In VIa Deputatione, scil. de Episcopis.

Emus et Revñus D. ARCHIEPISCOPUS DUBLINENSIS, Praeses.

Illmus et Revñus ARCHIEPISCOPUS ARMACANUS.

CONGREGATIO GENERALIS PRIMA.
Die Secunda Septembris, Feria V.

Hora decima cum dimidio ante meridiem convenerunt Episcopi cum Secretariis et Synodi scriptoribus. Aderant quoque Capitulorum Procuratores, Ordinum Religiosorum Congregationumque Provinciales ac Theologi Episcoporum.

Emus Praeses Congregatos allocutus est de gravitate rerum in Synodo tractandarum, atque de methodo in decretis discutiendis adhibenda; in fine sermonis facultatem excipiendi confessiones, usque ad exitum Synodi, omnibus benigne concessit.

Inde perlegit Secretarius tabulam materiarum in singulis Deputationibus, ut supra traditum est, tractandarum, necnon nomina Synodalium singulis Deputationibus assignatorum; et post haec regulas, jam a Patribus probatas, quas in Deputationibus et in Congregationibus servari oporteret.

Denique dicta Antiphona Sancta Maria finem habuit. Congregatio.

Eadem die hora secunda cum dimidio post meridiem habiti sunt conventus Deputationum.

Die Tertia Septembris Feria VI.

Ante meridiem hora decima cum dimidio, et post meridiem hora secunda cum dimidio, habiti sunt Deputationum conventus.

CONGREGATIO GENERALIS SECUNDA.

Die Quarta Septembris, Sabbato.

Hora decima cum dimidio ante meridiem convenerunt Patres cum officialibus. Aderant quoque Capitulorum Procuratores, Ordinum Religiosorum et Congregationum Provinciales, necnon Episcoporum Theologi.

Perlegit Concilii Secretarius schema a Secretario Deputationis Primae sibi traditum. Post quemque schematis articulum perlectum theologis facta est a Praeside facultas. ut, si quid ipsis dicendum occurreret, suam quisque sententiam libere in medium proferret. Significavit etiam Emus Praeses Patribus licere theologos de singulis articulis interrogare prout ipsis expedire videretur.

Hac facultate ingenue usi sunt Synodales. Variae prolatae sunt animadversiones, emendationesque propositae, quas ab Episcopis in Privata Congregatione perpendendas, in tabulas referre Secretariis mandatum est.

Postquam hac ratione perlecta sunt Caput I. de Fide Catholica, Caput II. de Fidei Professione emittenda, Caput III. de Fidei Periculis evitandis, surgens Illmus et Revmus Episcopus Midensis exposuit quartum hujus schematis caput mox legendum, quod erat de Societatibus Secretis.

non fuisse, sicut tria Capita priora, ab omnibus Deputationis membris sancitum. Contra vero Illmo et Revmo Episcopo Ossoriensi, Deputationis Praesidi, visum est hoc Caput, haud secus ac caetera placuisse Deputationi, omnibus praeter ipsum Episcopum Midensem illud probantibus.

Interrogatis hac de re Deputationis Theologis, neque inter se consentientibus; proposuit Episcopus Corcagiensis ut hoc Caput ad Deputationem remitteretur. Quidam autem Patres censuerunt rem totam referendam ad Privatam Episcoporum Congregationem. Ad suffragia cum ventum est quatuordecim ex utraque parte Patres steterunt. Tunc Praeses Emus cujus erat suffragium decretorium ferre, statuit Caput referendum esse ad Privatam Congregationem Episcoporum.

Dicta oratione Congregatio finem accepit.

CONGREGATIO PRIVATA SECUNDA.

Eodem die hora secunda cum dimidio post meridiem convenerunt Patres cum officialibus.

Perlectum est a Secretario schema de Fide, ut Patres, perpensis et excussis theologorum animadversionibus, de singulis articulis sententiam ferrent. Suggerente Emo Praeside, et annuentibus omnibus, statutum est, ut Patres vota sua surgendo significarent, ita ut surgerent primo qui partem affirmantem, deinde, si qui essent, qui partem negantem tenerent. Qui modus agendi etiam in Congregationibus sequentibus servabatur. In rebus vero gravioribus singulorum suffragia exquirebant Secretarii et in tabulas referebant.

Hac ratione, quibusdam articulis aliquatenus immutatis, capita duo priora simul et caput tertium usque ad articulum 20 inclusive, nemine dissentiente, Patres probaverunt.

Die V. Septembris, Dominica.

Hora undecima antemeridiana habiti sunt Deputationum Conventus.

Die VI. Septembris, Feria II.

Hora decima antemeridiana Missam de Requiem pro Episcopis Hiberniae defunctis qui inde a Concilio Plenario Thurlesiae an. 1850 habito, e vita migraverunt, solemniter celebravit Illmus et Revñus D. Episcopus Clogherensis; cui adstiterunt: Sacerdos assistens, Rev. D. Guillelmus Walsh, S.T.D.; Diaconus et Subdiaconus, RR. DD. Guillelmus White et Joannes M'Donnell.

Hora undecima antemeridiana habiti sunt Deputationum conventus.

CONGREGATIO PRIVATA TERTIA.

Eodem die hora secunda cum dimidio post meridiem convenerunt Patres cum officialibus.

Perlegit Secretarius duo postulata: unum de parvo catechismo cui subscripserant Illmi et et Revmi DD. Episcopi Ossoriensis, Achadensis, et Coadjutor Kildariensis: alterum de quaestione quadam practica, cui subscripserat Illmus et Revñus Episcopus Dunensis et Connorensis: quaestio erat de societate vulgo dicta Foresters. Utrumque Postulatum ad Deputationem de Fide remissum est, sed nihil decisum est.

Perlegit deinde Secretarius articulos Capitis Tertii, de Fidei periculis evitandis a numero 20 usque ad finem capitis quippe in Congregatione Privata Episcoporum nondum excussos. Quibusdam factis emendationibus omnes a Patribus probati sunt. Simili ratione per singulos

articulos perlectum, excussum, emendatum ac demum probatum est Caput De Episcopis, dilato in aliud tempus Capite de Societatibus Secretis.

Tunc dicta oratione omnes dimissi sunt.

Die 7 Septembris, Feria III.

Mane hora decima cum dimidio habiti sunt Deputationum Conventus.

CONGREGATIO PRIVATA QUARTA.

Eodem die hora secunda cum dimidio convenerunt Patres cum Officialibus.

Articulus novus, quem Capiti de Fidei Periculis evitandis inserendum proposuit Episcopus Rapotensis, a Secretario perlectus est. Post brevem disceptationem Secretariis demandatum est ut in Actis Concilii locum habere posset: sed postea tota res arbitrio singulorum Episcoporum relicta est.

Plures deinde articuli novi a Deputatione De Episcopis prolati sunt, quorum singuli perpensi, aliquatenus emendati et demum probati et sanciti fuere.

Perlecto postmodum capite jam memorato de Societatibus Secretis, et proposita ab Eño Praeside quadam immutatione respectu ordinis quo ejusdem articuli inter se necterentur, Episcopus Midensis sententiam suam de hoc capite ingenue in medium protulit. Arbitratus est non expedire Fenianos speciali hujus Synodi Decreto, et verbis adeo severis, damnari. Societatem Fenianorum damnatam et damnandam esse, immo hujus Societatis duces homines. esse scelestissimos et vaferrimos omnino fassus est. Timuit vero ne haec nova denuntiatio animos plurimorum graviter concitaret, et Fenianos jam fractos, et, ut ipsi