S. Sedis habente et in propria Dioecesi residente, vel in aliena de licentia Ordinarii loci

promoveri valeas, conferendi, tibique ill

Pontificalia exercente, ut ad eidemque Antistiti praefat suscipiendi licentiam tenore praesentium concedimus et impertimur, attenta tua a Nobis absentia, ac probitatis ac morum testimonio, quod te absente accepimus; servatis tamen ab eodem Antistite S. Concilii Tridentini super hoc decretis, circa examen de te faciendum, approbationem legitimam et interstitia, super quibus conscientiam ejus oneramus.

In quorum omnium et singulorum fidem, has praesentes Litteras manu Nostra subscriptas, sigilloque Nostro et Secretarii Nostri subscriptione munitas fieri jussimus. Datum ex aedibus Nostris die

[blocks in formation]

tionem celebrantes in N. dilectum Nobis in Christo N. vita, moribus, aetate, doctrina, caeterisque per S. Conc. Trid. requisitis idoneum repertum, praeviis exercitiis spiritualibus, ad rite et canonice juxta S. Romanae Ecclesiae ritum in Domino promovisse.

Datum die mensis anni

LOC. SIG.

« ÖncekiDevam »